៤ចំណុចគាំទ្រឱ្យ ការសិក្សា បែបសហការទទួលបានប្រសិទ្ធភាព

ភ្នំពេញ- មានហេតុផលចំនួនបួនចំណុចដែលនាំឱ្យការសិក្សាបែបសហការមានប្រសិទ្ធភាព រួមមាន សិស្សភាគច្រើនសិក្សាយ៉ាងសកម្ម សិស្សរៀនជួយគ្នាទៅវិញទៅមក ការគាំទ្របែបបណ្ដាញជួយកុមារ និងកម្លាំងទឹកចិត្តកើនឡើងតាមរយៈភាពជោគជ័យ ។ ទន្ទឹមគ្នានេះ ការអនុវត្តការបង្រៀនដែលផ្តល់ឱកាសឱ្យសិស្សរៀនរួមគ្នាជាក្រុមតូច គេហៅថា ការសិក្សាបែបសហការ។ ការសិក្សាបែបសហការ គឺសិស្សកំពុងរៀនជាមួយគ្នាក្នុងក្រុម ដែលគេបានរៀបចំជារចនាសម្ព័ន្ធដើម្បីឱ្យសមាជិកក្រុមសហការគ្នាធ្វើកិច្ចការឱ្យបានជោគជ័យ ។ នេះបើតាមឯកសារណែនាំថ្មីសម្រាប់គ្រូបង្រៀន «ការសិក្សាបែបសហការៈ ទ្រឹស្ដី និងការអនុវត្ត» ក្នុងកម្មវិធីសាលារៀនដើម្បីជីវិត របស់ទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិ (USAID)។

ទី១. សិស្សភាគច្រើនសិក្សាយ៉ាងសកម្ម៖ ការសិក្សាបែបសហការជួយឱ្យសិស្សភាគច្រើនចូលរួមក្នុងការសិក្សាច្រើនជាងវិធីសាស្ត្រគ្រូមជ្ឈមណ្ឌល ឬ ការឧទេសបង្ហាញពីគ្រូបង្រៀន។ ក្នុងការប្រើប្រាស់កន្លងមកថ្មីៗនេះ មានតែសិស្សដែលមានសមត្ថភាពម្នាក់ ឬពីរនាក់ប៉ុណ្ណោះដែលមានសមត្ថភាពលើការសិក្សាក្នុងពេលដំណាលគ្នា ។ តាមរយៈការប្រើប្រាស់វិធីសាស្ត្រសិស្សធ្វើការរួមគ្នាជាក្រុម ហើយចូលរួមយ៉ាងសកម្មក្នុងកិច្ចការសិក្សា នោះសិស្សនឹងក្លាយជាអ្នកចូលរួមយ៉ាងសកម្មច្រើនឡើងៗទៅក្នុងការសិក្សាផ្ទាល់ខ្លួន ដែលផ្ទុយនឹងការរៀនបែបអសកម្មដោយសិស្សចាំតែទទួលចំណេះដឹងពីគ្រូបង្រៀន ពោលគឺគេចាំតែស្តាប់ សង្កេត និងកត់ត្រាតែប៉ុណ្ណោះ ។

២. សិស្សរៀនជួយគ្នាទៅវិញទៅមក៖ ការសិក្សាបែបសហការលើកទឹកចិត្តសិស្សឱ្យចេះគាំទ្រមិត្តរួមថ្នាក់នៅក្នុងក្រុម ជាជាងការប្រជែងគ្នាទៅវិញទៅមក ។ ទន្ទឹមគ្នានេះ ការសិក្សាតាមរបៀបនេះ សិស្សអាចរួមផ្សំជំនាញ ឬទេព្យកោសល្យរបស់ពួកគេ និងជួយគ្នាទៅវិញទៅមក ។ ម៉្យាងវិញទៀត សិស្សធ្វើការរួមគ្នាដើម្បីរៀន និងទទួលការខុសត្រូវចំពោះការសិក្សារបស់សមាជិកក្រុម ព្រមទាំងការសិក្សាផ្ទាល់ខ្លួនរបស់ពួកគេ។

