សម្តេចតេជោ ៖ ការរៀនជំនាញវិជ្ជាជីវៈមរតកដូនតា ជារឿងដែលត្រូវយកចិត្តទុកដាក់

ភ្នំពេញ – ជាថ្មីម្តងទៀត​​នៅ​ក្នុងពិធីសម្ពោធទីតាំងថ្មី នៃសាកលវិទ្យាល័យភូមិន្ទវិចិត្រ​សិល្បៈ និង​ពិធី​ប្រគល់សញ្ញាបត្រ​ជូនដល់និស្សិត នៃសាកលវិទ្យាល័យ​ភូមិន្ទ​វិចិត្រ​សិល្បៈ សម្តេច​អគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រ​កម្ពុជា​បានបញ្ជាក់ថា រាជរដ្ឋាភិបាល​នឹង​ចេញ​ថវិកា​ដើម្បី​ជួយ​បណ្តុះបណ្តាល​ចំពោះ​យុវជន​ចំនួន​១លាន​៥សែននាក់ ក្នុងនោះ ២ ទៅ៤ភាគរយ រាជរដ្ឋាភិបាលបានរំលែកទុកជូនក្រសួងវប្បធម៌ ដើម្បីបណ្តុះបណ្តាលជំនាញវិជ្ជាជីវៈ មរតកដូនតា។

បើតាម​ប្រសាសន៍​របស់សម្តេចតេជោ​នាយករដ្ឋមន្រ្តី ការបង្រៀន​ជំនាញ​មរតកដូនតា គឺជា​រឿង​ដែលត្រូវ​យកចិត្ត​ទុកដាក់ ។ « បញ្ហានេះ មិន​មែនជា​បញ្ហា​តូចតាចទេ ខ្ញុំគួរតែត្រូវរំលឹក​ឱ្យ​បានច្បាស់ថា ប្រយ័ត្ន ១០ឆ្នាំក្រោយ ឬ​៥០ឆ្នាំក្រោយ អ្នកជំនាន់ក្រោយ​ទទួលតំណរពីយើងអត់ត្រូវតាមក្បួនខ្នាត ដែលខ្ញុំសូមស្នើ​ឱ្យ​មានការ​ប្រុងប្រយ័ត្ន ជាពិសេស​បញ្ហាបដិមា រូបចម្លាក់ផ្សេងៗ»។

ជាមួយ​គ្នានេះ សម្តេចតេជោ​នាយករដ្ឋមន្រ្តី បានប្រាប់ទៅ​ដល់​ក្រសួងវប្បធម៌ និង​វិចិត្រ​សិល្បៈ យក​ចិត្ត​ទុកដាក់​សហការជាមួយ​ក្រសួងការងារ និង​បណ្តុះបណ្តាល​វិជ្ជាជីវៈ និង​ផ្នែកពាក់ព័ន្ធ​ដទៃ​ទៀត ដើម្បី​ឱ្យ​ការ​បណ្តុះបណ្តាលជំនាញវិជ្ជាជីវៈ «មរតកដូនតា» អាចដំណើរការ​ទៅមុខ​បាន។

គួរ​បញ្ជាក់ថា ជំនាញវិជ្ជាជីវៈ «មរតកដូនតា» ដែលប្រមុខ​រាជរដ្ឋាភិបាលបាន​លើក​ឡើង គឺសំដៅ​ដល់ជំនាញរបស់ដូនតាខ្មែរ ដែល​មាន​ដូចជា​ ជាង​ចម្លាក់ ស្មូន គំនូរ តម្បាញហូល ផាមួង ជាដើម។

ឯកឧត្តម ឡុង ប៉ុណ្ណាស៊ីរីវត្ថ អ្នកនាំពាក្យ​ក្រសួងវប្បធម៌ និង​វិចិត្រសិល្បៈ មានប្រសាសន៍ថា ការផ្តួចផ្តើម​បណ្តុះបណ្តាលជំនាញវិជ្ជាជីវៈ «មរតកដូនតា» សម្តេចប្រមុខរាជរដ្ឋាភិបាលមានចក្ខុវិស័យវែងឆ្ងាយ ដោយសម្តេច​ចង់ឱ្យ​យើងធ្វើអ្វីត្រូវរក្សា​អភិរក្ស​នូវ​សម្បត្តិដូនតា​ ឬចំណេះជំនាញ​ដូនតាបន្សល់មក ក៏​ដូចជាបញ្រ្ជាបឱ្យ​ប្រជាពលរដ្ឋចូលរួម​ថែរក្សា ហើយ​ពួកគាត់​អាចយកជំនាញនោះ​ទៅធ្វើជាអាជីពបានទៀត។យ៉ាងណាក៏ដោយសម្រាប់គម្រោងនេះ ក្រសួងវប្បធម៌កំពុងតែរៀបចំផែនការក្នុងការបណ្តុះបណ្តាលហើយ ដោយ​​អាច​នឹងចាប់ផ្តើម​នៅ​ដើម​ឆ្នាំក្រោយ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

បណ្ឌិត្យ​សភា​នគរបាល​កម្ពុជា ផ្តល់​អាហារូបករណ៍​៤០០កន្លែង សម្រាប់​សិស្ស​និស្សិត​ដែល​ចង់​ក្លាយ​ជា​មន្រ្តី​នគរបាល

ព័ត៌មានអាហារូបករណ៍, ព្រឹត្តិការណ៍

• 19/11/2024

ក្រសួង​មហាផ្ទៃ​កាលពី​ពេលថ្មីៗ​នេះ​បាន​ប្រកាស​ដល់​សាធារណជន ក៏​ដូចជា​សិស្ស និស្សិត ដែល​មាន​បំណង​ក្លាយ​ជា​នាយ​នគរបាល និង​នាយ​នគរបាល​រង​បន្តវេន ក្នុង​ក្រប​ខ័ណ្ឌ​មន្រ្តី​នគរបាលជាតិ សូម​ត្រៀម​ខ្លួន​ក្នុង​ការ​ដាក់ពាក្យ​ប្រឡង​ប្រជែង​ទទួល​យក​អាហារូបករណ៍...

កម្មវិធីអាហារូបករណ៍ SHE-CAN ផ្តល់ឱកាស​ដល់និស្សិតស្រ្តីកម្ពុជា ទៅ​សិក្សា​នៅ​សហរដ្ឋអាមេរិក

ព័ត៌មានអាហារូបករណ៍, ព្រឹត្តិការណ៍

• 05/07/2023

កម្មវិធីអាហារូបករណ៍ SHE-CAN ដែលជាកម្មវិធីភាពជាអ្នកដឹកនាំមានមូលដ្ឋាននៅសហរដ្ឋអាមេរិក បានប្រកាស​ផ្តល់អាហារូបករណ៍ដល់និស្សិតស្ដ្រីឆ្នើមកម្ពុជា...

អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ពីរដ្ឋាភិបាលប៊ែលហ្សិកឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 10/06/2025

កម្មវិធីអាហារូបករណ៍រដ្ឋាភិបាលប៊ែលហ្សិក ប្រកាសជ្រើសរើសនិស្សិតអន្តរជាតិសិក្សាអាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងវគ្គបណ្ដុះបណ្ដាលផ្សេងៗ នៅសាកលវិទ្យាល័យជាច្រើនក្នុងប្រទេសប៊ែលហ្សិកសម្រាប់ឆ្នាំសិក្សា២០២៥-២០២៦។

អាហារូបករណ៍ប្រភេទ B ថ្នាក់ឧត្ដមសិក្សានៅសាកលវិទ្យាល័យធានជីន ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 31/01/2025

កម្មវិធីអាហារូបករណ៍រដ្ឋាភិបាលចិនប្រភេទ B ប្រកាសជ្រើសរើសនិស្សិតអាហារូបករណ៍ថ្នាក់ឧត្ដមសិក្សា សិក្សានៅសាកលវិទ្យាល័យធានជីន សម្រាប់ឆ្នាំសិក្សា២០២៥។

អាហារូបករណ៍ថ្នាក់បណ្ឌិតពី Hong Kong PhD Fellowship Scheme ឆ្នាំ២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 12/09/2025

ឱកាសសិក្សាអាហារូបករណ៍ថ្នាក់បណ្ឌិតពីកម្មវិធី Hong Kong PhD Fellowship Scheme (HKPFS) នៅទីក្រុងហុងកុង ឆ្នាំ២០២៦-២០២៧។ អាហារូបករណ៍ជ្រើសរើសនិស្សិតសិក្សាលើថ្នាក់បណ្ឌិតច្រើនជាង៤០០នាក់ទូទាំងពិភពលោក។

វិទ្យាស្ថានពហុបច្ចេកទេស​ភូមិភាគ​តេជោសែនតាកែវ ផ្តល់អាហារូបករណ៍ ៨៧០កន្លែង សម្រាប់​ថ្នាក់សញ្ញាបត្រជាន់ខ្ពស់បច្ចេកទេស

ព័ត៌មានអាហារូបករណ៍, ព្រឹត្តិការណ៍

• 03/10/2025

នៅក្នុងឆ្នាំសិក្សា​២០២៥-២០២៦នេះ វិទ្យាស្ថាន​ពហុបច្ចេកទេស​ភូមិភាគ​តេជោសែនតាកែវ បានប្រកាស​ពីការផ្តល់​អាហារូបករណ៍​រហូត​ដល់ ៨៧០កន្លែង សម្រាប់ថ្នាក់សញ្ញាបត្រ​ជាន់ខ្ពស់​បច្ចេកទេស (បរិញ្ញាបត្ររង) ដល់យុវជនដែលបានបញ្ចប់ថ្នាក់មធ្យមសិក្សា​។

សិក្សាជំនាញឥតគិតថ្លៃចំនួន ៦៦០កន្លែង នៅ​វិទ្យាស្ថានពហុបច្ចេកទេស​ខេត្តកំពង់ឆ្នាំង

ព័ត៌មានអាហារូបករណ៍, ព្រឹត្តិការណ៍

• 18/09/2024

សម្រាប់យុវជន ក៏​ដូចជា​បងប្អូនប្រជាពលរដ្ឋ​ដែលរស់​នៅ​ខេត្តកំពង់ឆ្នាំង មានបំណង​ចង់សិក្សា​ជំនាញវិជ្ជាជីវៈ និង​បច្ចេកទេស, វិទ្យាស្ថាន​ពហុបច្ចេកទេស​ខេត្តកំពង់ឆ្នាំង កំពុងជ្រើសរើស​យុវជន​ឱ្យ​ចូលសិក្សា​ដោយឥតគិតថ្លៃ​លើជំនាញជាច្រើន​សរុបចំនួន ៦៦០កន្លែង។

អាហារូបករណ៍ថ្នាក់បរិញ្ញាបត្រចំនួន៤០កន្លែងពីអង្គការសម្រេចសុបិនកុមារ ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 20/07/2023

ឱកាសសិក្សាអាហារូបករណ៍ថ្នាក់បរិញ្ញាបត្រសម្រាប់សិស្សនិស្សិតចំនួន៤០កន្លែង ពីអង្គការសម្រេចសុបិនកុមារក្នុងឆ្នាំសិក្សា២០២៣-២០២៤ ។ អាហារូបករណ៍ឧបត្ថម្ភការសិក្សារបស់បេក្ខឱ្យសិក្សានៅតាមសាកលវិទ្យាល័យ...

៤គន្លឹះ អាចជួយអ្នកឱ្យ​ទទួលបានអាហារូបករណ៍

ព័ត៌មានអាហារូបករណ៍, ព្រឹត្តិការណ៍

• 18/04/2025

ការទទួលបានអាហារូបករណ៍គឺជាឱកាសដ៏ល្អសម្រាប់សិស្សានុសិស្សដែលចង់បន្តការសិក្សាទាំងក្នុង ឬក្រៅប្រទេស។ ទោះជាអាហារូបករណ៍មានការប្រកួតប្រជែងខ្ពស់ក៏ដោយ តែការត្រៀម​ខ្លួន​ឱ្យ​រួចរាល់ អាចជួយពង្រីកឱកាសដល់អ្នកបាន...