ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ចាប់តាំងពីម៉ោង៧ និង៣០នាទីព្រឹកថ្ងៃនេះ ដំណើរការសំណេរ នៃការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប កំពុងដំណើរការ យ៉ាងយកចិត្តទុកដាក់ពីសំណាក់អនុរក្ស ក្រោមការត្រួតពិនិត្យដោយមន្ត្រីអង្គភាពប្រឆាំងអំពើពុករលួយ។
យោងតាមតារាងប្រព្រឹត្តទៅនៃវិញ្ញាសាប្រឡងសញ្ញាបត្រមធ្យមសិក្សាទុតិយភូមិ នៅព្រឹកថ្ងៃទីមួយនេះ (២៨ សីហា ២០២៥) សម្រាប់ថ្នាក់វិទ្យាសាស្រ្ត ចាប់ពីម៉ោង ៧:៣០ ដល់ម៉ោង ៨:៣០ ជាការប្រឡងមុខវិជ្ជា ប្រវត្តិវិទ្យា (៦០នាទី) ហើយនៅវេលាម៉ោង ៩:០០ ដល់ម៉ោង ១០:៣០ ជាការប្រឡងមុខវិជ្ជា ជីវវិទ្យា (៩០នាទី)។ ដោយឡែកថ្នាក់វិទ្យាសាស្រ្តសង្គម នៅម៉ោង ៧:៣០ ដល់ម៉ោង ៨:៣០ ជាការប្រឡងមុខវិជ្ជា ផែនដី និងបរិស្ថានវិទ្យា (៦០នាទី) ហើយនៅវេលាម៉ោង ៩:០០ ដល់ម៉ោង ១០:៣០ ជាការប្រឡងមុខវិជ្ជា ប្រវត្តិវិទ្យា (៩០នាទី)។
ការប្រឡងសញ្ញាបត្រមធ្យមសិក្សាទុតិយភូមិឆ្នាំនេះ មានបេក្ខជនចុះឈ្មោះ ប្រឡងសរុបចំនួន ១៤៦ ៧២០ នាក់ ក្នុងនោះ បេក្ខជនថ្នាក់វិទ្យាសាស្ត្រ មានចំនួន ៤០ ៦៧៨ នាក់ និងបេក្ខជនថ្នាក់វិទ្យាសាស្ត្រសង្គម មានចំនួន ១០៦ ០៤២ នាក់។
ដោយឡែកមណ្ឌលសំណេរ មានចំនួនសរុប ២៤១ មណ្ឌល ត្រូវជា ៥ ៩២៤ បន្ទប់ ក្នុងនោះ៖ ថ្នាក់វិទ្យាសាស្ត្រ មានចំនួន ៧២ មណ្ឌល ត្រូវជា ១ ៦៥៥ បន្ទប់ និងថ្នាក់វិទ្យាសាស្ត្រសង្គម មានចំនួន ១៦៩ មណ្ឌល ត្រូវជា ៤ ២៦៩ បន្ទប់។ មណ្ឌលកំណែ សម្រាប់ការប្រឡងសញ្ញាបត្រមធ្យមសិក្សាទុតិយភូមិ មានចំនួន ១០ មណ្ឌល នៅរាជធានីភ្នំពេញ៕
