ក្រសួងកិច្ចការនារីលើកទឹកចិត្តឲ្យស្រ្តីចំណាកស្រុកក្លាហានបំបែកភាព

ភ្នំពេញ – ការធ្វើចំណាកស្រុករបស់ស្រ្តីដើម្បីរកការងារធ្វើនៅស្រុកគេ គឺជាការលះបង់មួយ ដែលគួរតែទទួលបានការកោតសរសើរ ដោយមិនគួរត្រូវបន្ទោសបង្អាប់ ឬរើសអើងនោះឡើយ, ហើយមនុស្សជុំវិញខ្លួនគួរតែលើកទឹកចិត្ត និងជួយដល់ពួកគាត់។

អ្នកស្រី លី ចិន្តា ដែលធ្លាប់ចាញ់បោកគេទៅធ្វើការងារដោយខុសច្បាប់នៅប្រទេសចិនបានថ្លែងថា កំឡុងធ្វើការងារនៅប្រទេសគេ អ្នកស្រីត្រូវគេធ្វើបាបទាំងផ្លូវកាយ និងផ្លូវចិត្ត ទំរាំអ្នកស្រីអាចស្វែងរកការអន្តរាគមន៍ពីអាជ្ញាធរដើម្បីត្រឡប់មកស្រុកខ្មែរវិញបាន។ ពេលមកដល់ស្រុកខ្មែរ អ្នកស្រីបែរជាជួបនូវទារុណ្ឌកម្មផ្លូវចិត្តមួយទៀត គឺមនុស្សជុំវិញខ្លួនបែរជារើសអើង និងមាក់ងាយចំពោះអ្នកស្រី។

«ខ្ញុំធ្លាប់ចាញ់បោកមេខ្យល់ ដោយគេនាំទៅរស់នៅស្រុកគេ, នៅទីនោះគេធ្វើបាប ទាំងផ្លូវកាយ និងផ្លូវចិត្ត គេឱ្យធ្វើការងារច្រើនម៉ោង និងឃុំឃាំងជាដើម ប៉ុន្តែខ្ញុំ តស៊ូរហូតបានរួចខ្លួនត្រឡប់មកប្រទេសរបស់យើងវិញ។ …ពេលមកដល់ខ្មែរជាទីកន្លែងកំណើតសង្ឃឹមថានឹងមានសេចក្ដីសុខសប្បាយចិត្ត ប៉ុន្តែបែរជាត្រូវមនុស្សជុំវិញខ្លួន រើសអើង ម៉ាកងាយ មើលស្រាល និងមិនឱ្យតម្លៃ ពេលគេដឹងថា ខ្ញុំធ្លាប់ចាញ់បោកគេទៅធ្វើការក្រៅស្រុក»
អ្នកស្រី លី ចិន្តា

សម្រាប់អ្នកស្រី នី ម៉ារ៉ា ដែលជាអតីតស្រ្តីពលករចំណាកស្រុកនៅប្រទេសកូរ៉េវិញបានថ្លែងថា សម្រាប់អ្នកស្រីកំឡុងពេលធ្វើការងារនៅប្រទេសគេ គឺពុំមានបញ្ហាអ្វីនោះទេ ប៉ុន្តែអ្នកស្រីក៏បានលឺដែរអំពីការបៀតបៀនមកលើស្រ្តីចំណាកស្រុក ដែលភាគច្រើនកើតមាននៅតំបន់ដាច់ស្រយាល។

“សម្រាប់ខ្ញុំទៅធ្វើការនៅប្រទេសគេស្របច្បាប់ និងរស់នៅទីក្រុងមិនមានការរើសអើង ឬត្រូវគេធ្វើបាបនោះទេ! ប៉ុន្តខ្ញុំធ្លាប់ឃើញស្រ្តីចំណាកស្រុកទទួលរងការបៀតបៀនភាគច្រើន គឺធ្វើការនៅតំបន់ដាច់ស្រយាល”
អ្នកស្រី នី ម៉ារ៉ា

ស្រ្តីធ្វើការនៅប្រទេសកូរ៉េអស់រយៈពេលបួនឆ្នាំរូបនេះបញ្ជាក់ថា ការងារនៅស្រុកគេទទួលលទ្ធផលល្អ លុះត្រាតែអ្នកបញ្ជូនមកធ្វើការជួបប៉ះជាមួយថៅកែល្អ និងមានការយោគយល់។ ជាក់ស្តែងពេលដែលអ្នកស្រីរស់នៅទីនោះគេឱ្យតម្លៃ និងមានសិទ្ធិនៅក្នុងការចូលរួមកិច្ចការមួយចំនួនបានធម្មតា ប៉ុន្តែចំពោះករណីមានបញ្ហា ពលករគួរតែស្វែងរកជំនួយទៅខាងស្ថានទូតកម្ពុជានៅទីនោះ ឬក្រសួងការងារជាដើម។

