កាលពីថ្ងៃទី២៧ ខែមេសា ឆ្នាំ២០២៣ ថ្នាក់ដឹកនាំនៃក្រុមការងារកម្មវិធីមត្តេយ្យសិក្សាភាសាអង់គ្លេសនៃសាលារៀនវ៉េស្ទឡាញន៍ និងសាលារៀនណត្សឡាញន៍ចំនួន២០នាក់បានចូលរួមវគ្គបណ្តុះបណ្តាល លើវិធីសាស្រ្តបង្រៀនថ្មីបែបម៉ុនតេស្តសូរី ការប្រើប្រាស់សម្ភារៈ និងឧបករណ៍បែបទំនើប ព្រមទាំងបន្តការបណ្តុះបណ្តាលជូនគ្រូបង្រៀនទាំងអស់ ដើម្បីធានាបាននៅគុណភាពអប់រំ និងរក្សាសុខភាពផ្លូវចិត្តកុមារតូច។

អ្នកស្រី អ៊ុក សូនីតា គ្រូបណ្តុះបណ្តាល និងជានាយិកាសិក្សាធិការនៃបណ្តាញគ្រឹះស្ថានអប់រំ វេសឡាញ គ្រុប បានឱ្យដឹងថា “វគ្គបណ្តុះបណ្តាលបន្ថែមលើវិធីសាស្រ្តបង្រៀនថ្មីនេះនឹងជួយជម្រុញការអប់រំកុមារតូចកាន់តែទទួលបានការអភិវឌ្ឍពេញលេញ មានភាពទាក់ទាញក្នុងការចូលរួមរៀនសូត្រប្រសើរឡើងទៀត ក៏ដូចជាឆ្លើយតបទៅនឹងបរិបទថ្មីផងដែរ”។

សម្រាប់ឆ្មាំសិក្សាថ្មីខាងមុខនេះ វិធីសាស្ត្រអនុវត្តការសិក្សាតាមបែបលេងកម្សាន្តនេះ និងបញ្ជូលទូទាំងសាលារៀនវ៉េស្ទឡាញន៍ និងសាលារៀនណត្សឡាញន៍គ្រប់សាខា។ លោកស្រីបានបញ្ជាក់ថា “ដោយសារកុមារតូចត្រូវការអភិវឌ្ឍផ្នែករាង្គកាយ បញ្ញាស្មារតី និងទំនាក់ទំនងសង្គម ដូចនេះសាលានឹងជម្រុញវិធីសាស្រ្តបង្រៀន និងរៀនតាមរយៈឧបករណ៍កម្សាន្តឱ្យបានច្រើនជាងម៉ោងកុមារប្រើប្រាស់ទូរស័ព្ទ ។

សូមជម្រាបថា សាលារៀនវ៉េស្ទឡាញន៍ និងសាលារៀនណត្សឡាញន៍ នឹងបើកវគ្គសិក្សាថ្មីសម្រាប់កម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេស និងភាសាចិន ដែលចូលរៀនថ្ងៃទី២ ខែឧសភា ឆ្នាំ២០២៣ ខាងមុខនេះ ។ សាលារៀនផ្តល់ជូនការបញ្ចុះតម្លៃ ១៥% លើតម្លៃសិក្សាសម្រាប់កាចុះឈ្មោះ ចូលរៀនជាលក្ខណៈគ្រួសារ ឬពីរកម្មវិធី និងផ្តល់ជូនការធានារ៉ាប់រងគ្រោះថ្នាក់ ការពារការសិក្សាបុត្រធីតារហូតដល់ ៥ឆ្នាំ ព្រមទាំងទទួលបានពិន្ទុសន្សំកាន់តែច្រើន ។ ការផ្តល់ជូនខាងលើនេះមានសុពលភាពត្រឹមថ្ងៃទី៣០ ខែមេសា ឆ្នាំ២០២៣ ។ សាលារៀនផ្តល់ជូននូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រងសាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ៕