អគ្គិសនីកម្ពុជាបន្ថែមថវិកាប្រមាណ ១.១ លានដុល្លារ ដើម្បីបង្កើនឱកាសយុវជនកម្ពុជាសិក្សាវិស្វកម្មនៅអឺរ៉ុប

អគ្គិសនីកម្ពុជា (EDC) នឹងរួមចំណែកថវិកាបន្ថែមចំនួន ១លានអឺរ៉ូ (ប្រមាណ ១.១ លានដុល្លារអាម៉េរិក) ទៅក្នុងកម្មវិធី Choose Europe for Science ដើម្បីពង្រីកឱកាសដល់យុវជនកម្ពុជាក្នុងការបន្តការសិក្សាជំនាញវិស្វកម្មនៅបណ្តាប្រទេសអឺរ៉ុប ខណៈវិស័យថាមពលកម្ពុជាកំពុងមានការផ្លាស់ប្តូរ និងត្រូវការធនធានមនុស្សដែលមានជំនាញបច្ចេកទេសខ្ពស់។

ការរួមចំណែកថវិកាបន្ថែមនេះ ត្រូវបានប្រកាសដោយរដ្ឋមន្ត្រីក្រសួងរ៉ែ និងថាមពល ឯកឧត្តម កែវ រតនៈ ក្នុងឱកាសចូលរួមពិព័រណ៍ការសិក្សានៅអឺរ៉ុប (Study in Europe Fair) ដែលរៀបចំឡើងនៅសាលបុរីកោះពេជ្រ រាជធានីភ្នំពេញ នាថ្ងៃទី១៨ ខែវិច្ឆិកា ឆ្នាំ២០២៦។

ឯកឧត្តម កែវ រតនៈ បានឱ្យដឹងថា ក្រសួងរ៉ែ និងថាមពលបានអនុម័តការរួមចំណែកថវិកាបន្ថែមចំនួន ១លានអឺរ៉ូពី EDC ទៅកាន់កម្មវិធី Choose Europe for Science ដែលនឹងផ្តល់ឱកាសដល់យុវជនកម្ពុជាកាន់តែច្រើនក្នុងការសិក្សាជំនាញវិស្វកម្មនៅអឺរ៉ុប។

ឯកឧត្តមរដ្ឋមន្ត្រីបានលើកឡើងថា វិស័យថាមពលរបស់កម្ពុជាកំពុងមានការផ្លាស់ប្តូរ ហើយឯកឧត្តមសង្ឃឹមថា យុវជនកម្ពុជាកាន់តែច្រើននឹងមានឱកាសចូលរួមក្នុងការកំណត់ទិសដៅ និងអភិវឌ្ឍវិស័យនេះ។ ជាមួយគ្នា ឯកឧត្តមបានបញ្ជាក់ពីការបន្តខិតខំបង្កើតឱកាសឱ្យយុវជនអាចយកចំណេះដឹង និងជំនាញដែលទទួលបានទៅអនុវត្តនៅក្នុងប្រទេសកម្ពុជា។

ដោយឡែក ឯកឧត្តម Igor Driesmans ឯកអគ្គរដ្ឋទូតសហភាពអឺរ៉ុបប្រចាំកម្ពុជា បានមានប្រសាសន៍ថា ពិព័រណ៍នេះមានគោលបំណងជំរុញការបង្កើតភាពជាដៃគូបន្ថែមទៀតរវាងគ្រឹះស្ថានអប់រំ និងស្ថាប័ននានារបស់អឺរ៉ុប និងកម្ពុជា ព្រមទាំងពង្រីកឱកាសផ្លាស់ប្តូរ និងចល័តភាពសម្រាប់និស្សិត និងអ្នកស្រាវជ្រាវ។

ឯកឧត្តមឯកអគ្គរដ្ឋទូតក៏បានគូសបញ្ជាក់អំពីការប្តេជ្ញាចិត្តរបស់សហភាពអឺរ៉ុបក្នុងការបន្តភាពជាដៃគូជាមួយកម្ពុជា តាមរយៈការពង្រឹងកិច្ចសហប្រតិបត្តិការលើវិស័យអប់រំបច្ចេកទេស និងវិជ្ជាជីវៈ (TVET) ការស្រាវជ្រាវវិទ្យាសាស្ត្រ នវានុវត្តន៍ ការអភិវឌ្ឍជំនាញ កម្មវិធីផ្លាស់ប្តូរនិស្សិត និងការវិនិយោគប្រកបដោយចីរភាព។

