ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសទទួលបានអាហារូបករណ៍សិក្សាថ្នាក់បរិញ្ញាបត្រចំនួន៣០០កន្លែងពីកម្មវិធីអាហារូបករណ៍ទេពកោសល្យឌីជីថលតេជោថ្នាក់បរិញ្ញាបត្រឆ្នាំសិក្សា២០២៤ ពីសម្ដេចអគ្គមហាសេណាបតីតេជោ ហ៊ុន សែន ប្រធានក្រុមប្រឹក្សាផ្ទាល់ ព្រះរាជាណាចក្រ នៃព្រះរាជាណាចក្រកម្ពុជា។
អាហារូបករណ៍ផ្ដល់ជូនការសិក្សានៅសាកលវិទ្យាល័យ និងវិទ្យាស្ថានមួយចំនួនដូចជា បណ្ឌិត្យសភាបច្ចេកវិទ្យាឌីជីថលកម្ពុជាចំនួន១៥០កន្លែង សម្រាប់ជំនាញទូរគមនាគមន៍ និងបណ្ដាញ, វិទ្យាសាស្ត្រកុំព្យូទ័រ, ធុរកិច្ចឌីជីថល ។ សាកលវិទ្យាល័យភូមិន្ទភ្នំពេញ ចំនួន២៥កន្លែង ជំនាញវិស្វកម្មទូរគមនាគមន៍ និងអេឡិចត្រូនិក, វិស្វកម្ម និងវិទ្យសាស្រ្តទិនន្ន័យ ។ សាកលវិទ្យាល័យជាតិគ្រប់គ្រង ចំនួន២៥កន្លែង ជំនាញសេដ្ឋកិច្ចឌីជីថល, និងព័ត៌មានវិទ្យាធុរកិច្ច។ វិទ្យាស្ថានបច្ចេកវិទ្យាកម្ពុជា ចំនួន២៥កន្លែង ជំនាញវិស្វកម្មសុសវែ, វិស្វកម្មបញ្ញាសិប្បនិមិត្ត និងសន្តិសុខសាយប័រ។ សាកលវិទ្យាល័យអាមេរិកកាំងភ្នំពេញ ចំនួន៥០កន្លែងជំនាញ បច្ចេកវិទ្យាគមនាគមន៍ និងព័ត៌មាន, វិទ្យាសាស្ត្រកុំព្យូទ័រ, សន្តិសុខសាយប័រ, ហេដ្ឋារចនាសម្ព័ន្ធឌីជីថល។ សាកលវិទ្យាល័យអន្តរជាតិផារ៉ាហ្គន ចំនួន២៥កន្លែង ជំនាញវិទ្យាសាស្ត្រកុំព្យូទ័រ, គ្រប់គ្រងប្រព័ន្ធព័ត៌មានវិទ្យា។
អត្ថប្រយោជន៍នៃអាហារូបករណ៍ដែលនិស្សិតជ័យលាភីអាហារូបករណ៍ទេពកោសល្យឌីជីថលតេជោនឹងទទួលបានអត្ថប្រយោជន៍ រួមមាន៖ កុំព្យូទ័រយួរដៃ១គ្រឿង, ការរ៉ាបរងថ្លៃសិក្សា១០០% ដល់ចប់ថ្នាក់បរិញ្ញាបត្រដែលមានតម្លៃចាប់ពី៣,១០០ រហូតដល់២៤,៧០០ ដុល្លារអាមេរិក, ទទួលបានឱកាសការងារល្អ និងប្រាក់បៀវត្សខ្ពស់ក្នុងក្រសួង ស្ថាប័ន ឬក្រុមហ៊ុនបច្ចេកវិទ្យាជាដើម។
លក្ខខណ្ឌនៃការជ្រើសរើស បេក្ខជនទាំងអស់ត្រូវឆ្លងកាត់ការប្រឡងប្រជែងដែលរៀបចំដោយគណៈកម្មាការអាហារូបករណ៍តាមលក្ខខណ្ឌដូចជា៖ ជាសិស្សជាប់សញ្ញាបត្រមធ្យមសិក្សាទុតិយភូមិឆ្នាំសិក្សា២០២៣មាននិទ្ទេស A B និង C ។ បានឆ្លងកាត់ការប្រឡងប្រជែងលើវិញ្ញាសារគណិតវិទ្យា តក្កវិទ្យា និងភាសាអង់គ្លេស និងវិញ្ញាសាសម្ភាសន៍ផ្ទាល់មាត់។ ជាមួយគ្នានេះ សិស្សដែលមានជីវភាពក្រីក្រ មកពីតំបន់ដាច់ស្រយាល ជនមានពិការភាព និងសិស្សនារីត្រូវបានលើកទឹកចិត្ត។
បេក្ខជន-បេក្ខនារីអាចធ្វើការចុះឈ្មោះប្រឡងត្រូវធ្វើតាមប្រព័ន្ធអនឡាញ៖ www.cadt.edu.kh/scholarship ។ សម្រាប់ព័ត៌មានបន្ថែមសូមទាក់ទងទូរសព្ទលេខ ០១៥ ៣៣៥ ៨៧៧/ ០៧៧ ៣៣៥ ៨៧៧។
ចាប់ពីថ្ងៃជូនដំណឹងនេះ រហូតដល់ថ្ងៃទី០៥ ខែមករា ឆ្នាំ២០២៤៕
