ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
អគ្គនាយកដ្ឋានបណ្តុះបណ្តាល និងវិក្រឹតការ នៃក្រសួងអប់រំ យុវជន និងកីឡា កាលពីដើមសប្តាហ៍នេះ បានធ្វើការជំរុញដល់គ្រូបង្រៀនកម្ពុជា អភិវឌ្ឍជំនាញវិជ្ជាជីវៈ កែលម្អការបង្រៀន និងរៀន និងពង្រីកចំណេះដឹង តាមរយៈការចុះឈ្មោះចូលរួមកម្មវិធី Fulbright Teaching Excellence and Achievement (TEA) ឆ្នាំ២០២៦-២០២៧។
Fulbright TEA ជាកម្មវិធីបណ្តុះបណ្តាលខ្លី សម្រាប់ពង្រឹងជំនាញបង្រៀន និងបទពិសោធអន្តរជាតិ មានរយៈពេល៦សប្តាហ៍របស់សហរដ្ឋអាមេរិក ដែលអ្នកចូលរួមនឹងទទួលបានចំណេះដឹងពី វិធីសាស្ត្របង្រៀនថ្មីៗ, ការរៀនផ្អែកលើសិស្សជាគោល, ការបង្រៀនផ្អែកលើមាតិកា, ការរៀបចំកិច្ចតែងការបង្រៀន ក៏ដូចជា ការប្រើប្រាស់បច្ចេកវិទ្យាក្នុងការបង្រៀនជាដើម។
កម្មវិធីនេះក៏នឹងរួមបញ្ចូលការអនុវត្តជាក់ស្តែងយ៉ាងហោចណាស់ ៤០ ម៉ោង ជាមួយគ្រូបង្រៀនជនជាតិអាម៉េរិកនៅសាលាមធ្យមសិក្សាដែលនៅជិតសាកលវិទ្យាល័យដែលសិក្ខាកាមទទួលការបណ្តុះបណ្តាល។ ជាមួយគ្នានេះ គ្រូបង្រៀនកម្ពុជាក៏ទទួលបានបទពិសោធការផ្លាស់ប្ដូរវប្បធម៌តាមរយៈការចូលរួមសកម្មភាពនានាក្នុងអំឡុងពេលចូលរួមវគ្គបណ្តុះបណ្តាល។
បើតាមអគ្គនាយកដ្ឋានបណ្តុះបណ្តាល និងវិក្រឹតការ ទោះកម្មវិធីនេះមិនផ្តល់វិញ្ញាបនបត្រ ឬសញ្ញាបត្រ តែវាផ្តល់ជូនអ្នកចូលរួមនូវបទពិសោធន៍វិជ្ជាជីវៈដ៏មានតម្លៃ ឱកាសបង្កើតបណ្តាញទំនាក់ទំនងអន្តរជាតិ និងជំនាញបង្រៀនជាក់ស្តែង ដែលអាចអនុវត្តបាននៅក្នុងថ្នាក់រៀនកម្ពុជានៅពេលពួកគេត្រឡប់មកវិញ៕
