កញ្ញា ផល សុវណ្ណនាថ ៖ ឃើញរូបភាពវីដេអូក្នុងទូរទស្សន៍ ធ្វើខ្ញុំឱ្យចង់ក្លាយជាអ្នក

កញ្ញា ផល សុវណ្ណនាថ ៖ ឃើញរូបភាពវីដេអូក្នុងទូរទស្សន៍ ធ្វើខ្ញុំឱ្យចង់ក្លាយជាអ្នកដឹកនាំផលិតភាពយន្ត

28/07/2021 21/09/2021

ភ្នំពេញ៖ ថ្មើនេះម៉ោងជិត ១២រំលងអាធ្រាតទៅហើយសំឡេងសំនៀងជាភាសាអង់គ្លេស អ៊ែកសិន (Action) និងខាត់ (Cut) បានបន្លឺរឡើងខ្លាំងចេញពីបរិវេណថតមួយកន្លែង ដែលក្រុមការងារផលិតវីដេអូ ជាច្រើននាក់កំពុងផ្ចិតផ្ចង់យករូបភាពនិងខ្លឹមសារ ។ នេះជាសំឡេងរបស់កញ្ញា ផល សុវណ្ណនាថ វ័យម្ភៃប្រាំឆ្នាំ ជាជំនួយការអ្នកដឹកនាំដំណើរការផលិតវីដេអូឯកសារ ។ សុវណ្ណនាថ ជាកូនចៅអ្នកភ្នំពេញ និងមាននិស្ស័យស្រឡាញ់ការងារសិល្បៈតាំងពីកុមារ មានក្ដីស្រមៃចង់ក្លាយខ្លួនជាអ្នកដឹកនាំផលិតភាពយន្តដ៏ប៉ិនប្រសប់ម្នាក់នៅកម្ពុជា ។

កំពុងត្រួតពិនិត្យការងារផលិតជាមួយក្រុមការងារដែលភាគច្រើនជាបុរស កញ្ញា ផល សុវណ្ណនាថ បំពេញការងារបានយ៉ាងល្អនៅក្នុងតួនាទីរបស់ខ្លួន។ ឆ្លើយនឹងសំណួរថា ហេតុអ្វីសុវណ្ណនាថ ចង់ក្លាយខ្លួនជាអ្នកដឹកនាំផលិតភាពយន្តដ៏ចំណានម្នាក់? កញ្ញាបានងាកមកនិយាយទាំងស្នាមញញឹមថា មូលហេតុដែលចង់ក្លាយជាអ្នកដឹកនាំផលិតភាពយន្តមានតាំងពីកុមារដោយសារតែចាប់អារម្មណ៍រូបភាពវីដេអូក្នុងកញ្ចក់ទូរទស្សន៍ ។

តាំងពីក្មេងពេលដែលខ្ញុំមើលទូរទស្សន៍ ខ្ញុំឆ្ងល់ថាវីដេអូទាំងនោះកើតឡើងរបៀបម៉េច! គេធ្វើអ្វីខ្លះបានចេញជាវីដេអូ ហើយខ្ញុំចាប់ផ្ដើមស្រឡាញ់ការងារ ផលិតវីដេអូរហូតមកដល់សព្វថ្ងៃ”
កញ្ញា ផល សុវណ្ណនាថ

ការងារក្នុងវិស័យផលិតភាពយន្តមិនអាចកំណត់ម៉ោងពេលសម្រាកជាក់លាក់បានឡើយ នៅពេលចេញផលិតម្តងៗ ជួនកាលត្រូវចំណាយពេលថតពេញមួយថ្ងៃ ហើយថ្ងៃខ្លះបន្តរហូតដល់យប់ជ្រៅ ឬដល់ពេលទៀបភ្លឺក៏មាន។ ទោះយ៉ាងណា សុវណ្ណនាថ មិនដែលត្អូញត្អែរពីការលំបាកក្នុងកិច្ចការងារទាំងអស់នេះឡើយ ផ្ទុយទៅវិញរូបគេខិតខំប្រឹងប្រែងកាន់តែខ្លាំងក្លាបន្ថែមទៀតក្នុងនាមជាយុវតីនៅក្នុងវិស័យប្រព័ន្ធផ្សព្វផ្សាយ។

