ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ជាមួយនឹងការកើនឡើង ការប៉ះទង្គិចគ្នារវាងរដ្ឋបាលរបស់ប្រធានាធិបតី ដូណាល់ ត្រាំ និងសាកលវិទ្យាល័យ ហាវឺត ក្រសួងអប់រំអាម៉េរិក បានប្រកាសថា Harvard នឹងមិនមានសិទ្ធិទទួលបានជំនួយស្រាវជ្រាវថ្មីទេ លុះត្រាតែមានការយល់ព្រមតាមលក្ខណៈវិនិច្ឆ័យនៃការអនុលោម ពីសេតវិមាន។
មន្ត្រីជាន់ខ្ពស់ម្នាក់មកពីក្រសួងអប់រំ បានប្រាប់អ្នកសារព័ត៌មានកាលពីថ្ងៃចន្ទថា សាកលវិទ្យាល័យ Harvard មិនមានសិទ្ធិទទួលបានជំនួយថ្មីណាមួយពីរដ្ឋាភិបាលសហព័ន្ធ រហូតដល់ពួកគេបង្ហាញពីការគ្រប់គ្រងប្រកបដោយការទទួលខុសត្រូវរបស់សាកលវិទ្យាល័យ។
ការផ្អាកនេះក៏រួមបញ្ចូលទាំងមូលនិធីស្រាវជ្រាវផ្នែកវេជ្ជសាស្ត្រផងដែរ នេះបើយោងតាមមន្ត្រីជាន់ខ្ពស់ក្រសួងអប់រំ ប៉ុន្តែការផ្អាក មិនប៉ះពាល់ដល់ជំនួយនិស្សិតសហព័ន្ធនោះទេ។
មន្ត្រីរូបនេះបន្ថែមថា ទំនុកចិត្តសាធារណៈជនចំពោះសាកលវិទ្យាល័យ គឺមានកម្រិតទាបជាងពេលណាទាំងអស់ហើយថា Harvard បានបរាជ័យក្នុងការប្រយុទ្ធប្រឆាំងនឹងបញ្ហាប្រឆាំងសាសនានិយម និងការរើសអើងក្នុងបរិវេនសាលា។
សាកលវិទ្យាល័យនេះ ក៏បានបោះបង់នូវភាពម៉ត់ចត់ នៃឧត្តមភាពសិក្សា ហើយបានក្លាយទៅជាស្ថាប័នឆ្វេងនិយម ដែល «គ្មានភាពចម្រុះនៃទស្សនៈទាល់តែសោះ – Zero viewpoint diversity» នេះបើយោងតាមមន្ត្រីដែលបាននិយាយថា មានតែ ៣% នៃមហាវិទ្យាល័យរបស់ Harvard ប៉ុណ្ណោះ ដែលត្រូវបានកំណត់ថា មានស្មារតីអភិរក្សនិយម។
អ្នកនាំពាក្យសាកលវិទ្យាល័យ Harvard បានប្រាប់សារព័ត៌មាន ABC News ថា ការផ្លាស់ប្ដូរនេះ មិនត្រឹមតែនាំឱ្យបាត់បង់ឱកាសសម្រាប់ការបង្កើតថ្មី សម្រាប់ Harvard ខ្លួនឯងប៉ុណ្ណោះទេ ប៉ុន្តែការអនុវត្តនេះ នឹងមានផលវិបាកយ៉ាងធ្ងន់ធ្ងរសម្រាប់អនាគតនៃការអប់រំជាន់ខ្ពស់នៅសហរដ្ឋអាម៉េរិក៕
