ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ ស្វែងយល់ពីរបៀបចិញ្ចឹមកូនសំខាន់ខ្លាំងណាស់សម្រាប់ឪពុកម្ដាយ អាណាព្យាបាល ឬអ្នកថែទាំកូន ដើម្បីវិភាគនិងឆ្លុះបញ្ចាំងរាល់ទង្វើ ឬសកម្មភាពចិញ្ចឹមកូន។ ការជ្រើសរើសរបៀបចិញ្ចឹមកូនប្រកបដោយគុណភាព និងមានប្រសិទ្ធភាព អាចជួយពង្រឹងទំនាក់ទំនងរវាងឪពុកម្ដាយ អាណាព្យាបាល ឬអ្នកថែទាំជាមួយនឹងកូន ឬកុមារ និងសមាជិកដទៃទៀតនៅក្នុងគ្រួសារកាន់តែប្រសើរឡើង ដែលជាផ្នែកមួយដ៏សំខាន់ក្នុងការចូលរួមចំណែកកាត់បន្ថយ ឬបញ្ឃប់អំពើហិង្សា និងការមិនអើពើនៅក្នុងគ្រួសារ។ ផ្អែកតាមឯកសារស្តីពីការចិញ្ចឹមកូនរបស់ក្រសួងកិច្ចការនារី ខាងក្រោមនេះជាគោលការណ៍ ៥ចំណុចឪពុកម្ដាយគួរដឹងពីរបៀបចិញ្ចឹមកូនបែបវិជ្ជមាន។
១. ភាពអហិង្សា ៖ ឪពុកម្ដាយ អាណាព្យាបាល ឬអ្នកថែទាំកូន មិនគួរប្រើទម្រង់ណាមួយនៃអំពើហិង្សាលើកូន ឬកុមារ រួមមានអំពើហិង្សា ផ្លូវកាយ ផ្លូវចិត្ត ផ្លូវភេទ និងការមិនអើពើលើកុមារ។ គួរប្រកាន់ខ្ជាប់ឥរិយាបថអហិង្សា ដោយប្រើពាក្យពេចន៍ល្អៗទៅកាន់កូននៅពេលពួកគេមានកំហុស។ ណែនាំកូនដោយអហិង្សា ជាវិធីសាស្ត្រល្អបំផុតដែលម្តាយឪពុកសម័យទំនើបគួរប្រកាន់ខ្ជាប់។
២. ផ្តោតទៅលើដំណោះស្រាយ ៖ ស្ដាប់ បង្ហាញហេតុផល ពិភាក្សា និងការស្វែងរកវិធី ឬរបៀបណាមួយ ដើម្បីដោះស្រាយបញ្ហាដោយសន្តិវិធីតាមបែបវិជ្ជមានដែលផ្តល់តម្លៃដល់ការចូលរួម យល់ព្រម និងការចរចារគ្នា។
៣. ការគោរព៖ នៅក្នុងគ្រួសារ សមាជិកគ្រួសារ គួរប្រើប្រាស់ឥរិយាបថទន់ភ្លន់ កាយវិការ និងពាក្យសម្តីដែលសម្តែងពីចេតនាគោរពគ្នាដល់កូន ផ្តល់តម្លៃឱ្យស្មើៗគ្នាក្នុងភាពជាមនុស្ស ដោយគ្មានការរើសអើង និងវិនិច្ឆ័យដោយហេតុផលត្រឹមត្រូវ។
៤. ផ្ដោតលើតំណាក់កាលលូតលាស់ និងអភិវឌ្ឍន៍កុមារ៖ កុមារា កុមារី ឬកុមារដែលពិការភាព គ្រប់កុមារទាំងអស់ មានការលូតលាស់និងអភិវឌ្ឍន៍ផ្សេងៗគ្នា ទៅតាមកម្រិតអាយុរបស់ពួកគេ ដូចជាការលូតលាស់និងអភិវឌ្ឍន៍ផ្នែករាងកាយ សតិបញ្ហា ស្មារតី ចរិតលក្ខណៈ ការគិត និងអារម្មណ៍។ ដូច្នេះការបំពេញទៅនឹងតម្រូវការរបស់ពួកគេ គឺមានភាពខុសគ្នា។
៥. ផ្អែកលើអនុសញ្ញាអង្គការសហប្រជាជាតិស្ដីពីសិទ្ធិកុមារ៖ សិទ្ធិកុមារ គឺជាអ្វីៗដែលកុមារមាន និងអ្វីដែលមនុស្សទទួលខុសត្រូវលើកុមារ។ ពួកគេត្រូវធានាថា កុមារមានសុវត្ថិភាព សុខភាពល្អ សប្បាយរីករាយ ទទួលការអប់រំ និងនិយាយអ្វីដែលមានសារៈសំខាន់សម្រាប់ពួកគេ។ កុមារទាំងអស់រួមទាំងកុមារដែលមានពិការភាពទទួលបានសិទ្ធិទាំងនេះ មិនថាពួកគេជានរណា មានពណ៌សម្បុរអ្វី ភាសាអ្វី សាសនាអ្វី ក្មេងប្រុស ឬក្មេងស្រី អ្នកក្រ ឬអ្នកមានឡើយ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍សំខាន់
ព័ត៌មានទូទៅ
សម្ដេចតេជោ ហ៊ុន សែន បង្ហាញជំនឿថា បាក់ឌុបឆ្នាំនេះ ស្ត្រីអាចជាប់ច្រើនជាងបុរស
យុវជនកម្ពុជា ៧រូប តំណាងជាតិ ចូលរួម World Youth Festival 2026 នៅរុស្ស៊ី ផ្តោតលើជំនាញបច្ចេកវិទ្យា និងរ៉ូបូត
រកឃើញយុវជន ៣រូប និង៣ក្រុម ឈ្នះពីការប្រកួតប្រជែងសន្តិសុខសាយប័រ
បេក្ខជនបាក់ឌុបត្រៀមខ្លួនជ្រើសរើសជំនាញសិក្សាបន្ត ខណៈអ្នកឃ្លាំមើលសង្គមស្នើឱ្យជ្រើសរើសតាមឧបនិស្ស័យ និងសមត្ថភាព
ការស្រាវជ្រាវបង្ហាញថា ការមាក់ងាយ បៀតបៀន (Bullying) ភាគច្រើនកើតឡើងនៅសាលារៀន, អ្នកជំនាញទាមទារឱ្យមានការចូលរួមទប់ស្កាត់
ការស្រាវជ្រាវបង្ហាញថា ការឱ្យកូន ”គេងឆ្អែត” នៅថ្ងៃចុងសប្តាហ៍ អាចជួយកាត់បន្ថយហានិភ័យនៃជំងឺធ្លាក់ទឹកចិត្ត
សាកលវិទ្យាល័យជាតិបាត់ដំបង ប្រកាសផ្តល់អាហារូបករណ៍ថ្នាក់បរិញ្ញាបត្រ ៤ជំនាញ សម្រាប់ឆ្នាំសិក្សា២០២៦-២០២៧
មានពិការភាពដៃទាំងពីរ តែមិនបាត់បង់ក្តីសង្ឃឹម ៖ រឿងរ៉ាវតស៊ូរបស់យុវជន ទ្រី វិចិត្រ ក្លាយជាគ្រូបង្រៀននៅវត្តមុនីសាគរ
ក្រសួងអប់រំចាប់ផ្តើមធ្វើកំណែប្រឡងបាក់ឌុប ក្រោមការឃ្លាំមើលពី ACU
ជំនាញយុទ្ធសាស្ត្រទាំង ៦ ដែលនឹងមានតម្រូវការទីផ្សារខ្ពស់បំផុតក្នុងរង្វង់ ៥ ទៅ ១០ឆ្នាំខាងមុខ
កម្មវិធីពិសេសរបស់ AMS EDUCATION
ព័ត៌មានសង្ខេប