ជាមនុស្សចូលចិត្តស្រមើស្រមៃច្រើននិងនិម្មិតគំនិតឱ្យចេញជារូបភាពវីដេអូ កញ្ញា សុវណ្ណនាថ ចាប់ផ្ដើមចូលប្រឡូកការងារផលិតវីដេអូតាំងពីឆ្នាំ២០១៣ ស្របពេលកំពុងសិក្សាថ្នាក់ទី១២ ។ ចាប់ផ្តើមដំបូង សុវណ្ណនាថ បានដើរតួជាអ្នកបង្ហាញម៉ូត ពេលខ្លះចង់ក្លាយអ្នកចម្រៀង និងក្រោយមកធ្វើការងារជាអ្នកគ្រប់គ្រងតួសម្តែងជាដើម ។ ប៉ុន្តែការងារទាំងនេះ សុវណ្ណនាថមិនទាន់ដឹងថា ខ្លួនចង់ក្លាយជាអ្វីឱ្យពិតប្រាកដស្របតាមក្តីស្រមៃរបស់ខ្លួន ។

“កាលពីក្មេងខ្ញុំឆ្ងល់គេធ្វើម៉េចបានចេញជារូបភាពមកបញ្ចាំងតាមទូរទស្សន៍ឱ្យខ្ញុំមើល តើគេប្រើឧបករណ៍អី ហើយពេលដែលគេធ្វើការវាតើគេជប់ឬយ៉ាងម៉េច? ខ្ញុំគិតថា បើមានឱកាសធំឡើងខ្ញុំចង់ទៅឃើញរឿងអស់ហ្នឹង ខ្ញុំចង់លឺ ចង់រៀន ហើយចង់បង្កើតឱ្យចេញជារូបភាពនៅលើទូរទស្សន៍ឱ្យគ្រួសារខ្ញុំមើល ពិសេសឱ្យប៉ាម៉ាក់ខ្ញុំមើល
កញ្ញា ផល សុវណ្ណនាថ

ក្រោយពីសាកល្បងធ្វើការងារជាច្រើនក្នុងប្រព័ន្ធផ្សព្វផ្សាយបានពីឆ្នាំ នៅក្នុងឆ្នាំ២០១៥ កញ្ញា សុវណ្ណនាថ បានចូលធ្វើការនៅក្នុងស្ថានីយទូរទស្សន៍មួយដែលមានតួនាទីដំបូងជាជំនួយការទូទៅក្នុងការផលិត ។ តាមរយៈបទពិសោធន៍ការងារថ្មីនេះជាជំហានដំបូងដែលក្នុងជីវិត សុវណ្ណនាថ ប៉ងប្រាថ្នាក្លាយខ្លួនជាអ្នកដឹកនាំកម្មវិធីវីដេអូតាំងកុមារ។ ចាប់អាជីពនេះប្រឈមនឹងឧបសគ្គមួយចំនួន រួមមាន វិសមភាពយេនឌ័រក្នុងក្រុមការងារ ទទួលពាក្យពេចន៍បង្អាក់បំបាក់ទឹកចិត្ត និងព្រួយបារម្ភពីក្រុមគ្រួសារ ។

សុវណ្ណនាថ បានបញ្ជាក់ត្រង់នេះថា ៖

ខ្ញុំក៏ភ្ញាក់ផ្អើលខ្លួនឯងដែរ អត់នឹកស្មានថាការងារនេះភាគច្រើនគឺសុទ្ធតែជាមនុស្សប្រុស ! កម្មវិធីដំបូងដែលខ្ញុំធ្វើ គឺខ្ញុំស្រីតែម្នាក់ឯងគត់ ហេតុនេះខ្ញុំត្រូវរៀនសម្របខ្លួនរបៀបមនុស្សប្រុស ដូចថាមនុស្សប្រុសគាត់មានការនិយាយស្ដី របៀបបែបពួកគាត់ ខ្ញុំក៏ត្រូវសម្របខ្លួនតាមពួកគាត់ដែរ”

ការងារប្រើកម្លាំងនិងគំនិតក្នុងពេលតែមួយនេះ ទោះហត់នឿយបន្តិចមែន ប៉ុន្តែ សុវណ្ណនាថ រីករាយក្នុងចិត្តជានិច្ច និងជឿជាក់ថា ថ្ងៃណាមួយរូបគេនឹងក្លាយជាអ្នកដឹកនាំផលិតភាពយន្តដ៏ចំណានម្នាក់ ។

ដើម្បីសម្រេចគោលបំណងខាងលើ បច្ចុប្បន្នកញ្ញា ផល សុវណ្ណនាថា កំពុងបំពេញការងារជាជំនួយការទូទៅរបស់អ្នកដឹកនាំផលិតភាពយន្ត ដឹកនាំផលិតសាច់រឿងក្នុងកម្មវិធី MasterChef Khmer ជំនួយការអ្នកដឹកនាំផលិតពាណិជ្ជកម្ម ជាអ្នកផលិតមាតិកានៅ Studio4 ព្រមទាំងធ្វើការងារមួយចំនួនទៀត ។ ជុំវិញការងារដែលខ្លួនកំពុងបំពេញ សុវណ្ណនាថ និយាយទាំងស្នាមញញឹមថា “កុំឱ្យឧបសគ្គបង្អាក់ក្ដីស្រមៃរបស់ខ្លួន តិចឬច្រើនគួរបង្ហាញសមត្ថភាពយើងឱ្យអ្នកដទៃបានឃើញ” ៕

កញ្ញា សៅ សុធារ៉ា | Ms. Sao Sotheara

ជីវប្រវត្តិ: កញ្ញា សៅ សុធារ៉ា កំពុងសិក្សាផ្នែកប្រព័ន្ធផ្សព្វផ្សាយនិងសារគមនាគមន៍ នៅសាកលវិទ្យាល័យភូមិន្ទភ្នំពេញ។ កញ្ញាធ្លាប់ជាអ្នកសរសេរអត្ថបទជាភាសាខ្មែរ និងបកប្រែឲ្យស្ថាប័នឯកជនមួយកន្លែង។ បច្ចុប្បន្ន សុធារ៉ា ជាអ្នកយកការព័ត៌មានអប់រំឲ្យសារព័ត៌មាន AMS Education។

មិនត្រឹមតែយានយន្តថ្មី ទោះជាយានយន្តកំពុងប្រើប្រាស់

ក៏អាចយកកាតគ្រីមក អិលអូអិលស៊ី

ដើម្បីទទួលបាន ប្រាក់កម្ចី

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

របាយការណ៍ថ្មី

មើលទាំងអស់ ➧

វិធីជំរុញខ្លួនឯងឱ្យធ្វើលំហាត់ប្រាណបានទៀងទាត់

ចំណេះជីវិត, បទយកការណ៍

• 04/02/2026

អត្ថប្រយោជន៍នៃការប្រើប្រាស់ឡើងវិញ និងកាត់បន្ថយប្លាស្ទិក

ចំណេះជីវិត, បទយកការណ៍

• 04/02/2026

ក្នុងវ័យសិក្សា តើសិស្សនិស្សិតគួរគេងប៉ុន្មានម៉ោងទើបល្អ?

ចំណេះជីវិត, បទយកការណ៍

• 04/02/2026

កត្តាសំខាន់ៗក្នុងការរៀបចំសម្ភារៈ និងឯកសារ ដែលជួយសម្រួលដល់ការសិក្សា

ចំណេះជីវិត, ជំនាញ, បទយកការណ៍

• 18/12/2025

៣គន្លឹះដើម្បីបង្កើនឥទ្ធិពលក្នុងការទំនាក់ទំនង

ចំណេះជីវិត, បទយកការណ៍

• 17/12/2025

រក្សាភាពស្ងប់អំឡុងពេលស្រេ្តស ជួយរក្សាស្មារតីឱ្យនៅជាមួយបច្ចុប្បន្នភាព

ចំណេះជីវិត, បទយកការណ៍

• 17/11/2025

អនុវិស័យ ១២ ដែលមានតម្រូវការការងារខ្ពស់ក្នុង ឆ្នាំ២០២៤ និងឆ្នាំ២០២៥

ចំណេះជីវិត, បទយកការណ៍

• 02/06/2025

មត្តេយ្យសិក្សាជាមូលដ្ឋានគ្រឹះដំបូងមិនអាចខ្វះបានសម្រាប់កុមារមុនឈានដល់បឋមសិក្សា

ចំណេះជីវិត, បទយកការណ៍, អប់រំកុមារតូច

• 27/12/2024

វត្តមានយុវតីសិក្សាជំនាញវិស្វកម្មទឹក និងបរិស្ថាន ជួយលើកកម្ពស់ការអប់រំសហគមន៍ និងសម្រេចគោលដៅអភិវឌ្ឍន៍ប្រកបដោយចីរភាពនៅកម្ពុជា

បទយកការណ៍, យុវជនឆ្នើម

• 13/12/2024

ព័ត៌មានទូទៅ

មើលទាំងអស់ ➧

ឱកាសសិក្សាអាហារូបករណ៍ថ្នាក់បណ្ឌិតពីកម្មវិធី Singapore A STAR ACIS ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 22/04/2025

កម្មវិធីអាហារូបករណ៍ Singapore A STAR ACIS នឹងបើកទទួលពាក្យអាហារូបករណ៍សម្រាប់និស្សិតអន្តរជាតិ ឱ្យស្នើការសិក្សាថ្នាក់ឧត្ដមសិក្សាសម្រាប់ឆ្នាំសិក្សា២០២៥ នៅប្រទេសសឹង្ហបុរី។ អាហារូបករណ៍ផ្ដល់ជូនការសិក្សាថ្នាក់បណ្ឌិតស្រាវជ្រាវ..

ឱកាសអាហារូបករណ៍រៀនជំនាញ TVET ចំនួន ៦៦៥កន្លែង នៅវិទ្យាស្ថានពហុបច្ចេកទេសខេត្តកំពង់ឆ្នាំង

ព័ត៌មានអាហារូបករណ៍, ព្រឹត្តិការណ៍

• 30/05/2025

វិទ្យាស្ថានពហុបច្ចេកទេសខេត្តកំពង់ឆ្នាំង ដែលជាគ្រឹះស្ថានអប់រំបណ្ដុះបណ្ដាលបច្ចេកទេស និងវិជ្ជាជីវៈរបស់រដ្ឋតែមួយគត់ចំណុះក្រសួងការងារ និងបណ្ដុះបណ្ដាលវិជ្ជាជីវៈនៅខេត្តកំពង់ឆ្នាំង បានប្រកាសផ្ដល់អាហារូបករណ៍១០០%...

បណ្ដុំអាហារូបករណ៍សិក្សានៅសាកលវិទ្យាល័យ American University of Dubai ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 30/01/2026

ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅទីក្រុងឌូបៃ ប្រទេសអារ៉ាប់រួម ពីបណ្ដុំអាហារូបករណ៍ជាច្រើនដែលផ្ដល់ឱ្យពេញលេញ និងដោយផ្នែក។ កម្មវិធីសិក្សាផ្ដល់ឱ្យតាមរយៈអាហារូបករណ៍...

ឱកាសអាហារូបករណ៍ចំនួន១០០កន្លែង ៖ អាហារូបករណ៍ ចេន ហ្ស៊ី (Chen Zhi) ចាប់ផ្តើមបើកទទួលពាក្យហើយ

ព័ត៌មានអាហារូបករណ៍, ព្រឹត្តិការណ៍

• 22/01/2024

ក្នុងរយៈពេលប្រាំពីរឆ្នាំកម្មវិធីរបស់ ព្រីនស៍ ហូលឌីង គ្រុប នឹងគាំទ្រដល់និស្សិតកម្ពុជាចំនួន ៤០០នាក់ ជាមួយនឹងការបរិច្ចាគដែលមានតម្លៃជាទឹកប្រាក់សរុបប្រមាណ ២ លានដុល្លារសហរដ្ឋអាមេរិក...

អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យកាតាឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 12/09/2023

ឱកាសសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យកាតា ពីកម្មវិធីអាហារូបករណ៍ Qatar University Scholarship ឆ្នាំសិក្សា២០២៤ ។ អាហារូបករណ៍ផ្ដល់...

ឱកាសសិក្សាជំនាញវិជ្ជាជីវៈនៅវិទ្យាស្ថានពហុបច្ចេកទេសខេត្តកំពង់ឆ្នាំង

ព័ត៌មានអាហារូបករណ៍, ព្រឹត្តិការណ៍

• 15/09/2025

វិទ្យាស្ថានពហុបច្ចេកទេសខេត្តកំពង់ឆ្នាំង ប្រកាសជ្រើសរើសសាធារណជនចូលសិក្សាវគ្គបណ្ដុះបណ្ដាលជំនាញវិជ្ជាជីវៈ និងបច្ចេកទេស សម្រាប់វគ្គសិក្សាថ្មី ក្នុងថ្នាក់សញ្ញាបត្របច្ចេកទេស និងវិជ្ជាជីវៈ១ (C1) ឆ្នាំសិក្សា២០២៦។

អាហារូបករណ៍សិក្សាវគ្គខ្លីថ្នាក់ Full-Stack Development នៅ ADITI Academy

ព័ត៌មានអាហារូបករណ៍, ព្រឹត្តិការណ៍

• 17/10/2025

ឱកាសសិក្សាអាហារូបករណ៍វគ្គខ្លីថ្នាក់ Full-Steak Development រយៈពេល៤ខែ នៅ ADITI Academy សម្រាប់ឆ្នាំសិក្សាថ្មី។ អាហារូបករណ៍គាំទ្រដោយធនាគារវីង ផ្ដល់ជូន ១០០% ចំនួន ៣០កន្លែង ៨០% ចំនួន១០កន្លែង និង ៧០% ចំនួន ១០កន្លែង។

សាកលវិទ្យាល័យអន្តរជាតិផារ៉ាហ្គន ប្រកាសផ្តល់អាហារូបករណ៍១០០% ដល់និស្សិតត្រឡប់ពីប្រទេសថៃវិញ

ព័ត៌មានអាហារូបករណ៍, ព្រឹត្តិការណ៍

• 29/08/2025

សាកលវិទ្យាល័យអន្តរជាតិ ផារ៉ាហ្គនប្រកាសផ្តល់អាហារូបករណ៍ដល់និស្សិតកម្ពុជាដែលត្រឡប់មកពីប្រទេសថៃវិញ ដោយសារវិបត្តិជម្លោះព្រំដែនកម្ពុជា-ថៃ ដែលមានបំណងបន្តការសិក្សានៅកម្ពុជា

ឱកាសសិក្សាអាហារូបករណ៍ចំនួន១៦៧០កន្លែងនៅវិទ្យាស្ថានពហុបច្ចេកទេសខេត្តព្រះសីហនុ

ព័ត៌មានអាហារូបករណ៍, ព្រឹត្តិការណ៍

• 01/11/2024

វិទ្យាស្ថានពហុបច្ចេកទេសខេត្តព្រះសីហនុ ប្រកាសជ្រើសរើសសិស្ស-និស្សិតចូលសិក្សាអាហារូបករណ៍ចំនួន១៦៧០កន្លែង សិក្សាជំនាញបច្ចេកទេស និងវិជ្ជាជីវៈសម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនការសិក្សាកម្រិតបរិញ្ញាបត្របច្ចេកទេស...