៣. ការគាំទ្របែបបណ្ដាញជួយកុមារ៖ ការសិក្សាបែបសហការផ្តល់នូវឱកាសឱ្យសិស្សដែលមានសមត្ថភាពខ្ពស់ជួយសិស្សដែលជាអ្នករៀនយឺត ។ ទន្ទឹមគ្នានេះ សិស្សដែលមានសមត្ថភាពខ្ពស់ទាំងនេះប្រហែលជាអាចប្រាស្រ័យទាក់ទងជាមួយមិត្តភក្តិរបស់ពួកគេបានយ៉ាងងាយស្រួលជាងគ្រូបង្រៀនរបស់ពួកគេ ។ ម៉្យាងវិញទៀត ការជួយគាំទ្រពីសិស្សទាំងអស់នេះអាចបង្កើនបរិមាណនៃការពន្យល់នៅក្នុងថ្នាក់រៀនផងដែរ ។

៤. កម្លាំងទឹកចិត្តកើនឡើងតាមរយៈភាពជោគជ័យ៖ ការសិក្សាបែបសហការជួយបង្កើនកម្លាំងទឹកចិត្តជាច្រើនតាមរយៈការផ្តល់ឱកាសឱ្យសិស្សភាគច្រើនទទួលបានភាពរីករាយ និងជោគជ័យពីការសិក្សា ។ ទន្ទឹមគ្នានេះ នៅក្នុងថ្នាក់រៀនដែលអនុញ្ញាតឱ្យសិស្សបំពេញកិច្ចការជាបុគ្គលអាចមានសិស្សតែពីរបីនាក់ដែលមានសមត្ថភាពទើបអាចទទួលបានបទពិសោធន៍ពីការសិក្សាបែបនេះ ។ ផ្ទុយទៅវិញ នៅក្នុងថ្នាក់រៀនដែលមានការបែងចែកសិស្សជាក្រុមបែបសហការ មានទាំងសិស្សសមត្ថភាពខ្ពស់ និងសិស្សសមត្ថភាពទាបនៅជាមួយគ្នា នោះឱកាសទទួលបានជោគជ័យក្នុងការសិក្សាសម្រាប់សិស្សមានភាគរយច្រើន។

គួរជម្រាបជូនថា លទ្ធផលស្រាវជ្រាវជាច្រើនបានសន្និដ្ឋានថា យុទ្ធសាស្ត្រការសិក្សាបែបសហការនៅក្នុងថ្នាក់រៀនផ្តល់នូវភាពជោគជ័យយ៉ាងខ្លាំងទាំងផ្នែកសមិទ្ធិផលការសិក្សា ព្រមទាំងការអភិវឌ្ឍសីលធម៌ និងតម្លៃ ៕

កញ្ញា វ៉ាន គីមសល់ | Ms. Van Kimsal

កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។

របាយការណ៍ថ្មី

មើលទាំងអស់ ➧

ប្រទេសកម្ពុជា

បទយកការណ៍, ព័ត៌មានជាតិ និងអន្តរជាតិ, ព័ត៌មានអន្តរជាតិ

• 28/05/2026

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout

ចំណេះជីវិត, បទយកការណ៍, ព្រឹត្តិការណ៍

• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង

បទយកការណ៍, ព័ត៌មានអន្តរជាតិ, ព្រឹត្តិការណ៍

• 13/04/2026

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បរិញ្ញាបត្រជាន់ខ្ពស់ជំនាញសុរិយោដី និងអភិរក្ស ១០០% និង៥០% នៅសាកលវិទ្យាល័យអន្តរជាតិ

ព័ត៌មានអាហារូបករណ៍, ព្រឹត្តិការណ៍

• 09/02/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យអន្តរជាតិ(IU) ចំនួន២៧កន្លែងសម្រាប់ឆ្នាំសិក្សា២០២៤។ អាហារូបករណ៍ផ្ដល់ជូន...

