គម្រោង​ “ជំនាញ​ដើម្បី​ការងារ​កាន់តែ​ប្រសើរ” ជួយ​បង្កើន​គុណភាព​កម្លាំង​ជំនាញ​កម្ពុជា ឆ្លើយ​តប​នឹង​តម្រូវការ​ទីផ្សារ​ការងារ

ភ្នំពេញ – កាលពីដើម​សប្ដាហ៍​នេះ ក្រសួង​ការងារ និង​បណ្តុះ​បណ្តាលវិជ្ជាជីវៈ បានប្រកាស​ដាក់​ឱ្យ​អនុវត្ត​ជា​ផ្លូវ​ការ «គម្រោង​ជំនាញ​ដើម្បី​ការងារ​កាន់​តែ​ប្រសើរ» ដែល​នឹង​ជួយ​ពង្រឹង​គុណភាព​ជំនាញ​ដល់​កម្លាំង​ពលកម្ម​កំពុង​បំពេញ​ការងារ និង​កម្លាំង​ពលកម្មថ្មី ដែល​ទើប​ចូល​មក​ដល់​ទីផ្សារ​ការងារ តាមរយៈ​ការ​បង្កើន​គុណភាព​ជំនាញ និង​ការ​ផ្តល់​ព័ត៌មាន ក៏​ដូច​ជា​ការ​តម្រង់​ទិស​វិជ្ជាជីវៈ​ដើម្បី​ការងារ​កាន់​តែ​ប្រសើរ។

គម្រោង «ជំនាញ​ដើម្បី​ការងារ​កាន់តែ​ប្រសើរ» ជា​គម្រោង​អភិវឌ្ឍ​ជំនាញ​ទី១ ដែល​ក្រសួង​ការងារ និង​បណ្ដុះបណ្ដាល​វិជ្ជាជីវៈ បាន​ទទួល​ការ​គាំទ្រ​ហិរញ្ញប្បទាន​ឥណទាន​សម្បទាន ពី​សមាគម​អភិវឌ្ឍ​អន្តរជាតិ (IDA) នៃ​ធនាគារ​ពិភពលោក​ដែល​ត្រូវ​អនុវត្ត​ពីឆ្នាំ​២០២៤ ដល់ឆ្នាំ២០២៩។ គម្រោង​នេះ ត្រូវ​បាន​ចាប់​ផ្តើម​សិក្សា​ចាប់តាំងពីឆ្នាំ២០២០ និង​បន្ទាប់​មក​បាន​ចាប់​ផ្តើម​បេសកកម្ម​ផ្លូវការ​ជាបន្ត​បន្ទាប់ ដើម្បី​រៀបចំ​គម្រោង​នេះ​ចាប់ពីឆ្នាំ២០២២ បន្ទាប់​មក​បាន​ចុះ​កិច្ច​ព្រមព្រៀង​ហិរញ្ញប្បទាន (Financing Agreement) កាល​ពីថ្ងៃទី៧ ខែ​កក្កដា ឆ្នាំ២០២៤ និង​បាន​ចូល​ជា​ធរមាន​នៅ​ថ្ងៃទី២៥ ខែ​កញ្ញា ឆ្នាំ២០២៤។

ឯកឧត្ដម កត្តា អ៊ន រដ្ឋលេខាធិការ និង​ជា​អ្នកនាំពាក្យ​ក្រសួង​ការងារ និង​បណ្ដុះបណ្ដាល​វិជ្ជាជីវៈ​មាន​ប្រសាសន៍​ថា គម្រោង «ជំនាញ​ដើម្បី​ការងារ​កាន់​តែ​ប្រសើរ» រួម​បញ្ចូល​នូវ​ការ​បង្កើន​គុណភាព​ជំនាញ​ដែល​ឆ្លើយតប​នឹង​តម្រូវ​ការ​ទីផ្សារ​ការងារ ការ​ផ្តល់​ព័ត៌មាន និង​ការ​តម្រង់​ទិស​វិជ្ជាជីវៈ ដើម្បី​ការងារ​កាន់តែ​ប្រសើរ​ដោយ​ផ្ដោត​ជា​ចម្បង​លើ​វិស័យ​អាទិភាព​ចំនួន២ រួម​មាន​វិស័យ​យានយន្ត និង​អេឡិចត្រូនិក ហើយ​ក៏​អាច​មាន​ភាព​បត់បែន​គ្រប​ដណ្ដប់​លើ​វិស័យ និង​មុខ​របរ​អាទិភាព​ផ្សេង​ទៀត​ដែល​មាន​តម្រូវ​ការ​ទីផ្សារ​ការងារ។