យ៉ាងណាក៏ដោយ លោកស្រី ស ស៊ីណែត អគ្គនាយករង នៃអគ្គនាយកដ្ឋានអភិវឌ្ឍន៍សង្គម ក្រសួងកិច្ចការនារី មានប្រសាសន៍ថា ករណីពលករត្រូវគេប្រើអំពីហិង្សា ភាគច្រើនគឺជាការចេញទៅធ្វើការដោយខុសច្បាប់, នៅពេលដែលពលករទៅធ្វើការដោយខុសច្បាប់ ថៅកែគេនឹងដកសំបុត្រឆ្លងដែនទុក និងអត់មានកុងត្រាអ្វីច្បាស់នោះទេ ដូចនេះធ្វើឱ្យគេមានភាពងាយស្រួលនៅក្នុងការប្រព្រឹត្តិសកម្មភាពហិង្សានានាលើពលករទាំងនោះ។

បើតាមអគ្គនាយករង នៃអគ្គនាយកដ្ឋានអភិវឌ្ឍន៍សង្គម ក្រសួងកិច្ចការនារី ថា ដើម្បីកុំឱ្យមានការរើសអើងចំពោះស្រ្តីពលករចំណាកស្រុក គឺត្រូវមានការផ្សព្វផ្សាយអំពីបញ្ហានេះឱ្យកាន់តែទូលំទូលាយ មិនថាតែក្នុងប្រព័ន្ធអនឡាញ ឬក៏ផ្សាយនៅក្នុងរូបភាពបែបណានោះទេ ដើម្បីជាការចែករំលែកចំណេះដឹង ។ មួយវិញទៀត មុនសម្រេចចិត្តធ្វើចំណាកស្រុកទៅធ្វើការងារនៅស្រុកគេ គឺត្រូវគិតគូរឱ្យបានត្រឹមត្រូវ ស្វែងរកប្រភពព័ត៌មានឱ្យបានច្បាស់លាស់ ឬក៏អាចទាក់ទងជាមួយនឹងអាជ្ញាធរមូលដ្ឋាន។

ពាក់ព័ន្ធនឹងការគាំពារស្រ្តីចំណាកស្រុកវិញ បើតាមលោកស្រី ស ស៊ីណែត ថា កន្លងមកក្រសួងកិច្ចការនារីតែងជួយគាំទ្រសេវាផ្លូវចិត្ត ផ្នែកច្បាប់ ព្យាបាល ជម្រកសុវត្ថិភាព និងសេវាចាំបាច់ផ្សេងៗលើស្រ្តីពលករចំណាកស្រុកដែលត្រូវគេរើសអើងក្នុងសង្គម ។ ជាមួយគ្នានេះ ក្រសួងលើកទឹកចិត្តដល់ស្រ្តីចំណាកស្រុកត្រូវក្លាហានបំបែកភាពស្ងៀមស្ងាត់នៃអំពើហិង្សា និងការរំលោភបំពានមកលើខ្លួន ដោយត្រូវរាយការណ៍ទៅអាជ្ញាធរមានសមត្ថកិច្ច អាជ្ញាធរមូលដ្ឋាន និងអ្នកដែលខ្លួនទុកចិត្តបំផុត ឬទំនាក់ទំនងមកកាន់លេខទូរស័ព្ទ 093 777 800/ 085 777 900៕

លោក សន តុលា | Mr. Sorn Tola

ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។

របាយការណ៍ថ្មី

មើលទាំងអស់ ➧

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout

ចំណេះជីវិត, បទយកការណ៍, ព្រឹត្តិការណ៍

• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង

បទយកការណ៍, ព័ត៌មានអន្តរជាតិ, ព្រឹត្តិការណ៍

• 13/04/2026

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ចិញ្ចឹមកូនទម្រើស នឹងធ្វើឱ្យកុមារក្លាយជាមនុស្សគ្មានទំនុកចិត្ត និងឯករាជ្យលើខ្លួនឯង

បទយកការណ៍, អប់រំកុមារតូច

• 10/04/2026

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យជាតិអូស្ត្រាលីឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 09/05/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធីអាហារូបករណ៍ Australlian Government Rerearch Training Pro...

