ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សាកលវិទ្យាល័យបច្ចេកវិទ្យា SURANAREE នៃប្រទេសថៃ បានបើកផ្ដល់អាហារូបករណ៍ថ្នាក់បរិញ្ញាបត្រចំនួន២០កន្លែងដល់សិស្សនិស្សិតក្នុងតំបន់អាស៊ានពីកម្មវិធីអាហារូបករណ៍ព្រះមហាក្សត្រថៃឆ្នាំសិក្សា២០២៣ ។ អាហារូបករណ៍ផ្ដល់ជូនកម្មវិធីសិក្សាថ្នាក់បរិញ្ញាបត្រចំនួន៤ឆ្នាំពេញ ។
អាហារូបករណ៍ផ្ដល់ជូនកម្មវិធីសិក្សាចំនួន៤ដូចជា វិស្វកម្មសំណង់ស៊ីវិល វិស្វកម្មមេកានិក វិស្វកម្មគីមីឥន្ធនៈនិងប៉ូលីម័រ និង ជំនាញកសិច្នៃប្រឌិត ។ បេក្ខជនដែលទទួលបានអាហារូបករណ៍នឹងទទួលបានការលើកលែងថ្លៃសិក្សា មានកន្លែងស្នាក់នៅក្នុងបរិវេណសាលា (Accommodation) ធានារ៉ាប់រងសុខភាពនិងគ្រោះថ្នាក់ និងប្រាក់ឧបត្ថម្ភប្រចាំខែ ។
បេក្ខជនដែលមានចំណាប់អារម្មណ៍ក្នុងការដាក់ពាក្យត្រូវមាន ៖ សញ្ញាបត្រមធ្យមសិក្សាទុតិយភូមិ ឬសញ្ញាបត្រមានម្លៃស្មើ មានប្រវត្តិសិក្សាល្អ អាចប្រើប្រាស់ភាសាអង់គ្លេសបានល្អ និងមានសញ្ជាតិក្នុងប្រទេសតំបន់អាស៊ានដូចជា ប្រ៊ុយណេ កម្ពុជា ឥណ្ឌូនេស៊ី ឡាវ ម៉ាឡេស៊ី ភូមា ហ្វីលីពីន សិង្ហបុរី និងវៀតណាម ។
ដើម្បីដាក់ពាក្យ បេក្ខជនត្រូវមាន ព្រឹត្តិបត្តិពិន្ទុនៅវិទ្យាល័យ ប្រតិចារិកសាកលវិទ្យាល័យ(បើមាន) ពិន្ទុភាសាអង់គ្លេសស្តង់ដា(បើមាន) SAT ច្រើនជាង៤០០ TOEFL មិនតិចជាង៦១ និង IELTS ច្រើនជាង៥.០០ ។ សេចក្តីថ្លែងការណ៍នៃគោលបំណងអំពី “Why you want to study un SUT International Programs?”។ សេចក្ដីថ្លែងការណ៍គោលបំណងអំពី “What is the most challenging thing in your life and what you sis to overcome such obstacle?” ជាមួយវីដេអូខ្លីណែនាំអំពីខ្លួនឯងចំនួន១នាទី ឬ២នាទី ។
សម្រាប់ព័ត៌មានលម្អិតអាចចូលទៅកាន់ http://bit.ly/3DgZNSr និង http://cia.sut.ac.th ។ ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី៣១ ខែមីនា ឆ្នាំ២០២៣ ៕
