ចិន-អាស៊ាន ជំរុញការផ្លាស់ប្តូរប្រព័ន្ធអេកូឡូស៊ីជំនាញ TVET ឆ្លើយតបទីផ្សារការងារឌីជីថល

ក្នុង​វេទិកាស្តីពីការអប់រំ និងបណ្តុះបណ្តាលបច្ចេកទេស និងវិជ្ជាជីវៈ (TVET) រវាងប្រទេសចិន និងបណ្តាប្រទេសក្នុង​តំបន់​អាស៊ាន កាលពីពេលថ្មីៗនេះ បានបញ្ចប់ដោយការអំពាវនាវឱ្យពង្រឹងកិច្ចសហប្រតិបត្តិការក្នុងតំបន់ ដើម្បីជំរុញការផ្លាស់ប្តូរឌីជីថល អភិវឌ្ឍជំនាញបៃតង និងពង្រឹងការភ្ជាប់ការអប់រំទៅនឹងតម្រូវការទីផ្សារការងារ ស្របតាមគោលដៅអភិវឌ្ឍន៍ប្រកបដោយចីរភាព ឆ្នាំ២០៣០។

ក្នុងវគ្គពិភាក្សាស្តីពីនវានុវត្តន៍ និងករណីសិក្សា តំណាងមកពីកម្ពុជា ចិន ឥណ្ឌូណេស៊ី ហ្វីលីពីន និងម៉ាឡេស៊ី បានចែករំលែកបទពិសោធន៍ និងគំរូជោគជ័យក្នុងការអភិវឌ្ឍវិស័យ TVET។

តំណាងកម្ពុជា លោក ជួប រតនា ប្រធាននាយកដ្ឋានបណ្តុះបណ្តាលជំនាញវិជ្ជាជីវៈទេសចរណ៍ នៃក្រសួងទេសចរណ៍កម្ពុជា បានបង្ហាញពី «គំនិតផ្តួចផ្តើមផ្តល់ការបណ្តុះបណ្តាល TVET ដោយឥតគិតថ្លៃដល់យុវជនក្រីក្រ និងងាយរងគ្រោះចំនួន ១លាន៥សែននាក់» ព្រមទាំងផែនការអនុវត្តប្រព័ន្ធបញ្ជាក់ជំនាញរួមគ្នារបស់អាស៊ាន (MRA-TP)។ បន្ថែមពីនេះ លោក អេង វណ្ណា សាស្ត្រាចារ្យផ្នែកព័ត៌មានវិទ្យានៃវិទ្យាស្ថានជាតិបណ្តុះបណ្តាលបច្ចេកទេស (NTTI) បានបង្ហាញគម្រោងបណ្តុះបណ្តាលផ្នែកមនុស្សយន្ត (Robotics) អគារបៃតង (Green Building) និងកម្មវិធីបំប៉នសម្រាប់សិស្សដែលមានមូលដ្ឋានសិក្សាខ្សោយ ជាពិសេសសិស្សមកពីតំបន់ជនបទ។

ដោយឡែក វាគ្មិនមកពីប្រទេសផ្សេងៗបានចែករំលែកបទពិសោធន៍លើការនាំចេញស្តង់ដារ TVET ផ្នែកកសិកម្ម ការបង្កើតមហាវិទ្យាល័យឧស្សាហកម្មនៅអាស៊ីអាគ្នេយ៍ ការអភិវឌ្ឍសាលាបៃតងក្នុងសហគមន៍ ការប្រើប្រាស់បញ្ញាសិប្បនិម្មិត (AI) សម្រាប់ត្រួតពិនិត្យគុណភាពទឹក និងការចិញ្ចឹមវារីវប្បកម្ម ការធានាគុណភាពស្ថាប័នអប់រំ ការអនុវត្តប្រព័ន្ធ Micro-credential សម្រាប់ការរៀនពេញមួយជីវិត និងគំរូសាលាវិជ្ជាជីវៈមិនរកប្រាក់ចំណេញសម្រាប់យុវជនក្រីក្រ និងងាយរងគ្រោះ។

