ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាថ្នាក់ឧត្ដមសិក្សានៅប្រទេសចិនសម្រាប់ឆ្នាំសិក្សា២០២៦ ពីកម្មវិធីអាហារូបករណ៍វិទ្យាស្ថានខុងជឺ ឆ្នាំ២០២៦។ អាហារូបករណ៍ផ្ដល់ឱ្យថ្នាក់បរិញ្ញាបត្រ បរិញ្ញាបត្រជាន់ខ្ពស់ ថ្នាក់សិក្សាវគ្គខ្លីជាឆ្នាំ និងឆមាស។
អាហារូបករណ៍គាំទ្រលើ ការសិក្សាភាសាចិន និងវប្បធម៌សម្រាប់វគ្គសិក្សាខ្លី, វគ្គ១ឆមាស និងវគ្គ១ឆ្នាំ។ សម្រាប់ថ្នាក់បរិញ្ញាបត្រផ្នែកបង្រៀនភាសាចិនដល់អ្នកនិយាយភាសាផ្សេងទៀត (BTCSOL) ថ្នាក់បរិញ្ញាបត្រជាន់ខ្ពស់ផ្នែកបង្រៀនភាសាចិនដល់អ្នកនិយាយភាសាផ្សេងទៀត(MTCSOL) និង ថ្នាក់បណ្ឌិតផ្នែកទាក់ទងនឹងភាសាចិន (ជម្រើសភាសាអង់គ្លេសមួយចំនួន)។ កម្មវិធីផ្ដល់ឱកាសឱ្យនិស្សិតជ្រើសរើសការសិក្សានៅសាកលវិទ្យា និងគ្រឹះស្ថានសិក្សា១៥០ក្នុងប្រទេសចិន។
បេក្ខជនមានបំណងក្នុងការដាក់ពាក្យត្រូវភ្ជាប់ឯកសារចាំបាច់ដូចជា ៖ ច្បាប់ចម្លងលិខិតឆ្លងដែន សញ្ញាបត្របញ្ជាក់ការសិក្សាដែលមាន សញ្ញាបត្រមធ្យមសិក្សាទុតិយភូមិ ប្រត្តិបត្តិពិន្ទុ ដែលមានបញ្ជាក់ និងបកប្រែជាភាសាអង់គ្លេស និងចិន។ លើសពីនេះ ភ្ជាប់វិញ្ញាបនបត្រ HSK/HSKK លិខិតណែនាំ (១ ឬ២ ពីវិទ្យាស្ថានខុងជឺ ឬសាស្ត្រាចារ្យ) លិខិតលើកទឹកចិត្ត (ច្រើនជាង៣០០ពាក្យ) ទម្រង់ពិនិត្យសុខភាព (បន្ទាប់ពីជ្រើសរើស) លិខិតបញ្ជាក់គ្មានប្រវត្តិឧក្រិដ្ឋកម្ម (បន្ទាប់ពីជ្រើសរើស)។
បេក្ខជនជ័យលាភីអាហារូបករណ៍នឹងទទួលបានការគាំទ្រពីភាគីដូចជា ៖ ថ្លៃសិក្សាពេញលេញ កន្លែងស្នាក់នៅ(អន្តេស្នាក់នៅក្នុងសាកលវិទ្យាល័យ ឬប្រាក់សម្រាប់ស្នាក់នៅក្នុងករណីចាំបាច់) ថ្លៃសេវាធានារ៉ាប់រងសុខភាព ប្រាក់ចំណាយប្រចាំខែ ថ្លៃធ្វើដំណើរអន្តរជាតិ ជាដើម។
សម្រាប់ព័ត៌មានបន្ថែមអាចចូលទៅកាន់ https://ehsaskafaalat.com/confucius-institute-scholarship/ ។ ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី១ ខែឧសភា សម្រាប់វគ្គទី១ និងត្រឹមថ្ងៃទី១ ខែវិច្ឆិកា ឆ្នាំ២០២៦ សម្រាប់វគ្គទី២៕
