លោកស្រី អ៉ី សោភា ៖ យើងត្រូវតាំងចិត្តថាការងារបុរសធ្វើបាន ស្ត្រីយើងក៏អាចធ្វើបានដូចគ្នា

សំឡេងត្រូវបានបង្កើតឡើងតាមរយៈប្រព័ន្ធបញ្ញាសិប្បនិម្មិត

ចាប់អាជីពជាគ្រូបង្រៀនតាំងតែពីឆ្នាំ១៩៧៩ លោកស្រី អុី សោភា មិនដែលរាថយ ក្នុងតួនាទីជាអ្នកអប់រំនេះ ម្តងណាឡើយ រហូត​អភិវឌ្ឍខ្លួនពីគ្រូបង្រៀនបឋមសិក្សា ក្លាយជានាយិកាវិទ្យាល័យ បើទោះជាលោកស្រីទទួលរងនូវសម្ពាធច្រើនរាប់មិនអស់ ទាំងក្នុងការងារ និងជាស្រ្តីដែលត្រូវគ្រប់គ្រងចិញ្ចឹមកូនក្នុងបន្ទុកចំនួន៥នាក់ផង។ ការមិនរាថយ ក៏​ព្រោះតែលោកស្រីតែងទន្ទេញពាក្យ​ក្នុងចិត្តថា “ការងារដែលបុរសធ្វើបាន ស្រ្តីក៏អាចធ្វើបានដូចគ្នា”។

លោកស្រី អុី សោភា បានរៀបរាប់ថា លោកស្រីកើតនៅឆ្នាំ១៩៥១ នៅឃុំកំពង់ក្តី ខេត្តសៀមរាប, លោកស្រីបានបញ្ចប់ថ្នាក់វិទ្យាល័យនៅក្នុងឆ្នាំ១៩៧០ តែពេលនោះដោយប្រទេសកំពុងមានសង្រ្គាម លោកស្រីបានប្រឡងចូលជាគ្រូបង្រៀនថ្នាក់បឋមសិក្សា ហើយក៏បានជាប់ និងរៀនច្បាប់គ្រូអស់រយៈពេល២ឆ្នាំ។ ក្រោយរៀនចប់ច្បាប់គ្រូនៅឆ្នាំ១៩៧២ លោកស្រីត្រូវបានគេចាត់តាំងឱ្យទៅបំពេញការងារជាគ្រូបង្រៀននៅសាលាបឋមសិក្សាកុមារី ដែលបច្ចុប្បន្នជាអនុវិទ្យាល័យចតុមុខ។

ក្នុងពេលបំពេញការងារជាគ្រូបង្រៀននៅសាលាបឋមសិក្សាកុមារី លោកស្រីកត់សម្គាល់ឃើញថា លោកស្រីពេញចិត្តនឹងការបង្រៀននេះជាខ្លាំង ហើយតែងតែរៀនសូត្រពីការបង្រៀន និងការណែនាំពីគ្រូបង្រៀនចាស់ៗ និងនាយិកាសាលានាពេលនោះ។

បន្ទាប់ពីការដួលរលំនៃរបបខ្មែរក្រហម ពោលគឺនៅក្នុងឆ្នាំ១៩៧៩ លោកស្រី អ៊ុី សោភា បានវិលត្រឡប់មកកាន់អាជីពជាគ្រូបង្រៀនសាជាថ្មី ហើយ​ត្រូវ​បានក្រសួងអប់រំគ្រានោះចាត់តាំង​ឱ្យ​លោកស្រីបង្រៀនសិស្ស​ថ្នាក់បឋមសិក្សា​នៅសាលាបឋមសិក្សា​ផ្សារដើមថ្កូវ និង​បន្ទាប់មក​នៅ​សាលា​បឋមសិក្សា​ភូមិ៧។ ដោយ​មើលឃើញ​ពីទេពកោសល្យ​ក្នុង​ការអប់រំ លោកស្រី ត្រូវ​បានមន្ទីរអប់រំរាជធានីចាត់បញ្ជូន​ឱ្យ​ទៅរៀនបន្ត ដើម្បីយក​កម្រិត​សិក្សា​ទី៣ នៅ​ក្នុងឆ្នាំ​១៩៨៤ ដល់ឆ្នាំ១៩៨៦ នៅសាលាគរុវិជ្ជាជីវៈជាន់ខ្ពស់ (ENS)។

ត្រូវ​បង្រៀនសិស្សផង ទៅបន្តការសិក្សាផង និងថែមទាំងពរពោះកូន​ក្នុងផ្ទៃ និងសម្រាលកូនក្នុងរយៈពេលសិក្សា ប៉ុន្តែលោកស្រីមិនបោះបង់​ក្នុងការ​រៀនបន្ត​ដើម្បីសញ្ញាបត្រគ្រូ​កម្រិតឧត្តមនោះឡើយ ពោលគឺលោកស្រីបានព្យាយាមតស៊ូ រហូត​ទទួលបានជោគជ័យ ហើយ​ទីបំផុត​លោកស្រីត្រូវ​បានតម្លើងកម្រិតជាគ្រូវិទ្យាល័យ នៅវិទ្យាល័យគូបា ឬវិទ្យាល័យច្បារអំពៅបច្ចុប្បន្ន នៅ​ឆ្នាំ១៩៨៦ ដោយ​គ្រានោះលោកស្រី​ក៏​មានតួនាទីជា​ប្រធានបច្ចេកទេសមុខវិជ្ជាជីវៈវិទ្យា ហើយ​ក៏​ត្រូវបានផ្តល់ទំនុកចិត្ត​ឱ្យ​ធ្វើជាប្រធានសហជីព និង ជា​ប្រធាន​សមាគមនារី ក្នុងវិទ្យាល័យថែមទៀត។

ទទួលបានតួនាទីច្រើន ការងារក៏​ច្រើន ហើយ​មានបន្ទុក​ជីវភាព​គ្រួសារថែមទៀត ប៉ុន្តែលោកស្រី អុី សោភា នៅ​តែអាចឈរយ៉ាងរឹងមាំ ដោយ​បំពេញ​តួនាទី​មិន​ឱ្យ​មានការ​ថ្នាំងថ្នាក់ ឬខុសឆ្គងអ្វីឡើយ។ ការ​បំពេញតួនាទីការងារដ៏ល្អ និង​មាន​វិធីសាស្រ្តគ្រប់គ្រងដ៏ប៉ិនប្រសព្វថែមទៀត ទីបំផុតលោកស្រី​ ត្រូវ​បានថ្នាក់ដឹកនាំសាលា​​តម្លើងតួនាទីជា​នាយិការងនៅ​ឆ្នាំ​១៩៩៨ ហើយ​បន្ទាប់​មក​នៅ​ឆ្នាំ២០០៤ លោកស្រី​ក៏​ត្រូវ​បានតម្លើងតួនាទីជា​នាយិកាវិទ្យាល័យ​ច្បារអំពៅ។

ក្នុងតួនាទីជានាយិកាដែលមានការងារច្រើន តែលោកស្រី អុី សោភា អាចឆ្លៀត​ពេល​ថ្ងៃសៅរ៍ អាទិត្យ ដើម្បីរៀនបន្តយកថ្នាក់អនុបណ្ឌិតវិទ្យា​សាស្រ្តអប់រំថែមទៀត។ រយៈពេល​ជិត១០ឆ្នាំ ក្រោម​ការ​គ្រប់គ្រង​របស់លោកស្រី វិទ្យាល័យ​ច្បារអំពៅបានក្លាយ​ជាវិទ្យាល័យ​ដែលទទួលបានចំណាត់ថ្នាក់លេខ១ ក្នុងចំណោមវិទ្យាល័យ​ទាំង​២៥​របស់រាជធានីភ្នំពេញ។ លោកស្រី អ៊ី សោភា មានប្រសាសន៍ថា ជោគជ័យដែលនាំ​ឱ្យ​វិទ្យាល័យច្បារអំពៅ ជាប់លេខ១ គឺដោយសារ​ការចេះគ្រប់គ្រង ចេះសហការរវាង​លោកស្រីជាមួយ​ថ្នាក់ដឹកនាំ ក៏​ដូចជា​លោកគ្រូអ្នក​គ្រូ​ក្នុងសាលា ទំនាក់ទំនងល្អជាមួយ​រដ្ឋអំណាច​មូលដ្ឋាន និង​មាតាបិតា ឬអ្នកអាណាព្យាបាល​សិស្ស​បានល្អ។ សមទ្ធិផល និង​ជោគជ័យទាំងនេះ គឺបានបង្ហាញថា អ្វីៗ​ដែល​បុរសធ្វើបាន ស្រ្តី​ក៏​អាច​ធ្វើបានដូចគ្នា។

