អ្នកនាំពាក្យ ៖ ពិព័រណ៍​ការងារ និងផលិតភាពជាតិ ជាឱកាសដកពិសោធន៍ផ្ទាល់របស់យុវជន ឈានទៅ​ចាប់យកអនាគត​អាជីព និងមុខរបរ

ពិព័រណ៍​ការងារ និង​ផលិតភាពជាតិ ឆ្នាំ​២០២៤នេះ គ្រោងនឹងប្រព្រឹត្តទៅ​រយៈពេល២ថ្ងៃ ចាប់ពីថ្ងៃទី២៦ និង​ថ្ងៃទី២៧ ខែតុលា ឆ្នាំ២០២៤ ខាងមុខ នៅ​សាល​ពាណិជ្ជកម្ម និង​ពិព័រណ៍កោះពេជ្រ ដោយមានក្រុមហ៊ុនសហគ្រាស​ប្រមាណ ១៥០ចូលរួមផ្តល់ព័ត៌មានជ្រើសរើស​កម្លាំងពលកម្ម​ប្រមាណជាង៣ម៉ឺនកន្លែង។ អ្នកនាំពាក្យ​ក្រសួងការងារ និង​បណ្តុះបណ្តាលវិជ្ជាជីវៈ លើកឡើងថា ព្រឹត្តិការណ៍​ដ៏ធំប្រចាំឆ្នាំមួយនេះ គឺជា​ឱកាស​របស់យុវជនក្នុងការស្វែង​យល់ និង​ដកពិសោធន៍ពីអាជីពការងារ​ដែលទីផ្សារ​កំពុងមានតម្រូវការ មុនឈាន​ទៅ​ចាប់យក​អនាគត​អាជីព មុខរបរ​របស់ខ្លួន។

ក្នុងសន្និសីទ​សារព័ត៌មាន នាព្រឹកថ្ងៃទី១៧ ខែតុលា នៅទីស្តីការក្រសួងការងារ និង​បណ្តុះបណ្តាលវិជ្ជាជីវៈ ឯកឧត្តម កត្តា អ៊ន រដ្ឋលេខាធិការ និង​ជាអ្នកនាំពាក្យ​ក្រសួងការងារ មានប្រសាសន៍ថា ជារៀងរាល់ឆ្នាំ ទីភ្នាក់ងារជាតិមុខរបរ និង​ការងារ (NEA) តែងសហការជាមួយ​ដៃគូពាក់ព័ន្ធរៀបចំពិព័រណ៍ការងារ និងផលិតភាពជាតិ ដោយគិតមកដល់ពេលនេះ គឺជាលើកទី១៤ហើយ។ បើតាម ឯកឧត្តមអ្នកនាំពាក្យ ការរៀបចំពិព័រណ៍ការងារ និងផលិតភាពជាតិនេះ គឺធ្វើឡើងក្នុងបំណងផ្តល់ជាវេទិកា​ឱ្យ​និយោជក និងអ្នកស្វែង​រក​ការងារធ្វើបានជួបគ្នាដោយផ្ទាល់ ហើយយុវជនដែលចូលរួមក្នុងព្រឹត្តិការណ៍នេះ ក៏​អាចសម្លឹងមើលពីឱកាស​ការងារ មុខតំណែង​ការងារ ដែលខ្លួនប៉ងស្រម៉ៃដោយផ្ទាល់ ព្រមទាំងអាចដកពិសោធន៍តាមរយៈ​ការ​ចូលសម្ភាសន៍ការងារ ក៏​ដូចជា​របៀបនៃការ​ដាក់ប្រវត្តិរូប (CV) ការប្រឹក្សាយោបល់អំពីការងារ មុនឈានទៅ​ចាប់យក​ជំនាញ និង​អាជីព​សម្រាប់អនាគត​របស់ខ្លួន។

ឯកឧត្តម កត្តា អ៊ន រដ្ឋលេខាធិការ និង​ជាអ្នកនាំពាក្យ​ក្រសួងការងារ និងបណ្តុះបណ្តាលវិជ្ជាជីវៈ

