ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ ៖ កញ្ញា ហុក សុវណ្ណវត្តី អាយុ ២៦ឆ្នាំ ជាស្ថាបនិកនៃអាជីវកម្មហ្គេនឡេឌី ខេមបូឌា (Green Lady Cambodia) កំពុងផលិតក្រណាត់អនាម័យស្រ្តី (Washable Pad) សម្រាប់ស្រ្តីប្រើជំនួសសំឡីអនាម័យ។ សុវណ្ណវត្តី យល់ថា នេះជាគំនិតអាជីវកម្មថ្មីដើម្បីលើកកម្ពស់សុខុមាលភាពស្រ្តី ព្រមទាំងជួយដល់បរិស្ថានគ្មានប្លាស្ទីក។
កញ្ញា ហុក សុវណ្ណវត្តី បាននិយាយថា៖
“ក្រណាត់អនាម័យនេះកែច្នៃដូចជំនាន់មុនអីចឹង ! យើងដេរវាឱ្យស្អាត និងកែប្រែរូបរាងរបស់ឱ្យដូចសំឡីអនាម័យប្លាស្ទិក ក្រណាត់ទាំងនោះអាចបោកទឹកបាន អាចប្រើប្រាស់ម្ដងហើយម្តងទៀត និងជួយដល់បរិស្ថាន”
អាជីវកម្មហ្គេនឡេឌី ខេមបូឌា បានបង្កើតឡើងនៅឆ្នាំ២០១៧ ។ កញ្ញា ហុក សុវណ្ណវត្តី បានបញ្ជាក់ថា “ខ្ញុំចង់ឃើញស្ត្រីកម្ពុជាមានសុខភាពល្អ និងចូលរួមកាត់បន្ថយសំរាមកើតចេញពីសំឡីអនាម័យប្លាស្ទីក”។ បន្តិចម្តងៗ ក្រោយពីពន្យល់និងផ្សព្វផ្សាយនៅលើបណ្តាញសង្គមហ្វេសប៊ុក សារព័ត៌មាន ស្ត្រីកម្ពុជាបានយល់ដឹងពីបញ្ហាអនាម័យពេលមានរដូវ ហើយងាកមកគាំទ្រនិងប្រើប្រាស់ក្រណាត់អនាម័យ។
កញ្ញា សុវណ្ណវត្តី បានឱ្យ AMS ដឹងបន្តថា៖
“ក្រណាត់អនាម័យសម្រាប់ប្រើពេលស្ត្រីមករដូវ ជាក្រណាត់អនាម័យដេរដោយដៃហើយអាចបោកទឹកសម្អាតនិងប្រើប្រាស់ឡើងវិញបានរហូតដល់បីឆ្នាំ។ គ្រាន់តែឮដូច្នេះ មនុស្សមួយចំនួនគិតថាវាគគ្រិច គួរឱ្យខ្ពើមរអើមខ្លាំង ប៉ុន្តែវាមិនអីចឹងទេ ! ដំបូងខ្ញុំគិតថាអ្នកប្រើប្រាស់ពិបាកទទួលយកបន្តិច តែនៅពេលអ្នកប្រើយល់ពីគុណសម្បត្តិរបស់វា នោះវាលែងជាបញ្ហាហើយ”
កញ្ញា ហុក សុវណ្ណវត្តី បានបញ្ចប់ការសិក្សាថ្នាក់បរិញ្ញាបត្រផ្នែកច្បាប់ជាភាសាអង់គ្លេស នៅសាកលវិទ្យាល័យភូមិន្ទនិតិសាស្រ្ត និងវិទ្យាសាស្រ្តសេដ្ឋកិច្ច កាលពីឆ្នាំ២០២០។ ឆ្នាំ២០១៦ សុវណ្ណវត្តី បានទៅសិក្សាផ្នែក Eco Village Design Gaia Ashram នៅប្រទេសថៃ រយៈពេលប្រាំសប្តាហ៍ និងបានរៀនពីរបៀបដេរក្រណាត់ធ្វើជាសំឡីអនាម័យប្រើដោយខ្លួនឯង ហើយគំនិតបង្កើតអាជីវកម្មផលិតក្រណាត់អនាម័យស្ត្រីចាប់តាំងពីពេលនោះមក។
“ខ្ញុំយល់ថាផលិតផលសម្រាប់ស្រ្តីមួយនេះ នឹងចូលរួមជួយក្មេងស្រីនិងស្រ្តីជាច្រើននៅក្នុងសង្គមយើង ព្រមទាំងជំរុញឱ្យយុវតីយល់ដឹងបញ្ហាសុខភាព ស្ត្រីក្លាហ៊ានចែករំលែកនិងទទួលយកបទពិសោធន៍ថ្មីៗស្តីពីការលើកកម្ពស់អនាម័យពេលមានរដូវ”
