ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – កម្មវិធីអាហារូបករណ៍ ស សុខា ថ្នាក់ជាតិ បានប្រកាសផ្ដល់ជូនអាហារូបករណ៍សិក្សាថ្នាក់បរិញ្ញាបត្រចំនួន១០កន្លែងនៅសាកលវិទ្យាល័យ ហេង សំរិន ត្បូងឃ្មុំ សម្រាប់ឆ្នាំសិក្សា២០២២-២០២៣ ។
ជំនាញដែលអាហារូបករណ៍ផ្ដល់ជូនរួមមានជំនាញក្សេត្រសាស្ត្រ ជំនាញវិទ្យាសាស្ត្រសត្វ ជំនាញប្រវត្តិវិទ្យា ជំនាញទស្សនវិជ្ជា ជំនាញភាសាអង់គ្លេស ជំនាញកុំព្យូទ័រ ជំនាញកម្មវិធីកុំព្យូទ័រ ជំនាញគ្រប់គ្រង ជំនាញធនគារនិងហិរញ្ញវត្ថុ ជំនាញគណនេយ្យនិងហិរញ្ញវត្ថុ ដោយក្នុងមួយមុខជំនាញនឹងជ្រើសយកតែម្នាក់សម្រាប់អាហារូបករណ៍ ។ អាហារូបករណ៍ផ្ដល់ជូនវេនសិក្សា ច័ន្ទ-សុក្រ ដែលមានព្រឹកម៉ោង៧:៤៥នាទី ដល់១១:០០នាទី និងរសៀលម៉ោង ១៣:៤៥នាទី ដល់១៧:០០នាទី ។
អាហារូបករណ៍ផ្ដល់ជូនសម្រាប់សិស្ស-និស្សិតទូទាំងប្រទេស ជាបុគ្គលដែលធ្លាប់បានចូលរួមសកម្មភាពការងារសង្គម ឬមានជីវភាពខ្វះខាត (ត្រូវភ្ជាប់ជាមួយលិខិតបញ្ជាក់ថា បានចូលរួមសកម្មភាពការងារសង្គម ឬលិខិតបញ្ជាក់ភាពក្រីក្រចេញដោយអាជ្ញាធរ) សិស្ស-និស្សិតត្រូវបំពេញពាក្យស្នើសុំប្រវត្តិរូបសង្ខេប សលាកប័ត្រឯកត្តជន(មានគំនូរ) និងបំពេញកិច្ចសន្យាខិតខំរៀនសូត្រ ដោយគោរពតាមវិធានបទបញ្ជាផ្ទៃក្នុងរបស់ក្រុមការងារ និងត្រូវមានសញ្ញាបត្រមធ្យមសិក្សាទុតិយភូមិ ឬសញ្ញាបត្រដែលមានតម្លៃសមមូល ។
ជាមួយគ្នានេះ និស្សិតត្រូវធ្វើការបង់ប្រាក់ថ្លៃរដ្ឋបាលប្រចាំឆ្នាំដោយខ្លួនឯង ដែលមានតម្លៃ៥០ដុល្លារក្នុងមួយឆ្នាំ ។ គ្រឹះស្ថានសិក្សាមានទីតាំងនៅភូមិនិគមលើ ឃុំត្រឡប់ ស្រុកត្បូងឃ្មុំ ខេត្តត្បូងឃ្មុំ ។
បេក្ខជនដែលមានចំណាប់អារម្មណ៍ក្នុងការដាក់ពាក្យសូមធ្វើការស្នើសុំពាក្យអាហារូបករណ៍តាមរយៈ ការដាក់ពាក្យផ្ទាល់នៅទីស្នាក់ការអាហារូបករណ៍ ស សុខា ដែលមានអាសយដ្ឋានផ្ទះលេខ៤៤ ផ្លូវលេខ៤៣២ សង្កាត់ទួលទំពូងទី១ ខណ្ឌចំការមន រាជធានីភ្នំពេញ(បណ្ណាគារកម្ពុជា) ដោយលេខទំនាក់ទំនង ០៩៦ ៨៦៩ ៦៦៦៥ ។ ជម្រើសទី២ អាចបំពេញពាក្យស្នើសុំ និងភ្ជាប់ជាមួយនឹងឯកសារ រួច Scan ឬថត(ថតឱ្យបានច្បាស់ល្អ) ហើយផ្ញើចូល Page និងជម្រើសទី៣ តាមរយៈTelegram របស់ក្រុមការងារអាហារូបករណ៍ ស សុខា ដោយបំពេញពាក្យស្នើសុំ និងភ្ជាប់ជាមួយឯកសារ រួចScan ឬថត(ថតឱ្យបានច្បាស់ល្អ) ហើយផ្ញើទៅកាន់តេឡេក្រាមក្រុមការងារ ០៩៦ ៨៦៩ ៦៦៦៥, ០១៧ ៦៨៤ ៨៨១ និង ០៩៦ ៥៩១ ៦៩៤២ ។
ចាប់ផ្ដើមទទួលពាក្យស្នើសុំអាហារូបករណ៍ និងទទួលពាក្យពីថ្ងៃផ្សាយដំណឹងនេះរហូតដល់ថ្ងៃទី១០ ខែមករា ឆ្នាំ២០២៣(លើកទី១) និងដល់ថ្ងៃទី០១ ខែកុម្ភៈ ឆ្នាំ២០២៣(សម្រាប់ការចូលរៀនលើកទី២ និងទី៣) ៕
