ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
និយាយមកដល់ពេលនេះ វាបានក្លាយទៅជាកាតព្វកិច្ចមួយទៅហើយសម្រាប់សិស្ស-និស្សិតទាំងឡាយ ដែលពួកគេចាំបាច់ត្រូវតែចំណាយពេលយ៉ាងហោចណាស់បី ឬបួនម៉ោង ដើម្បីរៀនអនឡាញ ឬសិក្សាពីចម្ងាយ។ ប្រសិនបើអ្នកមិនធ្លាប់សិក្សាបែបនេះពីមុន តើគួរត្រៀមខ្លួនដោយរបៀបណា ដើម្បីឱ្យការសិក្សាទទួលបានប្រសិទ្ធភាពខ្ពស់? ខាងក្រោមនេះជាវិធីសាស្ត្រមួយចំនួនទាមទារឱ្យសិស្សអនុវត្តប្រចាំថ្ងៃឱ្យបានទៀងទាត់ ដើម្បីទាញយកប្រយោជន៍ពីប្រព័ន្ធសិក្សាថ្មីមួយនេះ។
១. បង្កើតផែនការសិក្សាឱ្យបានច្បាស់លាស់ ៖ មិនថារៀននៅថ្នាក់ធម្មតា ឬសិក្សាតាមអនឡាញនោះទេ ការដាក់ផែនការសិក្សាវាពិតជាចាំបាច់ណាស់សម្រាប់សិស្សានុសិស្ស។ ផែនការរៀនសូត្រមានដូចជាពេលវេលាសម្រាប់រៀនតាមអនឡាញ ពេលវេលាសម្រាប់ធ្វើមេរៀនឬលំហាត់ ពេលវេលាសម្រាប់ស្រាវជ្រាវឯកសារមេរៀន និងពេលវេលាសិក្សាដោយខ្លួនឯង ឬពេលវេលាសម្រាប់សិក្សាជាក្រុមជាដើម។
២. ប្រកាន់ខ្ជាប់វិន័យនិងទៀងទាត់បំផុត៖ សិក្សាពីចម្ងាយ ឬរៀនតាមអនឡាញពិតជាមានសេរីភាពខ្លាំងណាស់ ដូចនេះបើអ្នកមិនព្យាយាមខ្លួនឯងក្នុងការចូលរៀនឱ្យទៀងទាត់ ឬគោរពវិន័យក្នុងការត្រងត្រាប់ស្តាប់មេរៀនគ្រូពន្យល់ នោះវាជារឿងលំបាកណាស់លោកគ្រូអ្នកគ្រូមកពន្យល់ឡើងវិញ ឬតាមដានការរៀនសូត្ររបស់សិស្ស។
៣. ត្រៀមខ្លួននិងរកទីតាំងសិក្សាដែលសមរម្យ៖ ថ្វីត្បិតមិនមែនអង្គុយនៅកៅអីរៀននៅក្នុងថ្នាក់ ប៉ុន្តែអ្នកចាំបាច់មានទីតាំងដ៏សមរម្យនិងបរិយាកាសសមស្របមួយដើម្បីដាក់ចិត្តរៀនឱ្យបានល្អ។
៤. ស្វែងរកសេវាអ៊ីនធឺណេតដែលមានទំនុកចិត្ត៖ ចំណុចនេះយើងគ្រប់គ្នាអាចដឹងបានហើយថា វាមានសារៈសំខាន់ណាស់ក្នុងការតាមដានមេរៀន ការពន្យល់របស់គ្រូឱ្យបានចប់ចុងចប់ដើមនិងទាន់ពេលវេលា ពីព្រោះថាចំណុចខ្លះនៃមេរៀនអាចនឹងជាចំណុចសំខាន់បំផុតដែលភ្ជាប់មេរៀនចាស់និងមេរៀនថ្មី ដូចនេះបើអ៊ីនធឺណេតមានបញ្ហាចំពេលនេះ នោះវានឹងក្លាយទៅជាបញ្ហាធំជាមិនខាន។
៥. សិស្សត្រូវស្វ័យសិក្សាដោយខ្លួនឯង៖ ទោះបីជាអ្នករៀនតាមអនឡាញក្តី ប៉ុន្តែអ្នកមិនត្រូវភ្លេចស្រាវជ្រាវ និងរៀនសូត្របន្ថែមដោយខ្លួនឯងឡើយ។ ដូចនេះគួរបន្តគោរពតាមគោលការណ៍របស់ខ្លួនស្វ័យសិក្សាជានិច្ច ទោះបីជាអ្នកកំពុងសិក្សាតាមអនឡាញ ឬសិក្សាពីចម្ងាយក្តី។
៦. ចូលរួមសកម្មភាពថ្នាក់រៀនឱ្យបានច្រើន៖ បង្កើតទំនាក់ទំនងឱ្យបានច្រើន ជាពិសេសជាមួយគ្រូបង្រៀន។ ចំណុចនេះមិនត្រឹមតែបង្ហាញថាអ្នកពិតជាបានតាមដានមេរៀនរបស់គាត់នោះទេ ប៉ុន្តែវានឹងធ្វើឱ្យលោកគ្រូអ្នកគ្រូអាចតាមដានពីការយល់ដឹងរបស់អ្នកទៅលើមេរៀនរបស់គាត់។ ធ្វើដូចនេះគ្រូបង្រៀននឹងអាចសម្រេចចិត្តបំពេញបន្ថែម ឬពន្យល់បន្ថែមដល់អ្នកជាមិនខាន។