លើសពីនេះ នៅក្នុងព្រឹត្តិការណ៍​ពិព័រណ៍ការងារ និងផលិតភាពជាតិ ក៏​មានជាវេទិកា​ចែករំលែកបទពិសោធន៍​ ចំណេះដឹងពីវាគ្មិន​ដែលមានជំនាញ មានបទពិសោធន៍​ការងារច្រើនឆ្នាំ​ដល់យុវជន ក៏​ដូចជា​សាធារណៈជន ពីសារសំខាន់ នៃការ​បង្កើនផលិតភាព​ការងារ សហគ្រិនភាព បញ្ហាប្រឈម​នៃផលិតភាពជាដើម។

លោក សន ប៊ុនមាន ប្រធានលេខាធិការដ្ឋាន នៃសហភាពសហព័ន្ធយុវជន​កម្ពុជា រាជធានីភ្នំពេញ មានប្រសាសន៍ថា ស.ស.យ.ក រាជធានីភ្នំពេញ បានធ្វើជាដៃគូជាមួយនឹង NEA ចាប់តាំងពីពិព័រណ៌ការងារចាប់ផ្តើមជាលើកដំបូងមក ហើយតែងតែជួយផ្សព្វផ្សាយដើម្បីជំរុញឱ្យមានការចូលរួមកាន់តែច្រើនតាមរយៈបណ្តាញ ស.ស.យ.ក. នៅទូទាំងប្រទេស ដោយលោកចាត់ទុកថា ព្រឹត្តិការណ៍នេះជាថ្នាលបណ្តុះបណ្តាលយុវជនដ៏ល្អសម្រាប់ការដកយកបទពិសោធន៍ ហើយ​នឹងការប្រឡូក​ទៅនឹងការងារជាក់ស្តែង។ ជាមួយគ្នានេះ លោក​ក៏​អំពាវនាវដល់យុវជន សិស្ស និស្សិត លៃលកពេលវេលា​នៅថ្ងៃទី២៦ និង​ថ្ងៃទី២៧ ខែតុលា ខាងមុខ ចូលរួមទស្សនាស្តង់ពិព័រណ៍ការងារដោយផ្ទាល់ ហើយ​ព្យាយាម​ចាប់យក​ឱកាស ក៏​ដូចជា​សាកល្បងដាក់ពាក្យ​សម្ភាសន៍ការងារ​ដើម្បីយកបទពិសោធន៍។

“សូមកុំភ្លេចភ្ជាប់នូវប្រវត្តិរូបសង្ខេប ឬ CV អាចអញ្ជើញទៅស្តង់ណាដែលចាប់អារម្មណ៍ សាកល្បងជាមួយនឹងការដាក់ពាក្យ…ស្វែងយល់​ខ្លួន​ឯងថា ចង់សាកល្បង ឬចាប់យក​ឱកាស​ការងារមួយណាដែលត្រូវនឹងជំនាញ ទេពកោសល្យ ហើយនឹងទំនាក់ទំនងរបស់ខ្លួន សាកល្បងសម្ភាសន៍ នៅនឹងកន្លែងផ្ទាល់តែម្តងបាន…”

លោក សាយ រតនៈ ប្រធានជាន់ខ្ពស់ផ្នែក​បណ្តុះបណ្តាល និងអភិវឌ្ឍបុគ្គលិក ក្រុមហ៊ុន RMA Cambodia