ក្រោយ​ចូលនិវត្ត ឆ្នាំ២០១១ លោកស្រី អុី សោភា បានចូលបម្រើការងារជានាយិកាសាលា​រៀនវ៉េស្ទឡាញន៍ សាខា​ច្បារអំពៅ រយៈពេល១២ឆ្នាំ រហូតមកដល់ពេលបច្ចុប្បន្ន​នេះ លោកស្រីទទួលតំណែងជាប្រធាននាយិកាទីប្រឹក្សានៃបណ្តាញគ្រឹះស្ថានអប់រំ វេសឡាញ អេឌ្យូខេសិន គ្រុប។ ក្នុងអាជីពជាអ្នកអប់រំអស់រយៈពេល ៤៦ឆ្នាំ លោកស្រីបានចែករំលែកបទពិសោធន៍ និង​ផ្តល់ដំបូន្មាន​ដល់គ្រូបង្រៀនទាំងអស់ សូម​ធ្វើការបង្រៀន​ដោយការតាំងចិត្ត ដោយប្រើបញ្ញា ហើយ​ត្រូវ​ប្រកាន់ពាក្យ​ក្នុងចិត្តថា អ្វីដែលគេធ្វើបាន យើងក៏អាចធ្វើបានដែរ នោះទើបធ្វើ​ឱ្យ​ការងារសម្រេចជោគជ័យ និង​សម្រេច​បំណងប្រាថ្នា៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសសិក្សាអាហារូបករណ៍កម្រិតវិស្វករនៅវិទ្យាស្ថានបច្ចេកវិទ្យាកម្ពុជារាជធានីភ្នំពេញ និងខេត្តត្បូងឃ្មុំ

ព័ត៌មានអាហារូបករណ៍, ព្រឹត្តិការណ៍

• 12/12/2023

គណៈកម្មាធិការអាហារូបករណ៍សិស្ស-និស្សិតក្រីក្រសម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិតប្រកាសផ្ដល់អាហារូបករណ៍សិក្សាកម្រិតវិស្វករនៅ...

ឱកាសសិក្សាថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ Oxford Pershing Sqaure Graduate ២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 13/09/2023

ឱកាសសិក្សាថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ Oxford ចក្រភពអង់គ្លេសពីកម្មវិធីអាហារូបករណ៍ Oxford Pershing Sqaure Graduate Scholarship ២០២៤-២០២៥ ។...

ឱកាសសិក្សា​ជំនាញបច្ចេកទេស និង​វិជ្ជាជីវៈ ឥតគិតថ្លៃពីវិទ្យាស្ថានពហុបច្ចេកទេស​ខេត្តព្រះសីហនុ

ព័ត៌មានអាហារូបករណ៍, ព្រឹត្តិការណ៍

• 12/12/2023

វិទ្យាស្ថានបច្ចេកទេស​ខេត្តព្រះសីហនុ បានប្រកាស​ផ្តល់​អាហារូបករណ៍ ១០០ភាគរយ សម្រាប់វគ្គសិក្សា​កម្រិតសញ្ញាបត្របច្ចេកទេស និង​វិជ្ជាជីវៈ ១ (C1) ដោយសិក្សា​រយៈពេល​៤ខែ ដោយ​ឥតគិតថ្លៃ។

សាកលវិទ្យាល័យបច្ចេកវិទ្យា និង​សហគ្រិនភាព នឹងផ្តល់អាហារូបករណ៍ ១០០% ដល់បុត្រធីតា នៃ​គ្រួសារវីរៈយោធិននៅសមរភូមិជួរមុខកម្ពុជា

ព័ត៌មានអាហារូបករណ៍, ព្រឹត្តិការណ៍

• 31/07/2025

ជាការ​ចូលរួម​ចំណែក​សម្រាល​បន្ទុក និង​ជា​ការ​ដឹងគុណដល់វីរៈយោធិន​កម្ពុជា ដែល​បាន​ពលី​ជីវិត ឬបាត់បង់​លទ្ធភាព​ក្នុង​អាជីព​ដោយ​សារ​តែ​រងរបួស​ផ្តើម​ចេញ​ពី​ការឈ្លានពាន​នៅ​តាម​តំបន់​ជាយ​ដែន​ខ្មែរ-ថៃ ក្នុងពេលថ្មីៗនេះ...

