ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°ភ្នំពេញ – ផ្ដល់ការអប់រំដល់ស្រ្តីប្រៀបដូចជាការវិនិយោគទៅលើអនាគតក្មេងជំនាន់ក្រោយ ព្រោះស្រី្តអាចរកប្រាក់ចំណូលដោយខ្លួនឯង គ្រប់គ្រងការងារផ្ទះ ដើរតួជាម្ដាយ និងជាគ្រូអប់រំកូនៗរបស់ខ្លួន ។ ទន្ទឹមគ្នានេះ ប្រសិនបើស្រី្តមិនទទួលបានឱកាសអប់រំពេញលេញនឹងធ្វើឱ្យគាត់បាត់បងឱកាសក្នុងការបង្ហាញសក្ដានុពលរបស់ខ្លួន ។ នេះជាការលើកឡើងរបស់លោកជំទាវ គង់ សូរីតា អនុរដ្ឋលេខាធិកាក្រសួងកិច្ចការនារី ក្នុងសន្និបាតប្រចាំឆ្នាំ និងសិក្ខាសាលាអប់រំមួយស្ដីអំពី ផ្នត់គំនិត និងវិធីសាស្រ្តបង្រៀនក្នុងគន្លងថ្មី តាមប្រព័ន្ធអនឡាញ កាលពីថ្ងៃទី១៩ ខែកុម្ភៈ ឆ្នាំ២០២២ ។
លោកជំទាវ គង់ សូរីតា អនុរដ្ឋលេខាធិកាក្រសួងកិច្ចការនារី មានប្រសាសន៍ថា ស្ថានភាពគ្រួសារក្រីក្រអាចបណ្ដាលឱ្យស្រ្តីបាត់បង់ឱកាសសិក្សា ធនធានជាស្រ្តីត្រូវបាត់បង់ ហើយនៅពេលស្រីមិនទទួលបានការអប់រំនោះស្ថានភាពគ្រួសារកាន់តែលំបាក ។ លោកជំទាវ គង់ សូរីតា បន្តថា ដើម្បីជំនះបញ្ហានេះ ទាមទារឱ្យស្រ្តីយល់អំពីតម្លៃនៃការអប់រំ និងយល់ថាកត្តាជីវភាព និងកត្តាសង្គមមិនមែនជាបញ្ហាសម្រាប់ពួកគាត់នោះឡើយ ។
លោកជំទាវ គង់ សូរីតា អនុរដ្ឋលេខាធិកាក្រសួងកិច្ចការនារី
“យើងមិនចង់ឱ្យកត្តាជីវភាពជាបញ្ហាសម្រាប់ស្រ្តី ប៉ុន្តែយើងចង់ឱ្យស្រ្តីខ្លួនឯងផ្ទាល់មានភាពអង់អាច យល់ឱ្យច្បាស់អំពីតម្លៃនៃការសិក្សា ដែលជាយុទ្ធសាស្រ្តរបស់ក្រសួងកិច្ចការនារីបានដាក់ចេញ និងផ្សព្វផ្សាយដើម្បីលើកកម្ពស់ និងជំរុញស្រ្តី និងក្មេងស្រ្តីក្នុងវិស័យអប់រំ”
អនុរដ្ឋលេខាធិកាក្រសួងកិច្ចការនារី បន្ថែមថា ស្រ្តីដែលរស់នៅទីជនបទដាច់ស្រយាលអាចប្រឈមនឹងការបោះបង់ការសិក្សាចោល ដោយសារសាលារៀននៅឆ្ងាយពីផ្ទះ គ្មានយាន្តជំនិះ ពិបាកក្នុងការធ្វើដំណើរ និងសុវត្ថិភាពរបស់កូនស្រី។ លោកជំទាវ បន្តថា ស្រ្តីអាចទួលបានការអប់រំមួយដែលមានលក្ខណៈយោគយល់ និងឱកាសទទួលបានការអប់រំពេញលេញទាមទារឱ្យមានការចូលរួមពីគ្រប់ភាគីពាក់ព័ន្ធ ។
លោកជំទាវ គង់ សូរីតា បញ្ជាក់បន្ថែមថា ការផ្ដល់ឱកាសអប់រំដល់ស្រ្តីនិងក្មេងស្រី អាចរួមចំណែកជួយដល់សង្គម និងសេដ្ឋកិច្ចជាតិ រួមមាន ទី១. ការអភិវឌ្ឍសមត្ថភាពស្ត្រី ចូលរួមធ្វើការងារបានដូចបុរស ជាពិសេសការងារជាអ្នកដឹកនាំ អ្នកសម្រេចចិត្ត និងជួយគ្រួសារឱ្យមានភាពរីកចម្រើន ។ ទី២. ការបង្កើននូវសមិទ្ធិផលការងារ មានប្រាក់ចំណូលសមរម្យ និងមានឱកាសរៀនបន្តទៅក្រៅប្រទេសរួមចំណែកជួយអភិវឌ្ឍសេដ្ឋកិច្ចប្រទេសជាតិយ៉ាងច្រើន។