៧. សម្របខ្លួនតាមរបៀបរៀនថ្មីជាក្រុម៖ ការប្រើប្រាស់កម្មវិធីរៀនអនឡាញក៏នឹងអាចក្លាយទៅជាកម្មវិធីសម្រាប់រៀនជាក្រុមអនឡាញផងដែរ ដូចនេះសិស្សត្រូវតែរៀនសម្របខ្លួនទៅតាមបច្ចេកវិទ្យាទាំងនេះឱ្យបានល្អ។
៨. រក្សាពេលវេលាសម្រាកខ្លួនឯងខ្លះ៖ អង្គុយមុខកំព្យូទ័រយូរម៉ោងមិនមែនជារឿងល្អនោះឡើយសម្រាប់សុខភាព ប្រសិនបើអ្នកចុះខ្សោយហើយនោះវានឹងផ្តល់ផលលំបាកជាច្រើនដល់ការសិក្សារបស់អ្នក និងគ្រួសាររបស់អ្នកជាក់ជាពុំខាន់។ រៀនផងត្រូវមានពេលវេលាសម្រាកផងទើបល្អ។
៩. ថែរក្សាសុខភាពផ្លូវចិត្ត និងផ្លូវកាយឱ្យបានល្អ៖ ការរៀនអនឡាញពិតជាមិនងាយស្រួលដូចការរៀនសូត្រក្នុងថ្នាក់ផ្ទាល់ឡើយ ដូចនេះទាមទារឱ្យសិស្សមានសុខភាពផ្លូវចិត្តល្អ និងមានសុខភាពល្អដើម្បីអាចតស៊ូនិងប្តេជ្ញាចិត្តខ្លួនឯងថាត្រូវតែរៀនឱ្យចេះ ទោះបីជាមិនបានជួបផ្ទាល់ជាមួយនឹងមិត្តភ័ក្ត្រ និងលោកគ្រូអ្នកគ្រូ។
ជីវប្រវត្តិ: ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Education និង AMS Economy ។
របាយការណ៍សំខាន់
ព័ត៌មានទូទៅ
អ្នកនិពន្ធ កំពុងព្រួយបារម្ភពីការប្រើប្រាស់ AI ឱ្យសរសេរស្នាដៃអក្សរសិល្ប៍
អាយុទើប១៣ឆ្នាំ បញ្ចប់បាក់ឌុប និទ្ទេស B! យុវតី ប៊ី បាន់លក្ស្មី មានសមត្ថភាពពិសេសតាំងពីកំណើត បំណងចង់ក្លាយជាគ្រូពេទ្យនាថ្ងៃអនាគត
ក្រសួងអប់រំ នឹងបង្ហាញពីការអប់រំភាសាបារាំងនៅកម្ពុជា ក្នុងព្រឹត្តិការណ៍អម “ភូមិហ្វ្រង់កូហ្វូនី”
បវេសនកាលឆ្នាំសិក្សាថ្មី ៖ ប្រមុខរាជរដ្ឋាភិបាល ដាក់ចេញនូវគន្លឹះសំខាន់ៗ ដើម្បីពង្រឹងគុណភាពអប់រំ
របៀបបណ្តុះកូនឱ្យចេះគិតបែបពិចារណា ៖ ៥ វិធីងាយៗដែលឪពុកម្តាយធ្វើបាននៅផ្ទះ
អាហារូបករណ៍ថ្នាក់បរិញ្ញាបត្រ សិក្សានៅសាកលវិទ្យាល័យ Alberta ប្រទេសកាណាដា
អ្នកជំនាញអប់រំគាំទ្រទិសដៅបន្ថែមម៉ោងសិក្សានៅសាលារដ្ឋដល់៦ម៉ោងក្នុងមួយថ្ងៃ តែស្នើសុំឱ្យមានធនធានគ្រប់គ្រាន់តាមលទ្ធភាពសាលា
សម្តេចធិបតី ៖ ការជ្រើសរើសគ្រូបង្រៀនតាមកិច្ចព្រមព្រៀងការងារ ដើម្បីដោះស្រាយបញ្ហាកង្វះគ្រូនៅតាមសាលារៀន
នាយករដ្ឋមន្ត្រីជំរុញឱ្យសាលារៀនពង្រឹងមុខវិជ្ជាអក្សរសាស្ត្រខ្មែរ និងគណិតវិទ្យា
រដ្ឋមន្រ្តីអប់រំ ៖ ចំណោមសិស្សនិទ្ទេស A, ជាង ៨៧% ជាសិស្សមកពីថ្នាក់វិទ្យាសាស្រ្ត
កម្មវិធីពិសេសរបស់ AMS EDUCATION
ព័ត៌មានសង្ខេប