ឱកាសផ្លាស់ប្តូរការសិក្សា​នៅ​សាកលវិទ្យាល័យ Conservatorio Superio de Musica de Vigo ប្រទេស​អេស្ប៉ាញ

ព័ត៌មានអាហារូបករណ៍, ព្រឹត្តិការណ៍

• 06/03/2026

ជា​ឱកាស​សម្រាប់សិស្សនិស្សិតកំពុងសិក្សា​ផ្នែក​តូរ្យតន្រ្តី, សាកលវិទ្យាល័យ​ភូមិន្ទវិចិត្រសិល្បៈ បានប្រកាស​ពីការ​ផ្តល់អាហារូបករណ៍ដល់​និស្សិត​ចំនួន៤រូប ដើម្បីទៅផ្លាស់ប្តូរ​ការ​សិក្សា​នៅ​សាកលវិទ្យាល័យ Conservatorio

អាហារូបករណ៍សិក្សា​ជំនាញ​វិស្វកម្មឧស្សាហកម្ម នៅវិទ្យាស្ថានពហុបច្ចេកទេស​ខេត្តកំពង់ស្ពឺ

ព័ត៌មានអាហារូបករណ៍, ព្រឹត្តិការណ៍

• 28/11/2025

ដោយ​មានការ​គាំទ្រពីគម្រោង​អភិវឌ្ឍន៍ជំនាញសម្រាប់សេដ្ឋកិច្ចនាពេលអនាគត (SFESDP) របស់ក្រសួងការងារ និង​បណ្តុះបណ្តាលវិជ្ជាជីវៈ, វិទ្យាស្ថានពហុបច្ចេកទេស​ខេត្តកំពង់ស្ពឺ បានប្រកាស​ពីការ​បណ្តុះបណ្តាល​ឥតគិតថ្លៃ​ទៅលើ...

រដ្ឋាភិបាលចិន​ប្រកាស​ផ្តល់អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិត MOFCOM 2026

ព័ត៌មានអាហារូបករណ៍, ព្រឹត្តិការណ៍

• 28/04/2026

ស្ថានទូតនៃសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា បានជូនដំណឹងជាផ្លូវការហើយ ពីការផ្តល់អាហារូបករណ៍របស់ក្រសួងពាណិជ្ជកម្មចិន (MOFCOM Scholarship) សម្រាប់ឆ្នាំសិក្សា ២០២៦

អាហារូបករណ៍ពីកម្មវិធីសិក្សាផ្នែកច្បាប់របស់ World Bank ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 18/04/2023

កម្មវិធីសិក្សាផ្នែកច្បាប់របស់ World Bank នៅរដ្ឋធានីវ៉ាស៊ីនតោន ប្រកាស​ផ្ដល់ឱកាសសិក្សាដល់និស្សិតអន្តរជាតិជុំវិញពិភពលោកសម្រាប់ឆ្នាំសិក្សា២០២៣-២០២៤ ។ ...

ក្រសួងការងារ​ផ្តល់អាហារូបករណ៍ថ្នាក់សញ្ញាបត្រជាន់ខ្ពស់បច្ចេកទេស ជំនាញ Animation ទៅ​សិក្សា​នៅប្រទេសចិន

ព័ត៌មានអាហារូបករណ៍, ព្រឹត្តិការណ៍

• 03/04/2024

តាមរយៈ​កិច្ច​សហការ​រវាង​ក្រសួងការងារ និង​បណ្តុះបណ្តាល​វិជ្ជាជីវៈ និង CIIC International Education Technology (Beijing) (CIICIE) នៃសាធារណរដ្ឋប្រជាមានិតចិន, ក្នុងឆ្នាំ​សិក្សា​២០២៤-២០២៥...



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *