ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – សាកលវិទ្យាល័យបញ្ញាសាស្រ្តកម្ពុជា (PUC) សហការជាមួយវិទ្យាស្ថានមគ្គុទេសនៃសាកលវិទ្យាល័យបញ្ញាសា្រស្តកម្ពុជា រួមជាមួយ “The way of life Cambodia” និង “Buddhism for Education Association” នឹងរៀបចំសិក្ខាសាលា “Winning University Life” នៅថ្ងៃទី២៧ ខែកុម្ភៈ ឆ្នាំ២០២២ ខាងមុខ។ កម្មវិធីនេះរៀបចំឡើងក្នុងគោលបំណងជួយពង្រីកចំណេះដឹង តម្រង់ទិសដល់យុវជនកម្ពុជាទើបតែបញ្ចប់ថ្នាក់ទី១២ ឱ្យទទួលបានចំណេះដឹងបន្តការសិក្សានៅសាកលវិទ្យាល័យប្រកបដោយគុណភាព ចំណេះដឹងពិតប្រាកដ និងជោគជ័យក្រោយពេលបញ្ចប់ការសិក្សា ។
លោក ង៉ែត ឆៃយ៉ា ស្ថាបនិកកម្មវិធី Winning University Life មានប្រសាសន៍ថា កម្មវិធីនេះរៀបចំឡើងដើម្បីជួយដោះស្រាយបញ្ហារបស់យុវជនកម្ពុជាដែលទើបបញ្ចប់ថ្នាក់វិទ្យាល័យ ឬកំពុងត្រៀមចូលថ្នាក់សាកលវិទ្យាល័យពិបាកក្នុងការជ្រើសរើសជំនាញសិក្សានៅសាកលវិទ្យាល័យ ។ លោក ង៉ែត ឆៃយ៉ា បន្តថា យុវជនកម្ពុជាភាគច្រើនមានបញ្ហាជ្រើសរើសជំនាញសិក្សាបន្ត ព្រោះមិនទាន់យល់ច្បាស់អំពីតម្រូវការទីផ្សារការងារពិតប្រាកដ មិនស្គាល់ពីគោលបំណង ឬទិសដៅជីវិតច្បាស់លាស់ និងបង្ហាញពីភាពខុសគ្នារវាងជាក់ស្តែងនៃការសិក្សាក្នុងវិទ្យាល័យ និងនៅសាកលវិទ្យាល័យ ។
លោក ង៉ែត ឆៃយ៉ា ស្ថាបនិកកម្មវិធី Winning University Life
“យុវជនកម្ពុជាកន្លងទៅមានបញ្ហាពិបាកជ្រើសរើសជំនាញសិក្សាបន្តនៅសាកលវិទ្យាល័យ ទើបយើងបង្កើតកម្មវិធីនេះឡើយដើម្បីរួមចំណែកដោះស្រាយបញ្ហារបស់យុវជនកម្ពុជាដែលជាសរសរទ្រូងជំនាន់ថ្មីរបស់យើង”
ស្ថាបនិកកម្មវិធី Winning University Life បញ្ជាក់បន្ថែមថា សិស្សានុសិស្សដែលចូលរួមកម្មវិធីនេះ នឹងទទួលបានចំណេះដឹងទាក់ទងនឹងការបន្តដំណើរជីវិតសិក្សានៅក្នុងសាកលវិទ្យាល័យប្រកបដោយភាពជោគជ័យ រួមមាន គន្លឹះក្នុងការរៀបចំផែនការជីវិត ការជ្រើសរើសមុខជំនាញក្នុងការសិក្សា និងគន្លឹះក្នុងការគ្រប់គ្រងនិងដឹកនាំខ្លួនឯង ។
តាមការបញ្ជាក់របស់លោក ង៉ែត ឆៃយ៉ា វាគ្មិនកិត្តិយសដែលចូលរួមក្នុងកម្មវិធីជាអ្នកពោរពេញទៅដោយចំណេះដឹង បទពិសោធន៍ និងជំនាញពិតប្រាកដ ដូចជា លោកតាបណ្ឌិត កុល ផេង បិតាស្ថាបនិកនៃសាកលវិទ្យាល័យបញ្ញាសាស្រ្តកម្ពុជា, ព្រះអង្គគ្រូ គូ សុភាព ព្រឹទ្ធបុរសនៃមហាវិទ្យាល័យសិល្បៈអក្សរ និងមនុស្សសាស្ត្រនៃ PUC ។ ឯកឧត្ដម វ៉េង សិរីវុឌ្ឍ ប្រធានក្រុមប្រឹក្សាភិបាល និងជាអ្នកនិពន្ធសៀវភៅ “គ្មាននរណាម្នាក់កើតមកក្រ”, ឯកឧត្ដម តាំង រតនា អគ្គលេខាធិការក្រុមប្រឹក្សាធម្មនុញ្ញ នៃព្រះរាជាណាចក្រកម្ពុជា និងជាប្រធានក្រុមប្រឹក្សា PUC-ELI Advisory Board, វេជ្ជបណ្ឌិត Fil B. Tabayoyong, Jr., M.D., Ph.Ds. អនុប្រធានជាន់ខ្ពស់ PUC, លោក ង៉ែត សុខឡា អ្នកដឹកនាំប្រតិបត្តិឆ្នើម និងអ្នកស្រី នុត ក្លារ៉ា នាយិកាប្រតិបត្តិនៃ AMS 3E ។
គួរជម្រាបជូនថា សិក្ខាសាលា “Winning University Life” នឹងប្រារព្ធធ្វើឡើងនៅថ្ងៃអាទិត្យ ទី២៧ ខែកុម្ភៈ ឆ្នាំ២០២២ ចាប់ពី ១:០០ ដល់ ៤:៣០ នាទី រសៀល នៅភោជនីយដ្ឋានទន្លេបាសាក់ II ឬស្វែងរកទីតាំងតាមតំណភ្ជាប់ https://goo.gl/maps/tPzZgNbmRe6EuCzA6 ។ សំបុត្រចូលរួមតម្លៃ ២.៥ដុល្លារ សម្រាប់ព័ត៌មានបន្ថែម សូមទាក់ទងលេខទូរស័ព្ទ ០៧៧ ៣២ ៥២ ១៤ និង ០៩៦ ៥៦៥ ៦៦៣ ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
ព័ត៌មានទូទៅ
មើលទាំងអស់ ➧
អាហារូបករណ៍ ១០០% ពី University of the Thai Chamber of Commerce ប្រទេសថៃ
ព័ត៌មានអាហារូបករណ៍, ព្រឹត្តិការណ៍
• 14/01/2025
University of the Thai Chamber of Commerce គឺជាសាកលវិទ្យាល័យល្បីមួយនៅប្រទេសថៃ ដែលផ្តោតទៅលើជំនាញធុរកិច្ច បានប្រកាសផ្តល់អាហារូបករណ៍ ១០០% សម្រាប់និស្សិតបរទេស ទៅសិក្សាថ្នាក់បរិញ្ញាបត្រ។
ឱកាសសិក្សាអាហារូបករណ៍នៅប្រទេសជប៉ុនរយៈពេល១ឆ្នាំសម្រាប់បុគ្គលិកអប់រំ
ព័ត៌មានអាហារូបករណ៍, ព្រឹត្តិការណ៍
• 03/09/2025
តាមរយៈ ក្រសួងអប់រំ យុវជន និងកីឡាកម្ពុជា ក្រសួងអប់រំ វប្បធម៌ កីឡា វិទ្យាសាស្ត្រ និងបច្ចេកវិទ្យា (MEXT) នៃប្រទេសជប៉ុន ប្រកាសជ្រើសរើសនិស្សិតអប់រំទៅសិក្សាមុខជំនាញ Business Administration ក្រោមកម្មវិធី Young Leader's Program (YLP)
អាហារូបករណ៍ក្រោយឧត្តមសិក្សាជំនាញបរិស្ថាន កសិកម្ម និងគ្រូបង្រៀនភាសាអង់គ្លេស នៅប្រទេសនូវែលសេឡង់
ព័ត៌មានអាហារូបករណ៍, ព្រឹត្តិការណ៍
• 07/02/2025
កម្មវិធីអាហារូបករណ៍ Manaaki New Zealand Scholarships (MNZS) បានប្រកាសផ្តល់អាហារូបករណ៍ថ្នាក់ក្រោយឧត្តមសិក្សាចំនួន ៣៥កន្លែង ដល់ពលរដ្ឋកម្ពុជា (ទាំងក្នុងវិស័យសាធារណៈ និងឯកជន) លើមុខជំនាញពាក់ព័ន្ធនឹងការប្រែប្រួលអាកាសធាតុ...
អាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ Australia Awards ២០២៤នៅប្រទេសអូស្រ្តាលី
ព័ត៌មានអាហារូបករណ៍, ព្រឹត្តិការណ៍
• 29/02/2024
កម្មវិធីអាហារូបករណ៍ Australia Awards ប្រកាសបើកទទួលពាក្យស្នើសុំអាហារូបករណ៍ថ្នាក់ឧត្តមសិក្សានៅសាកលវិទ្យាល័យល្បីៗក្នុងប្រទេសអូស្ត្រាលី...
អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Zhejiang Normal ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 13/01/2025
សមាគមនិស្សិតកម្ពុជាប្រចាំសាធារណរដ្ឋប្រជាមានិតចិន ប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ Zhijiang សម្រាប់ឆ្នាំសិក្សា២០២៥-២០២៦។ អាហារូបករណ៍ផ្ដល់ជូនការសិក្សាលើជំនាញ...
ឱកាសសម្រាប់អ្នករៀនជំនាញព័ត៌មានវិទ្យា រដ្ឋសភាជ្រើសរើសមន្រ្តីកិច្ចសន្យា ចំនួន៣០នាក់
ព័ត៌មានអាហារូបករណ៍, ព្រឹត្តិការណ៍
• 21/11/2025
ជាឱកាសសម្រាប់សិស្សនិស្សិតដែលមានជំនាញព័ត៌មានវិទ្យា (IT) ពេលនេះ អគ្គលេខាធិការដ្ឋានរដ្ឋសភា បានប្រកាសប្រឡងជ្រើសរើសមន្រ្តីកិច្ចសន្យាទាំងពីរភេទ ចំនួន៣០នាក់ ដើម្បីបំពេញការងារនៅរដ្ឋសភាជាតិ។
អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ YALE ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 19/11/2025
ឱកាសសិក្សាអាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ YALE សហរដ្ឋអាមេរិក ឆ្នាំសិក្សា២០២៦។ ការសិក្សាផ្ដល់តាមរយៈកម្មវិធីអាហារូបករណ៍ Yale University Scholarship 2026។
អាហារូបករណ៍ថ្នាក់ឧត្ដមសិក្សាពីអាហារូបករណ៍រដ្ឋាភិបាលចិនប្រភេទ B នៅសាកលវិទ្យាល័យ Shanghai ឆ្នាំ២០២៥
ព័ត៌មានអាហារូបករណ៍, ព្រឹត្តិការណ៍
• 10/01/2025
កម្មវិធីអាហារូបករណ៍រដ្ឋាភិបាលចិនប្រភេទ B ប្រកាសផ្ដល់អាហារូបករណ៍ថ្នាក់ឧត្ដមសិក្សា សិក្សានៅសាកលវិទ្យាល័យ Shanghai សម្រាប់ឆ្នាំសិក្សា២០២៥ ដល់និស្សិតអន្តរជាតិជាច្រើននាក់។ អាហារូបករណ៍ផ្ដល់ការសិក្សា ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់...
កម្មវិធីពិសេសរបស់ AMS EDUCATION
ព័ត៌មានសង្ខេប