អាហារូបករណ៍ពេញថ្លៃ ១០០% លើជំនាញបច្ចេកទេសរថយន្ត សម្រាប់សិស្សនិទ្ទេស A វិទ្យាស្ថានបច្ចេកទេស ហ្ស៊ី វ៉េ សេ

ព័ត៌មានអាហារូបករណ៍, ព្រឹត្តិការណ៍

• 08/10/2026

សម្រាប់យុវសិស្សឆ្នើមទើបបញ្ចប់ការសិក្សាថ្នាក់មធ្យមសិក្សាទុតិយភូមិដែលទទួលបាននិទ្ទេស A និងមានក្ដីស្រមៃចង់ចាប់យកអាជីពក្នុងវិស័យយានយន្ត

អាហារូបករណ៍សិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់ នៅប្រទេសឥណ្ឌូនេស៊ី

ព័ត៌មានអាហារូបករណ៍, ព្រឹត្តិការណ៍

• 22/01/2026

សាកលវិទ្យាល័យ Muhammadiyah Purwokerto (UMP) ប្រកាសជ្រើសរើសនិស្សិតអន្តរជាតិឱ្យចូលរៀនក្នុងកម្មវិធីសិក្សាថ្នាក់បរិញ្ញាបត្រ និងថ្នាក់បរិញ្ញាបត្រជាន់ខ្ពស់ សម្រាប់ឆ្នាំសិក្សា២០២៦...

វិទ្យាស្ថានពហុបច្ចេកទេសខេត្តព្រះវិហារផ្ដល់ការសិក្សាជំនាញបច្ចេកទេសឥតគិតថ្លៃចំនួន៩០កន្លែង

ព័ត៌មានអាហារូបករណ៍, ព្រឹត្តិការណ៍

• 07/03/2023

វិទ្យាស្ថានបពហុច្ចេកទេសខេត្តព្រះវិហារប្រកាសជ្រើសរើសសិក្ខាកាមចូលសិក្សាជំនាញបច្ចេកទេសចំនួន៩០កន្លែង ។ ជំនាញដែលវិទ្យាស្ថាន...

សាលារៀនសុវណ្ណភូមិផ្ដល់ជូនអាហារូបករណ៍១០០% ជូនដល់កូនៗរបស់យុទ្ធជនពលីជីវិតដើម្បីបុព្វហេតុការពារជាតិ

ព័ត៌មានអាហារូបករណ៍, ព្រឹត្តិការណ៍

• 31/07/2025

ដើម្បីចូលរួមចំណែកជាមួយរាជរដ្ឋាភិបាលកម្ពុជា និងដើម្បីសម្រាលបន្ទុកហិរញ្ញវត្ថុក្នុងគ្រួសារយុទ្ធជនពលីក្នុងបុព្វហេតុការពារជាតិ សាលារៀនសុវណ្ណភូមិ ប្រកាសផ្ដល់អាហារូបករណ៍១០០% រហូតដល់ចប់ថ្នាក់ទី១២...

ឱកាសសិក្សាវគ្គខ្លីឌីជីថល និងភាពធននៃប្រព័ន្ធ TVET ពីកម្មវិធីអូស្រ្តាលី-អាស៊ាន

ព័ត៌មានអាហារូបករណ៍, ព្រឹត្តិការណ៍

• 04/09/2023

ឱកាសសិក្សាអាហារូបករណ៍វគ្គខ្លីឌីជីថល និងភាពធននៃប្រព័ន្ធTVET ពីកម្មវិធីអូស្រ្តាលី-អាស៊ាន ឬ Aus4ASEAN ។ ការសិក្សាផ្ដល់ជូនសម្រាប់ពលរដ្ឋក្នុងប្រទេសសមាជិកអាស៊ានដែលចូលរួម...

វិទ្យាស្ថានពហុបច្ចេកទេសភូមិភាគតេជោសែនស្វាយរៀង ប្រកាសជ្រើសរើសសិក្ខាកាម ចូលរៀនជំនាញបរិក្ខារត្រជាក់ និងកាមេរ៉ាសុវត្ថិភាព ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 18/08/2023

សម្រាប់យុវជន យុវនារី កម្មករ កម្មការិនី ដែលបាត់បង់ឱកាសការងារនៅតាមរោងចក្រ សហគ្រាសនានា និងគ្មានការងារធ្វើ, ពេលនេះ វិទ្យាស្ថានពហុបច្ចេកទេសភូមិភាគតេជោសែនស្វាយរៀង ប្រកាសជ្រើសរើសសិក្ខាកាម...

ឱកាសផ្លាស់ប្ដូរការសិក្សា៨សប្ដាហ៍នៅសាកលវិទ្យាល័យក្យូតូ ប្រទេសជប៉ុនឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 12/12/2024

ឱកាសទទួលបានការផ្លាស់ប្ដូរការសិក្សានៅសាកលវិទ្យាល័យក្យូតូ នាប្រទេសជប៉ុនក្នុងឆ្នាំសិក្សា២០២៥ ពីកម្មវិធីអាហារូបករណ៍ 2025 Kyoto University Amgen Scholars Program។ កម្មវិធីផ្លាស់ប្ដូរការសិក្សាមានរយៈពេល៨សប្ដាហ៍...