ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានពហុបច្ចេកទេសខេត្តកំពង់ឆ្នាំង ដែលជាគ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈរបស់រដ្ឋ កំពុងប្រកាសជ្រើសរើសសិស្សទាំងពីរភេទឱ្យចូលរៀនជំនាញវិជ្ជាជីវៈ និងបច្ចេកទេសដោយឥតគិតថ្លៃទៅលើជំនាញជាច្រើន ចំនួន ៦៤០នាក់ ទៅលើថ្នាក់សញ្ញាបត្របច្ចេកទេស និងវិជ្ជាជីវៈ១។
ជំនាញដែលត្រូវផ្តល់ជូនរួមមាន ៖ ការដំឡើង និងអនុវត្តបច្ចេកវិទ្យាឌីជីថល, ការរចនាក្រាហ្វិកដោយកុំព្យូទ័រ, ការថែទាំ និងជួសជុលម៉ាស៊ីនត្រជាក់រថយន្ត, ការថែទាំ និងជួសជុលអគ្គិសនីរថយន្ត, សេវាកម្មបរិក្ខាត្រជាក់ក្នុងគេហដ្ឋាន, ការថែទាំ និងជួសជុលរថយន្ត, ការថែទាំ និងជួសជុលម៉ូតូ, ការដំឡើងបណ្តាញអគ្គិសនីក្នុងអគារ, ការថែទាំ និងជួសជុលម៉ូទ័រអគ្គិសនី, ការថែទាំ និងជួសជុលម៉ាស៊ីនធុនតូច, សេវាកម្មសម្អាងកាយ, ការកែច្នៃបន្លែ និងផ្លែឈើ និងការចិញ្ចឹម និងថែទាំត្រីប្រា។
លក្ខខណ្ឌចុះឈ្មោះ ៖ មានអាយុចាប់ពី១៥ឆ្នាំឡើងទៅ, សម្រាប់យុវជនមកពីគ្រួសារដែលមានបណ្ណក្រីក្រ១ និង២ និងគ្រួសារដែលមានបណ្ណសម្គាល់ជនងាយរងហានិភ័យ ទទួលបានការសិក្សាដោយមិនបង់ថ្លៃ និងបានប្រាក់ឧបត្ថម្ភ ២៨ម៉ឺនរៀលក្នុង១ខែ, សម្រាប់ពលករដែលត្រឡប់មកពីប្រទេសថៃ, សម្រាប់យុវជនទូទៅដែលមិនមែនជានិស្សិតកំពុងសិក្សានៅគ្រឹះស្ថានសិក្សាទទួលបានការសិក្សាដោយឥតគិតថ្លៃ។
កាលបរិច្ឆេទទួលពាក្យ ចាប់ពីថ្ងៃផ្សាយដំណឹងនេះតទៅ និងចូលរៀននៅថ្ងៃទី០១ ខែសីហា ឆ្នាំ២០២៥។
សម្រាប់ព័ត៌មានបន្ថែម សូមទំនាក់ទំនងទៅកាន់វិទ្យាស្ថាន ដែលមានទីតាំងស្ថិតនៅភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង ជាប់មន្ទីរអប់រំ យុវជន និងកីឡាខេត្ត ឬទំនាក់ទំនងតាមទូរស័ព្ទលេខ ០១២ ៤៧៤ ៣៤១ / ០៩៧ ២៦៩ ៥៧១៣៕
