ឆ្លើយតប បដិវត្តឧស្សាហកម្ម៤.០ កម្ពុជាត្រូវការធនធានយុវជនបច្ចេកវិទ្យា

ភ្នំពេញ៖ ប្រទេសទាំងអស់សុទ្ធតែបានមើលឃើញពីសារៈសំខាន់នៃការប្រើប្រាស់បច្ចេកវិទ្យាឌីជីថលចូលរួមអភិវឌ្ឍឱ្យជឿនលឿនទៅមុខ ស្របទៅនឹងរបត់នៃបដិវដ្តឧស្សាហកម្មជំនាន់ថ្មី។ ទោះជាយ៉ាងនេះក្តី ដើម្បីអនុវត្តគោលដៅវិជ្ជមានទាំងអស់នេះឱ្យបានល្អប្រសើរ កម្ពុជាត្រូវការធនធានមនុស្សជាច្រើនដើម្បីអនុវត្តសកម្មភាពនៅគ្រប់ផ្នែកទាំងអស់ តាមរយៈការអភិវឌ្ឍវិស័យឌីជីថល។ នេះជាការលើកឡើងរបស់ក្រុមអ្នកសិក្សាស្រាវជ្រាវពីរបត់បច្ចេកវិទ្យានៅកម្ពុជា។

លោក បេ ចន្រ្តា មន្រ្តីទំនាក់ទំនង នៃបណ្ឌិតសភាបច្ចេកឌីជីថលកម្ពុជា មានប្រសាសន៍ថា ក្នុងនាមប្រជាពលរដ្ឋរស់នៅក្នុងសម័យឌីជីថល ត្រូវចេះវិវឌ្ឍន៍ខ្លួនឯងឱ្យទាន់សម័យ និង ព្យាយាមយល់ដឹងបច្ចេកវិទ្យាឌីជីថលថ្មីៗ។ លោកថា ភាគីពាក់ព័ន្ធទាំងអស់ រួមមានរាជរដ្ឋាភិបាល អង្គការសង្គមស៊ីវិល វិស័យឯកជន និងសមាគមន៍មួយចំនួនបានបង្កើតកម្មវិធីបណ្ដុះបណ្ដាលបច្ចេកវិទ្យាឌីជីថលផ្សេងៗដើម្បីឱ្យយុវជនមានឱកាសចូលរួមសិក្សា។

“ប្រជាជននិងយុវជនជំនាន់ក្រោយ គួរស្វែងយល់ឱ្យបានច្រើនពីបច្ចេកវិទ្យា ពង្រឹងជំនាញឌីជីថលឱ្យកាន់តែខ្លាំង វាអាចជួយឱ្យយុវជនងាយស្រួលស្វែងរកការងារធ្វើក្នុងស្រុក និងទទួលបានឱកាសការងារកាន់តែទូលំទូលាយ”
លោក បេ ចន្រ្តា មន្រ្តីទំនាក់ទំនង នៃបណ្ឌិតសភាបច្ចេកឌីជីថលកម្ពុជា

ពាក់ព័ន្ធចំណុចនេះ ឯកឧត្តមបណ្ឌិតសភាចារ្យ ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា ធ្លាប់បានមានប្រសាសន៍ថា ដើម្បីឱ្យមានសេដ្ឋកិច្ចបែបឌីជីថលរីកចម្រើន លុះត្រាតែមានការអប់រំបែបឌីជីថល។ ឯកឧត្តមបន្តថា ការអប់រំបែបឌីជីថល ឬអក្ខរកម្មឌីជីថលក្នុងបរិបទកម្ពុជាសម័យឧស្សាហកម្ម ៤.០ សំខាន់ខ្លាំងក្នុងការកែប្រែឱ្យក្លាយជាប្រទេសសេដ្ឋកិច្ចបែបឌីជីថល និងរដ្ឋាភិបាលឌីជីថល។ សេដ្ឋកិច្ចឌីជីថលអនុវត្តជោគជ័យ កម្ពុជាត្រូវតែមានធនធានមនុស្សដែលមានសមត្ថភាពឌីជីថលជាមុនសិន។

“ដើម្បីឱ្យការអប់រំបែបឌីជីថលធ្វើឡើងបានកាន់តែប្រសើរ ក្រសួងអប់រំបានធ្វើការងារជាច្រើនដើម្បីបញ្ជ្រាបចំណេះដឹងនិងបណ្តុះបណ្ដាលនៅគ្រប់កម្រិត និងនៅតំបន់នានាក្នុងប្រទេសកម្ពុជា”
ប្រសាសន៍ឯកឧត្តមបណ្ឌិតសភាចារ្យ ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា

ទន្ទឹមនឹងនោះដែរ លោកបណ្ឌិត គា បូរ៉ា អ្នកជំនាញគណនេយ្យ និងប្រព័ន្ធគ្រប់គ្រងក្រុមហ៊ុន មានប្រសាសន៍ថា យុវជនជំនាន់ក្រោយដែលកំពុងតែសិក្សាគួរអភិវឌ្ឍន៍សមត្ថភាពរបស់ខ្លួនទៅលើវិស័យឌីជីថលឱ្យបានច្រើន។ ម៉្យាងទៀត អនាគតរបស់មនុស្សគ្រប់គ្នាអាចធ្វើការពីផ្ទះទៅបានដោយងាយស្រួល អាចបម្រើការងារនៅក្នុងប្រទេសដែលខ្លួនស្រឡាញ់ និងអាចបម្រើការងារនៅក្រុមហ៊ុនដែលខ្លួនឯងពេញចិត្តនៅជុំវិញពិភពលោកតាមរយៈឌីជីថល។

អ្នកជំនាញរូបនេះបានបន្តថា ប្រសិនបើយុវជនកម្ពុជាគ្មានសមត្ថភាពលើវិស័យឌីជីថល នោះនឹងលំបាកប្រកួតប្រជែងសមត្ថភាពក្នុងទីផ្សារការងារ។ មិនថាអ្នកមានការងារធ្វើ ឬមិនទាន់មានការងារធ្វើនោះទេ ចាំបាច់ត្រូវតែមានការខិតខំរៀន ព្រមទាំងកែច្នៃខ្លួនឯងឱ្យដើរទាន់បរិបទពិភពលោក។

បណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា មានប្រសាសន៍ថា បច្ចុប្បន្នបើនិយាយអំពីឧស្សាហកម្មជំនាន់៤.០ នៅកម្ពុជាអាចជួបការលំបាក ដោយសារតែធនធានមនុស្សគ្មានគុណភាព។ លោកថាការប្រើប្រាស់បច្ចេកវិទ្យា៤.០ កម្ពុជាមិនទាន់មានកម្លាំងគ្រប់គ្រាន់ ហើយចំណេះដឹងផ្នែកអប់រំរបស់ប្រជាជននៅមានកម្រិតនៅឡើយ។

អ្នកជំនាញអប់រំរូបនេះបានបន្ថែមទៀតថា បើចង់ឱ្យកម្ពុជាជឿនលឿននៅក្នុងបច្ចេកវិទ្យា៤.០ ត្រូវការកំណែទម្រង់ធនធានមនុស្ស។ មូលធនមនុស្សជាចលកររុញច្រានវិស័យសេដ្ឋកិច្ចឱ្យកាន់តែខ្លាំង ហើយការអភិវឌ្ឍសមត្ថភាពមនុស្សទៀតសោត ចាំបាច់ការអប់រំ ការអនុវត្តជាក់ស្តែង មិនមែនប្រើត្រឹមតែទ្រឹៈស្តីនោះទេ។ គួរបញ្ជាក់ផងថា រាជរដ្ឋាភិបាលកម្ពុជាកំពុងយកចិត្តទុកដាក់ឱ្យមានគោលនយោបាយសេដ្ឋកិច្ចឌីជីថល ដើម្បីជំរុញកំណើនសេដ្ឋកិច្ចជាតិឱ្យស្របទៅនឹងបម្រែបម្រួលនៃបដិវត្តឧស្សាហកម្ម ៤.០ និងទាញយកផលប្រយោជន៍កាន់តែច្រើនសម្រាប់ប្រជាជននៅទូទាំងប្រទេស៕

លោក សន តុលា | Mr. Sorn Tola

ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។

មិនត្រឹមតែយានយន្តថ្មី ទោះជាយានយន្តកំពុងប្រើប្រាស់

ក៏អាចយកកាតគ្រីមក អិលអូអិលស៊ី

ដើម្បីទទួលបាន ប្រាក់កម្ចី

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

របាយការណ៍ថ្មី

មើលទាំងអស់ ➧

វិធីជំរុញខ្លួនឯងឱ្យធ្វើលំហាត់ប្រាណបានទៀងទាត់

ចំណេះជីវិត, បទយកការណ៍

• 04/02/2026

អត្ថប្រយោជន៍នៃការប្រើប្រាស់ឡើងវិញ និងកាត់បន្ថយប្លាស្ទិក

ចំណេះជីវិត, បទយកការណ៍

• 04/02/2026

ក្នុងវ័យសិក្សា តើសិស្សនិស្សិតគួរគេងប៉ុន្មានម៉ោងទើបល្អ?

