ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រៅពីជំនាញបច្ចេកទេស (Hard Skills) ដែលជាតម្រូវការស្នូលសម្រាប់ការបំពេញតួនាទីនីមួយៗ អ្នកធ្វើការទាំងអស់ក៏ចាំបាច់ត្រូវមានជំនាញទន់ (Soft Skills) មួយចំនួនផងដែរ ដែលជំនាញទន់ទាំងនេះដើរតួនាទីយ៉ាងសំខាន់ក្នុងការបង្កើត និងជំរុញបរិយាកាសវិជ្ជមាន ប្រកបដោយផលិតភាព និងសាមគ្គីភាពនៅកន្លែងការងារ។ បើតាមការលើកឡើងរបស់ Michael Page ដែលជាក្រុមហ៊ុនផ្តោតលើកត្តាប្រឈម និងដំណោះស្រាយនៅកន្លែងធ្វើការ ជំនាញទន់ស្នូលទាំងបួន ដែលអាចអភិវឌ្ឍន៍បានតាមរយៈការសិក្សារៀនសូត្រទាំងផ្លូវការ និងក្រៅផ្លូវការនោះ រួមមាន ភាពជោគជ័យក្នុងការទំនាក់ទំនង ការគ្រប់គ្រងនិងសម្របសម្រួលការងារ ផ្នត់គំនិតនៃការដោះស្រាយបញ្ហា និងភាពជាអ្នកដឹកនាំ។
ខាងក្រោមនេះ គឺជារបៀបនៃការពង្រឹងជំនាញទន់នីមួយៗ ដើម្បីធានាបាននូវភាពជោគជ័យរួមរបស់ក្រុម និងស្ថាប័នទាំងមូល ៖
ទំនាក់ទំនង ៖ ភាពរឹងមាំ នៃការប្រាស្រ័យទាក់ទង គឺការដឹងអំពីដំណើរការ នៃការចែករំលែកព័ត៌មានបែបសាមញ្ញៗ ការផ្លាស់ប្តូរ ឬចែករំលែកគំនិត ការគិត និងការបង្ហាញចំណាប់អារម្មណ៍រវាងក្រុម និងបុគ្គល ដោយវិធីសាស្រ្តងាយៗ មិនថាតាមរយៈការសរសេរ ការនិយាយ ការផ្តល់សញ្ញា ក៏ដូចជាការពិភាក្សា គឺជាការបង្ហាញឱ្យឃើញពីភាពសម្បូរបែបនៃការទំនាក់ទំនង។
នៅក្នុងកន្លែងដែលអនុវត្តន៍ការងារ ការដឹងអំពីភាពចម្រុះ នៃការទំនាក់ទំនង គឺជាជំនាញចម្បងមួយដែលត្រូវការជាប្រចាំ ការបន្តពង្រឹងជំនាញនេះ គឺតាមរយៈសកម្មភាពមួយចំនួនដូចជា ពង្រឹងជំនាញស្តាប់ដ៏សកម្ម និងយកចិត្តទុកដាក់នៅពេលដែលត្រូវផ្តល់សារ មិនថា ដោយការនិយាយក្ដី ឬសរសេរក្ដី។
ជំនាញគ្រប់គ្រង ៖ ការគ្រប់គ្រង គឺជាសមត្ថភាពនៃការរៀបចំភារកិច្ច ទាំងការងារផ្ទាល់ខ្លួន និងនៅកន្លែងការងារ! ជារួមគឺរាប់បញ្ចូលទាំងការធ្វើឱ្យមានតុល្យភាពរវាងជីវិតផ្ទាល់ខ្លួន និងអាជីពវិជ្ជាជីវៈ ការរៀបចំពេលវេលាចំពោះភារកិច្ចនីមួយៗ រួមទាំងការបែងចែកប្រភេទកិច្ចការអាទិភាព និងកិច្ចការបន្ទាប់បន្សំ ក្នុងការបង្កើនផលិតភាពការងារ។
ដោះស្រាយបញ្ហា ៖ សេវាកម្មនីមួយៗ តែងបង្កើតឡើងដើម្បីដោះស្រាយបញ្ហា ដូចនេះក្រៅពីការប្រើប្រាស់ជំនាញស្នូលក្នុងការបំពេញតួនាទី ការសិក្សាអំពីបច្ចកទេសដោះស្រាយដោយភាពលឿនរហ័ស និងភាពឈ្លាសវៃបាន សុទ្ធសឹងតែត្រូវការអ្នកជំនាញក្នុងការដោះស្រាយបញ្ហា ហើយដើម្បីដុសខាត់ជំនាញមួយនេះបាន ត្រូវការឱ្យសិក្សាបន្ថែមអំពីជំនាញនៃការគិតប្រកបដោយពិចារណា ក្នុងការវិភាគថា តើយកជំនាញទំនាក់ទំនង និងជំនាញគ្រប់គ្រង មកប្រើពេលណាទើបមានប្រសិទ្ធភាព។
ភាពជាអ្នកដឹងនាំ ៖ ភាពខ្លាំងនៃភាពជាអ្នកដឹងនាំ គឺការបង្ហាញភាពជាគំរូ ហើយដើម្បីពង្រឹង ឬធ្វើឱ្យមានភាពរឹងមាំ នៃការបណ្តុះ ឬពង្រឹងជំនាញភាពជាអ្នកដឹងនាំ ត្រូវការរក្សាជំហរ និងរក្សាឥរិយាបថឱ្យមានភាពវិជ្ជមាន និងការមានទំនាក់ទំនងល្អក្នុងសង្គម ដែលអ្នកធ្វើការក្រុមទាំងឡាយចាំបាច់ត្រូវមាន៕
