លោក រៀម ចំរើន ចែករំលែកបទពិសោធន៍ឱកាសផ្លាស់ប្ដូរការសិក្សាក្រៅប្រទេស ទោះបីជាមិនចេះភាសាអង់គ្លេសខ្លាំង

ឱកាសផ្លាស់ប្ដូរការសិក្សានៅក្រៅប្រទេសជាពេលវេលាដែលសិស្ស និស្សិត ឬបុគ្គលគ្រប់រូបអាចសិក្សាស្វែងយល់បន្ថែមអំពីបរិយាកាសសិក្សា វប្បធម៌ និងប្រពៃណីផ្សេងៗ។ ការផ្លាស់ប្ដូរការសិក្សានេះទៀតសោតក៏ជាចំណែកមួយដែលជួយឱ្យបុគ្គលពង្រឹងសមត្ថភាពជាច្រើនរួមទាំងផ្នែកភាសាផងដែរ។

លោក រៀម ចំរើន បច្ចុប្បន្ន​ជាផលិតករ ជាពិធីករកម្មវិធីឯករាជ ដែលធ្លាប់ចូលរួម​កម្មវិធីផ្លាស់ប្តូរ​ការ​សិក្សានៅក្រៅប្រទេស​ជាច្រើន និងជាបេក្ខភាពដែលនឹងទៅផ្លាស់ប្ដូរការសិក្សារយះពេលមួយខែនៅប្រទេសអាល្លឺម៉ង់នាពេលខាងមុខនេះ បានឱ្យ​ដឹងថា លោកមិនមែនជាសិស្សពូកែ ឬខ្លាំងខាងផ្នែកភាសាអង់គ្លេសនោះឡើយ ប៉ុន្តែលោកមានចំណាប់អារម្មណ៍លើការសិក្សានៅក្រៅប្រទេស ដូចនេះលោកបានស្វែងរកឱកាសផ្សេងៗរហូតទទួលបានបទពិសោធន៍ទៅផ្លាស់ប្ដូរការសិក្សានៅក្រៅប្រទេសជាច្រើនប្រទេសផងដែរ។

ជាក់ស្ដែង នាខែសីហាឆ្នាំ២០២៤ខាងមុខនេះ លោក ចំរើន នឹងទៅផ្លាស់ប្ដូរការសិក្សានៅប្រទេសអាល្លឺម៉ង់ក្រោមប្រធានបទ «ឥទ្ធិពលនៃអាណានិគមរបស់ប្រទេសដទៃលើប្រទេសកម្ពុជាបានជះឥទ្ធិពលល្អ និងមិនល្អបែបណាខ្លះ» ដែលជាកម្មវិធីរបស់ អង្គការសកម្មភាពយុវជនកម្ពុជា (CYA)។

រូបពេលលោក ចំរើន ទៅផ្លាស់ប្ដូរការសិក្សានៅប្រទេសកូរ៉េខាងត្បូង

បទពិសោធន៍ការងារកន្លងមករបស់ ចំរើន ជាចំណែកមួយដែលធ្វើឱ្យលោកទទួលបានទទួលបានឱកាសផ្លាស់ប្ដូរការសិក្សានៅក្រៅប្រទេសជាច្រើន។ លោក រៀម ចំរើន បន្ថែមថា ត្បិតលោកមិនមានជំនាញភាសាអង់គ្លេសខ្លាំង ប៉ុន្តែលោកជាមនុស្សដែលចូលចិត្តការងារសង្គម ការងារស្ម័គ្រចិត្ត និងបច្ចុប្បន្ននេះក៏ជាយុវជនស្ម័គ្រចិត្តម្នាក់ដែលចូលរួមផ្សព្វផ្សាយទាក់ទងនឹងការបញ្ចប់អាណត្តិសេសសល់របស់សាលាក្ដីខ្មែរក្រហម ហើយនេះក៏ជាប្រធានបទដែលទាក់ទងនឹងប្រធានបទដែលនឹងទៅផ្លាស់ប្ដូរការសិក្សានៅប្រទេសអាល្លឺម៉ង់ផងដែរ។

បេក្ខភាពត្រៀមទៅបន្តការផ្លាស់ប្ដូរការសិក្សារូបនេះបានបន្តថា កម្មវិធីនេះនឹងប្រព្រឹត្តទៅរយៈពេលបួនសប្ដាហ៍ ដោយសប្ដាហ៍ទីមួយបេក្ខជននឹងសិក្ខាសាលាជាមួយបេក្ខជន និងអ្នករៀបចំកម្មវិធីអំពីប្រធានបទ។ នៅសប្ដាហ៍ទីពីរ ទីបី និងទីបួន នឹងធ្វើការផ្សព្វផ្សាយ និងចែករំលែកទៅកាន់សិស្សថ្នាក់វិទ្យាល័យនៃខេត្តមួយចំនួនដែលកម្មវិធីរៀបចំនៅប្រទេសអាល្លឺម៉ង់។