ចំណេះជីវិត, បទយកការណ៍

• 04/02/2026

កត្តាសំខាន់ៗក្នុងការរៀបចំសម្ភារៈ និងឯកសារ ដែលជួយសម្រួលដល់ការសិក្សា

ចំណេះជីវិត, ជំនាញ, បទយកការណ៍

• 18/12/2025

៣គន្លឹះដើម្បីបង្កើនឥទ្ធិពលក្នុងការទំនាក់ទំនង

ចំណេះជីវិត, បទយកការណ៍

• 17/12/2025

រក្សាភាពស្ងប់អំឡុងពេលស្រេ្តស ជួយរក្សាស្មារតីឱ្យនៅជាមួយបច្ចុប្បន្នភាព

ចំណេះជីវិត, បទយកការណ៍

• 17/11/2025

អនុវិស័យ ១២ ដែលមានតម្រូវការការងារខ្ពស់ក្នុង ឆ្នាំ២០២៤ និងឆ្នាំ២០២៥

ចំណេះជីវិត, បទយកការណ៍

• 02/06/2025

មត្តេយ្យសិក្សាជាមូលដ្ឋានគ្រឹះដំបូងមិនអាចខ្វះបានសម្រាប់កុមារមុនឈានដល់បឋមសិក្សា

ចំណេះជីវិត, បទយកការណ៍, អប់រំកុមារតូច

• 27/12/2024

វត្តមានយុវតីសិក្សាជំនាញវិស្វកម្មទឹក និងបរិស្ថាន ជួយលើកកម្ពស់ការអប់រំសហគមន៍ និងសម្រេចគោលដៅអភិវឌ្ឍន៍ប្រកបដោយចីរភាពនៅកម្ពុជា

បទយកការណ៍, យុវជនឆ្នើម

• 13/12/2024

ព័ត៌មានទូទៅ

មើលទាំងអស់ ➧

ឱកាសសម្រាប់ប្រជាពលរដ្ឋ និងយុវជននៅខេត្តបន្ទាយមានជ័យ សិក្សាជំនាញបច្ចេកទេស និងវិជ្ជាជីវៈឥតគិតថ្លៃចំនួន ១៦៥០នាក់

ព័ត៌មានអាហារូបករណ៍, ព្រឹត្តិការណ៍

• 13/03/2024

វិទ្យាស្ថានពហុបច្ចកទេសខេត្តបន្ទាយមានជ័យ បានជូនដំណឹងថា វិទ្យាស្ថាននឹងបើកវគ្គបណ្តុះបណ្តាលដល់បងប្អូនប្រជាពលរដ្ឋ យុវជន កម្មករ កម្មការិនី និងជនចំណាកស្រុក ដែលមកពីគ្រួសារក្រីក្រ គ្រួសារងាយរងហានិភ័យ...

ឱកាសសិក្សាថ្នាក់ឧត្ដមសិក្សាពីកម្មវិធីអាហារូបករណ៍ MEXT ប្រទេសជប៉ុនឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 16/06/2023

កម្មវីធីអាហារូបករណ៍ MEXT ប្រកាសផ្ដល់អាហារូបករណ៍ថ្នាក់ឧត្ដមសិក្សានៅប្រទេសជប៉ុនសម្រាប់និស្សិតបរទេសឆ្នាំសិក្សា២០២៤ ។ អាហារូបករណ៍ជាការឧបត្ថម្ភគាំទ្ររ...

ឱកាសសិក្សាអាហារូបករណ៍ថ្នាក់បរិញ្ញាបត្រចំនួន៥០០កន្លែងពីកម្មវិធីអាហារូបករណ៍ទេពកោសល្យឌីជីថលតេជោ

ព័ត៌មានអាហារូបករណ៍, ព្រឹត្តិការណ៍

• 17/10/2024

ឱកាសសិក្សាអាហារូបករណ៍ចំនួន៥០០កន្លែង សម្រាប់សិស្សានុសិស្សសិក្សាថ្នាក់បរិញ្ញាបត្រជំនាញបច្ចេកវិទ្យាឌីជីថល នៅសាកលវិទ្យាល័យល្បីៗចំនួនប្រាំមួយរបស់កម្ពុជា។ អាហារូបករណ៍ផ្ដល់ជូនក្រោមកម្មវិធីអាហារូបករណ៍ទេពកោសល្យឌីជីថលតេជោ...

