អគ្គលេខាធិការរាជបណ្ឌិតសភាកម្ពុជា អំពាវនាវ​ដល់អ្នក​បង្កើតមាតិកាលើបណ្តាញសង្គម បញ្ឈប់ការផលិតវីដេអូបែបបំពុលសង្គម

ភ្នំពេញ – “អ្នកផលិតវីដេអូគប្បីយល់ និងត្រូវគិតពីសន្តិសុខសណ្ដាប់ធ្នាប់ មុខមាត់ប្រទេសជាគោល និងកុំគិតគ្រាន់តែចង់ឱ្យគេចុច Like និង Share ហើយហ៊ានផលិតវីដេអូឃ្លីប ដែលបង្កប់នូវអត្ថន័យអសុរោះ ឥរិយាបទហិង្សា និងអំពើទុច្ចរិត ដោយសារចង់បានចំណេញគួរបញ្ឈប់ជាបន្ទាន់ព្រោះជាការបំពុលសង្គមយ៉ាងធ្ងន់ធរ” ។ នេះជាការលើកឡើងរបស់លោកបណ្ឌិត យង់ ពៅ អគ្គលេខាធិការ នៃរាជបណ្ឌិតសភាកម្ពុជា ។

អគ្គលេខាធិការ នៃរាជបណ្ឌិតសភាកម្ពុជា មានប្រសាសន៍ថា បុគ្គលមួយចំនួនបានបង្កើតវីដេអូបង្ហោះនៅលើបណ្ដាញសង្គមព្រោះចង់បានចំនួន Like និង Share ច្រើន ដែលគាត់គិតថាវីដេអូនោះជាសារអប់រំ ប៉ុន្តែបែរផ្ដល់ជាបញ្ហារស៊ើប ដូចជាបញ្ហាលេងសើចដល់កុមារ ធ្វើឱ្យប៉ះពាល់ខ្លាំងដល់ការគិតរបស់មនុស្សខ្មែរក្នុងសង្គម ប៉ះពាល់ដល់ស្ថាប័នអ្នកអនុវត្តច្បាប់ និងប៉ះពាល់ដល់មុខមាត់ប្រទេសជាតិទាំងមូល។ លោកបណ្ឌិតបន្តថា តាមរយៈវីដេអូបំភាន់នេះ បរទេសគេអាចគិតថា ប្រទេសកម្ពុជាជាប្រទេសជួញដូរកុមារ ដែលធ្វើឱ្យប៉ះពាល់ដល់ប្រទេសជាតិធ្ងន់ធ្ងរណាស់។

លោកបណ្ឌិត យង់ ពៅ អគ្គលេខាធិការ នៃរាជបណ្ឌិតសភាកម្ពុជា

“ខ្ញុំគិតថាការធ្វើបែបនេះ មិនមែនជាការអប់រំទេ គឺជាការបំពុលសង្គមរុញច្រានសង្គមឱ្យមានគ្រោះថ្នាក់ទៅវិញ”

លោកបណ្ឌិត យង់ ពៅ មានប្រសាសន៍ថា មានអ្នកផលិតវីដេអូកំប្លែងខ្លីៗមួយចំនួនទៀត ច្រើននិយាយពីបញ្ហាពាក់ព័ន្ធនឹងគ្រឿងស្រវឹង ពាក់ព័ន្ធជាមួយទង្វើ ឬឥរិយាបទហិង្សាជាដើម បើទោះជាវាបានបង្កប់សារអប់រំនៅខាងចុងវីដេអូមិនឱ្យប្រជាជនយកតម្រាប់តាមក៏ដោយ ប៉ុន្តែវីដេអូទាំងនេះបានជះផលអវិជ្ជមានដល់កុមាររួចទៅហើយ ព្រោះកុមារមិនបានយល់ដល់ចំណុចអប់រំចុងក្រោយនោះទេ។ លោកបណ្ឌិតបន្តថា កុមារមួយចំនួននៅពេលឃើញទង្វើហិង្សា ទង្វើផឹកស្រា និងការនិយាយភាសាទ្រគោះបោះបោកនៅក្នុងវីដេអូ ក៏យកគំរូមិនល្អតាមភ្លាម ហើយគិតថា វាជារឿងសាមញ្ញក្នុងសង្គមក៏មាន ។ ដូច្នេះ ការផលិតវីដេអូបែបនេះ គួរកុំឱ្យមានទៀតអី ព្រោះវាបានជះឥទ្ធិពលអាក្រក់ណាស់ដល់សង្គម។

លោកបណ្ឌិត យង់ ពៅ អគ្គលេខាធិការ នៃរាជបណ្ឌិតសភាកម្ពុជា

“បច្ចុប្បន្ន អ្នកដែលកាន់ទូរស័ព្ទដៃទំនើប ឬស្មាតហ្វូន មិនមែនមានតែមនុស្សពេញវ័យទេ គឺចាប់ពីកុមារតូចរហូតដល់មនុស្សចាស់ ទាំងអ្នកមានចំណេះដឹង និងអ្នកគ្មានចំណេះដឹង។ ជាពិសេស កុមារតូចមើលវីដេអូណាមួយហើយ គ្មានការពិចារណាទេ គឺអាចនឹងធ្វើតាម ឬអាចភ័យខ្លាចជាដើម”

ជាមួយ​គ្នានេះ លោក​អគ្គលេខាធិការ នៃរាជបណ្ឌិតសភាកម្ពុជា ក៏​បានលើក​យក​ឧទាហរណ៍ នៃការបង្កើតវីដេអូដែលបង្ហាញពីអតិថិជនរត់ពួនមិនព្រមសងលុយធនាគារ ដែលវីដេអូនេះ ក៏បានប៉ះពាល់ដល់ក្រមសីលធម៌របស់ខាងធនាគារ និងគ្រឹះស្ថានមីក្រូហិរញ្ញវត្ថុ ហើយក៏ប៉ះនឹងនយោបាយរបស់រាជរដ្ឋាភិបាលផងដែរ។ បើតាមលោកបណ្ឌិត ប្រសិនបើខ្ចីលុយធនាគារហើយមិនព្រមសង នោះធនាគារនឹងដួលរលំ ឬគ្រឹះស្ថានមីក្រូហិរញ្ញវត្ថុនឹងក្ស័យធន ហើយរុញច្រានឱ្យសេដ្ឋកិច្ចមានបញ្ហាចលាចលនយោបាយ។ លោកបណ្ឌិតថា ករណីបែបនេះ មិនគួរឱ្យមានផ្សព្វផ្សាយនោះទេ ហើយ​ស្ថាប័នជំនាញទាំងគ្រឹះស្ថានមីក្រូហិរញ្ញវត្ថុ និងសមត្ថកិច្ចគួរពិនិត្យមើលចំណុចនេះ ហើយអប់រំអ្នកបង្កើតវីដេអូឃ្លីបនេះ ដើម្បីកុំឱ្យមានការផ្សព្វផ្យាយបន្ថែមទៀត។

យ៉ាងណាក៏ដោយ​លោកបណ្ឌិត យង់ ពៅ ក៏បានសូមណូមពរដល់អ្នកបង្កើតវីដេអូ និងអ្នកកំប្លែងអាជីព ដែល​បង្កើតវីដេអូកំប្លែងខ្លីៗ ទាំងស្ថានីយ៍ទូរទស្សន៍ ទាំងអ្នកបង្កើតជាវីដេអូតាមបណ្ដាញសង្គម ក៏ដូចជាអ្នកបង្កើតវីដេអូដោយខ្លួនឯង ត្រូវយល់ដឹងពីក្រមសីលធម៌និងវិជ្ជាជីវៈ សីលធម៌សង្គម យល់ដឹងពីគុណតម្លៃនៃការអប់រំ យល់ដឹងពីតម្លៃច្បាប់ ពាក់ព័ន្ធនឹងការបង្កចលាចលដល់សង្គម មុនពេលផលិតវីដេអូ ទើបជៀសវាងមិនឱ្យប្រជាជនក្នុងសង្គមច្របូកច្របល់។ បន្ថែមពីនេះ សូមកុំឱ្យមានការផលិតវីដេអូបែបនេះ ដែលធ្វើឱ្យប៉ះពាល់ដល់សង្គម ហើយសំណូមពរដល់សមត្ថកិច្ចជំនាញគួរតែចាត់វិធានការផ្លូវច្បាប់ចំពោះអ្នកផលិតវីដេអូបែបនេះ ដើម្បីកុំឱ្យពួកគាត់បង្ខូចមុខមាត់ប្រទេស ហើយធ្វើឱ្យចលាចលដល់សង្គម៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

វិទ្យាស្ថានពហុបច្ចេកទេសភូមិភាគតេជោសែនសៀមរាបប្រកាស​ផ្ដល់អាហារូបករណ៍កម្រិតសញ្ញាបត្រជាន់ខ្ពស់បច្ចេកទេស​ជាច្រើន​កន្លែងសម្រាប់យុវជន

ព័ត៌មានអាហារូបករណ៍, ព្រឹត្តិការណ៍

• 05/08/2025

វិទ្យាស្ថានពហុបច្ចេកទេសភូមិភាគតេជោសែនសៀមរាប ប្រកាសផ្ដល់អាហារូបករណ៍១០០% ជាច្រើនកន្លែងសម្រាប់យុវជន យុវនារី និងសាធារណជន ចូលសិក្សាកម្រិតសញ្ញាបត្រជាន់ខ្ពស់បច្ចេកទេស រយៈពេល២ឆ្នាំ។

វិទ្យាស្ថានពហុបច្ចេកទេសខេត្តកំពង់ស្ពឺផ្ដល់អាហារូបករណ៍សិក្សាជំនាញបច្ចេកទេសចំនួន២២៥កន្លែង

ព័ត៌មានអាហារូបករណ៍, ព្រឹត្តិការណ៍

• 16/05/2023

វិទ្យាស្ថានពហុបច្ចេកទេសខេត្តកំពង់ស្ពឺប្រកាសជ្រើសរើសសិក្ខាកាមសិក្សាជំនាញបច្ចេកទេសវគ្គខ្លី មួយសប្ដាហ៍ និងបួនខែចំនួន២២៥កន្លែង​ដោយឥតគិថ្លៃ ។...

រៀន​ជំនាញ​បច្ចេកទេស​ឥត​គិត​ថ្លៃ​នៅ​វិទ្យាស្ថាន​ពហុ​បច្ចេកទេស​ភូមិភាគ​តេជោ​សែន​ស្វាយរៀង​

ព័ត៌មានអាហារូបករណ៍, ព្រឹត្តិការណ៍

• 29/06/2026

សម្រាប់យុវជន ក៏​ដូចជា​ប្រជាពលរដ្ឋ ដែល​កំពុងស្វែង​រក​ការសិក្សា​ជំនាញ វិជ្ជាជីវៈ និងបច្ចេកទេស ពេលនេះ​ឱកាស​បាន​មក​ដល់ហើយ, វិទ្យាស្ថាន​ពហុបច្ចេកទេស​ភូមិ​ភាគ​តេជោសែនស្វាយរៀង កំពុងតែជ្រើសរើសសិក្ខាកាម​ឱ្យចូលរៀន...

អាហារូបករណ៍ថ្នាក់បរិញ្ញាបត្រចំនួន១៦០កន្លែងនៅវិទ្យាស្ថានជាតិសង្គមកិច្ច ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 25/10/2024

ឱកាសសិក្សាអាហារូបករណ៍ថ្នាក់បរិញ្ញាបត្រចំនួន១៦០កន្លែងនៅវិទ្យាស្ថានជាតិសង្គមកិច្ចក្នុងឆ្នាំសិក្សា២០២៤-២០២៥។ អាហារូបករណ៍ជាការគាំទ្រពី ឯកឧត្តមអភិបណ្ឌិត ស សុខា និង លោកជំទាវ កែ សួនសុភី សហការជាមួយវិទ្យាស្ថានជាតិសង្គមកិច្ច។

ឱកាស​បន្ត​ការសិក្សាថ្នាក់អនុបណ្ឌិត ឬបណ្ឌិតនៅសហរដ្ឋអាមេរិក ជាមួយនឹងអាហារូបករណ៍ Fulbright

ព័ត៌មានអាហារូបករណ៍, ព្រឹត្តិការណ៍

• 03/02/2026

ផ្នែកកិច្ចការសាធារណៈ នៃស្ថានទូតសហរដ្ឋអាមេរិកប្រចាំនៅភ្នំពេញ បានប្រកាសបើកទទួលពាក្យសុំអាហារូបករណ៍ Fulbright Foreign Student Program សម្រាប់ការសិក្សាកម្រិតក្រោយឧត្តមសិក្សា (ថ្នាក់បរិញ្ញាបត្រជាន់ខ្ពស់ ឬថ្នាក់បណ្ឌិត)

ឱកាស​សម្រាប់យុវជន និស្សិត ចូលរួមសិក្ខាសាលាពាក់ព័ន្ធនឹង​កិច្ច​ការពាណិជ្ជកម្មនៅ​ប្រទេ​សចិន

ព័ត៌មានអាហារូបករណ៍, ព្រឹត្តិការណ៍

• 26/06/2024

ដើម្បីចូលរួម​អបអរសាទរ​ឆ្នាំ នៃការផ្លាស់ប្តូរ​ប្រជាជន និង​ប្រជាជន​កម្ពុជា-ចិន ឆ្នាំ២០២៤ សមាគមទំនាក់ទំនង​យុវជន​កម្ពុជា-ចិន (CCYA) និងសមាគម​និស្សិត​កម្ពុជា​ប្រចាំ​សាធារណរដ្ឋ​ប្រជាមានិត​ចិន (ASCS)...

អាហារូបករណ៍នៅសាកលវិទ្យាល័យ Sripatum University International College ប្រទេសថៃ

ព័ត៌មានអាហារូបករណ៍, ព្រឹត្តិការណ៍

• 26/02/2025

សាកលវិទ្យាល័យអន្តរជាតិ Sripatum International College ប្រកាសផ្ដល់អាហារូបករណ៍ពេញលេញ ១០០% ចំនួន ៥កន្លែង តាមរយៈកម្មវិធីអាហារូបករណ៍ Global Intelligence Scholarship (GIS) សម្រាប់សិក្សា ២០២៥។ អាហារូបករណ៍ផ្ដល់ជូនលើការសិក្សា

ក្រសួងអប់រំផ្តល់អាហារូបករណ៍១០កន្លែង សម្រាប់ថ្នាក់បរិញ្ញាបត្រជាន់ខ្ពស់ផ្នែកវិធីសាស្រ្តបង្រៀនភាសាបារាំង​ជំនាន់ទី៥

ព័ត៌មានអាហារូបករណ៍, ព្រឹត្តិការណ៍

• 14/06/2023

ក្រសួងអប់រំ យុវជន និងកីឡាប្រកាសជ្រើសរើសនិស្សិតសិក្សាថ្នាក់បរិញ្ញាបត្រជាន់ខ្ពស់ផ្នែកវិធីសាស្ត្របង្រៀនភាសាបារាំងជំនាន់ទី៥ឆ្នាំសិក្សា២០២៣-២០២៤ ។...

វិទ្យាស្ថានពហុបច្ចេកទេស​ខេត្តបន្ទាយមានជ័យ ផ្តល់អាហារូបករណ៍២៥០កន្លែង​សម្រាប់សិស្សធ្លាក់ ឬជាប់បាក់ឌុប

ព័ត៌មានអាហារូបករណ៍, ព្រឹត្តិការណ៍

• 10/12/2024

ជាឱកាស​សម្រាប់​សិស្សានុសិស្ស​ដែលទើបប្រឡង​បញ្ចប់សញ្ញាបត្រ​មធ្យមសិក្សា​ទុតិយភូមិ ឬបាក់ឌុប វិទ្យាស្ថាន​ពហុបច្ចេកទេស​ខេត្តបន្ទាយមានជ័យ​ ប្រកាស​ផ្តល់អាហារូបករណ៍​ចំនួន​២៥០កន្លែងសម្រាប់កម្រិត​សញ្ញាបត្រ​ជាន់ខ្ពស់​បច្ចេកទេស ឬបរិញ្ញាបត្ររង។