ក្រសួងអប់រំប្រកាសពីអាហារូបករណ៍ថ្នាក់វេជ្ជសាស្រ្តទូទៅ និងថ្នាក់ Medical Residency នៅសាធារណរដ្ឋអាស៊ែបៃហ្សង់

ព័ត៌មានអាហារូបករណ៍, ព្រឹត្តិការណ៍

• 06/05/2025

ក្រសួងអប់រំ យុវជន និងកីឡា កាលពីថ្ងៃទី៥ ឧសភា បានជូនដំណឹងថា សាធារណរដ្ឋ អាស៊ែបៃហ្សង់ នឹងផ្តល់អាហារូបករណ៍ដល់និស្សិតកម្ពុជា ចំនួន ៣កន្លែង ក្រោមកម្មវិធីអាហារូបករណ៍ "Heydar Aliyev-International Education Grand Program”

អាហារូបករណ៍ Leading Professionals in Asia Countries ថ្នាក់បណ្ឌិត ឆ្នាំសិក្សា២០២៦ នៅសាកលវិទ្យាល័យ Nagoya ប្រទេសជប៉ុន

ព័ត៌មានអាហារូបករណ៍, ព្រឹត្តិការណ៍

• 25/12/2025

កម្មវិធីអាហារូបករណ៍ Leading Professionals in Asia Countries កំពុងប្រកាសពីការផ្តល់អាហារូបករណ៍ដល់មន្រ្តីរាជការ ឬបុគ្គលដែលស្ថិតនៅក្នុងតំណែងជាថ្នាក់ដឹកនាំក្នុងបណ្តាប្រទេសក្នុងតំបន់អាស៊ីអាគ្នេយ៍...

អាហារូបករណ៍ថ្នាក់អនុបណ្ឌិត និងបណ្ឌិត ពីកម្មវិធី Australia Awards ប្រទេសអូស្រ្តាលី

ព័ត៌មានអាហារូបករណ៍, ព្រឹត្តិការណ៍

• 19/04/2023

កម្មវិធីអាហារូបករណ៍ «Australia Awards Scholarships Intake 2024» របស់រដ្ឋាភិបាលអូស្រ្តាលី សម្រាប់ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត ចាប់ផ្តើមដំណើរការចុះឈ្មោះ...

សហភាពអឺរ៉ុបប្រកាសផ្តល់អាហារូបករណ៍ ៣០កន្លែង ដល់និស្សិត និងអ្នកជំនាញកម្ពុជា ទៅសិក្សាលើវិស័យទឹកនៅអឺរ៉ុប

ព័ត៌មានអាហារូបករណ៍, ព្រឹត្តិការណ៍

• 18/02/2026

ដើម្បីចូលរួមចំណែកក្នុងការអភិវឌ្ឍប្រកបដោយចីរភាព និងពង្រឹងសមត្ថភាពអ្នកជំនាញក្នុងវិស័យទឹកនៅកម្ពុជា សហភាពអឺរ៉ុបប្រចាំកម្ពុជាបានប្រកាសបើកទទួលពាក្យសុំអាហារូបករណ៍ក្រោមកម្មវិធី "European Global Scholarship...

អាហារូបករណ៍៥០កន្លែងទៅសិក្សានៅប្រទេសឥណ្ឌា សម្រាប់ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 28/03/2023

កម្មវិធីអាហារូបករណ៍ ICCR Scholarships បានប្រកាសផ្តល់អាហារូបករណ៍ចំនួន៥០កន្លែងសម្រាប់សិស្សនិស្សិតកម្ពុជា ទៅសិក្សានៅប្រទេសឥណ្ឌា ...

អាហារូបករណ៍ថ្នាក់បរិញ្ញាបត្រជំនាញគណនេយ្យចំនួន១០កន្លែងនៅវិទ្យាស្ថានវ៉ាន់ដាឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 24/10/2024

ឱកាសសិក្សាអាហារូបករណ៍ចំនួន១០កន្លែង សម្រាប់សិក្សាថ្នាក់បរិញ្ញាបត្រ ជំនាញគណនេយ្យ នៅវិទ្យាស្ថាន វ៉ាន់ដា ក្នុងឆ្នាំសិក្សា២០២៤-២០២៥។ អាហារូបករណ៍ជាការគាំទ្រពី ឯកឧត្តមអភិបណ្ឌិត ស សុខា និង លោកជំទាវ កែ សួនសុភី...