ប្រធាននាយកដ្ឋានយុវជន ៖ ជំនួបរវាងថ្នាក់ដឹកនាំកំពូលអាស៊ាន

ភ្នំពេញ – ប្រធាននាយកដ្ឋានយុវជន ក្រសួងអប់រំ យុវជន និងកីឡា មានប្រសាសន៍ថា កម្មវិធីជំនួបថ្នាក់ដឹកនាំកំពូលអាស៊ាន ជាមួយយុវជនតំណាងអាស៊ាន ផ្ដល់ឱកាសដល់យុវជនបានជួបជាមួយប្រមុខដឹកនាំកំពូលលើកឡើងពីបញ្ហានានា និងអនុសាសន៍ឆ្លើយតបអំពីបញ្ហាដែលបានមើលឃើញនៅក្នុងសង្គមជាក់ស្ដែង។

លោក ម៉ិល ផលសីហា ប្រធាននាយកដ្ឋានយុវជន ក្រសួងអប់រំ យុវជន និងកីឡា បន្ថែមថា ដោយសារពេលបច្ចុប្បន្ននេះ មិនថាតែរាជរដ្ឋាភិបាលកម្ពុជាប៉ុណ្ណោះទេ សូម្បីតែតំបន់អាស៊ានទាំងមូល គឺបាននិងកំពុងរៀបចំឯកសារគតិយុទ្ធផ្សេងៗ ដើម្បីព្យាយាមធ្វើយ៉ាងណាប្រែក្លាយយុវជនពីអ្នកទទួលផលឱ្យទៅជាតួអង្គសំខាន់ នៅក្នុងការធ្វើសេចក្ដីសម្រេចចិត្ត។

លោក ម៉ិល ផនសីហា ប្រធាននាយកដ្ឋានយុវជន ក្រសួងអប់រំ យុវជន និងកីឡា

“យើងចង់បានធាតុចូលពីយុវជន តើពាក់ព័ន្ធជាមួយបញ្ហាប្រឈមទាំងអស់នេះ យុវជនមានដំណោះស្រាយអ្វីដើម្បីរួមចំណែកជាមួយរដ្ឋាភិបាល”

លោក ម៉ិល ផនសីហា បញ្ជាក់បន្ថែមថា បន្ទាប់ពីក្រុមប្រតិភូយុវជនបានដាក់បង្ហាញនូវសេចក្ដីថ្លែងការជូនថ្នាក់ដឹកនាំប្រមុខរាជរដ្ឋាភិបាលរបស់អាស៊ាន ឃើញថាទទួលបាននូវលទ្ធផលជាវិជ្ជមាន។ លោកបន្តថា សម្ដេចតេជោនាយករដ្ឋមន្រ្តី បានមានប្រសាសន៍គាំទ្រចំពោះសេចក្ដីថ្លែងការនេះ និងទទួលយកនូវអនុសាសន៍គោលនយោបាយពីប្រតិភូយុវជនអាស៊ានផងដែរ។

កញ្ញា តូវ ជីងស៊ង់ ប្រតិភូយុវជនកម្ពុជា បាននិយាយថា កម្មវិធីនេះ គឺពិតជាល្អ ដែលបានផ្ដល់ឱកាសឱ្យយុវជនចូលរួមក្នុងកិច្ចប្រជុំជំនួបជាមួយថ្នាក់ដឹកនាំកំពូល ហើយបានរៀនសូត្រពីចំណេះដឹងជាច្រើន រួមមាន ទី១. រៀនពីការធ្វើអនុសាសន៍គោលនយោបាយ ទី២. ចំណេះដឹងពីអាស៊ាន យល់ដឹងច្រើនពីទិសដៅអាស៊ាន និងធាតុសំខាន់ៗរបស់អាស៊ាន និងទី៣. ដឹងពីឥរិយាបទក្នុងជំនួបជាមួយថ្នាក់ដឹកនាំកំពូលអាស៊ាន។

