ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ម្ដាយឪពុក និងសាលារៀនសុទ្ធសឹងជាតួអង្គសំខាន់មិនអាចខ្វះបានក្នុងការអប់រំកុមារ ដោយក្នុងនោះ ឪពុកម្ដាយផ្តល់ការអប់រំខាងកិរិយា ចំណែកឯសាលាជាអ្នកផ្ដល់ចំណេះវិជ្ជា និងបំណិនជីវិត។
ឯកឧត្តមបណ្ឌិត ចាន់ សុភា អគ្គលេខាធិការងក្រុមប្រឹក្សាជាតិ ដើម្បីអភិវឌ្ឍយុវជន និងជាប្រធាននាយកដ្ឋានបឋមសិក្សា នៃក្រសួងអប់រំ យុវជន និងកីឡា បានមានប្រសាសន៍ថា៖
“ការអប់រំដែលធ្វើឱ្យមនុស្សក្លាយទៅជាធនធានមួយរូបនៅក្នុងសង្គមមានអង្គបីសំខាន់ គឺ គ្រួសារ សាលារៀន និងសហគមន៍។ ដូច្នេះឪពុកម្ដាយត្រូវយល់ដឹងអំពីការអភិវឌ្ឍរបស់កុមារនៅតាមវ័យរបស់ពួកគេ ដោយផ្ដល់ការមើលថែររហូតដល់បញ្ជប់ការសិក្សា”
ឯកឧត្តមបន្ថែមថា លុះដល់វ័យមួយដែលគេអាចចូលសាលារៀនបាន កុមារត្រូវការសិក្សាពីគ្រូបង្រៀន ហើយការសិក្សានោះទៅតាមកម្មវិធីច្បាស់លាស់ដែលមានតាមលំដាប់ថ្នាក់ពីទាបទៅខ្ពស់ នៅក្នុងគោលដៅមួយឱ្យចេះអាន ចេះសរសេរ មានការពិចារណា ការរាប់អានមិត្តភក្តិ បង្កើតទំនាក់ទំនងជាមួយអ្នកដទៃ ដែលជាការសិក្សាទៅតាមកម្រិតនៃចំណេះដឹងទាក់ទងនឹងអាយុរបស់ពួកគេ។
ទន្ទឹមគ្នានេះ លោកបណ្ឌិត សុខ សូត្រ ព្រឹទ្ធបុរសមហាវិទ្យាល័យអប់រំ នៃសាកលវិទ្យាល័យភូមិន្ទភ្នំពេញ ក៏បានលើកឡើងដែរថា នៅពេលនិយាយទាក់ទងជាមួយការអប់រំកុមារ មនុស្សមិនត្រូវសំដៅ និងពឹងផ្អែកទៅលើគ្រូបង្រៀនតែមួយមុខនោះទេ ក្នុងនោះឪពុកម្ដាយក៏ជាផែ្នកមួយចូលរួមដ៏សំខាន់នៅក្នុងការអប់រំផងដែរ។
“មានការស្រាវជ្រាវបានបញ្ជាក់ថា ឪពុកម្ដាយដែលចំណាយពេលវេលានៅជាមួយកូនៗ មានទំនាក់ទំនងជិតស្និទ្ធិរហូតដល់កុមារធំពេញវ័យ កុមារនោះនឹងមានការសិក្សាល្អ និងសុខភាពផ្លូវចិត្តរឹងមាំ ប្រសើរជាងកុមារដែលមិនមានការមើលថែរពីឪពុកម្ដាយ”។ “នៅពេលដែលអ្នកមិនស្ដាប់កុមារពេលដែលពួកគេនៅតូចនោះទេ ពួកគេនឹងមិនប្រាប់រឿងរ៉ាវដល់អ្នកនោះទេ នៅពេលដែលពួកគេធំឡើង”
លោកបណ្ឌិត សុខ សូត្រ
ជាមួយគ្នានេះ លោកស្រី សរ ម៉ុន្ថា នាយិកាសាលា ស៊ីជីដា កម្ពុជា បានមានប្រសាសន៍ស្រដៀងគ្នានេះដែរថា នៅសាលារៀន វិធីសាស្រ្តឬសកម្មភាពភាគច្រើន គឺសំដៅទៅលើភាពវ័យឆ្លាតដោយផ្តោតលើផ្នែកចំណេះដឹង ទាក់ទងកត្តាវិជ្ជា រូបមន្ត ឬចំណេះដឹងផ្សេងៗនៅពេលពួកគេមានអាយុ២ឆ្នាំឬក៏៣ឆ្នាំឡើង។
យ៉ាងណាក៏ដោយ ឪពុកម្ដាយប្រៀបដូចគ្រូទីមួយរបស់កូនៗ ព្រោះកុមារបានរៀនសូត្រនូវអ្វីជាច្រើនពីទម្លាប់រស់នៅប្រចាំថ្ងៃ ដូចជាការផ្តល់ក្តីស្រលាញ់ ការទូន្មាន ការបណ្តុះទំលាប់ល្អៗ វិន័យ ការចែករំលែក ឬការឆ្លើយតបផ្សេងៗ។
ដូច្នេះសរុបជារួម ឪពុកម្ដាយគឺជាអ្នកផ្ដល់ចរិកលក្ខណៈ គួរផ្សំនឹងសាលារៀនផ្ដល់ចំណេះវិជ្ជារៀនសូត្រ ចំណេះជំនាញល្អទៅតាមស្ថង់ដារការសិក្សាត្រឹមត្រូវ នោះនឹងនាំឱ្យកុមារអាចក្លាយជាមនុស្សដែលពោរពេញដោយថាមពល ក្ដីស្រលាញ់ និងជាមនុស្សល្អនៅក្នុងសង្គម៕
ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ ៥០% ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យធនធានមនុស្ស
ព័ត៌មានអាហារូបករណ៍, ព្រឹត្តិការណ៍
• 03/01/2024
ឱកាសទទួលបានអាហារូបករណ៍៥០% សិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យធនធានមនុស្សសម្រាប់ឆ្នាំសិក្សា២០២៣-២០២៤។ អាហារូបករណ៍...
អាហារូបករណ៍សិក្សាជំនាញវិស្វកម្មឧស្សាហកម្ម នៅវិទ្យាស្ថានពហុបច្ចេកទេសខេត្តកំពង់ស្ពឺ
ព័ត៌មានអាហារូបករណ៍, ព្រឹត្តិការណ៍
• 28/11/2025
ដោយមានការគាំទ្រពីគម្រោងអភិវឌ្ឍន៍ជំនាញសម្រាប់សេដ្ឋកិច្ចនាពេលអនាគត (SFESDP) របស់ក្រសួងការងារ និងបណ្តុះបណ្តាលវិជ្ជាជីវៈ, វិទ្យាស្ថានពហុបច្ចេកទេសខេត្តកំពង់ស្ពឺ បានប្រកាសពីការបណ្តុះបណ្តាលឥតគិតថ្លៃទៅលើ...
អាហារូបករណ៍ទេពកោសល្យស្ទែម ចំនួន១០កន្លែងនៅសាកលវិទ្យាល័យ CamTech
ព័ត៌មានអាហារូបករណ៍, ព្រឹត្តិការណ៍
• 20/08/2025
សម្រាប់សិស្សានុសិស្សដែលចាប់អារម្មណ៍ក្នុងការបន្តការសិក្សានៅសាកលវិទ្យាល័យទៅលើជំនាញស្ទែម ពេលនេះ សាកលវិទ្យាល័យ CamTech បានប្រកាសពីអាហារូបករណ៍ទេពកោសល្យស្ទែម របស់ឯកឧត្តមបណ្ឌិតសភាចារ្យ ហង់ជួន ណារ៉ុន...
អាហារូបករណ៍ថ្នាក់ឧត្ដមសិក្សាពីកម្មវិធីអាហារូបករណ៍ NL Scholarship 2026 ក្នុងប្រទេសហូឡង់
ព័ត៌មានអាហារូបករណ៍, ព្រឹត្តិការណ៍
• 11/12/2025
កម្មវិធីអាហារូបករណ៍ NL Scholarship ឆ្នាំសិក្សា២០២៦-២០២៧ របស់ក្រសួងអប់រំ នៃប្រទេសហូឡង់កំពុងបើកផ្ដល់ពាក្យអាហារូបករណ៍សម្រាប់និស្សិតអន្តរជាតិជាច្រើនកន្លែង។ អាហារូបករណ៍ផ្ដល់សម្រាប់...
