ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
អនុវត្តន៍សកម្មភាព ដែលនាំកម្លាំងស្មារតីញ៉ាំងទៅកាន់ការរក្សាលំនឹងផ្លូវចិត្ត ឱ្យស្ថិតក្នុងបច្ចុប្បន្នភាព តាមរយៈបញ្ជ្រាបចំណេះដឹង អំពីការកាត់បន្ថយស្រ្តេស ការគ្រប់គ្រងអារម្មណ៍ និងជៀសចាកពីការប្រតិកម្មភាពអវិជ្ជមានទៅកាន់អ្នកដទៃ។ តាមរយៈសេចក្ដីប្រត្តិបត្តិ នូវវិធីបន្ធូរបន្ថយភាពតប់ប្រមល់ តានតឹង គឺជាចំណែកសំខាន់ដើម្បីផ្តោតស្មារតីទៅនឹងបច្ចុប្បន្នកាល។ គេហទំព័រ themanua បង្ហាញគន្លឹះមួយចំនួនដែលបម្រុងនឹងឆ្លើយតបអំពីតម្រូវខាងលើនេះ ៖
១. ប្រើប្រាស់រូបភាពដើម្បីចងចាំ ៖ មានន័យថា គឺជាការបំប្លែងរូបភាព ក្រាហ្វិក ឬក៏ផែនទីអ្វីមួយ ធ្វើយ៉ាងណាឱ្យក្លាយជាទិន្នន័យ ក្នុងការជំរុញឱ្យខួរក្បាល មានការចងចាំជាងមុន ដែលនេះជាវិធីសាស្រ្តមួយជួយផ្ទៀងផ្ទាត់សកម្មភាពលោកអ្នកកំពុងតែធ្វើបច្ចុប្បន្ននេះ ថា តើវាស្របជាមួយនឹងគោលដៅដែរឬទេ? ហេតុផលនេះហើយ ធ្វើឱ្យមនុស្សអាចសម្រួចពេលវេលា និងកាត់បន្ថយស្រ្តេស។ បន្ថែមពីនោះទៀត ការប្រើប្រាស់រូបភាពដើម្បីចងចាំ ផ្តល់នូវអត្ថប្រយោជន៍ជាច្រើនទៀតដូចជា ជំរុញឱ្យកើនមាននូវទំនុកចិត្ត ការផ្តោត និងល្បឿននៃការអនុវត្តភារកិច្ចផ្សេងៗ។
២. សមាធិ ៖ សមាធិនាំឱ្យស្មារតីស្រឡះ និងកាត់បន្ថយស្រ្តេសបានមួយចំណែក និងជាចំណុចសំខាន់ជួយពង្រឹងការចងចាំ ហើយការអនុវត្តបែបនេះជារឿយៗ ជួយកាត់បន្ថយភាពតានតឹង បង្កើនសុខុមាលភាពផ្លូវចិត្ត និងមានការសញ្ជឹងគិតអំពីគុណតម្លៃនៃជីវិតបានច្រើនជាងមុន។ ចំពោះកន្លែងដែលគួរអនុវត្តន៍សកម្មភាពទាំងនេះគឺ ទៅរក កន្លែងស្ងប់ស្ងាត់ និងជាទីតាំងដែលលោកអ្នកយល់ថាមានផាសុកភាព ដោយការចាប់ផ្តើមបិទភ្នែក ផ្តោតលើផ្លូវដង្ហើម ឬក៏ដកដង្ហើមឱ្យវែងៗជាដើម។
៣. សរសេរកំណត់ហេតុប្រចាំថ្ងៃ ៖ ការសរសេរកំណត់ត្រា ឬកំណត់ហេតុប្រចាំថ្ងៃ គឺជាវិធីមួយជួយឱ្យអារម្មណ៍មានដំណើរការល្អ និងជួយឱ្យការគិតកាន់តែមានភាពច្នៃប្រតិដ្ឋ។ សរសេរឆ្លុះបញ្ចាំងទាក់ទងនឹងអារម្មណ៍ផ្ទាល់ខ្លួន ទាំងល្អក្ដី ឬមិនល្អក្ដី ឬក៏អ្វីដែលបានជួបប្រទះដែលធ្វើឱ្យដក់ជាប់នៅក្នុងចិត្តជាដើម។ ព្រោះកាលដែលធ្វើបែបនេះបានទៀងទាត់ ក៏ជាចំណែកមួយជួយឱ្យលោកអ្នកស្គាល់ពីខ្លួនឯង និងអភិវឌ្ឍន៍ជំនាញសរសេរបានមួយកម្រិតបន្ថែម។ ជារួមមានន័យថា កំណត់ត្រាជួយបង្កើនភាពឆ្នៃប្រតិដ្ឋ បន្ថយភាពតានតឹង កាត់ស្រ្តេស និងពង្រឹងរាល់សុខភាពផ្លូវចិត្តស្ទើតែគ្រប់ផ្នែក។
៤. បង្វឹករាងកាយឱ្យមានភាពរស់រវើក ៖ សកម្មភាពដែលជំរុញឱ្យរាងកាយមានចលនា វាហាក់មិនស្មុគស្មាញពេកទេ ព្រោះគ្រាប់តែដើរ ចុះឡើងៗ ឬដើរ ទៅវិញទៅមកៗ ក៏អាចទាញប្រយោជន៍ពីសកម្មភាពនេះបានដែរ។ ដោយហេតុថា នៅពេលដែលរាងកាយមានចលនា គឺវាបានចូលរួមចំណែក កាត់បន្ថយកូលេស្តេរ៉ូលដែលផ្ទុកក្នុងរាងកាយ កត្តានេះហើយជួយឱ្យអារម្មណ៍ធូរស្រាល និងបង្កើនអរម៉ូនដែលមានអង់ដូហ្វីន ក៏ដូចជាបង្កនូវភាពរីករាយបន្ថែម៕
