ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សាលាវេជ្ជសាស្ត្រ Icahn នៅ Mount Sinai ក្នុងទីក្រុងញូវញ៉ក បានក្លាយជាសាលាវេជ្ជសាស្ត្រដំបូងគេ នៅសហរដ្ឋអាម៉េរិក ដែលបញ្ចូលបញ្ញាសិប្បនិម្មិត (AI) ទៅក្នុងកម្មវិធីបណ្ដុះបណ្ដាលនិស្សិតរបស់ខ្លួន។
សាលាបានផ្ដល់សិទ្ធិចូលប្រើ ChatGPT Edu ដែលជាកំណែអប់រំ សម្រាប់អ្នកសិក្សាជំនាញឯកទេស ដល់និស្សិតពេទ្យ និងនិស្សិតដែលកំពុងស្រាវជ្រាវបញ្ចប់ការសិក្សា។
ការដាក់ដំណើរការនេះ ធ្វើឡើងតាមរយៈកិច្ចព្រមព្រៀងផ្លូវការ រវាង Mount Sinai និង OpenAI ដែលត្រូវបានរចនាឡើង ដើម្បីការពារព័ត៌មានសុខភាពផ្ទាល់ខ្លួន ទិន្នន័យសិស្ស និងព័ត៌មានលម្អិតរស៊ើបផ្សេងទៀត ខណៈពេលដែលបច្ចេកវិទ្យានេះ ក៏ផ្ដល់នូវសុវត្ថិភាព លទ្ធភាពប្រើប្រាស់ និងសមត្ថភាព AI កម្រិតខ្ពស់ ដល់ក្រុមបញ្ញាវន្តនៅ Icahn Mount Sinai ផងដែរ។
តាមរយៈកិច្ចសហការនេះ សាលារៀនមានគោលបំណងលើកកម្ពស់ឧបករណ៍អប់រំរបស់ខ្លួនបន្ថែមទៀត ដោយបំពាក់ឱ្យគ្រូពេទ្យ និងអ្នកវិទ្យាសាស្ត្រនាពេលអនាគតជាមួយនឹងធនធានកម្រិតខ្ពស់ ដើម្បីទទួលបានភាពជោគជ័យ ក្នុងការថែទាំសុខភាព និងបរិស្ថានវិទ្យាសាស្ត្រ ដែលកំពុងវិវត្តន៍យ៉ាងឆាប់រហ័ស, នេះបើយោងតាមការចេញផ្សាយព័ត៌មាន នៅលើគេហទំព័រសាលាផ្ទាល់។
សាលាបានសង្កត់ធ្ងន់ថា សិស្សត្រូវបានបណ្ដុះបណ្ដាលឱ្យប្រើវេទិកានេះ ជាការបំពេញបន្ថែមលើការអនុវត្តផ្អែកលើភស្ដុតាងជាក់ស្ដែង ការណែនាំពីអ្នកជំនាញ និងការថែទាំដែលផ្ដោតលើអ្នកជំងឺ ប៉ុន្តែបច្ចេកវិទ្យានេះ មិនមែនជាការជំនួសអ្នកជំនាញនោះទេ។ ChatGPT Edu ត្រូវបានប្រើយ៉ាងទូលំទូលាយក្នុងបរិបទអប់រំផ្សេងៗ រួមទាំងការជួយនិស្សិត ពិនិត្យអ្នកព្យាបាលអ្នកជំងឺ ដោយផ្ដល់នូវហេតុផលយ៉ាងស៊ីជម្រៅ ការយល់ដឹងពីករណីស្មុគស្មាញ និងការគាំទ្រដល់ការស្រាវជ្រាវ តាមរយៈការវិភាគទិន្នន័យ និងជំនួយការសរសេរកូដ។
វេទិការនេះ មិនផ្ដល់ការថែទាំផ្នែកវេជ្ជសាស្ត្រ ឬធ្វើការសម្រេចចិត្តផ្នែកព្យាបាលទេ។ ផ្ទុយទៅវិញ វាបម្រើការជាឧបករណ៍អប់រំថាមវន្ត ស្រដៀងទៅនឹងដៃគូសិក្សាឌីជីថល ជាមួយនឹងការការពារ ដែលភ្ជាប់មកជាមួយ ដើម្បីធានាការប្រើប្រាស់ប្រកបដោយការទទួលខុសត្រូវ និងអនុលោមតាមច្បាប់។ សមាជិកមហាវិទ្យាល័យ ក៏កំពុងសិក្សាអំពីសក្តានុពលនៃបច្ចេកវិទ្យានេះដែល ដើម្បីពង្រីកសមត្ថភាព លើការអភិវឌ្ឍកម្មវិធីសិក្សា ការស្រាវជ្រាវរបស់ក្រុមបញ្ញាវន្ត និងការបង្កើតថ្មីក្នុងការបង្រៀន។
លោក Dennis S. Charney, MD, Anne និង Joel Ehrenkranz Dean នៃសាលាវេជ្ជសាស្ត្រ Icahn នៅ Mount Sinai និងជាប្រធានផ្នែកកិច្ចការសិក្សានៃប្រព័ន្ធសុខភាព Mount Sinai បាននិយាយថា បច្ចេកវិទ្យានេះ មិនមែនដាក់ឱ្យប្រើប្រាស់ដើម្បីជំនួសការវិនិច្ឆ័យផ្នែកគ្លីនិកនោះទេ ប៉ុន្តែវាត្រូវបានដាក់ឱ្យប្រើប្រាស់ ដើម្បីជាជំនួយការអ្នកជំនាញ។
សិស្សមិនអាចប្រើ AI ដើម្បីធ្វើការសម្រេចចិត្តផ្នែកវេជ្ជសាស្ត្រទេ ប៉ុន្តែដើម្បីពង្រឹងការគិតរបស់ពួកគេ ជាជាងគ្រាន់តែសន្មត់ដោយមិនមានអ្វីជាជំនួយបន្ថែម ហើយបច្ចេកវិទ្យានេះ នឹងជួយបង្កើនទំនុកចិត្តដល់អ្នកជំនាញ ឱ្យបានកាន់តែប្រសើរជាងមុន។ ឧបករណ៍នេះ អាចជួយពង្រឹង របៀបដែលសិស្សរៀន និងដោះស្រាយបញ្ហា ប៉ុន្តែវាមិនអាចជំនួសសភាវគតិ និងទំនាក់ទំនងរបស់មនុស្ស ដែលជាផ្នែកមួយដ៏សំខាន់ សម្រាប់ការព្យាបាលនោះទេ។
លោក Dennis S. Charney, MD, Anne និង Joel Ehrenkranz Dean បានសង្កត់ធ្ងន់ថា គោលដៅរបស់សាលា គឺបង្រៀនគ្រូពេទ្យសម្រាប់ថ្ងៃអនាគត និងជាជំនួយសម្រាប់អ្នកស្រាវជ្រាវ អាចស្រាវជ្រាវ ពីរបៀបធ្វើការប្រកបដោយការគិតស៊ីជម្រៅ អំពីបច្ចេកវិទ្យា និងពង្រឹងវិស័យវេជ្ជសាស្ត្រ ឱ្យកាន់តែរីកចម្រើន៕
