ឱកាសសិក្សា​ថ្នាក់បរិញ្ញាបត្រ និង​បរិញ្ញាបត្រជាន់ខ្ពស់ នៅ​សាកលវិទ្យាល័យលីមកុកវីង ពីកម្មវិធីអាហារូបករណ៍ អ.ម.ត.

គណៈកម្មាធិការ​អាហារូបករណ៍​សិស្ស-និស្សិត​ក្រីក្រ សម្តេចអគ្គមហាសេនាបតីតេជោ ហ៊ុន សែន និង​សម្តេចកិត្តិព្រឹទ្ធបណ្ឌិត បានប្រកាស​ផ្តល់អាហារូបករណ៍តាមរយៈ​សម្តេចមហាបវរធិបតី ហ៊ុន ម៉ាណែត និង​លោកជំទាវ​បណ្ឌិត ពេជ ចន្ទមុន្នី សិក្សា​នៅ​សាកលវិទ្យាល័យលឹមកុកវីង ថ្នាក់​បរិញ្ញាបត្រ និង​ថ្នាក់​បរិញ្ញាបត្រ​ជាន់ខ្ពស់ សម្រាប់​ឆ្នាំសិក្សា​២០២៥-២០២៦ ចំនួន១០កន្លែង ដោយ​ឆ្លង​កាត់ការ​ប្រឡង។

ជំនាញដែលផ្តល់ជូន ៖ ថ្នាក់បរិញ្ញាបត្រ មានជំនាញ ស្ថាបត្យកម្ម ស្ថាបត្យកម្ម​ផ្ទៃ​ក្នុង សំណង់ស៊ីវិល ច្នៃម៉ូតសម្លៀកបំពាក់ ការ​រចនា ពាណិជ្ជកម្ម​អន្តរជាតិ រដ្ឋបាល​ធុរកិច្ច សហគ្រិនភាព វិស្វកម្ម​សុសវែរ និង​ព័ត៌មានវិទ្យាធុរកិច្ច, ជំនាញសម្រាប់ថ្នាក់បរិញ្ញាបត្រ​ជាន់ខ្ពស់ រួមមាន គ្រប់គ្រងធនធាន​មនុស្ស និង​ស្ថាបត្យកម្ម។

អាហារូបករណ៍ផ្តល់ជូនលើ ថ្លៃ​ចុះឈ្មោះចូលរៀន (Application Fee), ថ្លៃសិក្សា (Tuition Fee), ថ្លៃ​រដ្ឋបាល (Administration Fee)។

លក្ខខណ្ឌនៃការ​ជ្រើសរើស ៖ សម្រាប់ថ្នាក់​បរិញ្ញាបត្រ បេក្ខជន​ត្រូវ​ប្រឡង​ជាប់​សញ្ញាបត្រ​មធ្យមសិក្សា​ទុតិយភូមិ​ឆ្នាំសិក្សា​២០២៤-២០២៥, ពុំមែន​ជា​សិស្ស ឬនិស្សិត ដែល​បាន​ចុះឈ្មោះ​ចូលសិក្សា ឬកំពុង​សិក្សា​នៅ​សាកលវិទ្យាល័យ​លីមកុកវីង។ សម្រាប់ថ្នាក់បរិញ្ញាបត្រ​ជាន់ខ្ពស់ បេក្ខជន​ត្រូវ​ប្រឡង​ជាប់​សញ្ញាបត្រ​មធ្យមសិក្សា​ទុតិយភូមិ, មាន​សញ្ញាបត្រ​បរិញ្ញាបត្រ ឬសមមូល, មាន​សមត្ថភាព​ភាសាអង់គ្លេស​កម្រិត Upper Intermediate, ពុំ​មែនជា​និស្សិត ដែល​បាន​ចុះឈ្មោះ​ចូលសិក្សា ឬ​កំពុង​សិក្សា​ថ្នាក់បរិញ្ញាបត្រ​ជាន់ខ្ពស់ នៅ​សាកលវិទ្យាល័យលីមកុកវីង។

ការដាក់ពាក្យ ៖ បេក្ខជន​ត្រូវ​ដាក់ពាក្យ​ស្នើ​សុំ​ប្រឡង​ជាមួយ​គណៈកម្មាធិការ​អាហារូបករណ៍ តាមរយៈ​ប្រព័ន្ធអនឡាញ​ដោយ​ចូលទៅកាន់គេហទំព័រ https://reg.amt.live/web/signup ដើម្បីបំពេញ​ព័ត៌មាន​សុំសិទ្ធិ​ប្រឡង និង​ស្គេន​បញ្ចូល​ឯកសារ​តម្រូវ​ការ​ដាក់ពាក្យ។