ជាមួយគ្នានេះ សហភាពអឺរ៉ុបក៏បានលើកទឹកចិត្តឱ្យមានការពង្រឹងភាពជាដៃគូរវាងស្ថាប័ន និងវិស័យឯកជន ដើម្បីបង្កើតផលប្រយោជន៍ទៅវិញទៅមកសម្រាប់កម្ពុជា និងអឺរ៉ុប។

គួរបញ្ជាក់ថា ពិព័រណ៍ Study in Europe Fair មានការចូលរួមពីសាកលវិទ្យាល័យអឺរ៉ុបជាង ៥០ និងក្រុមហ៊ុនអឺរ៉ុបជាង ១៥ ព្រមទាំងសាកលវិទ្យាល័យ និងគ្រឹះស្ថានឧត្តមសិក្សាក្នុងស្រុក ដើម្បីផ្តល់ឱកាសដល់យុវជនកម្ពុជាស្វែងយល់អំពីអាហារូបករណ៍ និងឱកាសបន្តការសិក្សានៅបណ្តាប្រទេសអឺរ៉ុប។ក្នុងឱកាសនោះ ឯកឧត្តម កែវ រតនៈ ក៏បានចូលរួមអបអរសាទរដល់និស្សិតកម្ពុជាចំនួន ៣២០នាក់ ដែលទទួលបានអាហារូបករណ៍ពេញលេញផ្នែកវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា (STEM) សម្រាប់ការសិក្សានៅសាកលវិទ្យាល័យក្នុងប្រទេសកម្ពុជា។

សូមជម្រាបថា កម្មវិធី Choose Europe for Science – Cambodian Talents មានទំហំថវិកាសរុប ៨លានអឺរ៉ូ ដែលសហភាពអឺរ៉ុបបានដាក់ឱ្យដំណើរការ ដោយផ្តល់អាហារូបករណ៍ពេញលេញសម្រាប់និស្សិត មន្ត្រីរាជការ និងសាស្ត្រាចារ្យកម្ពុជាទៅសិក្សាជំនាញ STEM នៅអឺរ៉ុប៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Leed នៃចក្រភពអង់គ្លេសឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 08/05/2024

ឱកាសសិក្សាអាហារូបករណ៍ថ្នាក់ឧត្តមសិក្សានៅសាកលវិទ្យាល័យLeed ពីកម្មវិធីអាហារូបករណ៍ Leed Scholarship 2024 សម្រាប់សិក្សាផ្នែកគណនេយ្យ ...

អាហារូបករណ៍៥០កន្លែងសិក្សានៅសាកលវិទ្យាល័យខេមរៈថ្នាក់បរិញ្ញាបត្រជាន់ខ្ពស់ឆ្នាំ២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 16/12/2024

ឱកាសសិក្សាអាហារូបករណ៍ថ្នាក់បរិញ្ញាបត្រ៥០កន្លែងសម្រាប់ឆ្នាំសិក្សា២០២៤-២០២៥ នៅសាកលវិទ្យាល័យខេមរៈ តាមរយៈគណៈកម្មាធិការអាហារូបករណ៍សិស្ស-និស្សិតក្រីក្រ សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត...

ឱកាស​សិក្សា​អាហារូបករណ៍​ជំនាញ​វិជ្ជាជីវៈ​នៅ​មជ្ឈមណ្ឌល​បណ្ដុះបណ្ដាល​វិជ្ជាជីវៈ​ខេត្ត​មណ្ឌលគិរី

ព័ត៌មានអាហារូបករណ៍, ព្រឹត្តិការណ៍

• 19/11/2024

មជ្ឈមណ្ឌល​បណ្ដុះបណ្ដាល​វិជ្ជាជីវៈ​ខេត្តមណ្ឌលគិរី​ប្រកាស​ផ្ដល់​អាហារូបករណ៍​សិក្សា​ជំនាញ​វិជ្ជាជីវៈ និង​បច្ចេកទេស​ដល់​យុវជន​មក​ពី​គ្រួសារក្រីក្រ និង​គ្រួសារ​ងាយ​រង​ហានិភ័យ​ចំនួន​២៤០​កន្លែង។

អាហារូបករណ៍សិក្សា​ភាសាអង់គ្លេស​នៅ ACE ចំនួន ៣២កន្លែង

ព័ត៌មានអាហារូបករណ៍, ព្រឹត្តិការណ៍

• 02/07/2024

ក្នុង​ឱកាស​អបអរ​សាទរ​ខួបទី៣២ឆ្នាំ នៅ​កម្ពុជា មជ្ឈមណ្ឌល​អូស្រ្តាលី​សម្រាប់​ការ​បណ្តុះបណ្តាល បានប្រកាស​ផ្តល់​អាហារូបករណ៍​ដល់​សិស្ស​និស្សិត​ចំនួន​៣២នាក់។

អាហារូបករណ៍ទេពកោសល្យឌីជីថលតេជោ ប្រកាស​ផ្តល់​អាហារូបករណ៍​ថ្នាក់បរិញ្ញាបត្រ ចំនួន៥០០កន្លែង សម្រាប់ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 11/08/2025

ក្នុងឆ្នាំសិក្សា២០២៥-២០២៦ នេះ កម្មវិធី អាហារូបករណ៍ទេពកោសល្យឌីជីថលតេជោ តាមរយៈក្រសួងប្រៃសណីយ៍និងទូរគមនាគមន៍ (ក.ប.ទ.) នឹងបន្តផ្តល់អាហារូបករណ៍ចំនួន ៥០០ កន្លែង សម្រាប់សិក្សាថ្នាក់បរិញ្ញាបត្រជំនាញបច្ចេកវិទ្យាឌីជីថល...

កម្មវិធីអាហារូបករណ៍ SHE-CAN ផ្តល់ឱកាស​ដល់និស្សិតស្រ្តីកម្ពុជា ទៅ​សិក្សា​នៅ​សហរដ្ឋអាមេរិក

ព័ត៌មានអាហារូបករណ៍, ព្រឹត្តិការណ៍

• 05/07/2023

កម្មវិធីអាហារូបករណ៍ SHE-CAN ដែលជាកម្មវិធីភាពជាអ្នកដឹកនាំមានមូលដ្ឋាននៅសហរដ្ឋអាមេរិក បានប្រកាស​ផ្តល់អាហារូបករណ៍ដល់និស្សិតស្ដ្រីឆ្នើមកម្ពុជា...

សាលាទូតដ៏ល្បីរបស់រុស្ស៊ី MGIMO ប្រកាសផ្ដល់អាហារូបករណ៍ដល់សិស្សកម្ពុជា សម្រាប់ឆ្នាំសិក្សា ២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 28/09/2026

វិទ្យាស្ថានទំនាក់ទំនងអន្តរជាតិរដ្ឋមូស្គូ (MGIMO University) ដែលស្ថិតក្រោមឱវាទនៃក្រសួងការបរទេសសហព័ន្ធរុស្ស៊ី និងជាគ្រឹះស្ថានឧត្តមសិក្សាផ្នែកការទូតឈានមុខគេ

អាហារូបករណ៍ រដ្ឋាភិបាលនូវែលសេឡង់ សិក្សា​ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត សម្រាប់ឆ្នាំសិក្សា២០២៧

ព័ត៌មានអាហារូបករណ៍, ព្រឹត្តិការណ៍

• 23/03/2026

ក្នុងឆ្នាំ២០២៦នេះ រដ្ឋាភិបាល នៃប្រទេសនូវែលសេឡង់ នឹងផ្តល់អាហារូបករណ៍ចំនួន ៣៥កន្លែង ដល់ពលរដ្ឋកម្ពុជា ដើម្បីទៅបន្តការសិក្សា ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅ​តាម​សាកលវិទ្យាល័យ​នានា

អាហារូបករណ៍សិក្សានៅសាកលវិទ្យាល័យ Pisa ប្រទេសអ៊ីតាលីឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 26/04/2023

ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យ Pisa នៃប្រទេសអ៊ីតាលីឆ្នាំសិក្សា២០២៣ ។ ...