ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កាលពីថ្ងៃទី ៦ ខែមេសា ឆ្នាំ ២០២៥ កន្លងទៅនេះ មូលនិធិ Romduol Charity Foundation បានរៀបចំព្រឹត្តិការណ៍ “Romduol Children Fun Run” នៅទីតាំង The Elyseé កោះពេជ្រ រៃអង្គាសថវិកាដែលទទួលបានពីការទិញសំបុត្ររបស់អ្នកចូលរួមដើម្បីជួយទៅដល់ភូមិកុមារកម្ពុជា SOS (SOS Children’s Village Cambodia)។
គួរបញ្ជាក់ថា ភូមិកុមារ SOS ជាសមាជិក មួយនៃសហព័ន្ធអន្តរជាតិ SOS Children’s Villages International Federation។ អង្គការនេះតស៊ូក្នុងបេសកកម្មដ៏សំខាន់បំផុត ដើម្បីកែលម្អជីវិត កុមារ និងយុវជនដែលខ្វះខាតនិងបាត់បង់ការថែទាំពីឪពុកម្តាយ, គ្រួសារ SOS ផ្តល់ការថែទាំដល់កុមារ ដែរនេះបានបង្កប់នូវសារដ៏សំខាន់មួយគឺ “No child should grow up alone“។ គ្មានកុមារណាម្នាក់គួរត្រូវបានមេីលរំលង និងមិនទទួលបានការថែទាំនោះទេ ពោលគឺពួកគាត់សមនឹងទទួលបានការថែទាំ និងជ្រោមជ្រែងពីអ្នកនៅជុំវិញខ្លួន និងទទួលបាននូវក្តីស្រឡាញ់ផងដែរ។ យើងរួមគ្នាចែករំលែកក្តីស្រឡាញ់ និងភាពទទួលខុសត្រូវសម្រាប់កុមារក្នុងសង្គមជាតិយេីង។
កម្មវិធីរត់សប្បុរសធម៌នេះទទួលបានការចូលរួមប្រមាណជាង ១២០០នាក់ ពីគ្រប់វ័យទាំងអស់ ដែលនេះសរបញ្ជាក់ឱ្យឃេីញពីស្មារតីរួបរួមរបស់បងប្អូនជនរួមជាតិខ្មែរយេីងក្នុងការលេីកកម្ពស់ការរស់នៅរបស់កុមារ ព្រមទាំងទទួលបានការគាំទ្រ និង កិច្ចសហការណ៍ពីបណ្តារដៃគូ និងក្រុមហ៊ុនជាច្រើននៅភ្នំពេញ ដូចជា OCIC/Koh Pich សម្រាប់ទីតាំងនិងសេវាសន្តិសុខ ហាងលក់សម្ភារៈអេឡិចត្រូនិចផ្សេងៗ (Mibro, QCY,…) និងផ្តល់នូវអាហារសម្រន់ពីហាងផ្សេងៗ ( Boost,Matcha venture,Yole,the enchanted chocolate, Jek piseth, the family BBQ…) ផងដែរ។
ជាកិច្ចបញ្ចប់នៃកម្មវិធីក៏មានការប្រគល់មេដាយដល់អ្នកចូលរួមទាំងអស់ ព្រមទាំងរង្វាន់លើកទឹកចិត្តដល់អ្នករត់លឿនចំណាត់ថ្នាក់លេខ១ ដល់លេខ៣ សម្រាប់វិញ្ញាសារ៣គីឡូម៉ែត្រ និង ៨គីឡូម៉ែត្រ និងការប្រកួត PUSH UP សម្រាប់អ្នកចូលរួមនារី និងបុរសផងដែរ។
តាមរយៈភាពជោគជ័យ នៃកម្មវិធី Romduol Children Funrun នេះ មូលនិធិ Romduol Charity Foundation បានប្រមូលថវិការទទួលបានពីការរត់នេះសម្រាប់ជួយដល់ភូមិកុមារ SOS និងបានផ្តល់នូវក្តីស្រឡាញ់ ស្នាមញញឹមជាច្រើនដល់ក្មេងៗ ព្រមទាំងពេលវេលាដ៏មានតម្លៃមួយដល់អ្នកចូលរួម៕
