ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់ឧត្តមសិក្សានៅសាកលវិទ្យាល័យ East China Normal University (ECNU) ពីកម្មវិធីអាហារូបករណ៍សៀងហៃឆ្នាំសិក្សា២០២៤ ដោយអាហារូបករណ៍ផ្ដល់ជូនកម្រិតសិក្សាថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ ថ្នាក់បណ្ឌិត និងកម្មវិធីអាហារូបករណ៍មិនមែនសញ្ញាបត្រ ទៅលើជំនាញលើសិល្បៈសេរី វិទ្យាសាស្រ្ត និងបច្ចេកវិទ្យា សេដ្ឋកិច្ច និងការគ្រប់គ្រងការអប់រំជាដើម។
លក្ខខណ្ឌនៃការដាក់ពាក្យ ជាបេក្ខជនគ្រប់ជាតិសាសន៍ (លើកលែងជនជាតិចិន) មិនធ្លាប់ទទួលបានអាហារូបករណ៍រដ្ឋាភិបាលចិនផ្សេងៗ ត្រូវមានវិញ្ញាបនបត្រ ឬសញ្ញាបត្រភាសាចិន ឬអង់គ្លេសសម្រាប់កម្មវិធីសិក្សាភាសាណាមួយ។ សម្រាប់បេក្ខជនស្នើពាក្យថ្នាក់បរិញ្ញាបត្រត្រូវមានសញ្ញាបត្រមធ្យមសិក្សាទុតិយភូមិ និងមានអាយុក្រោម២៥ឆ្នាំ សម្រាប់បេក្ខជនស្នើពាក្យថ្នាក់បរិញ្ញាបត្រជាន់ខ្ពស់ត្រូវមានសញ្ញាបត្រថ្នាក់បរិញ្ញាបត្រ និងមានអាយុក្រោម៣៥ឆ្នាំ សម្រាប់បេក្ខជនស្នើពាក្យថ្នាក់បណ្ឌិតត្រូវមានសញ្ញាបត្រថ្នាក់បរិញ្ញាបត្រជាន់ខ្ពស់ និងមានអាយុមិនលើស៤០ឆ្នាំ។
ជាមួយគ្នានេះ បេក្ខជនដែលស្នើពាក្យថ្នាក់បរិញ្ញាបត្រត្រូវមានឯកសារចាំបាច់មួយចំនួនដូចជា ទម្រង់ពាក្យស្នើសុំអាហារូបរកណ៍ ទម្រង់ពាក្យសុំ SGS ប្រតិចារិកសិក្សារបស់សិស្ស លិខិតណែនាំពីរច្បាប់ ច្បាប់ចម្លងលិខិតឆ្លងដែន(មានសុពលភាព) លិខិតលើកទឹកចិត្ត ផែនការសិក្សា លិខិតបញ្ជាក់សុខភាព លិខិតបញ្ជាក់គ្មានបទឧក្រិដ្ឋ និងវិញ្ញាបនបត្របញ្ជាក់ភាសាអង់គ្លេស។
អត្ថប្រយោជន៍ដែលអាហារូបករណ៍នឹងផ្ដល់ជូនដល់បេក្ខជនជ័យលាភីអាហារូបករណ៍រួមមាន កន្លែងស្នាក់នៅ ប្រាក់ឧបត្ថម្ភផ្នែកវេជ្ជសាស្ត្រ ប្រាក់ឧបត្ថម្ភប្រចាំខែ២៥០០យ័នសម្រាប់ថ្នាក់បរិញ្ញាបត្រ ៣០០០យ័នសម្រាប់ថ្នាក់បរិញ្ញាបត្រជាន់ខ្ពស់ និង៣៥០០យ័នសម្រាប់ថ្នាក់បណ្ឌិត។
សម្រាប់ព័ត៌មានបន្ថែមអាចចូលទៅកាន់តំណភ្ជាប់ http://lxs.ecnu.edu.cn/en/scholarship/undergraduate ។ ផុតកំណត់ទទួលពាក្យថ្ងៃទី៣១ ខែឧសភា ឆ្នាំ២០២៤៕
