ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សាកលវិទ្យាល័យសិល្បៈភ្នំពេញ បានប្រកាសផ្ដល់អាហារូបករណ៍ពេញលេញ (១០០%) ក្រោមការឧបត្ថម្ភដ៏ខ្ពង់ខ្ពស់របស់ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា ចំនួន ១៥កន្លែង លើមុខជំនាញ «អប់រំកុមារតូច» កម្រិតបរិញ្ញាបត្រ រយៈពេល ៤ឆ្នាំពេញ សម្រាប់ឆ្នាំសិក្សា ២០២៥-២០២៦។
កម្មវិធីអាហារូបករណ៍នេះ រៀបចំឡើងក្នុងគោលបំណងលើកកម្ពស់គុណភាពធនធានមនុស្សក្នុងវិស័យអប់រំកុមារតូច ដែលជាគ្រឹះយ៉ាងរឹងមាំក្នុងការអភិវឌ្ឍបញ្ញាស្មារតី និងការលូតលាស់របស់កុមារកម្ពុជា ក៏ដូចជាចូលរួមចំណែកយ៉ាងសំខាន់ដល់ការកសាងអនាគតសង្គមជាតិ។
លក្ខខណ្ឌចម្បងៗក្នុងការជ្រើសរើសរួមមាន៖
- បេក្ខជនត្រូវតែជាសិស្សានុសិស្សដែលបានប្រឡងជាប់សញ្ញាបត្រមធ្យមសិក្សាទុតិយភូមិ (បាក់ឌុប) សម្រាប់ឆ្នាំសិក្សា ២០២៥-២០២៦ ដោយជោគជ័យ។
- មានសមត្ថភាព និងចំណេះដឹងភាសាអង់គ្លេសចាប់ពីកម្រិតមធ្យម (Intermediate Level) ឡើងទៅ។
បេក្ខជនដែលមានបំណងចាប់យកឱកាសសិក្សាថ្នាក់បរិញ្ញាបត្រដោយឥតគិតថ្លៃនេះ អាចធ្វើការដាក់ពាក្យស្នើសុំតាមរយៈ តេឡេក្រាម (Telegram) ០១២ ២៤៩ ៩២៤ ឬទំនាក់ទំនងសាកសួរព័ត៌មានបន្ថែមតាមរយៈលេខទូរស័ព្ទ៖ ០១០ ២៤៩ ៩២៤៕