អាហារូបករណ៍ថ្នាក់បរិញ្ញាបត្ររង និងបរិញ្ញាតបត្រ៥០កន្លែងនៅសាកលវិទ្យាស្ថានអភិវឌ្ឍន៍អាស៊ីសច្ចៈ

ព័ត៌មានអាហារូបករណ៍, ព្រឹត្តិការណ៍

• 01/02/2023

ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្ររងនៅវិទ្យាស្ថានអភិវឌ្ឍន៍អាស៊ីសច្ចៈចំនួន៥០កន្លែង សម្រាប់សិស្សានុសិស្ស និងសាធារណៈជន ...

វិទ្យាស្ថានពហុបច្ចេកទេសខេត្តកំពង់ធំ ជ្រើសរើសយុវជនចូលរៀនជំនាញឥតបង់ថ្លៃចំនួន ៥៤០កន្លែង

ព័ត៌មានអាហារូបករណ៍, ព្រឹត្តិការណ៍

• 04/12/2023

វិទ្យាស្ថានពហុបច្ចេកទេសខេត្តកំពង់ធំ បានប្រកាសជ្រើសរើសយុវជន យុវនារី ដែលមកពីគ្រួសារក្រីក្រ និងគ្រួសារងាយរងហានិភ័យឱ្យចូលសិក្សាជំនាញបច្ចេកទេស និងវិជ្ជាជីវៈ ឥតបង់ថ្លៃចំនួន ៥៤០កន្លែង។

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Debrecen ប្រទេសហុងគ្រី ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 02/05/2025

កម្មវិធីអាហារូបករណ៍ University of Debrecen Scholarship ប្រកាសផ្ដល់អាហារូបករណ៍ដល់និស្សិតអន្តរជាតិ ស្នើពាក្យដើម្បីសិក្សាថ្នាក់ឧត្ដមសិក្សា នៅសាកលវិទ្យាល័យ Debrecen នៃទីក្រុង Debrecen ប្រទេសហុងគ្រី...

អាហារូបករណ៍ល្បីៗ៣ប្រភេទសម្រាប់និស្សិតចង់ទៅសិក្សានៅប្រទេសតួគី

ព័ត៌មានអាហារូបករណ៍, ព្រឹត្តិការណ៍

• 20/06/2023

កម្មវិធីអាហារូបករណ៍៣ប្រភេទកំពុងបើកផ្ដល់អាហារូបករណ៍ថ្នាក់ឧត្តមសិក្សានៅសាកលវិទ្យាល័យជាច្រើនដែលជាសាកលវិទ្យាល័យដៃគូក្នុងប្រទេស...

សិក្សាជំនាញ៨ ឥតគិតថ្លៃ នៅវិទ្យាស្ថានជាតិសហគ្រិនភាព និងនវានុវត្តន៍ (NIEI)

ព័ត៌មានអាហារូបករណ៍, ព្រឹត្តិការណ៍

• 20/02/2025

សម្រាប់យុវជនមកពីគ្រួសារក្រីក្រ/គ្រួសារងាយរងហានិភ័យ កម្មករនិយោជិតនៃសេដ្ឋកិច្ចក្នុងនិងក្រៅប្រព័ន្ធ និងសារធារណៈជនទូទៅ ដែលចង់ទទួលបានជំនាញមួយច្បាស់លាស់ប្រចាំជីវិត ដើម្បីប្រកបការងារ ឬបង្កើតជាមុខរបរ ពេលនេះ...

វិទ្យាស្ថានពហុបច្ចេកទេសភូមិភាគតេជោសែនសៀមរាបប្រកាសផ្ដល់អាហារូបករណ៍កម្រិតសញ្ញាបត្រជាន់ខ្ពស់បច្ចេកទេសជាច្រើនកន្លែងសម្រាប់យុវជន

ព័ត៌មានអាហារូបករណ៍, ព្រឹត្តិការណ៍

• 05/08/2025

វិទ្យាស្ថានពហុបច្ចេកទេសភូមិភាគតេជោសែនសៀមរាប ប្រកាសផ្ដល់អាហារូបករណ៍១០០% ជាច្រើនកន្លែងសម្រាប់យុវជន យុវនារី និងសាធារណជន ចូលសិក្សាកម្រិតសញ្ញាបត្រជាន់ខ្ពស់បច្ចេកទេស រយៈពេល២ឆ្នាំ។