ឯកសារចាំបាច់ក្នុងការដាក់ពាក្យ ៖ សម្រាប់ថ្នាក់បរិញ្ញាបត្រ ត្រូវមាន រូបថតទំហំ ៤x៦ ផ្ទៃ​ខាងក្រោយ​ពណ៌ស ឬផ្ទៃមេឃ, អត្តសញ្ញាណបណ្ណ​សញ្ជាតិខ្មែរ ឬលិខិតឆ្លងដែន ឬសំបុត្រ​កំណើត, សៀវភៅ​គ្រួសារ ឬសៀវភៅ​ស្នាក់នៅ, វិញ្ញាបនបត្រ​បណ្តោះអាសន្ន​មធ្យម​សិក្សា​ទុតិយភូមិ មានការ​បញ្ជាក់ទទួល​ស្គាល់ជាផ្លូវការ, (ករណីមាន) ឯកសារ​មានសុពលភាព​បញ្ជាក់​សមត្ថភាព​ភាសាអង់គ្លេស ACADEMIC IELTS ចាប់ពី ៦.០ ឡើង ឬ iBT TOEFL ចាប់​ពី ៧៩ ឡើង ឬ Duolingo ១១០។ សម្រាប់ថ្នាក់បរិញ្ញាបត្រជាន់ខ្ពស់ ត្រូវមាន សញ្ញាបត្រ​មធ្យមសិក្សា​ទុតិយភូមិ សញ្ញាបត្រ​បរិញ្ញាបត្រ ឬសមមូល ព្រឹត្តិបត្រ​ពិន្ទុថ្នាក់បរិញ្ញាបត្រ ឯកសារបញ្ជាក់​កម្រិតភាសាអង់គ្លេស Upper Intermediate, Research Proposal សម្រាប់ជំនាញគ្រប់គ្រង​ធនធាន​មនុស្ស, ស្នាដៃ​ស្ថាបត្យកម្ម Portfolio សម្រាប់ជំនាញ​ស្ថាបត្យកម្ម។

កាលបរិច្ឆេទ​ដាក់ពាក្យ ចាប់ពីថ្ងៃជូនដំណឹងនេះ រហូត​ដល់​ថ្ងៃទី២០ ខែធ្នូ ឆ្នាំ២០២៥ វេលាម៉ោង ១៧:០០ ជាកំហិត៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ BISU 2026 ថ្នាក់បរិញ្ញាបត្រជាន់ខ្ពស់ ជំនាញបកប្រែភាសាបរទេស នៅ​សាធារណរដ្ឋប្រជាមានិតចិន

ព័ត៌មានអាហារូបករណ៍, ព្រឹត្តិការណ៍

• 17/03/2026

ឱកាស​សម្រាប់យុវជន សិស្ស និស្សិត ដែលកំពុងស្វែង​រក​អាហារូបករណ៍សិក្សា​ជំនាញបកប្រែ កម្រិតថ្នាក់បរិញ្ញាបត្រជាន់ខ្ពស់ នៅសាកលវិទ្យាល័យ Beijing International Studies University។

ក្រសួងអប់រំជ្រើសរើសនិស្សិត ១២០នាក់ ទៅសិក្សាថ្នាក់ក្រោយឧត្តមសិក្សា និងបរិញ្ញាបត្រ នៅ​ប្រទេស​វៀតណាម ក្នុងឆ្នាំសិក្សា​២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 14/03/2024

យោង​ទៅ​លើ​អនុស្សរណៈ នៃ​កិច្ច​ព្រមព្រៀង​ស្តីពី​កិច្ច​សហប្រតិបត្តិការ​អប់រំ រវាង​ក្រសួងអប់រំ យុវជន និងកីឡា នៃព្រះរាជាណាចក្រ​កម្ពុជា និង​ក្រសួងអប់រំ បណ្តុះបណ្តាល នៃសាធារណរដ្ឋសង្គមនិយម​វៀតណាម...

អាហារូបករណ៍រដ្ឋាភិបាលចក្រភពអង់គ្លេស Chevening ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 07/08/2025

កម្មវិធីអាហារូបករណ៍រដ្ឋាភិបាលចក្រភពអង់គ្លេស Chevening ឆ្នាំ២០២៦ ប្រកាសបើកទទួលពាក្យជាផ្លូវការ ចាប់ពីថ្ងៃទី០៥ ខែសីហា ដល់ថ្ងៃទី៧ ខែតុលា ឆ្នាំ២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រជាន់ខ្ពស់...

អាហារូបករណ៍សម្រាប់និស្សិតស្រី ដែលនឹង​ចូលឆ្នាំទី២ នៅសាកលវិទ្យាល័យ ពី Education First Cambodia

ព័ត៌មានអាហារូបករណ៍, ព្រឹត្តិការណ៍

• 11/05/2026

នេះគឺជាឱកាសសម្រាប់និស្សិតស្រីដែលនឹងត្រូវឈានចូលសិក្សាឆ្នាំទី ២ ក្នុងឆ្នាំ២០២៦។ កម្មវិធីអាហារូបករណ៍នេះ មិនត្រឹមតែផ្ដល់នូវការឧបត្ថម្ភផ្នែកហិរញ្ញវត្ថុប៉ុណ្ណោះទេ ប៉ុន្តែថែមទាំងផ្ដោតសំខាន់លើការបណ្ដុះបណ្ដាលជំនាញទន់ និងជំនាញបច្ចេកទេស...

វិទ្យាស្ថានពហុបច្ចេកទេស​ភូមិភាគ​តេជោសែនស្វាយរៀង ប្រកាសជ្រើសរើស​សិក្ខាកាម ចូលរៀន​ជំនាញបរិក្ខារត្រជាក់ និង​កាមេរ៉ាសុវត្ថិភាព ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 18/08/2023

សម្រាប់យុវជន យុវនារី កម្មករ កម្មការិនី ដែលបាត់បង់​ឱកាស​ការងារ​នៅតាម​រោងចក្រ សហគ្រាស​នានា និង​គ្មានការងារធ្វើ, ពេលនេះ វិទ្យាស្ថានពហុបច្ចេកទេស​ភូមិភាគ​តេជោសែនស្វាយរៀង ប្រកាស​ជ្រើសរើស​សិក្ខាកាម​...

ឱកាសអាហាររូបករណ៍ International Undergraduate Excellence Award សម្រាប់ឆ្នាំសិក្សា ២០២៦ នៅប្រទេស​អង់គ្លេស

ព័ត៌មានអាហារូបករណ៍, ព្រឹត្តិការណ៍

• 19/02/2026

សាកលវិទ្យាល័យ University of Westminster នៃចក្រភពអង់គ្លេស ប្រកាសដាក់ឱ្យដំណើរការនូវកម្មវិធីអាហាររូបករណ៍ International Undergraduate Excellence Award (IEA) សម្រាប់ការសិក្សាដែលនឹងចាប់ផ្តើមនៅ...

អាហារូបករណ៍​ថ្នាក់ក្រោយ​ឧត្តមសិក្សា និង​ថ្នាក់បរិញ្ញាបត្រ ចំនួន១២០កន្លែង ទៅសិក្សា​នៅ​ប្រទេស​វៀតណាម ឆ្នាំ​សិក្សា​២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 30/09/2025

ក្នុង​ឆ្នាំសិក្សា​២០២៥-២០២៦ នេះ ក្រសួងអប់រំ យុវជន និងកីឡា នឹង​ធ្វើ​ការ​ជ្រើសរើស​និស្សិត​អាហារូបករណ៍​ថ្នាក់ក្រោយ​ឧត្តមសិក្សា និង​ប្រឡង​ជ្រើសរើស​និស្សិត​អាហារូបករណ៍​ថ្នាក់បរិញ្ញាបត្រ ចំនួន ១២០នាក់ ទៅ​សិក្សា​នៅ​សាធារណរដ្ឋសង្គម​និយមវៀតណាម។

អាហារូបករណ៍ថ្នាក់ភាសាចិន​រយៈពេល​១ឆ្នាំ នៅសាកលវិទ្យាល័យ Yunnan Normal University

ព័ត៌មានអាហារូបករណ៍, ព្រឹត្តិការណ៍

• 23/05/2024

សាកលវិទ្យាល័យ Yunnan Normal Univercity ស្ថិត​នៅ​ទីក្រុង​គុនមីង ខេត្ត​យូនណាន ប្រទេស​ចិន បានប្រកាស​ជ្រើសរើស​និស្សិត​កម្ពុជា​ចំនួន៣០នាក់ សម្រាប់​ការ​បណ្តុះបណ្តាល​ភាសាចិន​រយៈពេល​១ឆ្នាំ...

វគ្គបណ្តុះបណ្តាល “អក្ខរកម្មបញ្ញាសិប្បនិម្មិត (AI Literacy)” ដោយឥតគិតថ្លៃ សម្រាប់យុវជនកម្ពុជា

ព័ត៌មានអាហារូបករណ៍, ព្រឹត្តិការណ៍

• 11/02/2026

ដើម្បីឆ្លើយតបទៅនឹងការរីកចម្រើន នៃបច្ចេកវិទ្យាឌីជីថល អង្គការខេប (KAPE) តាមរយៈគ្រូបង្គោល AI Ready ASEAN សហការជាមួយ នាយកដ្ឋានបរិវត្តកម្មឌីជីថល នៃក្រសួងអប់រំ យុវជន និងកីឡា និង ក្រុមប្រឹក្សាយុវជនអង្គការសហប្រជាជាតិ (UNYAP)