ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – សាកលវិទ្យាល័យ Mae Fah Lung នៃប្រទេសថៃ បានប្រកាសផ្ដល់អាហារូបករណ៍ថ្នាក់បរិញ្ញាបត្រចំនួន២កន្លែងសម្រាប់ឆ្នាំសិក្សា២០២៣ ។ អាហារូបករណ៍ផ្ដល់ជូនសម្រាប់សិស្ស-និស្សិតបរទេសដែលមានចំណាប់អារម្មណ៍ក្នុងការដាក់ពាក្យសិក្សានៅប្រទេសថៃ ។
ជំនាញដែលអាហារូបករណ៍ផ្ដល់ជូនរួមមាន អាហារច្នៃប្រឌិតវិទ្យាសាស្រ្ត និងបច្ចេកវិទ្យា, បច្ចេកវិជ្ជាក្រោយការប្រមូលផល និងភស្តុភារ, វិទ្យាសាស្រ្តគ្រឿងសំអាង, បច្ចេកវិទ្យាសម្ភស្ស, សុខភាពបរិស្ថាន, សុខភាពវិទ្យាសាស្រ្ត និងកីឡា, ការអភិវឌ្ឍអន្តរជាតិ និងជំនាញជាច្រើនទៀត ។
បេក្ខជនដែលមានចំណាប់អារម្មណ៍ក្នុងការដាក់ពាក្យគួរមានតាមលក្ខខណ្ឌដូចជា មានសញ្ញាបត្រមធ្យមសិក្សាទុតិយភូមិ ឬសញ្ញាបត្រមានតម្លៃស្មើដែលទទួលស្គាល់ដោយក្រសួងអប់រំ យុវជន និងកីឡា មានសញ្ញាបត្របញ្ជាក់កម្រិតភាសាអង់គ្លេស TOEFL(IBT)72 ពិន្ទុTOEFL(ITP)543 និងពិន្ទុIELTS 6 ។
ជាមួយគ្នានេះបេក្ខជនដែលជាប់អាហារូបករណ៍ត្រូវរក្សាកំណត់ត្រាសិក្សារបស់ខ្លួនទៅតាមអ្វីដែលសាកលវិទ្យាល័យកំណត់ឱ្យដូចជា រក្សាលទ្ធផលសិក្សាយ៉ាងតិច២.៥គ្រប់ឆមាសសិក្សារហូតចប់ថ្នាក់, ជាអ្នកជំនួយការនៅសាលា Mae Fah Luang យ៉ាងតិច៣០ម៉ោង ។ ជាមួយគ្នានេះបេក្ខជនត្រូវតាំងចិត្តឧស្សាហ៍ព្យាយាមសិក្សា និងប្រកបដោយសុជីវធម៌, គោរពបទវិន័យសាលា, ចូលរួមក្នុងសកម្មភាព ឬកម្មវិធីផ្សេងៗរបស់សាកលវិទ្យាល័យ, តាមដាន និងធ្វើបច្ចុប្បន្នភាពជាមួយការប្រកាសរបស់សាកលវិទ្យាល័យ, ត្រូវតែរាយការណ៍លទ្ធផលសិក្សាទៅកាន់ផ្នែកទំនាក់ទំនងសកលជារៀងរាល់ឆមាសក្នុងរយៈពេល ២ សប្តាហ៍បន្ទាប់ពីការប្រកាសថ្នាក់រហូតដល់បញ្ចប់ការសិក្សា, អាចដាក់ពាក្យសុំអាហារូបករណ៍ផ្សេងទៀត ប្រសិនបើការអនុញ្ញាតត្រូវបានផ្តល់ដោយគណៈកម្មាធិការអាហារូបករណ៍តែប៉ុណ្ណោះ ។
ដើម្បីធ្វើការដាក់ពាក្យបេក្ខជនត្រូវភ្ជាប់ជាមួយឯកសារចាំបាច់មួយចំនួនដូចជា សញ្ញាបត្រមធ្យមសិក្សាទុតិយភូមិ វិញ្ញាបនបត្រភាសាអង់គ្លេស (បកប្រែជាភាសាអង់គ្លេស និងថតចម្លង) លិខិតឆ្លងដែនថតចម្លង លិខិតអនុសាសន៍ របាយការណ៍ពិន្ទុជំនាញភាសាអង់គ្លេស ។
ដើម្បីចុះឈ្មោះស្នើពាក្យអាហារូបករណ៍អាចចូលទៅកាន់ https://shorturl.asia/Q9184 ។
សម្រាប់ព័ត៌មានបន្ថែមអាចូលទៅកាន់ https://drive.google.com/file/d/1q2Y-Htk3vhApSV5eHBHWij2atzoPUijt/view ។ ចាប់ទទួលពាក្យពីថ្ងៃផ្សាយដំណឹងនេះរហូតដល់ថ្ងៃទី១៥ ខែឧសភា ឆ្នាំ២០២៣ ៕
