សាកលវិទ្យាល័យអាមេរិកាំងភ្នំពេញ (AUPP) មានសេចក្តីសោមនស្សរីករាយក្នុងការប្រកាសតែងតាំងលោកបណ្ឌិតសាស្ត្រាចារ្យ Keith Sharp ជាសាកលវិទ្យាធិការរង ផ្នែកកិច្ចការសិក្សាថ្មីរបស់សាកលវិទ្យាល័យ។

ជាមួយនឹងបទពិសោធន៍ភាពជាអ្នកដឹកនាំជាច្រើនឆ្នាំនៅក្នុងវិស័យថ្នាក់ឧត្តមសិក្សាជុំវិញពិភព លោកបណ្ឌិតសាស្រ្តាចារ្យ Keith Sharp នឹងនាំមកនូវចំណេះដឹងដ៏សំបូរបែប ដែលមានសមត្ថភាពក្នុងការលើកកម្ពស់គុណភាពផ្នែកសិក្សា និងភាពរីកចម្រើននៅក្នុងស្ថាប័ន។

មុននឹងក្លាយជាសាកលវិទ្យាធិការរង AUPP បណ្ឌិតសាស្រ្តាចារ្យ Sharp មានមុខតំណែងជា Associate Pro-Vice Chancellor សាស្រ្តាចារ្យ នៃមហាវិទ្យាល័យអប់រំ មនុស្សសាស្ត្រ និងវិទ្យាសាស្ត្រនៅសាកលវិទ្យាល័យ Gloucestershire ។ គាត់ក៏ធ្លាប់ជានាយកនៃសាកលវិទ្យាល័យ London International Programs នៅសាលាសេដ្ឋកិច្ចទីក្រុងឡុងដ៍ផងដែរ។ មួយវិញដែរ គាត់បានបញ្ចប់ថ្នាក់បណ្ឌិតផ្នែកសង្គមវិទ្យាពីសាកលវិទ្យាល័យ Edinburgh ដែលឆ្លុះបញ្ចាំងពីការយកចិត្តទុកដាក់របស់គាត់ចំពោះឧត្តមភាពសិក្សា និងការរីកចម្រើនក្នុងស្ថាប័ន។

បណ្ឌិតសាស្រ្តាចារ្យ Keith Sharp មានចំណាប់អារម្មណ៍លើទ្រឹស្តីសង្គម ឌីជីថលភាវូបនីយកម្ម និងស្តង់ដារគុណភាពក្នុងការអប់រំឧត្តមសិក្សា ដែលស្របតាមគោលការណ៍របស់ AUPP ក្នុងការផ្តល់នូវការអប់រំប្រកបដោយគុណភាពខ្ពស់ ដើម្បីជំរុញនិស្សិតក្លាយខ្លួនជាធនធានមានសមត្ថភាពពេញលេញនាពេលអនាគត។

ការតែងតាំងសាស្រ្តាចារ្យ Keith Sharp ជាជំហានដ៏សំខាន់មួយក្នុងការខិតខំប្រឹងប្រែងបន្តរបស់យើងក្នុងការពង្រឹងកម្មវិធីសិក្សា ដោយធានាបានថា AUPP គឺជាសាកលវិទ្យាល័យដ៏ល្អបំផុតសម្រាប់និស្សិតដែលស្វែងរកការអប់រំលំដាប់ពិភពលោកក្នុងប្រទេសកម្ពុជា។ យើងទន្ទឹងរង់ចាំភាពជាអ្នកដឹកនាំប្រកបដោយភាពច្នៃប្រឌិត និងចក្ខុវិស័យដែលគាត់នឹងនាំយកមកនៅពេលដែលយើងបន្តពង្រីក អភិវឌ្ឍន៍ និងសមិទ្ធផលរបស់យើង។

ស្វែងយល់បន្ថែមអំពីបណ្ឌិតសាស្រ្តាចារ្យ Keith Sharp ៖ https://www.aupp.edu.kh/leadership-and-management/keith-sharp/

អំពី AUPP

សាកលវិទ្យាល័យអាមេរិកាំងភ្នំពេញ (AUPP) គឺជាសាកលវិទ្យាល័យតែមួយគត់ក្នុងប្រទេសកម្ពុជាដែលផ្តល់ជូននូវកម្មវិធីសិក្សាស្តង់ដារបែបអាមេរិក និងកម្មវិធីសញ្ញាបត្រពីរដែលទទួលស្គាល់ដោយសហរដ្ឋអាមេរិក។ សិស្សនិស្សិតមានឱកាសជ្រើសរើសពីមុខជំនាញ១៣មុខផ្សេងៗគ្នានៅក្នុងសាលាធុរកិច្ច បច្ចេកវិទ្យាឌីជីថល ច្បាប់ និងវិទ្យាសាស្ត្រសង្គម។ នៅ AUPP មហាវិទ្យាល័យជំនាញរបស់យើងបាននាំមកនូវចំណេះដឹង និងបទពិសោធន៍ក្នុងពិភពពិតជាច្រើនដល់ថ្នាក់រៀន ដោយផ្តល់ឱ្យសិស្សនូវការយល់ដឹង និងការណែនាំដែលមិនអាចកាត់ថ្លៃបាន នៅពេលពួកគេចាប់ផ្តើមដំណើរការសិក្សារបស់ពួកគេ។

វគ្គសិក្សាថ្មី ២០២៥ កំពុងបើកទទួលពាក្យចូលរៀន ដាក់ពាក្យឥឡូវនេះ៖ https://bit.ly/BachelorsApplication

ស្វែងយល់បន្ថែម
www.aupp.edu.kh
www.facebook.com/AUPPkh