តំបន់ស្វយ័តជនជាតិជាំងក្វាងស៊ី ប្រទេសចិន ផ្តល់អាហារូបករណ៍ថ្នាក់ឧត្តមសិក្សា៨កន្លែង សម្រាប់និស្សិតកម្ពុជា
ព័ត៌មានអាហារូបករណ៍, ព្រឹត្តិការណ៍
• 21/03/2023
មន្ទីរអប់រំនៃតំបន់ស្វយ័តជនជាតិជាំងក្វាងស៊ី នៃសាធារណរដ្ឋប្រជាមានិតចិន ប្រកាសផ្ដល់អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ចំនួន៨កន្លែង ...
អាហារូបករណ៍ជំនាញវិជ្ជាជីវៈ នៅវិទ្យាស្ថានអភិវឌ្ឍន៍មុខជំនាញកម្ពុជា-ថៃ ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 06/02/2025
វិទ្យាស្ថានអភិវឌ្ឍន៍មុខជំនាញកម្ពុជា-ថៃ ប្រកាសជ្រើសរើស សិក្ខាកាម សិស្សានុសិស្ស និងសាធារណជន ចូលសិក្សាជំនាញវិជ្ជាជីវៈ និងបច្ចេកទេស ជាច្រើនកន្លែងសម្រាប់ការសិក្សាថ្នាក់បរិញ្ញាបត្របច្ចេកទេស (វិស្វករ) ថ្នាក់សញ្ញាបត្រជាន់ខ្ពស់បច្ចេកទេស...
ឱកាសសិក្សាអាហារូបករណ៍ថ្នាក់បរិញ្ញាបត្រចំនួន១០កន្លែង នៅសាកលវិទ្យាល័យ ហេង សំរិន ត្បូងឃ្មុំ
ព័ត៌មានអាហារូបករណ៍, ព្រឹត្តិការណ៍
• 07/11/2024
អាហារូបករណ៍ថ្នាក់បរិញ្ញាបត្រចំនួន១០កន្លែងសិក្សានៅសាកលវិទ្យាល័យ ហេង សំរិន ត្បូងឃ្មុំ សម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនការសិក្សាពីគម្រោង អាហារូបករណ៍អភិសន្តិបណ្ឌិត ស សុខា ថ្នាក់ជាតិ។
ឱកាសសិក្សាអាហារូបករណ៍នៅសាកលវិទ្យាល័យព័ត៌មានវិទ្យា និងទូរគមនាគមន៍ នៃប្រទេសវៀតណាមឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 04/12/2024
សាកលវិទ្យាល័យព័ត៌មានវិទ្យា និងទូរគមនាគមន៍ (ICTU) នៃសាធារណរដ្ឋសង្គមនិយមវៀតណាម ប្រកាសជ្រើសរើសបេក្ខជនសិក្សាអាហារូបករណ៍ថ្នាក់បរិញ្ញាបត្រចំនួន១០កន្លែង សម្រាប់ឆ្នាំសិក្សា២០២៤-២០២៥...
អាហារូបករណ៍សិក្សាថ្នាក់បរិញ្ញាបត្រជាន់ខ្ពស់ បច្ចេកវិទ្យាឌីជីថល ចំនួន៥០កន្លែង នៅ CADT
ព័ត៌មានអាហារូបករណ៍, ព្រឹត្តិការណ៍
• 20/02/2026
ក្រសួងប្រៃសណីយ៍និងទូរគមនាគមន៍ (ក.ប.ទ.) បានប្រកាសពីការផ្តល់អាហារូបករណ៍ចំនួន ៥០កន្លែង សម្រាប់ការសិក្សាថ្នាក់បរិញ្ញាបត្រជាន់ខ្ពស់ ឯកទេសបច្ចេកវិទ្យាឌីជីថល នៅបណ្ឌិត្យសភាបច្ចេកវិទ្យាឌីជីថលកម្ពុជា (CADT)។
កម្មវិធីពិសេសរបស់ AMS EDUCATION
ព័ត៌មានសង្ខេប