លោកស្រី Liu Yufeng ទីប្រឹក្សាកិច្ចសហប្រតិបត្តិការអប់រំវិជ្ជាជីវៈរបស់ UNICEF បានលើកឡើងថា ប្រទេសក្នុងតំបន់នៅតែប្រឈមបញ្ហារួម ដូចជា កង្វះហេដ្ឋារចនាសម្ព័ន្ធ ការអភិវឌ្ឍសមត្ថភាពគ្រូបង្រៀន និងភាពមិនស៊ីគ្នារវាងជំនាញរបស់អ្នកបញ្ចប់ការសិក្សា និងតម្រូវការទីផ្សារការងារ។ លោកស្រីបានអំពាវនាវឱ្យបង្កើត «ប្រព័ន្ធអេកូឡូស៊ីជំនាញក្នុងតំបន់» តាមរយៈកិច្ចសហការរវាងរដ្ឋាភិបាល គ្រឹះស្ថានអប់រំ និងវិស័យឯកជន ដើម្បីពន្លឿនការផ្លាស់ប្តូរវិស័យ TVET។

អ្នករៀបចំបានឱ្យដឹងថា សិក្ខាសាលានេះមានគោលបំណងបង្កើតវេទិកាអចិន្ត្រៃយ៍សម្រាប់ការសន្ទនា និងការផ្លាស់ប្តូរបទពិសោធន៍រវាងអ្នកគ្រប់គ្រងវិស័យ TVET របស់ប្រទេសចិន និងអាស៊ាន។

តាមរយៈការចែករំលែកគោលនយោបាយ ករណីសិក្សា និងការអនុវត្តគម្រោងសហប្រតិបត្តិការ វេទិកានេះត្រូវបានរំពឹងថា នឹងបន្តជំរុញការអភិវឌ្ឍជំនាញឌីជីថល ការភ្ជាប់ការអប់រំជាមួយឧស្សាហកម្ម ការរៀនពេញមួយជីវិត និងការអភិវឌ្ឍជនបទ ដើម្បីគាំទ្រដល់ការកសាងសហគមន៍អប់រំវិជ្ជាជីវៈចិន-អាស៊ាន និងការសម្រេចគោលដៅអភិវឌ្ឍន៍ប្រកបដោយចីរភាព ឆ្នាំ២០៣០៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យព្រុយណេដារូសាឡាម ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 21/04/2023

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់សម្រាប់សាធារណជនទាំងពីរភេទនៅសាកលវិទ្យាល័យព្រុយណេដារូសាឡាម នៃប្រទេសព្រុយណេឆ្នាំសិក្សា២០២៣-២០២៤ ...

ឱកាសសិក្សាអាហារូបករណ៍នៅសាកលវិទ្យាល័យ Manitoba ប្រទេសកាណាដា ឆ្នាំ២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 25/06/2025

ឱកាសសិក្សាអាហារូបករណ៍ថ្នាក់ឧត្តមសិក្សាពីកម្មវិធីអាហារូបករណ៍ U of Manitoba Scholarship for International Students 2025-2026 នៅប្រទេសកាណាដា។ អាហារូបករណ៍ផ្ដល់ការសិក្សាថ្នាក់បរិញ្ញាបត្រ ថ្នាក់បរិញ្ញាបត្រជានខ្ពស់ និងថ្នាក់បណ្ឌិត។

អាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Boston សហរដ្ឋអាមេរិកឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 04/09/2023

ឱកាសសិក្សាថ្នាក់បរិញ្ញាបត្រនៅសាកលវិទ្យាល័យBoston ពីកម្មវិធីអាហារូបករណ៍ Trustee 2024 នៅសហរដ្ឋអាមេរិក ។ អាហារូបករណ៍ផ្ដល់ជូនចំនួន២០កន្លែងសម្រាប់ការ...