កញ្ញា តូវ ជីងស៊ង់ បន្ថែមថា សម្រាប់អនុសាសន៍ដែលបានថ្លែងទៅកាន់ថ្នាក់ដឹកនាំកំពូលអាស៊ាន គឺយកចេញពីសេចក្ដីសង្ខេបដែលតំណាងប្រតិភូយុវជនអាស៊ានទាំងអស់បានធ្វើរួចនៅក្នុងកិច្ចសន្ទនាយុវជនលើកទី១ ក្នុងខេត្តសៀមរាប កាលពីខែកក្ដដាកន្លងទៅ។ កញ្ញាបន្តថា អនុសាសន៍ទាំងនោះ រួមមាន ១១ចំណុចដែលក្ដោបប្រធានបទទាំង៨ ក្នុងនោះ មានប្រធានបទដូចជា អភិបាលកិច្ច ការប្រែប្រួលអាកាសធាតុ និងជំនាញការងារនៅថ្ងៃអនាគតជាដើម។

កញ្ញា តូវ ជីងស៊ង់ ប្រតិភូយុវជនកម្ពុជា

“ក្នុងនាមជាប្រតិភូយុវជនអាស៊ាន អ្វីដែលចង់បានពីថ្នាក់ដឹកនាំកំពូលអាស៊ាននោះ គឺអនុសាសន៍ដែលបានថ្លែងទៅ នឹងបានក្លាយទៅជាសកម្មភាពអនុវត្តជាក់ស្ដែងនៅក្នុងបណ្ដាប្រទេសអាស៊ានទាំងអស់”

លោក Bernhart Farras Sukandar ប្រតិភូយុវជនប្រទេសឥណ្ឌូនេស៊ី បាននិយាយថា ក្នុងភាពជាប្រធានអាស៊ានរបស់ប្រទេសកម្ពុជា លោកផ្ទាល់ពិតជាមានមោទនភាពដែលបានជាប់ជាប្រតិភូយុវជនតំណាងប្រទេសឥណ្ឌូនេស៊ីចូលរួមក្នុងកិច្ចសន្ទនាថ្នាក់ដឹកនាំកំពូលអាស៊ាន ជាមួយយុវជនតំណាងអាស៊ាន។ លោកបន្តថា លោកពិតជាមានអារម្មណ៍កក់ក្ដៅក្នុងការធ្វើដំណើរមកចូលរួមក្នុងជំនួបដ៏មានសារៈសំខាន់នេះ។ ម្យ៉ាងវិញទៀត ចំពោះការរៀបចំទៅលើកិច្ចប្រជុំកំពូលនានាក្នុងនាមប្រទេសកម្ពុជាធ្វើជាម្ចាស់ផ្ទះ គឺពិតជាល្អប្រសើរ និងទទួលបានលទ្ធផលជាផ្លែផ្កា។

លោក Bernhart Farras Sukandar ប្រតិភូយុវជនប្រទេសឥណ្ឌូនេស៊ី

“ខ្ញុំពិតជារីករាយណាស់ដែលបានមកដល់ប្រទេសកម្ពុជា ហើយកម្មវិធីលើកនេះគឺពិតជាអស្ចារ្យ និងពិតជាសំណាងណាស់ដែលមានកញ្ញា ជីងស៊ង់ ជាប្រតិភូយុវជនអាស៊ានដូចគ្នាបានជួយឱ្យដំណើរការនៃការធ្វើសេចក្ដីថ្លែងការ និងការសហការបានយ៉ាងល្អ ដែលធ្វើឱ្យខ្ញុំមានអារម្មណ៍ថាប្រទេសកម្ពុជាគឺពិតជាដូចផ្ទះដ៏កក់ក្ដៅសម្រាប់ខ្ញុំ”

ប្រតិភូយុវជនប្រទេសឥណ្ឌូនេស៊ី រូបនេះ ក៏បានថ្លែងអំណរគុណចំពោះថ្នាក់ដឹកនាំក៏ដូចជាអ្នករៀបចំកម្មវិធីដែលបានជ្រើសរើសលោកជាតំណាងយុវជនរបស់អាស៊ានទាំងមូលតែម្ដងដើម្បីធ្វើសេចក្ដីផ្លែងការចំពោះមុខថ្នាក់ដឹកនាំកំពូលនេះ ហើយលោកគិតថា បទពិសោធន៍នេះវាពិតជាមានន័យសម្រាប់ភាពជាយុវជនរបស់ខ្លួនលោកផ្ទាល់។

សូមបញ្ជាក់ថា តំណាងយុវជនអាស៊ាន ត្រូវបានអនុញ្ញាតឱ្យជួបពិភាក្សាផ្ទាល់ជាមួយប្រមុខដឹកនាំអាស៊ាន មុនកិច្ចប្រជុំកំពូលអាស៊ានលើកទី៤០ និង៤១ ចាប់ផ្តើម ដោយក្នុងនោះ តំណាងយុវជនអាស៊ានបានលើកឡើងនូវមូលបទចំនួន៨ចំណុចទៅដល់ថ្នាក់ដឹកនាំអាស៊ាន ដែលរួមមាន ៖ អភិបាលកិច្ច ប្រជាសាស្រ្ត បច្ចេកវិទ្យា និងនវានុវត្តន៍ អនាគតនៃការងារ ហេដ្ឋារចនាសម្ព័ន្ធ និងការតភ្ជាប់ ការអភិវឌ្ឍប្រកបដោយចីរភាព និងបរិយាប័ន្ន ការប្រែប្រួលអាកាសធាតុ ការកាត់បន្ថយគម្លាតនៃការអភិវឌ្ឍក្នុងចំណោមរដ្ឋជាសមាជិកអាស៊ាន និងការផ្លាស់ប្តូរគ្នាទៅវិញទៅមករវាងប្រជាជននិងប្រជាជន៕

កញ្ញា វ៉ាន គីមសល់ | Ms. Van Kimsal

កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។

របាយការណ៍ថ្មី

មើលទាំងអស់ ➧

ប្រទេសកម្ពុជា

បទយកការណ៍, ព័ត៌មានជាតិ និងអន្តរជាតិ, ព័ត៌មានអន្តរជាតិ

• 28/05/2026

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout

ចំណេះជីវិត, បទយកការណ៍, ព្រឹត្តិការណ៍

• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង

បទយកការណ៍, ព័ត៌មានអន្តរជាតិ, ព្រឹត្តិការណ៍

• 13/04/2026

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ព័ត៌មានទូទៅ

មើលទាំងអស់ ➧

ឱកាសហាត់ការជំនាញព័ត៌មានវិទ្យា ចំនួន២០នាក់ នៅអគ្គនាយកដ្ឋានបច្ចេកវិទ្យាឌីជីថល ក្រសួងមហាផ្ទៃ

ព័ត៌មានអាហារូបករណ៍, ព្រឹត្តិការណ៍

• 16/03/2026

ការងារអាហារូបករណ៍អភិសន្តិបណ្ឌិត ស សុខា សហការជាមួយអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ក្រសួងមហាផ្ទៃ នឹងជ្រើសរើសនិស្សិតចូលបម្រើការជាមន្ត្រីហាត់ការ...

ឱកាសសិក្សាថ្នាក់បរិញ្ញាបត្រជាន់ខ្ពស់ជំនាញគ្រប់គ្រងទីក្រុងពីកម្មវិធីអាហារូបករណ៍ ADB-JS នៅសាកលវិទ្យាល័យហុងកុង

ព័ត៌មានអាហារូបករណ៍, ព្រឹត្តិការណ៍

• 12/11/2024

កម្មវិធីអាហារូបករណ៍ ADB កំពុងបើកទទួលសិស្សសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យហុងកុង សម្រាប់ឆ្នាំសិក្សា២០២៥-២០២៦។ អាហារូបករណ៍ផ្ដល់ជូនការសិក្សាដល់និស្សិតអន្តរជាតិជាច្រើនប្រទេស រួមទាំងកម្ពុជាផងដែរ។

អាហារូបករណ៍សាច់ប្រាក់ ពីកម្មវិធីអាហារូបករណ៍សិល្បៈអមតៈអាន ចនផន ឆ្នាំ២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 29/03/2024

ឱកាសទទួលបានអាហារូបករណ៍សាច់ប្រាក់ពីកម្មវិធីអាហារូបករណ៍សិល្បៈអាន ចនផន ចំនួន១០កន្លែងសម្រាប់ឆ្នាំសិក្សា២០២៤-២០២៥។ អាហារូបករណ៍...

អាហារូបករណ៍ថ្នាក់បណ្ឌិត សិក្សានៅសាកលវិទ្យាល័យ Standford សហរដ្ឋអាមេរិក

ព័ត៌មានអាហារូបករណ៍, ព្រឹត្តិការណ៍

• 01/08/2024

កម្មវិធីអាហារូបករណ៍ Knight-Hennessy បានប្រកាសផ្តល់អាហារូបករណ៍១០០% សម្រាប់ថ្នាក់បណ្ឌិតចំនួន១០០កន្លែង ទៅសិក្សានៅសាកលវិទ្យាល័យ Stanford សហរដ្ឋអាមេរិក ដោយមានផ្តល់ថ្លៃសិក្សា...

អាហារូបករណ៍ថ្នាក់ភាសាចិននៅសាធារណរដ្ឋប្រជាមានិតចិនចំនួន៥០កន្លែងសម្រាប់ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 22/12/2023

សមាគមនិស្សិតកម្ពុជាប្រចាំសាធារណរដ្ឋប្រជាមានិត(ស.ន.ក.ច) មានកិត្តិយសជូនដំណឹងដល់សាធារណៈជន ជាពិសេសសិស្ស-និស្សិតអំពីអាហារូបករណ៍ថ្នាក់ភាសាចិន...

អាហារូបករណ៍ ១ ៤០០កន្លែង លើ២១មុខជំនាញ ពីវិទ្យាស្ថានជាតិវិជ្ជាជីវៈបាត់ដំបង ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ

ព័ត៌មានអាហារូបករណ៍, ព្រឹត្តិការណ៍

• 20/10/2025

វិទ្យាស្ថានជាតិវិជ្ជាជីវៈបាត់ដំបង ប្រកាសផ្តល់អាហារូបករណ៍ចំនួន ១ ៤០០កន្លែង លើ២១មុខជំនាញ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ក្រោមកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសដល់យុវជនមកពី...

ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់៧០កន្លែងពីកម្មវិធីអាហារូបករណ៍ CP ALL ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 25/04/2023

កម្មវីធីអាហារូបករណ៍ CP ALL បើកផ្ដល់អាហារូបករណ៍ដល់និស្សិតកម្ពុជា និងឡាវ សម្រាប់ការសិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅប្រទេសថៃឆ្នាំសិក្សា២០២៣ ។...

អាហារូបករណ៍ថ្នាក់បរិញ្ញាបត្រជាន់ខ្ពស់ជំនាញបច្ចេកវិទ្យាឌីជីថលចំនួន១០០កន្លែងសម្រាប់ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 02/12/2024

តាមរយៈក្រសួងប្រៃសណីយ និងទូរគមនាគមន៍ (ក.ប.ទ) ប្រកាសជ្រើសរើសសិស្សនិស្សិត និងសាធារណជនចូលសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ចំនួន១០០នាក់ ដើម្បីសិក្សាលើជំនាញបច្ចេកវិទ្យាឌីជីថល នៅបណ្ឌិត្យសភាបច្ចេកវិទ្យាឌីជីថលកម្ពុជា...