រដ្ឋមន្ត្រីអប់រំ ៖ ភាសាចិនកំពុងរីកដុះដាលខ្លាំងក្នុងប្រព័ន្ធអប់រំកម្ពុជា

ភ្នំពេញ — រដ្ឋមន្ត្រីក្រសួងអប់រំ យុវជន និងកីឡា ឯកឧត្តម ហង់ជួន ណារ៉ុន បានថ្លែងថា ការអប់រំភាសាចិនកំពុងរីកដុះដាលយ៉ាងខ្លាំងក្នុងប្រព័ន្ធអប់រំនៅកម្ពុជា ហើយបានបញ្ជាក់ថា ជំនាញភាសាមួយនេះ កំពុងក្លាយជាកម្លាំងចលករសំខាន់ក្នុងការជំរុញសេដ្ឋកិច្ចជាតិ ដើម្បីសម្រេចចក្ខុវិស័យកម្ពុជាឆ្នាំ២០៥០។

ការលើកឡើងនេះ បានធ្វើឡើងក្នុងឱកាសអញ្ជើញជាសហធិបតី ក្នុងពិធីអបអរសាទរ ទិវាភាសាចិនអន្តរជាតិ ឆ្នាំ២០២៦ ដែលប្រារព្ធឡើងនៅវិទ្យាស្ថានខុងជឺ នៃរាជបណ្ឌិត្យសភាកម្ពុជានៅថ្ងៃទី២១ ខែមេសា ដោយមានការចូលរួមពី ឯកឧត្តម វ៉ាង វិនពីន ឯកអគ្គរដ្ឋទូតសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា ផងដែរ។

ទិវាភាសាចិនអន្តរជាតិ គឺជាកម្មវិធីដែលគាំទ្រដោយស្ថានទូតចិនប្រចាំកម្ពុជា និងមជ្ឈមណ្ឌលសហប្រតិបត្តិការផ្លាស់ប្ដូរភាសាចិន-បរទេស នៃក្រសួងអប់រំចិន ក្នុងគោលបំណងលើកទឹកចិត្តយុវជនឱ្យសិក្សាភាសាចិន ពង្រឹងការអប់រំភាសាចិន និងពង្រីកការផ្លាស់ប្ដូរវប្បធម៌រវាងប្រជាជនកម្ពុជា និងចិន។

ឯកឧត្តម ហង់ ជួនណារ៉ុង បានសង្កត់ធ្ងន់ថា ការចេះភាសាចិនគឺជាឧត្តមភាពប្រកួតប្រជែងដ៏សំខាន់សម្រាប់យុវជនកម្ពុជា ក្នុងការចាប់យកឱកាសការងារ និងអាជីវកម្មក្នុងសតវត្សទី២១។ ឯកឧត្តមបន្ថែមថា ជំនាញភាសានេះមិនត្រឹមតែជួយអភិវឌ្ឍបុគ្គលប៉ុណ្ណោះទេ ប៉ុន្តែថែមទាំងជាកម្លាំងចលករយ៉ាងសំខាន់ក្នុងការជំរុញសេដ្ឋកិច្ចជាតិផងដែរ។

លោក គិន ភា ប្រធានវិទ្យាស្ថានទំនាក់ទំនងអន្តរជាតិ នៃរាជបណ្ឌិត្យសភាកម្ពុជាបានមើលឃើញថា ភាសាចិនកំពុងត្រូវបានប្រើប្រាស់យ៉ាងទូលំទូលាយនៅកម្ពុជាស្របពេលមានការវិនិយោគ និងក្រុមហ៊ុនចិនកើនឡើង ដែលបង្កើតតម្រូវការខ្ពស់សម្រាប់អ្នកចេះភាសាចិន។

លោកថា « យុវជនចេះភាសាចិន គឺជាឱកាសពួកគេក្នុងការស្វែងរកការងារផង ទំនាក់ទំនងផង និងជាច្រកទ្វារនៃចំណេះដឹង ព្រោះភាសាចិនបច្ចុប្បន្នត្រូវបានដាក់បញ្ចូលជាផ្លូវការក្នុងអង្គការសហប្រជាជាតិ ហើយក៏ជាភាសាមួយដែលមនុស្សជុំវិញពិភពលោកប្រើប្រាស់ផងដែរ»។

ទោះជាយ៉ាងណា លោកក៏បានអំពាវនាវឱ្យយុវជនបន្តប្រើប្រាស់ភាសាជាតិខ្លួនឯងឱ្យបានត្រឹមត្រូវផងដែរ។

នៅក្នុងពិធីនោះដែរ ឯកអគ្គរដ្ឋទូតសាធារណរដ្ឋប្រជាមានិតចិនបានថ្លែងថា ភាសាចិនជាស្ពានសម្រាប់ការទំនាក់ទំនង និងជាចំណងវប្បធម៌ ដែលអនុញ្ញាតឱ្យអ្នកសិក្សាស្វែងយល់ពីអរិយធម៌ចិន និងពង្រឹងកិច្ចសហប្រតិបត្តិការរវាងប្រជាជនទាំងពីរ។

ឯកអគ្គរដ្ឋទូតក៏បានបង្ហាញមោទនភាពចំពោះវឌ្ឍនភាព នៃមិត្តភាពកម្ពុជា–ចិន និងប្តេជ្ញាបន្តបង្កើតឱកាសសិក្សាបន្ថែមសម្រាប់យុវជនកម្ពុជា ដើម្បីពង្រឹងទំនាក់ទំនងនេះឱ្យកាន់តែរឹងមាំ។