ចែករំលែកដោយក្ដីរីករាយ លោក រៀម ចំរើន បានបន្ថែមថា ចំពោះបេក្ខជន បេក្ខជនារីដែលមានបំណងបន្តការសិក្សា ឬផ្លាស់ប្ដូរការសិក្សានៅក្រៅប្រទេស សាម៉ីខ្លួនគួរតែតាមដានពីកម្មវិធីនោះឱ្យបានជាប់លាប់ និងសិក្សាស្វែងយល់ឱ្យបានច្រើនពីកម្មវិធីសិក្សាដែលអ្នកចង់ទៅសិក្សា។

យ៉ាងណាមិញ បើទោះបីជាលោក រៀម ចំរើន មិនសូវមានជំនាញផ្នែកភាសាអង់គ្លេសប៉ុន្តែមានឱកាសអាចទៅផ្លាស់ប្ដូរការសិក្សានៅក្រៅប្រទេស ក៏លោក រៀម ចំរើន នៅតែលើកទឹកចិត្តដល់អ្នកគ្រប់គ្នាឱ្យខិតខំរៀនសូត្រ និងចាប់យកភាសាអង់គ្លេស ឬភាសាផ្សេងបន្ថែមទៀតព្រោះភាសាទាំងអស់សុទ្ធតែមានសារៈសំខាន់ជាច្រើនសម្រាប់ការសិក្សា ឬឱកាសផ្សេងៗ។ ជាមួយគ្នានេះ យុវជនគួរតែចូលរួមសកម្មភាពការងារស្ម័គ្រចិត្ត និងការងារសង្គមឱ្យបានច្រើនផងដែរព្រោះបទពិសោធន៍ទាំងនោះអាចផ្ដល់ទាំងឱកាស និងបទពិសោធន៍ជាច្រើនដល់អ្នក៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

វិទ្យាស្ថានពហុបច្ចេកទេសភូមិភាគតេជោសែនសៀមរាបប្រកាស​ផ្ដល់អាហារូបករណ៍កម្រិតសញ្ញាបត្រជាន់ខ្ពស់បច្ចេកទេស​ជាច្រើន​កន្លែងសម្រាប់យុវជន

ព័ត៌មានអាហារូបករណ៍, ព្រឹត្តិការណ៍

• 05/08/2025

វិទ្យាស្ថានពហុបច្ចេកទេសភូមិភាគតេជោសែនសៀមរាប ប្រកាសផ្ដល់អាហារូបករណ៍១០០% ជាច្រើនកន្លែងសម្រាប់យុវជន យុវនារី និងសាធារណជន ចូលសិក្សាកម្រិតសញ្ញាបត្រជាន់ខ្ពស់បច្ចេកទេស រយៈពេល២ឆ្នាំ។

ឱកាសសិក្សាសញ្ញាបត្រជាន់ខ្ពស់ចំនួន១០កន្លែងនៅវិទ្យាស្ថានបច្ចេកទេស​ឧស្សាហកម្ម ឆ្នាំ២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 22/11/2024

ឱកាសសិក្សាអាហារូបករណ៍ថ្នាក់កម្រិតសញ្ញាបត្រជាន់ខ្ពស់ ឬថ្នាក់បរិញ្ញាបត្ររង នៅវិទ្យាស្ថានបច្ចេកទេសឧស្សាហកម្ម ពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិ ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនក្រោមការឧបត្ថម្ភ និងគាំទ្រពី...

ក្រសួងមហាផ្ទៃ ជ្រើសរើសនិស្សិត និងសិស្សនគរបាលអាហារូបករណ៍ប្រចាំឆ្នាំចំនួន៤០០នាក់

ព័ត៌មានអាហារូបករណ៍, ព្រឹត្តិការណ៍

• 14/01/2026

ក្រសួងមហាផ្ទៃ​កាលពីដើមសប្តាហ៍​នេះ បានប្រកាស​ពីការប្រឡងប្រជែងជ្រើសរើសនិស្សិតនិងសិស្សនគរបាលអាហារូបករណ៍ប្រចាំឆ្នាំ ឱ្យចូលសិក្សាថ្នាក់បរិញ្ញាបត្រវិទ្យាសាស្ត្រនគរបាល ថ្នាក់សញ្ញាបត្រមធ្យមឯកទេសនគរបាល...

រៀនថ្នាក់សញ្ញាបត្របច្ចេកទេស និងវិជ្ជាជីវៈ១ ឥតគិតថ្លៃ ចំនួន១៨០កន្លែង នៅ​វិទ្យាស្ថាន​ពហុបច្ចេកទេស​ខេត្ត​ព្រះវិហារ

ព័ត៌មានអាហារូបករណ៍, ព្រឹត្តិការណ៍

• 05/03/2026

សម្រាប់ឆ្នាំ២០២៦នេះ វិទ្យាស្ថាន​ពហុបច្ចេកទេស​ខេត្តព្រះវិហារ បានប្រកាស​ជ្រើសរើស​សិស្ស​ទាំងពីរភេទ (អាយុចាប់ពី១៥-៣៥ឆ្នាំ) ឱ្យ​ចូលរៀន​ឥតបង់ថ្លៃ លើជំនាញចំនួន៦ ដែលកំពុង​មានតម្រូវការ​ទីផ្សារការងារ។

អាហារូបករណ៍ថ្នាក់បរិញ្ញាបត្រ ២០កន្លែង នៅសាកលវិទ្យាល័យវ៉ាន់ដា ពីកម្មវិធីអាហារូបករណ៍អភិសន្តិបណ្ឌិត ស សុខា សម្រាប់ឆ្នាំសិក្សា២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 11/09/2026

ក្រុមការងារអាហារូបករណ៍អភិសន្តិបណ្ឌិត ស សុខា ប្រកាសផ្ដល់អាហារូបករណ៍ថ្នាក់បរិញ្ញាបត្រចំនួន ២០កន្លែង សិក្សានៅសាកលវិទ្យាល័យវ៉ាន់ដា សម្រាប់ឆ្នាំសិក្សា២០២៦-២០២៧។

អាហារូបករណ៍សិក្សាវគ្គ IELTS តាម Online ពីសាកលវិទ្យាល័យ California

ព័ត៌មានអាហារូបករណ៍, ព្រឹត្តិការណ៍

• 12/02/2025

ឱកាសសិក្សាដោយឥតគិតថ្លៃលើការសិក្សាវគ្គ IELTS នៅលើ Coursera ពីសាកលវិទ្យាល័យ California Irvine (University of California Irvine) សម្រាប់ឆ្នាំសិក្សាថ្មី។ អាហារូបករណ៍ផ្ដល់ជូនការសិក្សាលើជំនាញចំនួន៧ក្នុងការរៀនយក IELTS ។

អាហារូបករណ៍ថ្នាក់បរិញ្ញាបត្រជាន់ខ្ពស់នៅវិទ្យាស្ថាន Chulabhorn Graduate ប្រទេសថៃ

ព័ត៌មានអាហារូបករណ៍, ព្រឹត្តិការណ៍

• 02/08/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅវិទ្យាស្ថានChulabhorn Graduate Institute (CGI) ពីកម្មវិធីអាហារូបករណ៍ Chulabhorn ...

អាហារូបករណ៍ថ្នាក់ឧត្ដមសិក្សាពីកម្មវិធីអាហារូបករណ៍ Stipendium Hungaricum ឆ្នាំសិក្សា២០២៤ នៅប្រទេសហុងគ្រី

ព័ត៌មានអាហារូបករណ៍, ព្រឹត្តិការណ៍

• 29/12/2023

ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យ PECS ពីកម្មវិធីអាហារូបករណ៍ Stipendium Hungaricum សម្រាប់ឆ្នាំសិក្សា២០២៤នៅប្រទេសហុងគ្រី។ ...

ឱកាស​សម្រាប់សិស្សកំពុងរៀនថ្នាក់ទី១២ ចង់រៀនជំនាញបច្ចេកវិទ្យា, ខេមតិច ផ្តល់អាហារូបករណ៍ ១០០%

ព័ត៌មានអាហារូបករណ៍, ព្រឹត្តិការណ៍

• 30/04/2026

សម្រាប់សិស្សានុសិស្ស​ដែលកំពុងរៀនថ្នាក់ទី១២ ហើយមានបំណងចង់បន្តការសិក្សានៅសាកលវិទ្យាល័យ លើជំនាញបច្ចេកវិទ្យា បន្ទាប់ពីចប់បាក់ឌុបរួច, ពេលនេះ សាកលវិទ្យាល័យ​ឯកជនក្នុងស្រុកមួយ...