លោក សាយ រតនៈ ប្រធានជាន់ខ្ពស់ផ្នែក​បណ្តុះបណ្តាល និងអភិវឌ្ឍបុគ្គលិក ក្រុមហ៊ុន RMA Cambodia បានធ្វើការវាយតម្លៃខ្ពស់ចំពោះព្រឹត្តិការណ៍​ពិព័រណ៍​ការងារថ្នាក់ជាតិ ដែលរៀបចំ​ដោយ​ទីភ្នាក់ងារជាតិ មុខរបរ និង​ការងារ ដោយថា ជាវេទិកា​ដ៏​មានសារៈប្រយោជន៍​សម្រាប់ប្រជាជន​កម្ពុជាទាំងមូល បានមើលឃើញពីទិដ្ឋភាព​រួម និង​និន្នការ​របស់ទីផ្សារ​ការងារ​ក្នុង​ប្រទេស​កម្ពុជា។ លោកបញ្ជាក់ថា ក្នុងនាមវិស័យ​ឯកជនឧស្សាហកម្ម RMA រីករាយ​ដែលបាន​ចូលរួមជាតួអង្គមួយ​នៅក្នុង​កិច្ចការនេះ ហើយ​ចង់ឃើញវេទិកាមួយនេះមានការ​ចូលរួមពី​គ្រប់វិស័យ​ឯកជន​ឱ្យ​កាន់តែ​ច្រើនផុសផុលពីមួយឆ្នាំ ទៅមួយ​ឆ្នាំ ហើយ​ក៏​សូម​ឱ្យ​យុវជន​កម្ពុជា ប្រជាពលរដ្ឋ អ្នកអាណាព្យាបាល សិស្ស និស្សិត ចូលរួមនៅ​ថ្ងៃទី១៦ និងថ្ងៃទី១៧ ខែតុលា ឆ្នាំ២០២៤ខាងមុខ ឱ្យបានច្រើន ដើម្បីទាំងអស់គ្នា​ពិនិត្យមើលពីនិន្នាការ ពីអនាគត​ទីផ្សារ​ការងាររបស់យើង ក៏​ដូចជា​របស់កូនចៅយើង៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

មជ្ឈមណ្ឌលអន្តេវាសិកនិស្សិតនារី ប្រកាសជ្រើសរើសនិស្សិតនារី ១២០នាក់ឱ្យទទួលបានការស្នាក់នៅក្នុងឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 27/08/2025

ដោយមានការគាំទ្រ និងលើកទឹកចិត្តដល់វិស័យអប់រំ ក្រសួងអប់រំ យុវជន និងកីឡា ប្រកាសជ្រើសរើសនិស្សិតនារីចំនួន១២០នាក់ ឱ្យទទួលបានកន្លែងស្នាក់នៅបណ្ដោះអាសន្ន នៃអន្តេវាសិកនិស្សិតនារី ក្នុងឆ្នាំសិក្សា២០២៥-២០២៦។

CGTI ផ្ដល់អាហារូបករណ៍ចំនួន៥០កន្លែងសម្រាប់សិស្សថ្នាក់ទី១២

ព័ត៌មានអាហារូបករណ៍, ព្រឹត្តិការណ៍

• 20/08/2025

វិទ្យាស្ថាន​បណ្តុះបណ្តាល​ឯកទេស​សម្រាប់​ឧស្សាហកម្ម​កាត់ដេរ ឬហៅថា CGTI ប្រកាសជ្រើសរើសសិស្សានុសិស្ស ចូលសិក្សាក្នុងវគ្គបណ្ដុះបណ្ដាលចំនួន៥០កន្លែង។ អាហារូបករណ៍ផ្ដល់ជូនសម្រាប់សិស្សានុសិស្ស...

អាហារូបករណ៍ថ្នាក់បរិញ្ញាបត្រចំនួន១០កន្លែងនៅវិទ្យាស្ថាន វ៉ាន់ដា ឆ្នាំសិក្សា​២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 07/12/2023

ឱកាសសិក្សាអាហារូបករណ៍ថ្នាក់បរិញ្ញាបត្រចំនួន១០កន្លែងពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិសម្រាប់សិស្ស-និស្សិតទូទាំងប្រទេសឱ្យសិក្សាថ្នាក់បរិញ្ញាបត្រ សិក្សា...

សាកលវិទ្យាល័យភូមិន្ទភ្នំពេញជ្រើសរើសនិស្សិត​អាហារូបករណ៍ថ្នាក់បរិញ្ញាបត្រជាន់ខ្ពស់ផ្នែកគីមី

ព័ត៌មានអាហារូបករណ៍, ព្រឹត្តិការណ៍

• 25/01/2023

សាកលវិទ្យាល័យភូមិន្ទភ្នំពេញប្រកាសប្រឡងជ្រើសរើសនិស្សិតអាហារូបករណ៍ថ្នាក់បរិញ្ញាបត្រជាន់ខ្ពស់ផ្នែកគីមីជំនាន់ទី៣ សម្រាប់ឆ្នាំសិក្សា២០២២-២០២៣ ។...

