ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កម្មវិធីអាហារូបករណ៍ Australia Awards ប្រកាសបើកទទួលពាក្យស្នើសុំអាហារូបករណ៍ថ្នាក់បរិញ្ញាបត្រជាន់ខ្ពស់សិក្សានៅសាកលវិទ្យាល័យល្បីៗក្នុងប្រទេសអូស្ត្រាលីឆ្នាំសិក្សា២០២៤។ អាហារូបករណ៍ផ្ដល់ជូនការសិក្សាដល់និស្សិតអន្តរជាតិពីបណ្ដាប្រទេសជាច្រើនរួមទាំងកម្ពុជាផងដែរ។
សាកលវិទ្យាល័យដែលជាដៃគូរសហការណ៍របស់អាហារូបករណ៍រួមមាន University Aviation, Australia Bond University, Bureau of Meteorology, Canberra Institute of Technology, Central Queensland University, Chisholm University of TAFE, Charles Darwin University រួមទាំងសាកលវិទ្យាល័យផ្សេងៗជាច្រើនទៀត។
លក្ខខណ្ឌនៃការទទួលសិទ្ធ ៖ បេក្ខជនទាំងពីរភេទមានសញ្ជាតិខ្មែរ ជាអ្នករស់នៅក្នុងប្រទេសកម្ពុជាក្នុងរយៈពេល២៤ខែចុងក្រោយ (គិតត្រឹមថ្ងៃទី៣០ ខែមេសា ឆ្នាំ២០២៤) ជាបុគ្គលដែលមានបទពិសោធន៍ការងារពេញម៉ោងយ៉ាងតិច២ឆ្នាំ (ឬសមមូលក្រៅម៉ោង) ។ ជាមួយគ្នានេះ បេក្ខជនភ្ជាប់ជាមួយឯកសារចាំបាច់មួយចំនួនដូចជា លិខិតបញ្ជាក់ភាសាអង់គ្លេស IELTS យ៉ាងតិច ៦.០ ឬ TOEFL ៦០ និង PTE Academic ពិន្ទុសរុប៥០ ត្រូវមានសញ្ញាបត្រថ្នាក់បរិញ្ញាបត្រ និងលិខិតអនុសាសន៍ពីសាស្ត្រាចារ្យចំនួន០២ច្បាប់។
បេក្ខជនអាចធ្វើការដាក់ពាក្យ Online តាមរយៈ https://oasis.dfat.gov.au ដោយបញ្ជូនឯកសារផ្សេងៗចាំបាច់ទាំងអស់ដើម្បីតម្រូវលក្ខខណ្ឌសម្រាប់បេក្ខជនកម្ពុជា។ ជាមួយគ្នានេះ បេក្ខជនអាចធ្វើការទាញយកពាក្យស្នើសុំអាហារូបករណ៍ដើម្បីទៅបំពេញតាមរយៈ www.australiaawardscambodia.org រួចបំពេញឯកសារទាំងអស់ដើម្បីបំពេញតម្រូវការសិទ្ធទទួលបានជាក់លាក់សម្រាប់បេក្ខជនកម្ពុជា។
អត្ថប្រយោជន៍ដែលអាហារូបករណ៍ផ្ដល់ជូនដល់បេក្ខភាពដូចជា ថ្លៃសិក្សាពេញលេញ ថ្លៃធ្វើដំណើរ (សំបុត្រយន្តហោះ) ថ្លៃស្នាក់នៅ ថ្លៃពិនិត្យសុខភាព ថ្លៃសិក្សាភាសាអង់គ្លេស (PCE) បើចាំបាច់សម្រាប់អ្នកដាក់ពាក្យ និងថ្លៃសម្រាប់វគ្គសិក្សាស្រាវជ្រាវសម្រាប់បរិញ្ញាបត្រជាន់ខ្ពស់។
សម្រាប់ព័ត៌មានបន្ថែមអាចចូលទៅកាន់ How to apply for an Australia Awards scholarship | Australian Government Department of Foreign Affairs and Trade (dfat.gov.au) ឬទំនាក់ទំនងទៅកាន់ ០១២ ៦៣៥ ៣០៦ ឬ ០១៥ ៣៩១ ១២៧។
ចាប់ទទួលពាក្យពីថ្ងៃទី០១ ខែកុម្ភៈ រហូតដល់ថ្ងៃទី៣០ ខែមេសា ឆ្នាំ២០២៤៕
