ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សកម្មភាពដែលអាចដុតកាឡូរីបាន មានច្រើនទម្រង់ ហើយទម្រង់មួយដែលគេស្គាល់និងដឹងជាទូទៅ គឺការទៅកន្លែងហាត់ប្រាណ ដែលមានការកំណត់ពេល និងទីតាំងជាក់លាក់ ប៉ុន្តែបច្ចុប្បន្ន ភាពមមាញឹក និងភាពបត់បែននៃការងារ កាន់តែប្រែប្រួល រហូតដល់បង្រួមពេលវេលាជាច្រើនរបស់មនុស្ស ខណៈសុខភាពរាងកាយត្រូវការថែទាំជាប្រចាំ ដែលជាហេតុត្រូវការដុតកាឡូរីរាងកាយរាល់ថ្ងៃដូចគ្នា។
តាមរយៈគេហទំព័រ Eat This, Not That បានបង្ហាញវិធីសាស្រ្ត៣ដើម្បីដុតកាឡូរី ដោយមិនចាំបាច់មានកន្លែងជាក់លាក់ មានរៀបរាប់នៅខាងក្រោម ៖
ទម្លាប់ខ្លួននឹងការផ្លាស់ប្តូរទីតាំង ៖ ការទម្លាប់ខ្លួននឹងការហាត់ប្រាណ មិនថាការដើរ ឬរត់នោះទេ! គួរធ្វើឡើងក្នុងបរិយាកាសខុសៗគ្នា, អនុវត្តន៍បែបនេះ មិនត្រឹមតែរក្សាបាននូវទម្លាប់វិជ្ជមានចំពោះខ្លួនឯងនោះទេ ប៉ុន្តែជាការជំរុញឱ្យរាងកាយទទួលបានឱកាសដុតកាឡូរីជាប្រចាំ។ ករណីសិក្សាមួយបានបង្ហាញថា ការដើរនៅតាមឆ្នេរសមុទ្រមានឥទ្ធិពលដុតកាឡូរីបន្ថែមរហូតទៅដល់៥០ភាគរយ បើប្រៀបធៀបទៅនឹងផ្លូវដើរធម្មតា។
ដើរថយក្រោយ ៖ ការដើរទៅមុខ ហាត់ប្រាណជាទម្លាប់ទូទៅដែលគ្រប់គ្នាបានដឹង ហើយសកម្មភាពនេះក៏មានតួនាទីក្នុងការដុតកាឡូរីដូចគ្នាដែរ ប៉ុន្តែការដើរថយក្រោយអាចដុតកាឡូរីបានលឿនបន្ថែមមួយកម្រិតទៀត ដោយសារតែការដើរថយក្រោយ ត្រូវការឱ្យរាងកាយចាំបាច់ត្រូវរក្សាលំនឹង និងការពង្រឹងសាច់ដុំដែលពុំធ្លាប់បានហាត់ពីមុនមក។
ការប្រើប្រាស់បង្គោល ឬមែកឈើក្នុងការដើរ ៖ វិធីសាស្រ្តមួយដែលជួយដុតកាឡូរីប្រមាណពី ១៥ ទៅ២០ ភាគរយ គឺការប្រើប្រាស់បង្គោលក្នុងការទប់ដំណើរ ឬជំនួយការដើរ ជាពិសេសនៅកន្លែងដែលមានទីទួលខ្ពស់ បន្ថែមពីនោះឥរិយាបថនៃការប្រើប្រាស់បង្គោល ឬមែកឈើក្នុងការដើរ បានរក្សាតុល្យភាពរាងកាយឱ្យមានលំនឹងបន្ថែម៕