តាមការបញ្ជាក់របស់ អនុរដ្ឋលេខាធិកាក្រសួងកិច្ចការនារី ការអប់រំដើរតួនាទីយ៉ាងសំខាន់ក្នុងការកាត់បន្ថយភាពក្រីក្រ ជាពិសេសស្រ្តីដែលទទួលបានការអប់រំ នឹងបណ្ដុះបណ្ដាលកូនរបស់គាត់ឱ្យក្លាយជាបុគ្គលមានសមត្ថភាព យល់ច្បាស់អំពីតម្លៃនៃការអប់រំ ហើយប្រទេសជាតិនឹងពោរពេញទៅដោយធនធានមនុស្សមានសមត្ថភាព និងមានចំណេះដឹងពិតប្រាកដ ។
តាមរយៈផែនការយុទ្ធសាស្រ្តនារីរតនៈទី៥ ២០១៩-២០២៣ ដើម្បីសម្រេចសមភាពយេនឌ័រ និងភាពអង់អាចរបស់ស្រ្តីនិងក្មេងស្រីគ្រប់រូបនៅកម្ពុជា ក្រសួងកិច្ចការនារីបានអនុវត្តយុទ្ធសាស្រ្តទី១ ការបង្កើនៅភាពអង់អាចផ្នែកសេដ្ឋកិច្ច តាមរយៈការបណ្ដុះបណ្ដាលស្រ្តីឱ្យមានចំណេះដឹងផ្នែកធ្វើអាជីវកម្ម។ ក្នុងនោះ យុទ្ធសាស្រ្តទី២ ការលើកកម្ពស់ការអប់រំរបស់ស្រ្តី តាមរយៈការសហការជាមួយក្រសួងអប់រំ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ថ្នាក់បរិញ្ញាបត្រនៅវិទ្យាស្ថានជាតិកសិកម្មព្រែកលៀប ១០កន្លែងសម្រាប់ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 26/12/2023
ឱកាសសិក្សាអាហារូបករណ៍ថ្នាក់បរិញ្ញាបត្រនៅវិទ្យាស្ថានជាតិកសិកម្មព្រែកលៀបចំនួន១០កន្លែងតាមរយៈសហភាពសហព័ន្ធយុវជនកម្ពុជា រាជធានីភ្នំពេញសម្រាប់ឆ្នាំ...
ឱកាសសិក្សាជំនាញបច្ចេកទេសចិញ្ចឹមចង្រឹតពីវិទ្យាស្ថានបច្ចេកវិទ្យា និងកសិកម្មកម្ពុជា
ព័ត៌មានអាហារូបករណ៍, ព្រឹត្តិការណ៍
• 05/02/2025
វិទ្យាស្ថានបច្ចេកវិទ្យា និងកសិកម្មកម្ពុជា (CITA) កំពុងផ្ដល់ឱកាសដល់សាធារណជន សម្រាប់ការរៀនជំនាញបច្ចេកទេសចិញ្ចឹមចង្រិត ដោយឥតគិតថ្លៃ។ ការសិក្សាមានរយៈពេល២សប្ដាហ៍ និងទទួលបានជំនាញច្បាស់លាស់សម្រាប់ខ្លួនឯង។
ឱកាសសិក្សានៅអឺរ៉ុប ៖ អូទ្រីសប្រកាសផ្តល់អាហារូបករណ៍កម្រិតបរិញ្ញាបត្រជាន់ខ្ពស់ និងក្រោយបណ្ឌិត សម្រាប់ឆ្នាំសិក្សា ២០២៧-២០២៨
ព័ត៌មានអាហារូបករណ៍, ព្រឹត្តិការណ៍
• 23/09/2026
ក្រសួងអប់រំ យុវជន និងកីឡា បានចេញសេចក្តីជូនដំណឹងជាផ្លូវការស្តីពីការផ្តល់អាហារូបករណ៍របស់ក្រសួងអប់រំ វិទ្យាសាស្ត្រ និងស្រាវជ្រាវសហព័ន្ធអូទ្រីស (BMBWF)
អាហារូបករណ៍សិក្សាថ្នាក់បរិញ្ញាបត្ររង និងថ្នាក់បរិញ្ញាបត្រ នៅវិទ្យាស្ថានជាតិសហគ្រិនភាព និងនវានុវត្តន៍ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 23/10/2024
ឱកាសសិក្សាអាហារូបករណ៍ចំនួន២០កន្លែងនៅវិទ្យាស្ថានជាតិសហគ្រិនភាព និងនវានុវត្តន៍សម្រាប់ឆ្នាំសិក្សា២០២៤-២០២៥ ។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រចំនួន១០កន្លែង និងកម្រិតសញ្ញាបត្រជាន់ខ្ពស់បច្ចេកទេស...
