តូច ឥនសុភា យុវជនកម្ពុជាជាប់ជ័យលាភី Best Oralist Award ក្នុងសន្និសីទអាស៊ានអន្តរជាតិលើកទី៤ ស្ដីពីថាមពលនិងបរិស្ថាន

តូច ឥនសុភា ជាយុវជនតំណាងប្រទេសកម្ពុជាមួយរូប ដែលបានជាប់ជ័យលាភី Best Oralist Award ផ្នែកអត្ថបទស្រាវជ្រាវ និងការធ្វើបទបង្ហាញដែលល្អជាងគេ ក្នុងសន្និសីទអាស៊ានអន្តរជាតិលើកទី៤ ស្ដីពីថាមពលនិងបរិស្ថាន (AICEE)  នៅទីក្រុងវៀងច័ន្ទ ប្រទេសឡាវ កាលពីពេលថ្មីៗនេះ។ យុវជនកម្ពុជារូបនេះ ក៏​ត្រូវ​ចាត់ទុកថា ជាអ្នកធ្វើបទបង្ហាញដែលមានវ័យក្មេងជាងគេបង្អស់ ក្នុងចំណោមអ្នកនិពន្ធ ៦២រូបមកពីប្រទេសអាស៊ានទាំង១០។

យុវជន តូច ឥនសុភា បច្ចុប្បន្នជានិស្សិតឆ្នាំទី៤ សិក្សាជំនាញវិទ្យាសាស្ត្រ និងវិស្វកម្មកុំព្យូទ័រ នៅសាកលវិទ្យាល័យពាណិជ្ជសាស្រ្ត អេស៊ីលីដា និងជំនាញវិទ្យាសាស្រ្តទិន្នន័យ និងការវិភាគ នៅវិទ្យាស្ថានថាក់គ្លូបល និយាយថា ការដែលខ្លួនចូលរួមក្នុងសន្និសីទអាស៊ានអន្តរជាតិលើកទី៤ ស្ដីពី ថាមពលនិងបរិស្ថាននេះ គឺមកពីរូបគេស្រឡាញ់ការសិក្សាស្រាវជ្រាវ និងចង់បង្ហាញស្នាដៃស្រាវជ្រាវអំពីការប្រើប្រាស់បច្ចេកវិទ្យានៅក្នុងវិស័យថាមពល និងបរិស្ថាន។ ឥនសុភា បន្តថា ដើម្បីចូលរួមកម្មវិធីនេះ រូបគេ បានដាក់ពាក្យបង្ហាញអត្ថបទ ដើម្បីទទួលបានការឧបត្ថម្ភទាំងស្រុង នៅពេលដែលមជ្ឈមណ្ឌលថាមពលអាស៊ាន ប្រកាសជ្រើសរើស។

យុវជនវ័យ២០ឆ្នាំរូបនេះ បន្ថែមថា ការសម្រេចលទ្ធផលនេះ ក៏ដោយសាររូបគេ បានទទួលការណែនាំពី លោកគ្រូ ឡុង បរិញ្ញា បច្ចុប្បន្នជាសាស្ត្រចារ្យ នៃវិទ្យាស្ថានបច្ចេកវិទ្យាកម្ពុជា នៅក្នុងការសរសេរអត្ថបទ ក៏ដូចជាវិធីសាស្រ្តសិក្សា Machine Learning Models ដើម្បីដាក់បញ្ចូលទៅក្នុងអត្ថបទ។ ដោយអត្ថបទនោះរូបគេ បានបង្ហាញគំរូ the Hybrid LSTM-CNN ថាជាវិធីសាស្រ្តដ៏មានប្រសិទ្ធភាពបំផុត ដោយបង្ហាញពីភាពត្រឹមត្រូវខ្ពស់ក្នុងការទស្សន៍ទាយគំរូនៃការប្រើប្រាស់ថាមពលកកើតឡើងវិញ ទាំងរយៈពេលខ្លី និងរយៈពេលវែង។

​យុវជន តូច ឥនសុភា បន្ថែមថា ប្រធានបទដែលរូបគេបានលើកយកទៅធ្វើបទបង្ហាញមានចំណងជើងថា “A Study on Factor Influencing Machine Learning Models for Renewable Energy Consumption Forecasting” ។ នៅក្នុងអត្ថបទនេះ រូបគេ បានសិក្សាពីកត្តាដែលជះឥទ្ធិពលទៅលើថាមពលបង្កើតឡើងវិញ។ ក្នុងនោះ បានបង្ហាញពីការសិក្សាពី សេដ្ឋកិច្ចសង្គម បរិស្ថាន ភូមិសាស្ត្រ ដូចជា តម្លៃនៃថាមពល គោលនយោបាយរដ្ឋាភិបាល និងលក្ខខណ្ឌអាកាសធាតុ ដែលជះឥទ្ធិពលទៅលើថាមពលកកើតឡើងវិញ។ ការសិក្សានេះ ក៏បានរំលេចនូវការវាយតម្លៃសិក្សារបស់ machine learning, deep learning artificial neural network, support vectors machine, long short term memory Network និង convolutional neural network ដែលជាការសង្កត់ធ្ងន់ទៅលើសារៈសំខាន់នៃការព្យាករណ៍យ៉ាងត្រឹមត្រូវលើថាមពលកកើតឡើងវិញ។ ក្នុងនោះក៏មានការចូលរួមពិនិត្យលើករណីសិក្សាទូទាំងផ្នែកលំនៅឋានពាណិជ្ជកម្ម និងកសិឧស្សាហកម្ម ដោយផ្ដល់នូវការយល់ដឹងអំពីរបៀបដែលគំរូម៉ូឌែល (Models) ផ្សេងៗដំណើរការ។

យុវជនមកពីខេត្តស្វាយរៀងរូបនេះ លើកឡើងថា គណៈកម្មការបានដាក់ពិន្ទុយ៉ាងតឹងរឹងទៅលើអត្ថបទតាមប្រភេទ នៃការជ្រើសរើសប្រធានបទ។ ជាក់ស្ដែង អត្ថបទរបស់គេ នៅក្រោមផ្នែកថាមពល និងឌីជីថល (Energy and Digitalization) ដែលត្រូវធ្វើបទបង្ហាញ ព្រមទាំងមានសំណួរនិងចម្លើយ ដោយការធ្វើបទបង្ហាញមានរយៈពេល១០នាទី និងសំណួរចម្លើយ ៥នាទី។

ម្ចាស់ជ័យលាភី Best Oralist Award រូបនេះ បានសម្ដែងអារម្មណ៍សប្បាយរីករាយបន្ទាប់ពីរូបគេបានចូលរួមក្នុងសន្និសីទអាស៊ានអន្តរជាតិលើកទី៤នេះ ព្រោះនៅក្នុងកំឡុងពេលកម្មវិធីនេះ រូបគេបានជួបសាស្ត្រាចារ្យ បណ្ឌិត អ្នកស្រាវជ្រាវ មកពីជុំវិញប្រទេសអាស៊ានបានធ្វើបទបង្ហាញអំពីប្រធានបទជាច្រើន ដែលធ្វើឱ្យរូបគេទទួលបានការយល់ដឹងជាច្រើនអំពីការប្រើប្រាស់បច្ចេកវិទ្យានៅក្នុងវិស័យថាមពល និងបរិស្ថាន។ ជាពិសេសរូបគេ ទទួលបានមតិកែលម្អពីប្រធាន AICEE និងអ្នកចូលរួមដទៃទៀតមានភាពវិជ្ជមាន និងស្ថាបនា។

ឥនសុភា លើកឡើងថា ថាមពលកកើតឡើងវិញ គឺជាថាមពលដែលបានមកពីប្រភពធម្មជាតិ ត្រូវបានបំពេញក្នុងអត្រាខ្ពស់ជាងការប្រើប្រាស់។ វាត្រូវបានគេស្គាល់ផងដែរថាជា “ថាមពលស្អាត” ឬ “ថាមពលបៃតង” ព្រោះវាមិនបំពុលខ្យល់ឬទឹក។ ថាមពលកកើតឡើងវិញមានដូចជា ថាមពលព្រះអាទិត្យ (SOLAR ENERGY), ថាមពលខ្យល់ (WIND ENERGY), ថាមពលធារាសាស្ត្រ (HYDROPOWER), ថាមពលភូគព្ភសាស្ត្រ (GEOTHERMAL ENERGY), ថាមពលមហាសមុទ្រ (OCEAN ENERGY), ថាមពលជីវសាស្ត្រ (BIOENERGY)។

សម្រាប់ប្រទេស​កម្ពុជា យុវជន តូច ឥនសុភា យល់ថា ថាមពលកកើតឡើងវិញ (RE) មានសារសំខាន់ខ្លាំង ដោយសារវាជួយដល់ការអភិវឌ្ឍន៍ប្រកបដោយចីរភាព កាត់បន្ថយការពឹងផ្អែកលើឥន្ធនៈហ្វូស៊ីលដែលបាននាំចូល និងដោះស្រាយបញ្ហាប្រឈមនៃសន្តិសុខថាមពល។ លើសពីនេះ ថាមពលកកើតឡើងវិញ ជួយកាត់បន្ថយផលប៉ះពាល់បរិស្ថាននៃផលិតកម្មថាមពល ដោយកាត់បន្ថយការបំភាយឧស្ម័នផ្ទះកញ្ចក់ លើកកម្ពស់ខ្យល់ស្អាត និងកាត់បន្ថយការបំពុល។ ក្នុងនោះ ប្រសិនបើកម្ពុជាធ្វេសប្រហែសក្នុងការអភិវឌ្ឍន៍ថាមពលកកើតឡើងវិញ (RE) ក្នុងរយៈពេលពី ៥ទៅ១០ឆ្នាំខាងមុខ ផលវិបាកអវិជ្ជមានជាច្រើនអាចកើតឡើង រួមមាន ការកើនឡើងអសន្តិសុខថាមពល, ការរិចរិលបរិស្ថាន ឱកាសសេដ្ឋកិច្ចដែលខកខាន, ផលប៉ះពាល់សុខភាពសាធារណៈ និងវិសមភាពជនបទ។

យ៉ាងណាក៏ដោយ​តាមរយៈបទពិសោធន៍​នៃការចូលរួមប្រកួតនេះវិញ យុវជន តូច ឥនសុភា ក៏លើកទឹកចិត្តដល់យុវជនទាំងអស់ដែលស្រឡាញ់ផ្នែកខាងស្រាវជ្រាវ សូមបន្តសិក្សាបន្ថែម ក៏ដូចជាពិគ្រោះយោបល់ជាមួយសាស្ត្រាចារ្យជំនាញផ្ទាល់ ពីព្រោះថា ការស្រាវជ្រាវ គឺជាកត្តាមួយដែលសំខាន់ នៅក្នុងការរួមចំណែកអភិវឌ្ឍសមត្ថភាពរបស់ខ្លួនឯង ក៏ដូចជាប្រទេសជាតិទាំងមូល។ ជាពិសេស សម្រាប់យុវជនដែលកំពុងសិក្សាថ្នាក់បរិញ្ញាបត្រ ការសរសេរអត្ថបទស្រាវជ្រាវ ក៏ជាកត្តាមួយដែលជួយឱ្យងាយស្រួលនៅក្នុងការស្វែងរកឱកាសអាហារូបករណ៍សម្រាប់បន្តការសិក្សា៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍៦០កន្លែង សម្រាប់​ជំនាញវិស្វកម្ម​អេឡិចត្រូនិក​នៅ​វិទ្យាស្ថានជាតិ​ពហុបច្ចេកទេស​អង្គរ

ព័ត៌មានអាហារូបករណ៍, ព្រឹត្តិការណ៍

• 20/12/2024

វិទ្យាស្ថានជាតិ​ពហុបច្ចេកទេស​អង្គរ បានប្រកាស​ពីការផ្តល់ជូនអាហារូបករណ៍​១០០% ដល់សិស្ស​ធ្លាក់ ឬជាប់​ថ្នាក់ទី១២ សម្រាប់ជំនាញ​វិស្វកម្ម​អេឡិច​ត្រូនិក សិក្សា​រយៈពេល​២ឆ្នាំ ចំនួន៦០កន្លែង។

អាហារូបករណ៍ថ្នាក់បរិញ្ញាបត្រចំនួន៥កន្លែងនៅសាកលវិទ្យាល័យភ្នំពេញអន្តរជាតិ ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 05/12/2023

ឱកាសសិក្សាអាហារូបករណ៍ថ្នាក់បរិញ្ញាបត្រចំនួន០៥កន្លែងពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិសម្រាប់សិស្ស-និស្សិតទូទាំងប្រទេសឱ្យសិក្សាថ្នាក់បរិញ្ញាបត្រ សិក្សានៅសាកលវិទ្យាល័យភ្នំពេញអន្តរ...

អគ្គនាយកដ្ឋានអប់រំ ជ្រើសរើសនិស្សិតចុះកម្មសិក្សាការងារ ៦រូប លើជំនាញរដ្ឋបាល អប់រំ ទំនាក់ទំនងអន្តរជាតិ និងព័ត៌មានវិទ្យា

ព័ត៌មានអាហារូបករណ៍, ព្រឹត្តិការណ៍

• 05/10/2026

ឱកាស​សម្រាប់សិស្ស​និស្សិត ដែល​កំពុងសិក្សា​លើ​ជំនាញ រដ្ឋបាលសាធារណៈ អប់រំ ទំនាក់ទំនងអន្តរជាតិ និងបច្ចេកវិទ្យាកុំព្យូទ័រ និងព័ត៌មានវិទ្យា

កម្មវិធីអាហារូបករណ៍ SHE-CAN ផ្តល់ឱកាស​ដល់និស្សិតស្រ្តីកម្ពុជា ទៅ​សិក្សា​នៅ​សហរដ្ឋអាមេរិក

ព័ត៌មានអាហារូបករណ៍, ព្រឹត្តិការណ៍

• 05/07/2023

កម្មវិធីអាហារូបករណ៍ SHE-CAN ដែលជាកម្មវិធីភាពជាអ្នកដឹកនាំមានមូលដ្ឋាននៅសហរដ្ឋអាមេរិក បានប្រកាស​ផ្តល់អាហារូបករណ៍ដល់និស្សិតស្ដ្រីឆ្នើមកម្ពុជា...

អាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Ubon Ratchathani ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 20/09/2024

ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Ubon Ratchathani នៃប្រទេសថៃសម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រក្រោមជំនាញសិក្សាជាច្រើន។

អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតចំនួន២០កន្លែងនៅ BTBU នៃសាធារណរដ្ឋប្រជាមានិតចិន

ព័ត៌មានអាហារូបករណ៍, ព្រឹត្តិការណ៍

• 06/05/2025

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យសាកលវិទ្យាល័យបច្ចេកវិទ្យា និងពាណិជ្ជកម្មប៉េកាំង (Beijing Technology and Business ) ពី ផ្ទះយុវជនដើម្បីមិត្តភាពកម្ពុជា-ចិន...

អាហារូបករណ៍ KOICA សម្រាប់និស្សិតកម្ពុជាសិក្សាថ្នាក់បរិញ្ញាបត្រជាន់ខ្ពស់ និង​ថ្នាក់បណ្ឌិតនៅសាធារណរដ្ឋកូរ៉េ

ព័ត៌មានអាហារូបករណ៍, ព្រឹត្តិការណ៍

• 15/06/2026

នៅក្នុងឆ្នាំសិក្សា២០២៧ ខាងមុខនេះ ការិយាល័យទីភ្នាក់ងារសហប្រតិបត្តិការអន្តរជាតិកូរ៉េ KOICA ប្រចាំកម្ពុជា តាមរយៈកម្មវិធីអាហារូបករណ៍ KOICA Scholarship Program 2027 បានប្រកាសបើក​ទទួលពាក្យ​ឱ្យចូល​សិក្សា...

រដ្ឋាភិបាលជប៉ុន ផ្តល់អាហារូបករណ៍ ៤កម្រិត សម្រាប់មន្រ្តីរាជការ សិស្សនិស្សិតកម្ពុជា ទៅបន្ត​ការ​សិក្សា​នៅ​ប្រទេស​ជប៉ុន ឆ្នាំ២០២៧

ព័ត៌មានអាហារូបករណ៍, ព្រឹត្តិការណ៍

• 04/05/2026

នៅក្នុងឆ្នាំ​២០២៦នេះ រដ្ឋាភិបាលជប៉ុន បានសម្រេច​ផ្តល់​អាហារូបករណ៍ ៤កម្រិត ដល់មន្រ្តីរាជការ និស្សិត និងសិស្ស​កម្ពុជា ដើម្បីទៅបន្ត​ការ​សិក្សា​នៅ​ប្រទេស​ជប៉ុន សម្រាប់ឆ្នាំ២០២៧ ដោយ​អាហារូបករណ៍នឹងរ៉ាប់រងសោហ៊ុយ...

វិទ្យាស្ថានពហុបច្ចេកទេសខេត្តកំពង់ឆ្នាំងបន្តជ្រើសរើសសិក្ខាកាមចូលរៀនជំនាញវិជ្ជាជីវៈ​ដោយឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 24/06/2025

ឱកាសសិក្សាជំនាញវិជ្ជាជីវៈដោយឥតគិតថ្លៃ ថ្នាក់សញ្ញាបត្របច្ចេកទេស និងវិជ្ជាជីវៈ១ នៅវិទ្យាស្ថានពហុបច្ចេកទេសខេត្តកំពង់ឆ្នាំង សម្រាប់វគ្គសិក្សាថ្មី។ ការសិក្សាផ្ដល់ឱ្យក្រោមកម្មវិធី​បណ្តុះបណ្តាលជំនាញ​វិជ្ជាជីវៈ និង​បច្ចេកទេស របស់​រាជរដ្ឋាភិបាល



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *