ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្នុងពិធីប្រគល់សញ្ញាបត្រជូននិស្សិត នៃសាកលវិទ្យាល័យភូមិន្ទនីតិសាស្រ្ត និងវិទ្យាសាស្រ្តសេដ្ឋកិច្ច នាព្រឹកថ្ងៃទី២៦ ខែកញ្ញា ឆ្នាំ២០២៤ សម្តេចធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា លើកឡើងថា មូលដ្ឋាននៃចំណេះដឹង មានអត្ថប្រយោជន៍ខ្លាំងណាស់សម្រាប់ប្រទេសជាតិយើង ដែលអាចឱ្យយើងចេះបត់បែន មានភាពធន់ និងមានការប្រកួតប្រជែង។
សម្តេចធិបតីមានប្រសាសន៍ថា នៅពេលដែលមនុស្សមានចំណេះដឹង និងកម្រិតវប្បធម៌កាន់តែខ្ពស់ ធ្វើឱ្យពួកគេមានការយល់ដឹងកាន់តែទូលំទូលាយ ដែលអាចបត់បែនបានតាមស្ថានភាពប្រែប្រួល នៃសង្គម និងពិភពលោក។
ជាមួយគ្នានេះ សម្តេចធិបតីក៏បានមានប្រសាសន៍លើកឡើងដែរថា រាជរដ្ឋាភិបាលកម្ពុជាបានវិនិយោគយ៉ាងច្រើនទៅលើវិស័យអប់រំ, ការវិនិយោគនេះ ក៏ព្រោះតែចង់ឱ្យប្រជាពលរដ្ឋមានសមត្ថភាព មានលទ្ធភាពរស់ដោយខ្លួនឯង រស់ប្រកបដោយចីរភាព ហើយប្រជាពលរដ្ឋជាអ្នកកំណត់កម្លាំងរបស់ជាតិ តាមរយៈរូបភាពមួយចំនួន ៖ ទី១-ចំណេះដឹងបង្កើនសមត្ថភាពមនុស្សក្នុងការប្រកួតប្រជែង, ទី២-ចំណេះដឹងជួយឱ្យមនុស្សមានឯករាជ្យភាពម្ចាស់ការក្នុងកំណត់ជីវិតការងារ និងជីវភាពរស់នៅប្រចាំថ្ងៃឱ្យកាន់តែប្រសើរ និង ទី៣-ចំណេះដឹងក៏ធានាឱ្យយើងនូវភាពធន់ ភាពបត់បែននៅក្នុងការចាប់យកឱកាស។ សម្តេចសង្កត់ធ្ងន់ថា ការវិនិយោគទៅលើវិស័យអប់រំបង្កលក្ខណៈឱ្យប្រជាជនយើងអាចប្រកួតប្រជែង និងឱ្យប្រទេសយើងកាន់តែប្រកួតប្រជែង៕
