វិទ្យាស្ថានពហុបច្ចេកទេសខេត្តបន្ទាយមានជ័យ ប្រកាសជ្រើសរើសយុវជន យុវនារី និងសាធារណជន ចូលវគ្គបណ្ដុះបណ្ដាលសញ្ញាបត្របច្ចេកទេស និងវិជ្ជាជីវៈ១ រយៈពេល៤ខែ ចំនួន២១០០កន្លែង ។

ជំនាញបច្ចេកទេសដែលអាហារូបករណ៍ផ្ដល់ជូនរួមមាន ការងារកំបោរ ១៥០នាក់, ការដំឡើងបណ្ដាញបំពង់ទឹក ១៥០នាក់, ការដំឡើងបណ្ដាញអគ្គិសនីក្នុងអគារ៤៥០នាក់, ការថែទាំ និងជួសជុលរថយន្ត ១៥០នាក់, ការថែទាំ និងជួសជុលអគ្គិសនីរថយន្ត១៥០នាក់, ការថែទាំ និងជួសជុលម៉ាស៊ីនត្រជាក់រថយន្ត១៥០នាក់, ការរចនាក្រាហ្វិកដោយកុំព្យូទ័រ១៥០នាក់, សេវាកម្មកុំព្យូទ័រ១៥០នាក់, សេវាកម្មរដ្ឋបាល១៥០នាក់, សេវាកម្មបរិក្ខារត្រជាក់ក្នុងគេហដ្ឋាន១៥០, ធុរកិច្ចភេសជ្ជៈ១៥០នាក់, ការកែច្នៃបន្លែ និងផ្លែឈើ១៥០នាក់ សរុប២១០០នាក់។

វេនសិក្សាដែលអាហារូបករណ៍ផ្ដល់ជូនមានដូចជា៖

. ថ្ងៃច័ន្ទ ដល់ សុក្រ (ពេញម៉ោង)៖ ព្រឹក ម៉ោង០៧:៣០-១១:៣០, រសៀល៖ ១៤:០០ ដល់ ១៧:០០

. ថ្ងៃច័ន្ទ ដល់ សុក្រ(វេនយប់)៖ ម៉ោង ១៧:៣០ ដល់ ២០:៣០

. ថ្ងៃ សៅរ៍ និង ថ្ងៃអាទិត្យ(សិក្សា២ថ្ងៃពេញ)៖ ព្រឹក ម៉ោង០៧:៣០-១១:៣០, រសៀល៖ ១៤:០០ ដល់ ១៧:០០។

លក្ខខណ្ឌសម្រាប់បេក្ខជនចុះឈ្មោះចូលរៀន ជាយុវជនមកពីគ្រួសារក្រីក្រ គ្រួសារងាយរងហានិភ័យ គ្រួសារចំណាកស្រុក មានអាយុពី១៥ឆ្នាំឡើងទៅ មានបណ្ណសមធម៌ (កម្រិតភាពក្រីក្រ១ ឬ២) មានបណ្ណសម្គាល់គ្រួសារងាយរងហានិភ័យ និងមានអត្តសញ្ញាបណ្ណសញ្ជាតិខ្មែរ ឬសំបុត្រកំណើត។

បេក្ខជននឹងទទួលបានអត្ថប្រយោជន៍ពីអាហារូបករណ៍ដូចជា ការសិក្សាដោយឥតគិតថ្លៃ ប្រាក់ឧបត្ថម្ភប្រចាំខែចំនួន២៨ម៉ឺនរៀលក្នុងមួយខែ (សិក្សាពេញម៉ោង) ទទួលបានការផ្ដល់ប្រឹក្សាយោបល់ពីការជ្រើសរើសជំនាញ និងព័ត៌មានទីផ្សារការងារ ទទួលបានកន្លែងចុះកម្មសិក្សានៅតាមសហគ្រាស គ្រឹះស្ថាន ឧស្សាហកម្ម និងក្រុមហ៊ុនឯកជន។ ទទួលបានសញ្ញាបត្របច្ចេកទេស និងវិជ្ជាជីវៈ១ និងឱកាសបន្តការសិក្សា លើសពីនេះទទួលបានជំនាញមួយពិតប្រាកដដែលទីផ្សារការងារកំពុងត្រូវការ និងទទួលបានឱកាសការងារធ្វើសមរម្យ និងចំណូលទៀងទាត់។

បេក្ខជនដែលមានចំណាប់អារម្មណ៍អាចធ្វើការដាក់ពាក្យតាមរយៈគេហទំព័រ https://scholarship.tvet.gov.kh/home ចាប់ពីថ្ងៃផ្សាយដំណឹងនេះដល់ថ្ងៃទី០៣ ខែមករា ឆ្នាំ២០២៤។ ជាមួយគ្នានេះបេក្ខជនក៏អាចទៅកាន់ទីតាំងគ្រឹះស្ថានផ្ទាល់ដែលមានទីតាំងនៅ ភូមិកងវ៉ា សង្កាត់កំពង់ស្វាយ ក្រុងសិរីសោភ័ណ្ឌ ខេត្តបន្ទាយមានជ័យ (ជាប់មន្ទីរកិច្ចការនារី) ឬអាចទំនាក់ទំនងទៅកាន់ ០៩៥ ៩៣៤ ៤៤៧ / ០៦៧ ៧៥០ ៥០៥ / ០១២​ ៣៩៦ ៩៥៦ / ០៩៣ ៨៣៦ ៨៨៣។ វគ្គសិក្សានឹងចាប់ផ្ដើមនៅថ្ងៃទី០៨ ខែមករា ឆ្នាំ២០២៤៕