វិធីសាស្រ្តជួយពង្រឹងចំណុចខ្សោយខ្លួន​ឯងដោយផ្អែកតាមទ្រឹស្ដី DISC

ទ្រឹស្តី DISC មកពីពាក្យថា (Dominance, Influence, Steadiness and Compliance) ដែលនិយាយអំពីអកប្បកិរិយា ឬលក្ខណៈរបស់បុគ្គលម្នាក់ៗ ដោយមានទាំងចំណុចខ្លាំង និងខ្សោយ។ អ្នកស្រី យូ បូរី ស្ថាបនិក នៃក្រុមហ៊ុន TEDP និងឯកទេសប្រព័ន្ធ KPI និយាយថា ជាទូទៅមនុស្សម្នាក់ៗមានចំណុចខ្សោយ ជាក់ស្ដែងនៅក្នុងទ្រីស្ដី DISC ក៏បានរំលេចដែរ។ លោកស្រីថា វាចាំបាច់ណាស់ ដែលមនុស្សម្នាក់ៗ​ត្រូវដឹងពីចំណុចខ្សោយរបស់ខ្លួនឯង និងដាក់គោលដៅមួយដើម្បីកែលម្អ។

បើតាម​អ្នកស្រី យូ បូរី កាលដែលដឹងពីចំណុចខ្សោយរបស់ខ្លួនឯង នោះក៏អាចសង្កេតបាននូវអារម្មណ៍ធ្លាក់ដល់ចំណុចសូន្យដោយរបៀបណាបានដូចគ្នាដែរ។  ជាញឹកញយ ចំណុចខ្សោយតែងកើតមាននៅពេលមានអារម្មណ៍ធុញទ្រាន់ ក្រេវក្រោធ និងនឿយហត់ ។ អ្នកស្រី យូបូរី បានលម្អិតនូវវិធីសាស្រ្តដើម្បីជួយពង្រឹងចំណុចខ្សោយដោយផ្អែកតាមទ្រឹស្ដី DISC ដូចតទៅ៖

១. មនុស្សក្រុម (D)៖ ការគ្រប់គ្រង់ចំណុចខ្សោយ និង​កំហឹងរបស់ក្រុមមនុស្ស​ប្រភេទ D ដែលមានប្រសិទ្ធភាពគឺ ការរាប់ពីលេខ១ ដល់ លេខ១០០ មុនពេលនិយាយក្នុងស្ថានការណ៍មិនប្រក្រតី ឬក៏ហៅសាមញ្ញថា ពេលដែលខឹងម្តងៗ ។ ហើយបើសិនជានៅតែមិនទាន់បាត់ខឹងនៅឡើយទេ ត្រូវរាប់បន្ថែមទៀត រាប់រហូតដល់មានអារម្មណ៍ថា ត្រជាក់ចិត្តសិនចាំនិយាយបន្ត។ បន្ថែមពីនោះដើម្បីដោះស្រាយទៅនឹងចំណុចខ្សោយ មនុស្សស្ថិតក្នុងជំពូក (D) អាចទៅរកប្រភេទមនុស្សដែលមានចរិតផ្ទុយពីខ្លួន មានន័យថា មនុស្សមានចិត្តត្រជាក់ ដែលមានដូចជាប្រភេទមនុស្សស្ថិតក្នុងក្រុម (S) គឺដើម្បីនិយាយចែករំលែកនូវ​មន្ទិល និងអារម្មណ៍មិនគាប់ចិត្តទាំងឡាយ។

២. មនុស្សក្រុម (I) ៖ ក្រុមមនុស្សប្រភេទនេះពេលមានអាការៈខឹងសម្បាម្តងៗ ពួកគេងាយនឹងប្រតិកម្មភ្លាមៗ ។ ដូច្នេះត្រូវរកមនុស្សដែលមានលក្ខណៈនឹងន មានស្ថេរភាព ដើម្បីមកជជែកពិភាក្សា ។ ហើយ​ចំពោះមនុស្សដែលជ្រើសយកនិយាយប្រាប់ពេលមានបញ្ហាគួរតែជាប្រភេទមនុស្សដែលស្ថិតក្នុងជំពូក (S) និង (C) ។ មួយវិញទៀត ដើម្បីជៀសវាងហានិភ័យ និងការពារចំណុចខ្សោយមនុស្សក្រុម (I) គឺត្រូវប្រុងប្រយ័ត្ននូវពាក្យសម្តី កាត់បន្ថយការនិយាយច្រើនពេក កុំប្រើពាក្យសន្យាងាយៗ ដោយគិតឱ្យបានច្បាស់មុននឹងទទួលភារកិច្ចណាមួយ ។ មូលហេតុដែលត្រូវយកចិត្តទុកដាក់ចំពោះពាក្យសន្យាគឺដោយសារ មនុស្សប្រភេទ (I) មានការនិយមមើលពិភពលោកក្នុងផ្លូវវិជ្ជមានជានិច្ច ដោយពួកគាត់យល់ថា អ្វីៗសុទ្ធតែល្អ និងអាចទៅរួច ខណៈបរិបទរស់នៅជាក់ស្ដែងវាពុំមែនដូច្នោះទាំងអស់នោះទេ។ កាលដែលបង្កើតពាក្យសន្យាដោយពុំបានផ្ទៀងផ្ទាត់ជាមួយលទ្ធភាព និងសមត្ថភាព វាពុំផ្តល់នូវផលចំណេញឡើយ។

