ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ឱកាសសិក្សាអាហារូបករណ៍សិក្សាថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យ Saskatchewan នៃប្រទេសកាណាដាឆ្នាំសិក្សា២០២៤ ។ អាហារូបករណ៍ផ្ដល់ជូនសម្រាប់និស្សិតបរទេសជាច្រើនកន្លែង និងផុតកំណត់ទទួលពាក្យសម្រាប់បេក្ខជនបរទេសត្រឹមថ្ងៃទី០១ ខែកញ្ញា ឆ្នាំ២០២៣ ។
លក្ខខណ្ឌដែលអាហារូបករណ៍ទាមទារក្នុងការដាក់ពាក្យស្នើសម្រាប់ថ្នាក់បរិញ្ញាបត្រជាន់ខ្ពស់រួមមាន សញ្ញាបត្រថ្នាក់បរិញ្ញាបត្រ ឬសញ្ញាបត្រដែលមានតម្លៃស្មើសម្រាប់ថ្នាក់បណ្ឌិតមានសញ្ញាបត្របរិញ្ញាបត្រជាន់ខ្ពស់ ឬសញ្ញាបត្រមានតម្លៃស្មើ សម្រាប់ថ្នាក់បរិញ្ញាបត្រមានសញ្ញាបត្រថ្នាក់វិទ្យាល័យ ឬមានតម្លៃស្មើ ។
ជាមួយគ្នានេះបេក្ខជនទាំងអស់ ជាបុគ្គលដែលមានលទ្ធផលសិក្សាល្អ, មានគំនិត និងស្មារតីក្នុងការសិក្សាកម្រិតខ្ពស់ និងស្រាវជ្រាវ, មានជំនាញភាសាអង់គ្លេស និងលិខិតបញ្ជាក់ភាសាអង់គ្លេសសម្រាប់បេក្ខជនដែលមិនប្រើប្រាស់ភាសាអង់គ្លេសជាភាសាទី១ ។ ចំពោះបេក្ខជនដែលមកពីប្រទេសមិនប្រើប្រាស់ភាសាអង់គ្លេសជាភាសាទី១ តម្រូវមាន IELTS 6.5 ឬTOFEL ពិន្ទុសរុប៨៦ ឬពី ការសិក្សាPTE សរុប៦៣ ឬ Duolingo ១១០ ឬ Cambridge C1 Advanced ១៧៦ ឬ CAEL ៧០ ។
បេក្ខជនដែលមានចំណាប់អារម្មណ៍ អាចធ្វើការដាក់ពាក្យបានតាម២របៀប ដោយទី១អាចអនុវត្តតាមរយៈការស្នើតាម Online ដោយខ្លួនឯង និងទី២ ជាការស្នើពាក្យអាហារូបករណ៍ពីភ្នាក់ងារជំនួយទទួលស្គាល់ដោយអាហារូបករណ៍សាកលវិទ្យាល័យ Saskatchewan ។
ដើម្បីដាក់ពាក្យតាមOnline អាចចូលទៅកាន់តំណភ្ជាប់ https://www.usask.ca/admission/ ។ សម្រាប់ព័ត៌មានលម្អិតសូមចូលទៅកាន់ https://b4unew.com/the-university-of-saskatchewan-scholarship-2024-canada/ ។ ផុតកំណត់ទទួលពាក្យសម្រាប់និស្សិតសញ្ជាតិកាណាដាថ្ងៃទី០១ ខែធ្នូ ឆ្នាំ២០២៣ និងនិស្សិតអន្តរជាតិត្រឹមថ្ងៃទី០១ ខែកញ្ញា ឆ្នាំ២០២៣ ៕
