ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការកាត់បន្ថយអាហារ ឬការផ្តោតលើអាហារដែលមានជីវជាតិ គឺជាសកម្មភាពធ្វើតាមតម្រូវការ ប៉ុន្តែមិនមែនស្របតាមការថែទាំខ្លួនក្នុងរយៈពេលវែងនោះទេ! តើធ្វើយ៉ាងណា ដើម្បីការទទួលទានអាហារសុខភាពដែលមិនប៉ះពាល់ដល់ថាមពល សុខភាពផ្លូវចិត្ត ឬអារម្មណ៍?
តាមរយៈគេហទំព័រ Healthline បានបង្ហាញពីអាហារដែលផ្ទុកនូវសារធាតុចិញ្ចឹម, អាហារដែលមានជាតិសរសៃ និងភាពចម្រុះ នៃបន្លែផ្លែឈើ ដែលបានរួមចំណែកផ្តល់ផលវិជ្ជមានទៅកាន់សុខភាពផ្លូវចិត្តទាំងមូល។
អាហារដែលផ្ទុកសារធាតុចិញ្ចឹម ៖ អាហារកែច្នៃស្រួលរក ស្រួលទិញ និងមានភាពរីករាយក្នុងការទទួលទាន ព្រោះងាយៗ និងលឿនរហ័ស។ ប៉ុន្តែការទទួលទានបែបនេះ បំពេញចំណង់ត្រូវការត្រឹមមួយពេលខ្លីតែប៉ុណ្ណោះ ហើយភាពស្រេកឈ្លាន និងរីករាយក៏មានរយៈខ្លីដូចគ្នា។ គុណភាពអាហារ បានដើរតួនាទីដ៏មានឥទ្ធិពលក្នុងការប្រើប្រាស់ថាមពល និងធ្វើឱ្យអារម្មណ៍ល្អ ពីមួយថ្ងៃទៅមួយថ្ងៃ។ ហើយអាហារដែលផ្ទុកសារធាតុចិញ្ចឹមនេះហើយ ទើបផ្តល់ថាមពល និងការទ្រទ្រង់ទៅកាន់សុខភាពផ្លូវចិត្ត។
អាហារមានជាតិប្រូបាយអូទិច ៖ អាហារប្រភេទនេះ មាននៅក្នុងទឹកដោះគោជូ យ៉ាអ៊ួរ ផ្លែចេក ផ្លែប៉ោម ខ្ទឹមបារាំង និងអាហារផ្អាប់ដែលល្អជាដើម។ ប្រភេទអាហារដែលមានប្រូបាយអូទិច វាមានសមត្ថភាពក្នុងការតទល់នឹងបាក់តេរីដែលរស់នៅក្នុងពោះវៀន ជួយរក្សាតុល្យភាព នៃការទទួលទាន និងការបន្ទោរបង់ផងដែរ។
ការទទួលទានចម្រុះទាំងផ្លែឈើ និងបន្លែ ៖ ផលិតភាព ការអភិវឌ្ឍផ្នត់គំនិតសុទិដ្ឋិនិយម ជាកត្តារួមផ្សំដែលមនុស្សត្រូវមានវិន័យក្នុងការទទួលទានអាហារឱ្យបានល្អ ហើយការស្រាវជ្រាវក៏បានបង្ហាញដែរថា ការបរិភោគបន្លែផ្លែឈើចម្រុះ មិនត្រឹមតែធ្វើឱ្យរាងកាយមានភាពមាំមួនប៉ុណ្ណោះទេ ជាមួយគ្នានោះក៏បានរួមចំណែកដល់ការអភិវឌ្ឍសុខភាពផ្លូវចិត្ត និងសុខុមាលភាពទូទៅដែរ៕