អាហារូបករណ៍ថ្នាក់បរិញ្ញាបត្រ ២០កន្លែង នៅសាកលវិទ្យាល័យវ៉ាន់ដា ពីកម្មវិធីអាហារូបករណ៍អភិសន្តិបណ្ឌិត ស សុខា សម្រាប់ឆ្នាំសិក្សា២០២៦-២០២៧
ព័ត៌មានអាហារូបករណ៍, ព្រឹត្តិការណ៍
• 11/09/2026
ក្រុមការងារអាហារូបករណ៍អភិសន្តិបណ្ឌិត ស សុខា ប្រកាសផ្ដល់អាហារូបករណ៍ថ្នាក់បរិញ្ញាបត្រចំនួន ២០កន្លែង សិក្សានៅសាកលវិទ្យាល័យវ៉ាន់ដា សម្រាប់ឆ្នាំសិក្សា២០២៦-២០២៧។
អាហារូបករណ៍ ៣៥០កន្លែង នៅវិទ្យាស្ថានជំនាន់ថ្មី សម្រាប់ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 16/09/2025
ដើម្បីរួមចំណែកក្នុងវិស័យអប់រំ អាហារូបករណ៍អភិសន្តិបណ្ឌិត ស សុខា ប្រកាសផ្ដល់អាហារូបករណ៍ថ្នាក់បរិញ្ញាបត្ររង និងថ្នាក់បរិញ្ញាបត្រ ចំនួន៣៥០កន្លែង សិក្សានៅវិទ្យាស្ថានខ្មែរជំនាន់ថ្មី ឆ្នាំសិក្សា២០២៥-២០២៦។
អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ជំនាញវិស្វកម្មនុយក្លេអ៊ែរពីរដ្ឋាភិបាលចិន
ព័ត៌មានអាហារូបករណ៍, ព្រឹត្តិការណ៍
• 25/04/2025
កម្មវិធីអាហារូបករណ៍រដ្ឋាភិបាលចិនប្រភេទ B ឬ CSC Type B បើកជ្រើសរើស សិស្ស និស្សិតសិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់ នៅសាកលវិទ្យាល័យវិស្វកម្ម Habin សម្រាប់ឆ្នាំសិក្សា២០២៥។ អាហារូបករណ៍ផ្តល់ជូន សិស្ស...
ឱកាសអាហារូបករណ៍រដ្ឋាភិបាលចិន នៅសាកលវិទ្យាល័យ Shanghai Jiao Tong
ព័ត៌មានអាហារូបករណ៍, ព្រឹត្តិការណ៍
• 04/02/2026
សាកលវិទ្យាល័យ Shanghai Jiao Tong University (SJTU) ដែលជាគ្រឹះស្ថានសិក្សាដ៏ល្បីល្បាញលំដាប់កំពូលនៅក្នុងទីក្រុងស៊ាងហៃ ប្រទេសចិន កំពុងប្រកាសជ្រើសរើសនិស្សិតអន្តរជាតិ ដើម្បីទទួលអាហារូបករណ៍រដ្ឋាភិបាលចិន (CSC Type B)
កម្មវិធីពិសេសរបស់ AMS EDUCATION
ព័ត៌មានសង្ខេប