៣.មនុស្សក្រុម (S) ៖ ជាកិច្ចដំបូងត្រូវទទួលស្គាល់ថា ពេលដែលកំពុងតែស្ងាត់ខ្លាំង នោះគឺមានន័យថា កំពុងមានអារម្មណ៍មិនល្អកើតឡើងខ្លាំងដូចគ្នា។ ដោយនិស្ស័យមនុស្សក្រុម (I) មានបុគ្គលិកលក្ខណៈមិនសូវនិយាយស្ដីផង អាចធ្វើឱ្យអ្នកដទៃដែលមានបំណងមិនល្អ កត់សម្គាល់ចំណុចខ្សោយក្នុងរយៈពេលខ្លីបំផុត។ ហើយបើនៅតែ មិនអភិវឌ្ឍការហាន និយាយចេញទេ នោះគេនឹងបន្តឃើញនៅចំណុចអវិជ្ជមាន ឬក៏ចំណុចអសកម្ម ដែលធ្វើឱ្យអ្នកដទៃអាចកេងចំណេញបានដោយងាយ។ ដូច្នេះត្រូវបង្កើននូវភាពក្លាហាន ដោយការហ៊ាននិយាយ ឬក៏សួរនូវ​សំណួរផ្សេងៗ ដើម្បីបំផុសគំនិតខ្លួនឯង ឱ្យហ៊ាននិយាយ ហ៊ានចែករំលែក ជាជាងការអង្គុយស្ងៀមនៅតែមួយកន្លែង ឬក៏បង្ហាញភាពរឹងរូសដើម្បីឆ្លើយបតនឹងបញ្ហាតាមរយៈភាពស្ងៀមស្ងាត់ ដោយមិននិយាយអ្វីទាំងអស់ ឬការឈ្ងោកមុខចុះរៀងរាល់ពេលដែលមិនពេញចិត្តអ្វីមួយ ជំនួសមកវិញត្រូវតែហ៊ានសាកល្បងនិយាយចេញមកក្រៅ។

៤.មនុស្សក្រុម (C) ៖ ដោយសារតែមនុស្សប្រភេទនេះមានចំណុចខ្សោយត្រង់ការបារម្ភអំពីការបង្កើតកំហុស ហើយច្រើនតែគេចខ្លួនរាល់ពេលមានសម្ពាធ ។ ដូច្នេះពេលមានបញ្ហាកើតឡើង ត្រូវផ្តោតទៅលើទិន្នន័យ ឬក៏ភាពជាក់លាក់ដែលខ្លួនឯងមាន ជាជាងការដើរចេញ ជាពិសេសនៅពេលដែលមិនសប្បាយចិត្ត។

ស្ថាបនិក នៃក្រុមហ៊ុន TEDP អ្នកស្រី យូ បូរី បន្ថែមថា ទោះបីជាការបកស្រាយគន្លឹះខាងលើហាក់មិនបានលម្អិតឱ្យបានក្បោះក្បាយ ប៉ុន្តែយ៉ាងហោចណាស់ ក៏បានបង្ហាញថា ទោះបីជានៅក្នុងចំណុចនីមួយៗ សុទ្ធតែមានបញ្ហាប្រឈម និងចំណុចខ្សោយក៏ដោយ គឺនៅតែមានដំណោះស្រាយជានិច្ច។ យ៉ាងណាក៏ដោយដើម្បីដោះស្រាយទៅនឹងចំណុចខ្សោយទាំងនោះ គេមិនអាចធ្វើវាបានតាមរយៈផ្លូវកាត់ ឬក្នុងរយៈពេលខ្លីបាននោះទេ គឺតម្រូវឱ្យមានការតាំងចិត្តខ្ពស់ និងត្រូវការពេលវេលាផងដែរ ។ នៅក្នុងការអភិវឌ្ឍចំណុចខ្សោយ វាពិតជាចាំបាច់ណាស់ ដែលទាមទារឱ្យមនុស្សមានការតស៊ូ បណ្តុះទម្លាប់ឱ្យបានជាប់លាប់មួយសម្រាប់អនុវត្ត និងប្រយ័ត្នប្រយែងទៅលើចំណុចខ្សោយ៕



About WordPress

របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

វិទ្យាស្ថានបច្ចេកទេស ហ្សឺ វ៉េ សេ ផ្តល់អាហារូបករណ៍ជំនាញជួសជុលរថយន្ត ៣០០កន្លែង

ព័ត៌មានអាហារូបករណ៍, ព្រឹត្តិការណ៍

• 20/03/2024

ឱកាសសិក្សាអាហារូបករណ៍វគ្គបណ្ដុះបណ្ដាលសញ្ញាបត្របច្ចេកទេស និងវិជ្ជាជីវៈ១នៅវិទ្យាស្ថានបច្ចេកទេស ហ្សី វ៉េ សេចំនួន៣០០កន្លែង។ អាហារូបករណ៍...

ឱកាសអាហារូបករណ៍សម្រាប់និស្សិតកំពុងសិក្សាឆ្នាំទី១ ឬឆ្នាំទី២ នៅសាកលវិទ្យាល័យចំនួន៩របស់កម្ពុជា

ព័ត៌មានអាហារូបករណ៍, ព្រឹត្តិការណ៍

• 03/04/2026

ឱកាស​សម្រាប់និស្សិត​ដែល​កំពុង​សិក្សា​ឆ្នាំទី១ ឬឆ្នាំទី២ ថ្នាក់បរិញ្ញាបត្រ ក្នុងការ​ទទួលបាន​អាហារូបករណ៍ពេញលេញក្នុងការសិក្សា ពីកម្មវិធីអាហារូបករណ៍ Maybank។

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Muhammadiyah Surakarta ប្រទេសឥណ្ឌូនេស៊ីឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 09/06/2023

កម្មវិធីអាហារូបករណ៍ UMS International Priority Scholarship (IPS) 2023 ផ្ដល់អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិតសិក្សានៅសាកលវិទ្យាល័យ...

អាហារូបករណ៍ថ្នាក់ឧត្តមសិក្សានៅសាកលវិទ្យាល័យ Saskatchewan ប្រទេសកាណាដាឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 26/06/2023

ឱកាសសិក្សាអាហារូបករណ៍សិក្សាថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យ Saskatchewan នៃប្រទេសកាណាដាឆ្នាំសិក្សា២០២៤ ។ ...

អាហារូបករណ៍ថ្នាក់បរិញ្ញាបត្រជាន់ខ្ពស់ពីមជ្ឈមណ្ឌលសហប្រតិបត្តិការអន្តរជាតិកូរ៉េ សម្រាប់មន្រ្តីក្រសួងយុត្តិធម៌

ព័ត៌មានអាហារូបករណ៍, ព្រឹត្តិការណ៍

• 18/11/2025

ក្រសួងយុត្តិធម៌ កំពុងប្រកាសជ្រើសរើសមន្រ្តីចំណុះក្រសួង​ចំនួន ៥នាក់ ឱ្យ​ទទួលអាហារូបករណ៍ថ្នាក់បរិញ្ញាបត្រជាន់ខ្ពស់ ទៅ​សិក្សា​នៅ​ប្រទេសកូរ៉េ ក្រោម​កម្មវិធីរបស់មជ្ឈមណ្ឌលសហប្រតិបត្តិការអន្តរជាតិកូរ៉េ (KOICA) ឆ្នាំសិក្សា២០២៦។

អាហារូបករណ៍ភាសាអង់គ្លេស សម្រាប់បុគ្គលិកអប់រំ ពីមជ្ឈមណ្ឌលស៊ីមេអូ សិក្សា​នៅប្រទេស​សិង្ហបុរី

ព័ត៌មានអាហារូបករណ៍, ព្រឹត្តិការណ៍

• 11/06/2026

ក្រសួងអប់រំ យុវជន និងកីឡា បាន​ប្រកាស​ថា មជ្ឈមណ្ឌលស៊ីមេអូ RELC ដែលមានទីតាំង​នៅ​ប្រទេស​សិង្ហបុរី បានផ្តល់​អាហារូបករណ៍​ដល់បុគ្គលិកអប់រំ និង​គ្រូបង្រៀន​ឯកទេសភាសាអង់គ្លេស ចំនួន ១៤កន្លែង

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតពីអាហារូបករណ៍ Tianjin

ព័ត៌មានអាហារូបករណ៍, ព្រឹត្តិការណ៍

• 08/05/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យធានជីន ពីកម្មវិធីអាហារូបករណ៍រដ្ឋាភិបាលធានជីននៃ...

អាហារូបករណ៍ថ្នាក់បរិញ្ញាបត្រ និងបរិញ្ញាបត្ររងនៅវិទ្យាស្ថានអលណេសិនចំនួន១៧០នាក់សម្រាប់ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 26/11/2024

អាហារូបករណ៍អភិសន្តិបណ្ឌិត ស សុខា ថ្នាក់ជាតិ ផ្ដល់ជូនការសិក្សាអាហារូបករណ៍ថ្នាក់បរិញ្ញាបត្រ និងថ្នាក់បរិញ្ញាបត្ររង នៅវិទ្យាស្ថានអលណេសិន ចំនួន១៧០កន្លែងសម្រាប់ឆ្នាំសិក្សា២០២៤-២០២៥។

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ DAAD MIDE ឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 19/06/2024

កម្មវិធីអាហារូបករណ៍ DAAD ប្រកាសផ្ដល់អាហារូបករណ៍សិក្សាថ្នាក់បរិញ្ញាបត្រជាន់ខ្ពស់ចំនួន៣ឆមាស នៅសាកលវិទ្យាល័យ Berlin នៃប្រទេសអាល្លឺម៉ង់។ ...