វិទ្យាស្ថានជាតិពហុបច្ចេកទេសអង្គរ ជ្រើសរើសសិស្សចូលរៀនជំនាញបច្ចេកទេសចំនួន៦០០នាក់

ព័ត៌មានអាហារូបករណ៍, ព្រឹត្តិការណ៍

• 30/10/2023

សម្រាប់សិស្សនិស្សិតនៅខេត្តសៀមរាប ពេលនេះ វិទ្យាស្ថានជាតិពហុបច្ចេកទេសអង្គរ (NPIA) ប្រកាស​ទទួលពាក្យសម្រាប់ការសិក្សា​ជំនាញបច្ចេកទេស និង​វិជ្ជាជីវៈ ដោយទទួលបានអាហារូបករណ៍១០០ភាគរយ ចំនួន ៦០០នាក់...

ឱកាសសិក្សាថ្នាក់បរិញ្ញាបត្រជាន់ខ្ពស់អប់រំឯកទេសការអប់រំបឋមសិក្សា ចំនួន២០នាក់ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 08/01/2025

ក្រសួងអប់រំ យុវជន និងកីឡា និង អង្គការយូណេស្កូ ប្រកាសជ្រើសរើសបុគ្គលិកអប់រំ ចូលសិក្សាថ្នាក់បរិញ្ញាបត្រជាន់ខ្ពស់អប់រំឯកទេសការអប់រំបឋមសិក្សា នៅវិទ្យាស្ថានគរុកោសល្យរាជធានីភ្នំពេញ ក្រោមកម្មពីធីពង្រឹងការអប់រំគ្រូបង្រៀននៅកម្ពុជា...

អាហារូបករណ៍ថ្នាក់បរិញ្ញាបត្រ ៤០កន្លែង សិក្សា​នៅសាកលវិទ្យាល័យ Ton Duc Thang ប្រទេស​វៀតណាម

ព័ត៌មានអាហារូបករណ៍, ព្រឹត្តិការណ៍

• 02/11/2026

សាកលវិទ្យាល័យ Ton Duc Thang ប្រទេស​វៀតណាម នឹង​ផ្តល់អាហារូបករណ៍ចំនួន ៤០កន្លែង ដល់​និស្សិត​កម្ពុជា សម្រាប់ការ​សិក្សាថ្នាក់បរិញ្ញាបត្រ

ឱកាសសិក្សាថ្នាក់បរិញ្ញាបត្រជាន់ខ្ពស់បណ្ឌិតផ្នែក AI នៅសាកលវិទ្យាល័យជាតិ Chungbok ប្រទេសកូរ៉េ

ព័ត៌មានអាហារូបករណ៍, ព្រឹត្តិការណ៍

• 05/04/2023

ជាឱកាសសម្រាប់អ្នកចង់បន្ត​ការសិក្សា​ លើជំនាញ AI Processor Chip Design និង AI Deep Learning Image Recognition ពេល​នេះ​សាកលវិទ្យាល័យជាតិ Chungbok ...

អាហារូបករណ៍អភិសន្តិបណ្ឌិត ស សុខា ផ្ដល់អាហារូបករណ៍ថ្នាក់ឧត្ដមសិក្សា៤០០កន្លែងនៅវិទ្យាស្ថានខ្មែរជំនាន់ថ្មី

ព័ត៌មានអាហារូបករណ៍, ព្រឹត្តិការណ៍

• 16/10/2024

ឱកាសសិក្សាអាហារូបករណ៍ចំនួន៤០០កន្លែងនៅវិទ្យាស្ថានខ្មែរជំនាន់ថ្មីសិក្សាថ្នាក់ឧត្ដមសិក្សាពីកម្មវិធីអាហារូបករណ៍អភិសន្តិបណ្ឌិត ស សុខា សម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្ររង បរិញ្ញាបត្រ និងបរិញ្ញាបត្រជាន់ខ្ពស់។



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *