គ្រួសារជាតួអង្គអប់រំសីលធម៌ និងសុជីវធម៌មានឥទ្ធិពលបំផុតសម្រាប់យុវជន

ភ្នំពេញ – ស្របតាមការរីកចម្រើនសង្គម និងសេដ្ឋកិច្ច ព្រមទាំងរក្សាទំនៀមទម្លាប់ប្រពៃណីប្រតិបត្តិសីលធម៌ក្នុងសង្គមខ្មែរ ម្តាយឪពុកនិងអាណាព្យាបាលគ្រប់រូបមានតួនាទីសំខាន់ក្នុងការអប់រំយុវជនឱ្យមានសីលធម៌ និងសុជីវធម៌រស់នៅល្អប្រសើរ ។ សកម្មភាពបង្ហាញពីការអប់រំដោយគំរូភាពល្អៗ នឹងជះឥទ្ធិពលពេញមួយដំណើរជីវិតរបស់កូន ។ នេះបើតាមការលើកឡើងរបស់អ្នកស្រី ហុក ធីតា គ្រូបង្រៀនមុខវិជ្ជាសីលធម៌-ពលរដ្ឋ នៅសាលារៀនជំនាន់ថ្មី នៃវិទ្យាល័យព្រះស៊ីសុវត្តិ ។

ទន្ទឹមគ្នានេះ អ្នកស្រី ហុក ធីតា អ្នកជំនាញអប់រំសីលធម៌យុវជនតាមរយៈសកម្មភាពបង្រៀនមុខវិជ្ជាសីលធម៌-ពលរដ្ឋ បានបញ្ជាក់ថា រាល់ទង្វើរបស់ម្តាយឪពុកនៅក្នុងគ្រួសារសុទ្ធសឹងជាគំរូភាពសម្រាប់កូន ។ ប្រសិនបើម្តាយឪពុកប្រើប្រាស់ពាក្យពេចន៍សន្ទនាដាក់គ្នាទៅវិញទៅមកដោយសមរម្យ នោះកូននៅក្នុងគ្រួសារនឹងរៀនសូត្រពីគំរូភាពទាំងនេះ ។ ផ្ទុយទៅវិញ ប្រសិនប្រើម្តាយឪពុកពុំបានបង្ហាញពីទង្វើអប់រំប្រកបដោយសីលធម៌ណាមួយ នោះកុមារ ឬយុវជននៅក្នុងគ្រួសារ ងាយនឹងប្រព្រឹត្តខ្លួនតាមគន្លងម្តាយឪពុក ។ អ្នកស្រីបានចាត់ទុកម្តាយឪពុកជាគ្រូបង្រៀនសីលធម៌ និងសុជីវធម៌សង្គមដ៏មានប្រសិទ្ធភាពបំផុត ។

គ្រួសារមានតួនាទីមួយ គឺអប់រំ និងបណ្តុះឥរិយាបថល្អ ឬសីលធម៌ល្អទៅកាន់កូនៗ ហើយក្នុងនាមជាឪពុកម្តាយត្រូវធ្វើជាគំរូគ្រប់សកម្មភាពទៅកាន់កូន ! បើឪពុកម្តាយមានឥរិយាបថរស់នៅល្អ គាត់តែងអប់រំ និងបណ្តុះកូនឱ្យមានទម្លាប់ល្អជានិច្ច…

អ្នកស្រី ហុក ធីតា បង្រៀនមុខវិជ្ជាសីលធម៌-ពលរដ្ឋ នៅសាលារៀនជំនាន់ថ្មី នៃវិទ្យាល័យព្រះស៊ីសុវត្ថិ

ខណៈសាលារៀនជាស្ថាប័នបណ្តុះបណ្តាលនិងអប់រំសីលធម៌យុវជនសំខាន់នៅក្នុងសង្គម ប៉ុន្តែអ្នកស្រី ហុក ធីតា បានពន្យល់ថា ការបណ្តុះបណ្តាលសីលធម៌យុវជននៅសាលារៀនជាភារកិច្ចអប់រំស្នូលបន្ទាប់ពីការអប់រំនៅក្នុងគ្រួសារ ។ សម្រាប់អ្នកអប់រំរូបនេះ យល់ឃើញថា វិន័យ សីលធម៌ សុជីវធម៌របស់យុវជន ចាំបាច់ត្រូវតែបង្រៀន និងជំរុញឱ្យសិស្សានុសិស្សរៀនអនុវត្តជាប្រចាំ ដើម្បីឱ្យពួកគេប្រែក្លាយខ្លួនជាធនធានមនុស្សមានចំណេះដឹង សមត្ថភាព និងមានសីលធម៌រស់នៅល្អប្រពៃ ។

ជុំវិញការលើកឡើងអំពីសារៈសំខាន់នៃសីលធម៌ និងសុជីវធម៌សម្រាប់យុវជននេះ អ្នកស្រី ហុក ធីតា គ្រូបង្រៀនមុខវិជ្ជាសីលធម៌-ពលរដ្ឋ ក៏បានរំលេចឱ្យដឹងដែរថា នៅក្នុងសកម្មភាពរស់នៅប្រចាំថ្ងៃ មានឥរិយាបថវិជ្ជាមានច្រើនណាស់ដែលបុគ្គលអាចបង្ហាញថា ខ្លួនជាមនុស្សមានសីលធម៌ និងសុជីវធម៌ ។ សកម្មភាពទាំងនោះ មានដូចជា ការប្រើប្រាស់ពាក្យពេចន៍សន្ទនាសមរម្យ និងត្រូវកាលវេលា, ការលើកដៃសំពះគារវកិច្ចដល់គ្នាទៅវិញទៅមក, ស្តាប់អ្នកដទៃនិយាយដោយយកចិត្តទុកដាក់, គោរពច្បាប់ និងសណ្តាប់ធ្នាប់សង្គម, ផ្តល់គំរូភាពល្អៗដល់អ្នកដទៃ និងបង្ហាញស្នាមញញឹមទៅកាន់នរណាម្នាក់ជាដើម ។

សូមជម្រាបថា តាមការស្រាវជ្រាវពីការអប់រំសង្គម ការអប់រំសីលធម៌យុវជន ចាំបាច់ត្រូវមានតួអង្គសំខាន់ៗចំនួន៤ រួមមាន ការអប់រំនៅក្នុងគ្រួសារ, ការអប់រំនៅសាលារៀន, ការអប់រំនៅក្នុងសហគមន៍, និងការអប់រំដោយបុគ្គលខ្លួនឯង ។ បើតាមការអប់រំនៅក្នុងព្រះពុទ្ធសាសនា ម្តាយឪពុកជាគ្រូទី១ ឬជាគ្រូដើមរបស់កូន ដែលមាននាទីបង្ហាត់បង្រៀន និងបណ្តុះបណ្តាលគ្រប់ឥរិយាបថរស់នៅទៅកាន់កូន ។ សង្គមខ្មែរកាលបើបុគ្គលប្រកាន់ខ្ជាប់នូវសីលធម៌ សុជីវធម៌ ចាត់ទុកបុគ្គលនោះជាមនុស្សមានវិន័យ និងទទួលបានការគោរពឱ្យតម្លៃត្រឡប់វិញ ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ ស សុខា ១០០កន្លែងនៅសាកលវិទ្យាល័យឯកទេសនៃកម្ពុជា ខេត្តបាត់ដំបង ឆ្នាំ២០២២-២០២៣

ព័ត៌មានអាហារូបករណ៍, ព្រឹត្តិការណ៍

• 09/01/2023

ឱកាសទទួលបានអាហារូបករណ៍សិក្សាថ្នាក់បរិញ្ញាបត្រនៅសាកលវិទ្យាល័យ ឯកទេស នៃកម្ពុជា ខេត្តបាត់ដំបង ចំនួន១០០កន្លែង សម្រាប់ឆ្នាំសិក្សា២០២២-២០២៣...

មជ្ឈមណ្ឌលបណ្ដុះបណ្ដាលវិជ្ជាជីវៈខេត្តមណ្ឌលគិរី ផ្ដល់អាហារូបករណ៍សិក្សាបច្ចេកទេស និងវិជ្ជាជីវៈ១២០កន្លែង

ព័ត៌មានអាហារូបករណ៍, ព្រឹត្តិការណ៍

• 04/02/2025

ឱកាសសិក្សាអាហារូបករណ៍ជំនាញបច្ចេកទេស និងវិជ្ជាជីវៈជាច្រើនកន្លែង សិក្សានៅមជ្ឈមណ្ឌលបណ្ដុះបណ្ដាលវិជ្ជាជីវៈខេត្តមណ្ឌលគិរី។ អាហារូបករណ៍ផ្ដល់ជូនដល់ យុវជន យុវនារី និងសាធារណៈជនដែលចង់មានជំនាញច្បាស់លាស់។

រៀនជំនាញឥតគិតថ្លៃ សម្រាប់អតីតពលករដែលធ្លាប់ធ្វើការនៅបរទេស

ព័ត៌មានអាហារូបករណ៍, ព្រឹត្តិការណ៍

• 20/01/2026

មជ្ឈមណ្ឌលពលករទេសន្តប្រវេសន៍​មាតុភូមិនិវត្តន៍​កម្ពុជា (HRCC) ដែលជាមជ្ឈមណ្ឌលបណ្តុះបណ្តាល និងគាំទ្រពលករទេសន្តរប្រវេសន៍ (ពលករចំណាកស្រុក)

ឱកាសសិក្សាអារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធី DREAM TOGETHER នៅប្រទេសកូរ៉េឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 26/02/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ DREAM TOGETHER នៅប្រទេសកូរ៉េឆ្នាំសិក្សា ២០២៤-២០២៥។ អាហារូបករណ៍ជាការ...

ឱកាសសិក្សាអាហារូបករណ៍ ៧៨កន្លែងនៅប្រទេសចិន  ពី អ.ម.ត សម្រាប់ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 17/03/2025

គណៈកម្មាកិធិការអាហារូបករណ៍សិស្ស-និស្សិតក្រីក្រ សម្ដេចអគ្គមហាសេនាបតីតេជោ ហ៊ុន​ សែន និងសម្ដេចកិត្តិព្រឹទ្ធបណ្ឌិត ប្រកាសផ្ដល់អាហារូបករណ៍ ថ្នាក់ភាសាចិន ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ឆ្នាំសិក្សា២០២៥-២០២៦

ឱ​កាស​សិក្សា​ឥត​គិត​ថ្លៃ ​៖​ ​សាលា​មធ្យម​វិចិត្រ​សិល្បៈ​ ​ប្រកាស​ជ្រើសរើស​សិស្ស​ចូលរៀន ​សម្រាប់​ឆ្នាំ​សិក្សា​ ​២០២៦​-​២០២៧

ព័ត៌មានអាហារូបករណ៍, ព្រឹត្តិការណ៍

• 07/09/2026

​សាលា​មធ្យម​វិចិត្រ​សិល្បៈ​ ​ដែល​ជា​គ្រឹះស្ថាន​សិក្សា​អប់រំ​ចំណេះទូទៅ ​និង​បច្ចេកទេស​ជំនាញ​វិជ្ជាជីវៈ​សិល្បៈ​ ​ស្ថិត​ក្រោម​ឱវាទ​ក្រសួង​វប្បធម៌​ ​និង​វិចិត្រ​សិល្បៈ​ ​នឹង​រៀបចំ​ការ​ប្រឡង​ជ្រើសរើស​សិស្សា​នុសិស្ស​ទាំង​ពីរ​ភេទ...

ឱកាសផ្លាស់ប្ដូរការសិក្សាពីកម្មវិធីអាហារូបករណ៍ Hurford Youth Fellowship 2025 នៅសហរដ្ឋអាមេរិក

ព័ត៌មានអាហារូបករណ៍, ព្រឹត្តិការណ៍

• 08/07/2024

ឱកាសផ្លាស់ប្ដូរការសិក្សាសម្រាប់និស្សិតអន្តរជាតិពីកម្មវីធីអាហារូបករណ៍ Hurford Youth Fellowship 2025 នៅសហរដ្ឋអាមេរិក។ កម្មវិធីផ្លាស់ប្ដូរការ...

អាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធី ROBERT KREMBIL Scholarship 2025

ព័ត៌មានអាហារូបករណ៍, ព្រឹត្តិការណ៍

• 06/08/2025

តាមរយៈកម្មវិធី ROBERT KREMBIL Scholarship of MERIT 2025 ប្រកាសបើកទទួលពាក្យអាហារូបករណ៍ថ្នាក់បរិញ្ញាបត្រជាន់ខ្ពស់ ឆ្នាំសិក្សា២០២៥ នៅ Schulich School of Business នៃសាកលវិទ្យា YORK នៃប្រទេសកាណាដា។