ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – សិក្ខាសាលាថ្នាក់អន្តរជាតិ ដែលមានឈ្មោះ Spiritual Breakthrough Path to happiness & Winning នឹងប្រារព្ធធ្វើឡើងនៅថ្ងៃទី០៨ ខែមីនា ឆ្នាំ២០២៣ ខាងមុខនេះ ចាប់ផ្តើមពីវេលាម៉ោង ២:០០ ដល់ម៉ោង ៥:០០ ល្ងាច នៅមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC)។
លោក នឹម ឈុន្នី ស្ថាបនិក ក្រុមហ៊ុន VIPASSA មានប្រសាសន៍ថា សិក្ខាសាលាអន្តរជាតិនេះ សហការរៀបចំឡើងដោយក្រុមហ៊ុនបណ្ដុះបណ្ដាលវិបស្សា-VIPASSA និងក្រុមហ៊ុនបណ្ដុះបណ្ដាលសិង្ហបុរី JENSEN SIAW INTERNATIONAL ដោយមានការចូលរួមពីវាគ្មិនកិត្តិយសកម្ពុជាយើងជាច្រើនអង្គនាក់និងវាគ្មិនកិត្តិយសអញ្ជើញមកពីប្រទេសសិង្ហបុរីដោយផ្ទាល់ក្នុងថ្ងៃអបអរសាទរទិវាសិទ្ធនារីអន្តរជាតិ។
បើតាម លោក ឈុន្នី សិក្ខាសាលា Spiritual Breakthrough Path to happiness & Winning ត្រូវបានរៀបចំឡើងក្នុងគោលបំណងដើម្បីលើកកម្ពស់ការយល់ដឹង និងអប់រំសាធារណជនអំពីមធ្យោបាយងាយស្រួល និងសាមញ្ញឆ្ពោះទៅរកសុភមង្គល។ ក្នុងសិក្ខាសាលានោះ ក៏មានការចែករំលែកបទពិសោធន៍ជាក់ស្តែងពីវាគ្មិន ដើម្បីសម្រេចបាននូវគំនិតផ្តោតអារម្មណ៍ និងការអនុវត្តការងារខ្ពស់ ។ ជាពិសេស ដើម្បីលើកកម្ពស់របៀបរស់នៅដែលមានសុខភាពល្អ និងសមាធិ។
វាគ្មិនល្បីៗដែលនឹងអញ្ជើញចូលរួមក្នុងសិក្ខាសាលានោះ មានដូចជា ទី១. ព្រះភិក្ខុ កស្សប ហ៊ុន ខេមរា, ទី២. លោក នឹម ឈុន្នី ស្ថាបនិកក្រុមហ៊ុន វិប្បសារ (VIPASSA), ទី៣. កញ្ញា ស៊ុន ស៊ីហនិតនោវីនាយិកា ក្រុមហ៊ុន Technology Solution Development TSD CO., LTD. ទី៤. លោក Jensen Siaw ជាស្ថាបនិក Jansen Siaw International ទី៥. លោក ចាន់ រដ្ឋា ជាវាគ្មិនដ៏មានប្រជាប្រិយភាពនៅក្នុងព្រះរាជាណាចក្រកម្ពុជា ព្រមទាំងវាគ្មិនល្បីៗជាច្រើននាក់ទៀត។
សាធារណៈជនអាចចូលរួមសិក្ខាសាលានេះ ដោយអាចចុះឈ្មោះ តាមរយៈដំណរនេះ https://forms.gle/TdqcSVs5Xokzkot99 ។ ការចូលរួមគឺដោយឥតគិតថ្លៃ ប៉ុន្តែចំនួនមានកំណត់៕