ឱកាសផ្លាស់ប្ដូរការសិក្សានៅសាកលវិទ្យាល័យ Yale ពីកម្មវិធី Yale Young Scholars ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 25/12/2024

កម្មវិធីអាហារូបករណ៍ Yale Young Scholars (YYGS) ផ្ដល់ឱកាសផ្លាស់ប្ដូរការសិក្សានៅសាកលវិទ្យាល័យ Yale ចំនួន២សប្ដាហ៍សម្រាប់និស្សិតអន្តរជាតិទាំងអស់ដែលមានអាយុចាប់ពី១៦ឆ្នាំ ដល់១៨ឆ្នាំ សិក្សានៅសហរដ្ឋអាមេរិក។

អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតពីកម្មវិធី Melbourne Graduate Research

ព័ត៌មានអាហារូបករណ៍, ព្រឹត្តិការណ៍

• 11/07/2024

ឱកាសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យ Melbourne ពីកម្មវិធី Melbourne Graduate ...

ក្រសួងអប់រំ ផ្ដល់វគ្គបណ្តុះបណ្តាលជំនាញសរសេររបាយការណ៍ជាភាសាអង់គ្លេសសម្រាប់បុគ្គលិកអប់រំ

ព័ត៌មានអាហារូបករណ៍, ព្រឹត្តិការណ៍

• 10/11/2023

ក្រសួងអប់រំ យុវជន និងកីឡា សហការជាមួយអង្គការ The Asia Foundation ដោយមានការគាំទ្រពីអង្គការ UNICEF បានប្រកាសផ្ដល់វគ្គបណ្តុះបណ្តាល ជំនាញសរសេរ...

ឱកាសសិក្សាជំនាញវិជ្ជាជីវៈចំនួន៤០កន្លែងនៅវិទ្យាស្ថានពហុបច្ចេកទេសខេត្តបន្ទាយមានជ័យ

ព័ត៌មានអាហារូបករណ៍, ព្រឹត្តិការណ៍

• 08/09/2023

វិទ្យាស្ថានពហុបច្ចេកទេសខេត្តបន្ទាយមានជ័យផ្ដល់ការសិក្សាឥតគិតថ្លៃជំនាញវិជ្ជាជីវៈចំនួន៤០កន្លែង នៅខេត្តបន្ទាយមានជ័យ ។ ការសិក្សាវគ្គបណ្ដុះបណ្ដាលនឹងចាប់ផ្ដើមចំនួន២វគ្គ ...

វិទ្យាស្ថានជាតិអប់រំ ជ្រើសរើសគ្រូបង្រៀន ៤០នាក់ ចូលថ្នាក់បរិញ្ញាបត្រជាន់ខ្ពស់ ឯកទេសប្រឹក្សាគរុកោសល្យ

ព័ត៌មានអាហារូបករណ៍, ព្រឹត្តិការណ៍

• 24/04/2026

ជាឱកាស​សម្រាប់គ្រូបង្រៀនដែលចង់អភិវឌ្ឍសមត្ថភាព ! ពេលនេះ វិទ្យាស្ថានជាតិអប់រំ បានប្រកាស​ជ្រើសរើស​បេក្ខជនចំនួន ៤០នាក់ ឱ្យ​ចូលសិក្សា​ថ្នាក់បរិញ្ញាបត្រ​ជាន់ខ្ពស់ ឯកទេស​ប្រឹក្សា​គរុកោសល្យ សម្រាប់ជំនាន់ទី៧

ជប៉ុន ផ្តល់អាហារូបករណ៍ (JDS) ថ្នាក់បរិញ្ញាបត្រជាន់ខ្ពស់-បណ្ឌិត ២៤កន្លែង ដល់មន្ត្រីរាជការកម្ពុជា

ព័ត៌មានអាហារូបករណ៍, ព្រឹត្តិការណ៍

• 13/11/2026

អាហារូបករណ៍របស់រដ្ឋាភិបាលជប៉ុនសម្រាប់ការអភិវឌ្ឍធនធានមនុស្សនៅប្រទេសកម្ពុជា (JDS) ផ្តើម​ប្រកាស​ផ្តល់​សម្រាប់​មន្ត្រីរាជការ​កម្ពុជា