សូមជម្រាបថា ទំនាក់ទំនងរវាងកម្ពុជា និង ចិនមានភាពជិតស្និទ្ធយូរអង្វែង និងកំពុងពង្រីកនៅក្នុងវិស័យសំខាន់ៗ រួមមាន អប់រំ ពាណិជ្ជកម្ម និងវប្បធម៌៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

មជ្ឈមណ្ឌល​បណ្ដុះបណ្ដាល​វិជ្ជាជីវៈ​ខេត្ត​រតនគិរី ផ្តល់​ការ​សិក្សា​ជំនាញ១១ ដោយ​ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 18/11/2024

មជ្ឈមណ្ឌល​បណ្ដុះបណ្ដាល​វិជ្ជាជីវៈ​ខេត្ត​រតនគិរី បានប្រកាស​ផ្តល់​ការ​សិក្សា​ជំនាញ​ចំនួន១១ ដោយ​ឥតគិតថ្លៃ ដល់យុវជន​មក​ពី​គ្រួសារ​ក្រីក្រ និងគ្រួសារ​ងាយ​រង​ហានិភ័យ​ ក៏​ដូចជា​កម្មករ​និយោជិក​ក្រៅ​ប្រព័ន្ធ។

អាហារូបករណ៍ រដ្ឋាភិបាលនូវែលសេឡង់ សិក្សា​ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត សម្រាប់ឆ្នាំសិក្សា២០២៧

ព័ត៌មានអាហារូបករណ៍, ព្រឹត្តិការណ៍

• 23/03/2026

ក្នុងឆ្នាំ២០២៦នេះ រដ្ឋាភិបាល នៃប្រទេសនូវែលសេឡង់ នឹងផ្តល់អាហារូបករណ៍ចំនួន ៣៥កន្លែង ដល់ពលរដ្ឋកម្ពុជា ដើម្បីទៅបន្តការសិក្សា ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅ​តាម​សាកលវិទ្យាល័យ​នានា

អាហារូបករណ៍ថ្នាក់ឧត្ដមសិក្សានៅសាធារណរដ្ឋប្រជាមានិតចិនចំនួន៨០កន្លែង​

ព័ត៌មានអាហារូបករណ៍, ព្រឹត្តិការណ៍

• 23/12/2024

ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ នៅសាធារណរដ្ឋប្រជាមានិតចិនចំនួន៨០កន្លែង ពីគណៈកម្មាធិការអាហារូបករណ៍សិស្ស-និស្សិតក្រីក្រ សម្ដេចអគ្គមហាសេនាបតីតេជោ ហ៊ុន សែន និងសម្ដេចគតិព្រឹទ្ធបណ្ឌិត...

អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធីអាហារូបករណ៍ France Eiffel Excellence ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 31/10/2024

កម្មវិធីអាហារូបករណ៍ France Eiffel Excellence ឆ្នាំសិក្សា២០២៥ប្រកាសជ្រើសរើសនិស្សិតសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតជាច្រើនកន្លែងសម្រាប់និស្សិតអន្តរជាតិ។ អាហារូបករណ៍គាំទ្រ និងផ្ដល់ដោយក្រសួងបារាំងសម្រាប់អឺរ៉ុប និងក្រសួងការបរទេស។

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតពីអាហារូបករណ៍ Tianjin

ព័ត៌មានអាហារូបករណ៍, ព្រឹត្តិការណ៍

• 08/05/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យធានជីន ពីកម្មវិធីអាហារូបករណ៍រដ្ឋាភិបាលធានជីននៃ...

ក្រសួងអប់រំ ផ្តល់អាហារូបករណ៍សម្រាប់គ្រូឧទ្ទេស សិក្សាថ្នាក់បរិញ្ញាបត្រជាន់ខ្ពស់នៅប្រទេសជប៉ុន

ព័ត៌មានអាហារូបករណ៍, ព្រឹត្តិការណ៍

• 21/12/2023

ក្រសួងអប់រំ យុវជន និងកីឡា សហការណ៍ជាមួយទីភ្នាក់ងារសហប្រតិបត្តិការអន្តរជាតិជប៉ុន(JICA) ប្រកាសជ្រើសរើសគ្រូឧទ្ទេសដើម្បីទៅសិក្សាអាហារូបករណ៍ថ្នាក់បរិញ្ញាបត្រ...

អាហារូបករណ៍សាច់ប្រាក់ពី LOTTE Scholarship Foundation ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 11/03/2025

សាកលវិទ្យាល័យភូមិន្ទភ្នំពេញ ប្រកាសជ្រើសរើសនិស្សិតឆ្នាំទី២ ចំនួន១០នាក់ ដើម្បីទទួលបានអាហារូបករណ៍សាច់ប្រាក់ប្រចាំឆ្នាំសិក្សា២០២៤-២០២៥។ អាហារូបករណ៍ផ្ដល់ជូនដោយ កម្មវិធីអាហារូបករណ៍ LOTTE Scholarship

អាហារូបករណ៍ ទៅសិក្សានៅ University of Bath ប្រទេស​អង់គ្លេស

ព័ត៌មានអាហារូបករណ៍, ព្រឹត្តិការណ៍

• 15/05/2026

តាម​រយៈ​កម្មវិធី អាហារូបករណ៍ Bath International Excellence Scholarship នៅ​ឆ្នាំ​២០២៦ នេះ​ សាកលវិទ្យាល័យ​ University of Bath ចក្រភពអង់គ្លេស​ នឹង​ផ្តល់​អាហារូបករណ៍​ដល់​និស្សិត​អន្តរ​ជាតិ​ឆ្នើម...