ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
នៅពេលដែលមានអារម្មណ៍ថា សកម្មភាពរាល់ថ្ងៃហាក់មានភាពដដែលៗ មិនយូរមិនឆាប់ ភាពធុញថប់នឹងកើតមាន ហើយការគិតអំពីដំណើរកម្សាន្តអាចជាវិធីមួយផ្តល់នូវភាពវិជ្ជមានទៅកាន់សុខភាពផ្លូវចិត្ត។ ការធ្វើដំណើរទៀតសោត យ៉ាងហោចណាស់មួយឆ្នាំម្តង ឬក៏ការសាកល្បងទៅកន្លែងថ្មីៗជិតៗ ដោយមិនចាំបាច់រកកន្លែងឆ្ងាយៗពេក ឬក៏ចាំដល់ថ្ងៃបុណ្យទាននោះទេ។
តាមរយៈ គេហទំព័រ WebMD បានបង្ហាញថា ការចេញក្រៅធ្វើដំណើរកម្សាន្តផ្តល់អត្ថប្រយោជន៍ជាច្រើនទៅកាន់សុខភាពផ្លូវចិត្ត និងសុខភាពផ្លូវកាយ ដោយការស្វែងរកបរិយាកាសដែលពុំធ្លាប់ទៅពីមុនៗ សិក្សាពីវប្បធម៌ និងភាពបត់បែនទៅនឹងបរិយាកាសចម្លែកៗ, ការដែលធ្វើបែបនេះបានទៀងទាត់ ជាកត្តារួមចំណែកពង្រឹងដល់សុខភាពផ្លូវចិត្ត ហើយខាងក្រោមជាការលម្អិតបន្ថែមអំពីអត្ថប្រយោជន៍ជាទូទៅពីការដើរកម្សាន្ត៖
១. ជួយឱ្យអារម្មណ៍ស្ងប់ ៖ ការដើរកម្សាន្តនៅកន្លែងថ្មីៗ ល្អសម្រាប់គ្រប់គ្នា ជាពិសេសពេលកំពុងស្ត្រេសខ្លាំងនៅកន្លែងការងារ នោះវិស្សមកាល អាចជាដំណោះស្រាយមួយក្នុងការទប់ទល់នឹងបញ្ហានេះ។ ការសម្រាកពីការងារដើម្បីទៅទស្សនាទីតាំងថ្មីៗ ជំរុញឱ្យរំសាយនូវការគិតដែលជាប់គាំងអស់ជាយូរហើយផងដែរ។
២. បង្កើនថាមពល ៖ ការធ្វើឱ្យថាមពលមានតុល្យភាព ជះផលជាវិជ្ជមានទៅកាន់សុខភាពផ្លូវចិត្ត ខណៈមនុស្សមួយចំនួនទទួលបាននូវអារម្មណ៍ល្អៗតាមរយ:ការដើរកម្សាន្តកន្លែងថ្មីៗ ឬការសម្រាកក្រោយវិស្សមកាលត្រឹមតែរយៈពេលប្រាំសប្តាហ៍តែប៉ុណ្ណោះបន្ទាប់ពីការដើរកម្សាន្ត។
៣. ជំរុញកម្លាំងចិត្ត ៖ សម្រាប់អ្នកមានអាការស្ត្រេសជាញឹកញាប់ បង្កផលប៉ះពាល់ដល់ការកំណត់គោលដៅ និងមានទម្លាប់អវិជ្ជមានប្រចាំថ្ងៃ ដូច្នេះការចាត់អាទិភាពចំពោះដំណើរកម្សាន្តទៅកន្លែងណាមួយដែលឆ្ងាយពីកន្លែងការងារ ជួយបង្កើនបាននូវផលិតភាព និងការផ្តោតនៅពេលត្រឡប់ពីដំណើរកម្សាន្តទាំងនោះវិញ នេះក៏ដោយសារតែខួរក្បាលត្រូវការពេលដើម្បីសម្រាកជាចាំបាច់។
៤. បង្កើនគំនិតច្នៃប្រតិដ្ឋ ៖ ការចេញទៅក្រៅ និងស្គាល់បរិយាកាស ឬពិភពប្លែកៗ ជាកត្តាជំរុញបាននូវផលិតភាព ព្រោះអ្នកដែលមានឱកាសដើរច្រើន មានសមត្ថភាពបំផុសនូវទស្សនៈចម្រុះ ដោយសារតែពួកគេទទួលបាននូវបទពិសោធន៍ជាមួយនឹងវប្បធម៌ដែលខុសពីសព្វមួយដង ការបង្កើតមិត្តភាពលក្ខណៈជាតិ និងអន្តរជាតិ ការសិក្សាភាសាថ្មីដែលខុសពីភាសាជាតិ ការភ្លក់រស់ជាតិម្ហូបអាហារប្លែកៗ និងការស្តាប់តន្ត្រីសម្បូរបែបជាដើម សុទ្ធសឹងតែជាចលករដ៏សំខាន់ជួយដល់ការដោះស្រាយបញ្ហាការរស់នៅឱ្យមានភាពងាយស្រួលជាងមុន ជារួមគឺការដើរកម្សាន្តអាចធ្វើឱ្យយើងឃើញពិភពលោកក្នុងផ្លូវមួយដែលពុំធ្លាប់គិតពីមុនៗ។
យ៉ាងណាមិញ ដើម្បីជំរុញដំណើរកម្សាន្តដែលផ្តល់ភាពវិជ្ជមានទៅបាន គឺត្រូវការ ការធ្វើផែនការមុនពេលដើរលេង ការកំណត់លទ្ធផលរំពឹងទុក ឬក៏ការកំណត់គោលដៅ សាកល្បងទៅកន្លែងដែលពុំធ្លាប់ទៅ មួយវិញទៀតទោះបីជាអំឡុងពេលវិស្សមកាលក្ដី ការរក្សាទម្លាប់ប្រចំាថ្ងៃនៅតែសំខាន់ តួយ៉ាងដូចជាការគេងឱ្យបានស្ងប់ ការហូបអាហារល្អៗ និងរក្សាតុល្យភាពនៃការដើរ និងការសម្រាក៕