ទន្ទឹមគ្នានេះ តាមរយៈកិច្ចសហការណ៍ជាមួយក្រសួងកិច្ចការនារី និងក្រសួងអប់រំ អប់រំ យុវជន និងកីឡា កន្លងទៅយុវតី សុវណ្ណវត្តី បានទៅបង្រៀនក្មេងស្រីៗនៅតាមបណ្តាខេត្តផ្សេងៗពីបញ្ហាអនាម័យពេលមានរដូវ ជំរុញឱ្យស្ត្រីហ៊ាននិយាយអំពីវដ្តរដូវរបស់ខ្លួន និងជជែកពីបញ្ហាសុខភាពស្រ្តី។
“ខ្ញុំធ្វើបែបនេះអាចជួយដល់ខ្លួនឯងផង ជួយអ្នកដទៃផង ជាពិសេសយុវតីនៅក្នុងប្រទេសកម្ពុជាគួរយល់ដឹងអំពីសុខភាពសុខភាពផ្ទាល់ខ្លួនឱ្យបានទូលំទូលាយ និងហ៊ាននិយាយពីបញ្ហាអនាម័យពេលមានរដូវដើម្បីសុខភាព ដើម្បីស្នាមញញឹមរបស់ស្ត្រីខ្លួនឯង” នេះជាការបញ្ជាក់បន្ថែមរបស់កញ្ញា ហុក សុវណ្ណវត្តី ស្ថាបនិកនៃអាជីវកម្មហ្គេនឡេឌី ខេមបូឌា៕
ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។
របាយការណ៍សំខាន់
ព័ត៌មានទូទៅ
ឯកឧត្តមសន្តិបណ្ឌិត នេត សាវឿន ជំរុញឱ្យយុវជនប្រើប្រាស់បច្ចេកវិទ្យា និងភាពច្នៃប្រឌិត ដើម្បីចូលរួមប្រយុទ្ធប្រឆាំងគ្រឿងញៀន
កម្ពុជាដាក់ឱ្យអនុវត្តកម្មវិធីថ្នាក់ជាតិ «ក្មេងស្រីដឹកនាំ» ឆ្នាំ២០២៦-២០៣០ ដើម្បីបណ្តុះអ្នកដឹកនាំស្រ្តីជំនាន់ក្រោយ
អ្នកជំនាញសង្គម ៖ អ្នកបង្កើតមាតិកា គួរគិតឱ្យបានគ្រប់ជ្រុងជ្រោយមុនបញ្ចេញមតិលើបណ្ដាញសង្គម
ការងារ ៣០ ប្រភេទនៅអាមេរិក មិនទាមទារបរិញ្ញាបត្រ តែមានឱកាសទទួលបានប្រាក់ខែខ្ពស់រហូតជិត១០ម៉ឺនដុល្លារក្នុងមួយឆ្នាំ
អាហារូបករណ៍ថ្នាក់ភាសាចិន រយៈពេល១ឆ្នាំ នៅខេត្តជឺជាំង ប្រទេសចិន
ស្វែងយល់ពីមូលហេតុទាំង ៦ នៃការមិនស្តាប់បង្គាប់របស់កុមារ និងវិធីសាស្ត្រដោះស្រាយវិជ្ជមាន
ករណីក្លែងបន្លំសញ្ញាបត្រ វិទ្យាស្ថានបច្ចេកវិទ្យាកម្ពុជា កំពុងចាត់វិធានការតាមនីតិវិធីផ្ទៃក្នុង និងតាមផ្លូវច្បាប់
AI មិនមែនធ្វើឱ្យសិស្សខ្ជិលទេ បើចេះប្រើត្រឹមត្រូវ ៖ អ្នកជំនាញជំរុញឱ្យកម្ពុជាប្រើ AI ដើម្បីលើកកម្ពស់ការអប់រំ
រដ្ឋមន្រ្តីក្រសួងមុខងារសាធារណៈ ជំរុញសិស្សានុសិស្សប្រឹងប្រែងរៀនឱ្យអស់ពីលទ្ធភាព សម្រាប់ការប្រឡងបាក់ឌុបនាពេលខាងមុខ
UNFPA និង NCDM រួមគ្នាពង្រឹងការការពារស្ត្រី និងក្មេងស្រីពីអំពើហិង្សាក្នុងគ្រាមានអាសន្ន
កម្មវិធីពិសេសរបស់ AMS EDUCATION
ព័ត៌មានសង្ខេប
