ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីរដ្ឋាភិបាលចិននៅសាកលវិទ្យាល័យ Beijing Jiaotong ឆ្នាំសិក្សា២០២៤។ អាហារូបករណ៍ជ្រើសរើសនិស្សិតសិក្សាថ្នាក់បរិញ្ញាបត្រជាន់ខ្ពស់ចំនួន៦៧កន្លែង និងថ្នាក់បណ្ឌិត៣៦កន្លែងសិក្សានៅមហាវិទ្យាល័យចំនួន ១៥។

ជំនាញសម្រាប់ថ្នាក់បរិញ្ញាបត្រជាន់ខ្ពស់រួមមាន វិស្វកម្មចរាចរណ៍ និងដឹកជញ្ជូន, វិស្វកម្ម​សំណង់​ស៊ីវិល, វិស្វករ​អគ្គិសនី, វិស្វកម្មផ្លូវ និងផ្លូវដែក, ការធ្វើផែនការទីក្រុង និងជនបទ, វិទ្យាសាស្ត្រប្រព័ន្ធ, វិស្វកម្មដឹកជញ្ជូន និងការគ្រប់គ្រង, ការគ្រប់គ្រងពាណិជ្ជកម្ម, ភាសាបរទេស និងអក្សរសាស្ត្រ, និង ការបកប្រែ​ភាសាអង់គ្លេស។ ជំនាញសម្រាប់ថ្នាក់បណ្ឌិតរួមមាន ការគ្រប់គ្រងផែនការដឹកជញ្ជូន, ថាមពលដឹកជញ្ជូន និងវិស្វកម្មបរិស្ថាន, វិស្វកម្មសំណង់ស៊ីវិល, វិស្វកម្មផ្លូវល្បឿនលឿន និងផ្លូវដែក, វិទ្យាសាស្ត្រប្រព័ន្ធ, ការគ្រប់គ្រងពាណិជ្ជកម្ម, និង ការគ្រប់គ្រងសហគ្រាស។

មហាវិទ្យាល័យទាំង១៥ដែលអាហារូបករណ៍ផ្ដល់ជូនសិក្សារួមមាន School of Electronic and Information Engineering (សាលាអេឡិចត្រូនិច និងវិស្វកម្មព័ត៌មាន) School of Computer and Information Technology (សាលាកុំព្យូទ័រ និងព័ត៌មានវិទ្យា) School of Economics and Management(សាលាសេដ្ឋកិច្ច និងការគ្រប់គ្រង) School of Traffic and Transportation (សាលាចរាចរណ៍ និងដឹកជញ្ជូន) School of Civil Engineering (សាលាវិស្វកម្មសំណង់ស៊ីវិល) School of Mechanical Electronic and Control Engineering (សាលាវិស្វកម្មអេឡិចត្រូនិច និងមេកានិក) School of Electrical Engineering (សាលា​វិស្វកម្ម​អគ្គិសនី)​ ។ School of Mathematics and Statistics (សាលាគណិតសាស្រ្ត និងស្ថិតិ) School of Physical Science and Engineering (សាលាវិទ្យាសាស្ត្ររូបវិទ្យា និងវិស្វកម្ម) School of Languages and Communication Studies(សាលាភាសា និងការសិក្សាទំនាក់ទំនង) School of Software Engineering (សាលាវិស្វកម្មសូហ្វវែរ) School of Architecture and Design(សាលារចនា និងស្ថាបត្យកម្ម) Law School(សាលាច្បាប់) School of Environment(សាលាបរិស្ថាន) និង School of System Science(សាលាវិទ្យាសាស្រ្តប្រព័ន្ធ)។

លក្ខខណ្ឌជ្រើសរើស ជាសិស្ស-និស្សិតដែលមិនមានសញ្ជាតិចិន មានសុខភាពល្អ មានចំណេះដឺងភាសាចិន HSK5 ដែលមានពិន្ទុសរុបលើសពី១៨០ ឬមានបទពិសោធន៍សិក្សាចិនពីមុនមក មានចំណេះដឹងភាសាអង់គ្លេស IELTS ៦.០ ឡើងទៅ ឬ TOEFL ៨០ឡើងទៅ។ បេក្ខជនស្នើពាក្យថ្នាក់បរិញ្ញាបត្រជាន់ខ្ពស់ត្រូវមានសញ្ញាបត្របរិញ្ញាបត្រ និងមានអាយុមិនលើសពី៣៥ឆ្នាំ និងថ្នាក់បណ្ឌិតមានសញ្ញាបត្របរិញ្ញាបត្រជាន់ខ្ពស់ និងមានអាយុមិនលើសពី៤០ឆ្នាំ។

ដើម្បីដាក់ពាក្យបេក្ខជនត្រូវបំពេញបែបបទដាក់ពាក្យអាហារូបករណ៍រដ្ឋាភិបាលចិនតាមរយៈ http://www.campuschina.org  (ប្រភេទកម្មវិធី B, BJTU Agency Number: 10004) ហើយទាញយកទម្រង់ពាក្យសុំ។ បន្ទាប់មកបំពេញពាក្យនៅ BJTU International Student Service System តាមរយៈ https://bjtu.17gz.org  ហើយបង់ថ្លៃពាក្យសុំ។

ជាមួយគ្នានេះបេក្ខជនតម្រូវភ្ជាប់ឯកសារចាំបាច់មួយចំនួនដូចជា ទម្រង់ពាក្យសុំអាហារូបករណ៍រដ្ឋាភិបាលចិន លិខិតឆ្លងដែន សញ្ញាបត្រឬវិញ្ញាបនបត្រពាក់ព័ន្ធខាងលើដែលបានបញ្ជាក់ ផែនការសិក្សា (Study Plan)ច្រើនជាង១០០០ពាក្យ។ លិខិតអនុសាសន៍២ច្បាប់ពីសាស្ត្រាចារ្យ ឬសាស្ត្រាចារ្យរង វិញ្ញាបនបត្រគ្មានដែនកំណត់ត្រាព្រហ្មទណ្ឌមានសុពលភាព។   សម្រាប់ព័ត៌មានបន្ថែមអាចចូលទៅកាន់ http://cie.bjtu.edu.cn/en/admission/scholarship-288.shtml?name=Scholarship ។ ផុតកំណត់ទទួលពាក្យថ្ងៃទី២៥ ខែកុម្ភៈ ឆ្នាំ២០២៤៕