បើ​តាម​អ្នកនាំពាក្យ​ក្រសួង​ការងារ គម្រោង​នេះ ទទួល​បាន​ហិរញ្ញប្បទាន​សហប្រតិបត្តិការ​មាន​ទឹក​ប្រាក់​សរុប​ចំនួន​ជាង​៤៥លានដុល្លារ​អាមេរិក ក្នុង​នោះ​មាន​ថវិកា ៤០លានដុល្លារជា​កម្ចី​ហិរញ្ញប្បទាន​របស់​ធនាគារ​ពិភពលោក និង​ថវិកា​ជាង ៥លានដុល្លារ ជា​មូលនិធិ​របស់​សម​ភាគី​ដោយ​រាជរដ្ឋាភិបាល​កម្ពុជា។​ គម្រោង «ជំនាញ​ដើម្បី​ការងារ​កាន់​តែប្រសើរ» មាន​សមាសធាតុ​ផ្សំ​ចំនួន៤ នឹង​​​ចូលរួម​អនុវត្ត ក្នុង​នោះ សមាសភាពទី១ គឺ​ការ​លើក​កម្ពស់​ជំនាញ​ដើម្បី​ឆ្លើយ​តប​តម្រូវ​ការ​ឧស្សាហកម្ម ដែល​នឹង​អនុវត្ត​ដោយ​អគ្គនាយកដ្ឋាន អ.ប.វ. ក្នុង​ការ​ពង្រឹង​គុណភាព​អភិវឌ្ឍ​កម្មវិធីសិក្សា កសាង​សមត្ថភាព​គ្រូ​បង្គោល និង​គ្រូ​បច្ចេកទេស, សមាសភាពទី២ គឺ​ការ​ផ្តល់​ព័ត៌មាន និង​ការ​តម្រង់​ទិស​សម្រាប់​ការងារ​កាន់​តែប្រសើរ ដែល​នឹង​អនុវត្ត​ដោយ​ទីភ្នាក់ងារ​ជាតិ​មុខរបរ​ និង​ការងារ ដោយ​គេ​រំពឹងថា នឹង​ជួយ​ប្រែក្លាយ​​ប្រព័ន្ធ​ព័ត៌មាន​ទីផ្សារ​ការងារ ជា​ប្រព័ន្ធ​ទីផ្សារ​ការងារ​ឆ្លាតវៃ​តាម​បែប​ឌីជីថល​ជា​ជំនួយ​ក្នុង​ការ​ស្វែង​រក​ការងារ និង​ការ​តម្រង់​ទិស​អាជីព។

សមាសភាពទី៣ គឺ​ការ​លើក​កម្ពស់​សមាគម​តាម​វិស័យ​ដើម្បី​ផ្សារ​ភ្ជាប់​និយោជក​ជាមួយ​ការ​អភិវឌ្ឍ​ជំនាញ និង​ការ​ពង្រីក​ការអភិវឌ្ឍន៍​ជំនាញ ដែល​នឹង​អនុវត្ត​ដោយ​មូលនិធិ​អភិវឌ្ឍ​ជំនាញ (SDF) ហើយ​សម្រាប់​សមាសភាពទី៤ នៃ​គម្រោង គឺ​ការ​គ្រប់គ្រង ត្រួតពិនិត្យ និង​វាយតម្លៃ ព្រមទាំង​ការ​ឆ្លើយតប​នឹង​ហេតុការណ៍​បន្ទាន់​ដែល​ពាក់ព័ន្ធ ដែល​អាច​កើត​មាន​ឡើង។

ឯកឧត្តម ហេង សួរ រដ្ឋមន្រ្តី​ក្រសួងការងារ និង​បណ្ដុះបណ្ដាល​វិជ្ជាជីវៈ បាន​មាន​ប្រសាសន៍ថា ផ្អែក​តាម​បម្រែបម្រួល​និន្នាការ និង​សុទិដ្ឋិនិយម​នៃ​ការ​រីកចម្រើន​នៃ​ឧស្សាហូបនីយកម្ម​សកល «គម្រោង​ជំនាញ​ការងារ​កាន់​តែប្រសើរ» នេះ គឺ​ត្រូវ​បាន​រៀបចំ​ឡើង និង​អនុវត្ត​ស្របគ្នា​ជាមួយ​នឹង «ផែនទី​បង្ហាញផ្លូវ​ស្តីពី​ការ​អភិវឌ្ឍ​វិស័យយានយន្ត និង​អេឡិចត្រូនិក» និង «គោល​នយោបាយ​ជាតិ​ស្តីពី​ការ​អភិវឌ្ឍ​វិស័យ​យានយន្ត​អគ្គិសនី ឆ្នាំ២០២៤-២០៣០» ដែល​រាជរដ្ឋាភិបាល​ទើប​បាន​ដាក់​ចេញ​នាពេលថ្មីៗ​នេះ ហើយ​ជាមួយ​គ្នា​ឯកឧត្តម​ក៏​បាន​ថ្លែង​អំណរគុណ​ដល់​ធនាគារ​ពិភពលោក​ដែល​បាន​គាំទ្រ​បេសកកម្ម​អភិវឌ្ឍន៍​ធនធាន​មនុស្ស​នៅ​កម្ពុជា ហើយ​សង្ឃឹមថា ធនាគារ​ពិភពលោក នឹង​បន្ត​ជួយ​ជំរុញ​ការ​ផ្លាស់ប្ដូរ​មូលដ្ឋានគ្រឹះ នៃ​ការអភិវឌ្ឍន៍​កម្ពុជា ដើម្បី​រួម​ចំណែក​ជាមួយ​រាជរដ្ឋាភិបាល​ក្នុង​ការ​បន្ត​រក្សា​កំណើន​សេដ្ឋកិច្ច និង​សម្រេច​ទិសដៅ​ចក្ខុវិស័យ​កម្ពុជា​ឆ្នាំ២០៣០ និងឆ្នាំ២០៥០៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសអាហារូបករណ៍សម្រាប់និស្សិតកំពុងសិក្សាឆ្នាំទី១ ឬឆ្នាំទី២ នៅសាកលវិទ្យាល័យចំនួន៩របស់កម្ពុជា

ព័ត៌មានអាហារូបករណ៍, ព្រឹត្តិការណ៍

• 03/04/2026

ឱកាស​សម្រាប់និស្សិត​ដែល​កំពុង​សិក្សា​ឆ្នាំទី១ ឬឆ្នាំទី២ ថ្នាក់បរិញ្ញាបត្រ ក្នុងការ​ទទួលបាន​អាហារូបករណ៍ពេញលេញក្នុងការសិក្សា ពីកម្មវិធីអាហារូបករណ៍ Maybank។

ឱកាសសិក្សាអាហារូបករណ៍ពីកម្មវិធី CICOPS នៅសាកលវិទ្យាល័យ Pavia នៃប្រទេសអ៉ីតាលី ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 03/05/2024

ឱកាសសិក្សាអាហារូបករណ៍រយៈពេលខ្លីពីកម្មវិធីអាហារូបករណ៍CICOPS នៅសាកលវិទ្យាល័យ Pavia Italy នៃប្រទេសអ៉ីតាលីឆ្នាំ២០២៥សម្រាប់ថ្នាក់...

អាហារូបករណ៍ថ្នាក់អនុបណ្ឌិត និងបណ្ឌិត ពីកម្មវិធី Australia Awards ប្រទេស​អូស្រ្តាលី

ព័ត៌មានអាហារូបករណ៍, ព្រឹត្តិការណ៍

• 19/04/2023

កម្មវិធីអាហារូបករណ៍ «Australia Awards Scholarships Intake 2024» របស់រដ្ឋាភិបាល​អូស្រ្តាលី សម្រាប់ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត ចាប់ផ្តើម​ដំណើរការ​ចុះឈ្មោះ...

អាហារូបករណ៍ថ្នាក់បរិញ្ញាបត្រជាន់ខ្ពស់ពី Erasmus University Rotterdam នៅប្រទេសហូឡង់

ព័ត៌មានអាហារូបករណ៍, ព្រឹត្តិការណ៍

• 29/01/2026

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាលាគ្រប់គ្រង Rotterdam នៃសាកលវិទ្យាល័យ Rotterdam ប្រទេសហូឡង់ ពីកម្មវិធីអាហារូបករណ៍ Erasmus ឆ្នាំសិក្សា២០២៦-២០២៧។

មូលនិធិព្រីនស៍ បញ្ចប់វគ្គសម្ភាសន៍ចុងក្រោយ ប្រកបដោយជោគជ័យ សម្រាប់អាហារូបករណ៍ ចេន ហ្ស៊ី ជំនាន់ទី៣

ព័ត៌មានអាហារូបករណ៍, ព្រឹត្តិការណ៍

• 11/03/2024

មូលនិធិព្រីនស៍ដែលជាមូលនិធិមនុស្សធម៌នៃសម្ព័ន្ធក្រុមហ៊ុន ព្រីនស៍ ហូលឌីង គ្រុប ថ្មីៗនេះបានធ្វើបទសម្ភាសន៍ចុងក្រោយ សម្រាប់កម្មវិធីអាហារូបករណ៍ ចេន ហ្ស៊ី របស់ខ្លួន។

អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ MGIMO ប្រទេសរុស្សី ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 09/07/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ MGIMO ពីកម្មវិធី Second Enrollment of Masters Degree Program in Eco...

ប្រទេសព្រុយណេផ្តល់អាហារូបករណ៍​រយៈពេលខ្លី សម្រាប់​បេក្ខជន​មក​ពី​បណ្តា​ប្រទេស​សមាជិកអាស៊ាន

ព័ត៌មានអាហារូបករណ៍, ព្រឹត្តិការណ៍

• 06/01/2023

ក្រសួងអប់រំ យុវជន និង​កីឡា បានជូនដំណឹងថា នៅ​ក្នុង​ឆ្នាំ​២០២៣នេះ កម្មវិធី​អាហារូបករណ៍ "Brunei Darussaiam Scholarship on Enhancing Professional...

ឱកាសសិក្សាថ្នាក់ឧត្ដមសិក្សាពីកម្មវិធីអាហារូបករណ៍ MEXT ប្រទេសជប៉ុនឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 16/06/2023

កម្មវីធីអាហារូបករណ៍ MEXT ប្រកាសផ្ដល់អាហារូបករណ៍ថ្នាក់ឧត្ដមសិក្សានៅប្រទេសជប៉ុនសម្រាប់និស្សិតបរទេសឆ្នាំសិក្សា២០២៤ ។ អាហារូបករណ៍ជាការឧបត្ថម្ភគាំទ្ររ...

ឱកាស​អាហារូបករណ៍​ទៅ​សិក្សា​នៅ​ប្រទេសចិន តាមរយៈអាហារូបករណ៍​រដ្ឋាភិបាលចិន​ឆ្នាំ​២០២៥

ព័ត៌មានអាហារូបករណ៍, ព្រឹត្តិការណ៍

• 17/12/2024

តាមរយៈ​ស្ថានទូត​ចិន​ប្រចាំ​ព្រះរាជាណាចក្រ​កម្ពុជា សហការជាមួយ​សហភាពសហព័ន្ធ​យុវជន​កម្ពុជា នឹងផ្តល់​អាហារូបករណ៍​ដល់​យុវជន​កម្ពុជា​ដើម្បី​បន្ត​ការសិក្សា​ថ្នាក់​ឧត្តមសិក្សា​នៅ​ប្រទេសចិនសម្រាប់ឆ្នាំសិក្សា​២០២៥។



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *